Acts 22 in the Greek of Nestle 1904. Acts is part of the historical books.
1
Ἄνδρες ἀδελφοὶ καὶ πατέρες, ἀκούσατέ μου τῆς πρὸς ὑμᾶς νυνὶ ἀπολογίας.
2
—ἀκούσαντες δὲ ὅτι τῇ Ἑβραΐδι διαλέκτῳ προσεφώνει αὐτοῖς μᾶλλον παρέσχον ἡσυχίαν. καὶ φησίν—
3
Ἐγώ εἰμι ἀνὴρ Ἰουδαῖος, γεγεννημένος ἐν Ταρσῷ τῆς Κιλικίας, ἀνατεθραμμένος δὲ ἐν τῇ πόλει ταύτῃ, παρὰ τοὺς πόδας Γαμαλιήλ πεπαιδευμένος κατὰ ἀκρίβειαν τοῦ πατρῴου νόμου, ζηλωτὴς ὑπάρχων τοῦ Θεοῦ καθὼς πάντες ὑμεῖς ἐστε σήμερον·
4
ὃς ταύτην τὴν Ὁδὸν ἐδίωξα ἄχρι θανάτου, δεσμεύων καὶ παραδιδοὺς εἰς φυλακὰς ἄνδρας τε καὶ γυναῖκας,
5
ὡς καὶ ὁ ἀρχιερεὺς μαρτυρεῖ μοι καὶ πᾶν τὸ πρεσβυτέριον· παρ’ ὧν καὶ ἐπιστολὰς δεξάμενος πρὸς τοὺς ἀδελφοὺς εἰς Δαμασκὸν ἐπορευόμην, ἄξων καὶ τοὺς ἐκεῖσε ὄντας δεδεμένους εἰς Ἱερουσαλὴμ ἵνα τιμωρηθῶσιν.
6
Ἐγένετο δέ μοι πορευομένῳ καὶ ἐγγίζοντι τῇ Δαμασκῷ περὶ μεσημβρίαν ἐξαίφνης ἐκ τοῦ οὐρανοῦ περιαστράψαι φῶς ἱκανὸν περὶ ἐμέ,
7
ἔπεσά τε εἰς τὸ ἔδαφος καὶ ἤκουσα φωνῆς λεγούσης μοι Σαοὺλ Σαούλ, τί με διώκεις;
8
ἐγὼ δὲ ἀπεκρίθην Τίς εἶ, Κύριε; εἶπέν τε πρὸς ἐμέ Ἐγώ εἰμι Ἰησοῦς ὁ Ναζωραῖος, ὃν σὺ διώκεις.
9
οἱ δὲ σὺν ἐμοὶ ὄντες τὸ μὲν φῶς ἐθεάσαντο, τὴν δὲ φωνὴν οὐκ ἤκουσαν τοῦ λαλοῦντός μοι.
10
εἶπον δέ Τί ποιήσω, Κύριε; ὁ δὲ Κύριος εἶπεν πρός με Ἀναστὰς πορεύου εἰς Δαμασκόν, κἀκεῖ σοι λαληθήσεται περὶ πάντων ὧν τέτακταί σοι ποιῆσαι.
11
ὡς δὲ οὐκ ἐνέβλεπον ἀπὸ τῆς δόξης τοῦ φωτὸς ἐκείνου, χειραγωγούμενος ὑπὸ τῶν συνόντων μοι ἦλθον εἰς Δαμασκόν.
12
Ἀνανίας δέ τις ἀνὴρ εὐλαβὴς κατὰ τὸν νόμον, μαρτυρούμενος ὑπὸ πάντων τῶν κατοικούντων Ἰουδαίων,
13
ἐλθὼν πρὸς ἐμὲ καὶ ἐπιστὰς εἶπέν μοι Σαοὺλ ἀδελφέ, ἀνάβλεψον. κἀγὼ αὐτῇ τῇ ὥρᾳ ἀνέβλεψα εἰς αὐτόν.
14
ὁ δὲ εἶπεν Ὁ Θεὸς τῶν πατέρων ἡμῶν προεχειρίσατό σε γνῶναι τὸ θέλημα αὐτοῦ καὶ ἰδεῖν τὸν Δίκαιον καὶ ἀκοῦσαι φωνὴν ἐκ τοῦ στόματος αὐτοῦ,
15
ὅτι ἔσῃ μάρτυς αὐτῷ πρὸς πάντας ἀνθρώπους ὧν ἑώρακας καὶ ἤκουσας.
16
καὶ νῦν τί μέλλεις; ἀναστὰς βάπτισαι καὶ ἀπόλουσαι τὰς ἁμαρτίας σου, ἐπικαλεσάμενος τὸ ὄνομα αὐτοῦ.
17
Ἐγένετο δέ μοι ὑποστρέψαντι εἰς Ἱερουσαλὴμ καὶ προσευχομένου μου ἐν τῷ ἱερῷ γενέσθαι με ἐν ἐκστάσει
18
καὶ ἰδεῖν αὐτὸν λέγοντά μοι Σπεῦσον καὶ ἔξελθε ἐν τάχει ἐξ Ἱερουσαλήμ, διότι οὐ παραδέξονταί σου μαρτυρίαν περὶ ἐμοῦ.
19
κἀγὼ εἶπον Κύριε, αὐτοὶ ἐπίστανται ὅτι ἐγὼ ἤμην φυλακίζων καὶ δέρων κατὰ τὰς συναγωγὰς τοὺς πιστεύοντας ἐπὶ σέ·
20
καὶ ὅτε ἐξεχύννετο τὸ αἷμα Στεφάνου τοῦ μάρτυρός σου, καὶ αὐτὸς ἤμην ἐφεστὼς καὶ συνευδοκῶν καὶ φυλάσσων τὰ ἱμάτια τῶν ἀναιρούντων αὐτόν.
21
καὶ εἶπεν πρός με Πορεύου, ὅτι ἐγὼ εἰς ἔθνη μακρὰν ἐξαποστελῶ σε.
22
Ἤκουον δὲ αὐτοῦ ἄχρι τούτου τοῦ λόγου, καὶ ἐπῆραν τὴν φωνὴν αὐτῶν λέγοντες Αἶρε ἀπὸ τῆς γῆς τὸν τοιοῦτον· οὐ γὰρ καθῆκεν αὐτὸν ζῆν.
23
κραυγαζόντων τε αὐτῶν καὶ ῥιπτούντων τὰ ἱμάτια καὶ κονιορτὸν βαλλόντων εἰς τὸν ἀέρα,
24
ἐκέλευσεν ὁ χιλίαρχος εἰσάγεσθαι αὐτὸν εἰς τὴν παρεμβολήν, εἴπας μάστιξιν ἀνετάζεσθαι αὐτὸν, ἵνα ἐπιγνῷ δι’ ἣν αἰτίαν οὕτως ἐπεφώνουν αὐτῷ.
25
ὡς δὲ προέτειναν αὐτὸν τοῖς ἱμᾶσιν, εἶπεν πρὸς τὸν ἑστῶτα ἑκατόνταρχον ὁ Παῦλος Εἰ ἄνθρωπον Ῥωμαῖον καὶ ἀκατάκριτον ἔξεστιν ὑμῖν μαστίζειν;
26
ἀκούσας δὲ ὁ ἑκατοντάρχης προσελθὼν τῷ χιλιάρχῳ ἀπήγγειλεν λέγων Τί μέλλεις ποιεῖν; ὁ γὰρ ἄνθρωπος οὗτος Ῥωμαῖός ἐστιν.
27
προσελθὼν δὲ ὁ χιλίαρχος εἶπεν αὐτῷ Λέγε μοι, σὺ Ῥωμαῖος εἶ; ὁ δὲ ἔφη Ναί.
28
ἀπεκρίθη δὲ ὁ χιλίαρχος Ἐγὼ πολλοῦ κεφαλαίου τὴν πολιτείαν ταύτην ἐκτησάμην. ὁ δὲ Παῦλος ἔφη Ἐγὼ δὲ καὶ γεγέννημαι.
29
εὐθέως οὖν ἀπέστησαν ἀπ’ αὐτοῦ οἱ μέλλοντες αὐτὸν ἀνετάζειν· καὶ ὁ χιλίαρχος δὲ ἐφοβήθη ἐπιγνοὺς ὅτι Ῥωμαῖός ἐστιν καὶ ὅτι αὐτὸν ἦν δεδεκώς.
30
Τῇ δὲ ἐπαύριον βουλόμενος γνῶναι τὸ ἀσφαλὲς, τὸ τί κατηγορεῖται ὑπὸ τῶν Ἰουδαίων, ἔλυσεν αὐτόν, καὶ ἐκέλευσεν συνελθεῖν τοὺς ἀρχιερεῖς καὶ πᾶν τὸ συνέδριον, καὶ καταγαγὼν τὸν Παῦλον ἔστησεν εἰς αὐτούς.
Click or tap any word for its parse and dictionary entry. ← and → move between chapters.
Text: Nestle, Novum Testamentum Graece, 1904 (public domain). Morphology: Ulrik Sandborg-Petersen via biblicalhumanities.org (CC0). Dictionary: Abbott-Smith, A Manual Greek Lexicon of the New Testament. Grammatical descriptions: STEP Bible, Tyndale House Cambridge (CC BY 4.0).
The words of this chapter
209 distinct words — each links to every other place it occurs.
ὁthe/this/who70καίand35ἐγώI/we28αὐτόςit/s/he25δέthen22λέγωto say15σύyou13εἰμίto be13εἰςtoward12ἀκούωto hear8πρόςto/with8ὅτιthat/since: that6πᾶςall6ὅςwhich6τίςwhich?6ἐνin/on/among5οὗτοςthis/he/she/it5χιλίαρχοςmilitary officer5ἀνήρman4τεand/both4ΔαμασκόςDamascus4πορεύωto travel4περίabout4φωνήvoice/sound: voice4κύριοςlord: God4οὐno4ῬωμαῖοςRoman4ἀδελφόςbrother3φημίto assert3ἸουδαῖοςJew3κατάaccording to3διώκωto pursue3ὡςas/when3ἹερουσαλήμJerusalem3γίνομαιto be3ἐκout from3φῶςlight3ΣαούλSaul3ποιέωto do/make: do3ἀπόaway from3ὑπόby/under: by3ὁράωto see: see3ἄνθρωποςa human3μέλλωto ensue3ΠαῦλοςPaul3πατήρfather2γεννάωto beget2παράfrom/with/beside2νόμοςlaw2θεόςGod2ἄχριuntil2ἀρχιερεύςhigh-priest2μαρτυρέωto testify2δέωto bind2ἵναin order that/to2ἀποκρίνωto answer2λαλέωto speak2ἀνίστημιto arise2ἔρχομαιto come/go2ἐφίστημιto approach2ἀναβλέπωto look up/again2κἀγώand I2γινώσκωto know2μάρτυςwitness2ἱμάτιονclothing2γάρfor2κελεύωto order2ἀνετάζωto question2ἐπιγινώσκωto come to know2ἵστημιto stand2ἑκατόνταρχοςcenturion2προσέρχομαιto come near/agree2νυνίnowἀπολογίαdefenceἙβραΐςHebrewδιάλεκτοςlanguageπροσφωνέωto call to/summonμᾶλλονmoreπαρέχωto furnish occasionἡσυχίαquietnessΤαρσόςTarsusΚιλικία, ΚιλικίαCiliciaἀνατρέφωto bring upπόλιςcityπούςfootΓαμαλιήλGamalielπαιδεύωto instructἀκρίβειαstrictnessπατρῷοςancestralζηλωτήςzealotὑπάρχωbe alreadyκαθώςas/just asσήμερονtodayὁδόςroadθάνατοςdeathδεσμεύωto bindπαραδίδωμιto deliverφυλακήprison/watch: prisonγυνήwomanπρεσβυτέριονcouncil of eldersἐπιστολήepistleδέχομαιto receiveἄγωto bringἐκεῖσεthereτιμωρέωto punishἐγγίζωto come nearμεσημβρίαnoon/southἐξαίφνηςsuddenlyοὐρανόςheavenπεριαστράπτωto shineἱκανόςsufficientπίπτωto collapseἔδαφοςgroundἸησοῦςJesusΝαζωραῖοςNazarethσύνwithμένon the other handθεάομαιto look atκἀκεῖand thereτάσσωto appointἐμβλέπωto look into/uponδόξαgloryἐκεῖνοςthatχειραγωγέωto guideσύνειμιbe withἈνανίαςAnaniasτιςoneεὐλαβήςdevoutκατοικέωto dwellὥραhourπροχειρίζωto appointθέλημαwill/desireδίκαιοςjustστόμαmouthνῦνnowβαπτίζωto baptizeἀπολούωto wash offἁμαρτίαsinἐπικαλέωto call (on)/nameὄνομαnameὑποστρέφωto returnπροσεύχομαιto prayἱερόνtempleἔκστασιςamazementσπεύδωto hastenἐξέρχομαιto go outτάχοςspeedδιότιbecauseπαραδέχομαιto welcomeμαρτυρίαtestimonyἐπίσταμαιto know/understandφυλακίζωto imprisonδέρωto beat upσυναγωγήsynagogueπιστεύωto trust (in)ἐπίupon/to/againstὅτεwhenἐκχέωto pour outαἷμαbloodΣτέφανοςStephenσυνευδοκέωto agree toφυλάσσωto keep/guard: observeἀναιρέωto killἔθνοςGentilesμακράνfarἐξαποστέλλωto send out/awayλόγοςwordἐπαίρωto lift upαἴρωto take upγῆearth: planetτοιοῦτοςsuch as thisκαθήκωbe fitζάωto liveκραυγάζωto shoutῥιπτέωto throw offκονιορτόςdustβάλλωto throw: throwἀήρairεἰσάγωto bring inπαρεμβολήbarracksμάστιξwhipδιάthrough/because ofαἰτίαcause/chargeοὕτωςthus(-ly)ἐπιφωνέωto shoutπροτείνωto stretch outἱμάςleather strapεἰifἀκατάκριτοςuncondemnedἔξεστι, ἐξόνbe permittedμαστίζωto whipἀπαγγέλλωto announceναίyesπολύςmuchκεφάλαιοςsumπολιτείαcitizenshipκτάομαιto possesεὐθέωςimmediatelyοὖνtherefore/thenἀφίστημιto leaveφοβέωto fearἐπαύριονthe next dayβούλομαιto planἀσφαλήςsecureκατηγορέωto accuseλύωto looseσυνέρχομαιto assembleσυνέδριονcouncilκατάγωto bring down