Acts 5 in the Greek of Nestle 1904. Acts is part of the historical books.
1
Ἀνὴρ δέ τις Ἀνανίας ὀνόματι σὺν Σαπφείρῃ τῇ γυναικὶ αὐτοῦ ἐπώλησεν κτῆμα,
2
καὶ ἐνοσφίσατο ἀπὸ τῆς τιμῆς, συνειδυίης καὶ τῆς γυναικός, καὶ ἐνέγκας μέρος τι παρὰ τοὺς πόδας τῶν ἀποστόλων ἔθηκεν.
3
εἶπεν δὲ ὁ Πέτρος Ἀνανία, διὰ τί ἐπλήρωσεν ὁ Σατανᾶς τὴν καρδίαν σου, ψεύσασθαί σε τὸ Πνεῦμα τὸ Ἅγιον καὶ νοσφίσασθαι ἀπὸ τῆς τιμῆς τοῦ χωρίου;
4
οὐχὶ μένον σοὶ ἔμενεν καὶ πραθὲν ἐν τῇ σῇ ἐξουσίᾳ ὑπῆρχεν; τί ὅτι ἔθου ἐν τῇ καρδίᾳ σου τὸ πρᾶγμα τοῦτο; οὐκ ἐψεύσω ἀνθρώποις ἀλλὰ τῷ Θεῷ.
5
ἀκούων δὲ ὁ Ἀνανίας τοὺς λόγους τούτους πεσὼν ἐξέψυξεν· καὶ ἐγένετο φόβος μέγας ἐπὶ πάντας τοὺς ἀκούοντας.
6
ἀναστάντες δὲ οἱ νεώτεροι συνέστειλαν αὐτὸν καὶ ἐξενέγκαντες ἔθαψαν.
7
Ἐγένετο δὲ ὡς ὡρῶν τριῶν διάστημα καὶ ἡ γυνὴ αὐτοῦ μὴ εἰδυῖα τὸ γεγονὸς εἰσῆλθεν.
8
ἀπεκρίθη δὲ πρὸς αὐτὴν Πέτρος Εἰπέ μοι, εἰ τοσούτου τὸ χωρίον ἀπέδοσθε; ἡ δὲ εἶπεν Ναί, τοσούτου.
9
ὁ δὲ Πέτρος πρὸς αὐτήν Τί ὅτι συνεφωνήθη ὑμῖν πειράσαι τὸ Πνεῦμα Κυρίου; ἰδοὺ οἱ πόδες τῶν θαψάντων τὸν ἄνδρα σου ἐπὶ τῇ θύρᾳ καὶ ἐξοίσουσίν σε.
10
ἔπεσεν δὲ παραχρῆμα πρὸς τοὺς πόδας αὐτοῦ καὶ ἐξέψυξεν· εἰσελθόντες δὲ οἱ νεανίσκοι εὗρον αὐτὴν νεκράν, καὶ ἐξενέγκαντες ἔθαψαν πρὸς τὸν ἄνδρα αὐτῆς.
11
Καὶ ἐγένετο φόβος μέγας ἐφ’ ὅλην τὴν ἐκκλησίαν καὶ ἐπὶ πάντας τοὺς ἀκούοντας ταῦτα.
12
Διὰ δὲ τῶν χειρῶν τῶν ἀποστόλων ἐγίνετο σημεῖα καὶ τέρατα πολλὰ ἐν τῷ λαῷ· καὶ ἦσαν ὁμοθυμαδὸν πάντες ἐν τῇ στοᾷ Σολομῶντος·
13
τῶν δὲ λοιπῶν οὐδεὶς ἐτόλμα κολλᾶσθαι αὐτοῖς, ἀλλ’ ἐμεγάλυνεν αὐτοὺς ὁ λαός·
14
μᾶλλον δὲ προσετίθεντο πιστεύοντες τῷ Κυρίῳ, πλήθη ἀνδρῶν τε καὶ γυναικῶν·
15
ὥστε καὶ εἰς τὰς πλατείας ἐκφέρειν τοὺς ἀσθενεῖς καὶ τιθέναι ἐπὶ κλιναρίων καὶ κραβάττων, ἵνα ἐρχομένου Πέτρου κἂν ἡ σκιὰ ἐπισκιάσῃ τινὶ αὐτῶν.
16
συνήρχετο δὲ καὶ τὸ πλῆθος τῶν πέριξ πόλεων Ἱερουσαλήμ, φέροντες ἀσθενεῖς καὶ ὀχλουμένους ὑπὸ πνευμάτων ἀκαθάρτων, οἵτινες ἐθεραπεύοντο ἅπαντες.
17
Ἀναστὰς δὲ ὁ ἀρχιερεὺς καὶ πάντες οἱ σὺν αὐτῷ, ἡ οὖσα αἵρεσις τῶν Σαδδουκαίων, ἐπλήσθησαν ζήλου
18
καὶ ἐπέβαλον τὰς χεῖρας ἐπὶ τοὺς ἀποστόλους καὶ ἔθεντο αὐτοὺς ἐν τηρήσει δημοσίᾳ.
19
Ἄγγελος δὲ Κυρίου διὰ νυκτὸς ἤνοιξε τὰς θύρας τῆς φυλακῆς ἐξαγαγών τε αὐτοὺς εἶπεν
20
Πορεύεσθε καὶ σταθέντες λαλεῖτε ἐν τῷ ἱερῷ τῷ λαῷ πάντα τὰ ῥήματα τῆς Ζωῆς ταύτης.
21
ἀκούσαντες δὲ εἰσῆλθον ὑπὸ τὸν ὄρθρον εἰς τὸ ἱερὸν καὶ ἐδίδασκον. Παραγενόμενος δὲ ὁ ἀρχιερεὺς καὶ οἱ σὺν αὐτῷ συνεκάλεσαν τὸ συνέδριον καὶ πᾶσαν τὴν γερουσίαν τῶν υἱῶν Ἰσραήλ, καὶ ἀπέστειλαν εἰς τὸ δεσμωτήριον ἀχθῆναι αὐτούς.
22
οἱ δὲ παραγενόμενοι ὑπηρέται οὐχ εὗρον αὐτοὺς ἐν τῇ φυλακῇ· ἀναστρέψαντες δὲ ἀπήγγειλαν
23
λέγοντες ὅτι Τὸ δεσμωτήριον εὕρομεν κεκλεισμένον ἐν πάσῃ ἀσφαλείᾳ καὶ τοὺς φύλακας ἑστῶτας ἐπὶ τῶν θυρῶν, ἀνοίξαντες δὲ ἔσω οὐδένα εὕρομεν.
24
ὡς δὲ ἤκουσαν τοὺς λόγους τούτους ὅ τε στρατηγὸς τοῦ ἱεροῦ καὶ οἱ ἀρχιερεῖς, διηπόρουν περὶ αὐτῶν τί ἂν γένοιτο τοῦτο.
25
παραγενόμενος δέ τις ἀπήγγειλεν αὐτοῖς ὅτι Ἰδοὺ οἱ ἄνδρες, οὓς ἔθεσθε ἐν τῇ φυλακῇ, εἰσὶν ἐν τῷ ἱερῷ ἑστῶτες καὶ διδάσκοντες τὸν λαόν.
26
Τότε ἀπελθὼν ὁ στρατηγὸς σὺν τοῖς ὑπηρέταις ἦγεν αὐτούς, οὐ μετὰ βίας, ἐφοβοῦντο γὰρ τὸν λαόν, μὴ λιθασθῶσιν·
27
ἀγαγόντες δὲ αὐτοὺς ἔστησαν ἐν τῷ συνεδρίῳ. καὶ ἐπηρώτησεν αὐτοὺς ὁ ἀρχιερεὺς
28
λέγων Παραγγελίᾳ παρηγγείλαμεν ὑμῖν μὴ διδάσκειν ἐπὶ τῷ ὀνόματι τούτῳ, καὶ ἰδοὺ πεπληρώκατε τὴν Ἱερουσαλὴμ τῆς διδαχῆς ὑμῶν, καὶ βούλεσθε ἐπαγαγεῖν ἐφ’ ἡμᾶς τὸ αἷμα τοῦ ἀνθρώπου τούτου.
29
ἀποκριθεὶς δὲ Πέτρος καὶ οἱ ἀπόστολοι εἶπαν Πειθαρχεῖν δεῖ Θεῷ μᾶλλον ἢ ἀνθρώποις.
30
ὁ Θεὸς τῶν πατέρων ἡμῶν ἤγειρεν Ἰησοῦν, ὃν ὑμεῖς διεχειρίσασθε κρεμάσαντες ἐπὶ ξύλου·
31
τοῦτον ὁ Θεὸς Ἀρχηγὸν καὶ Σωτῆρα ὕψωσεν τῇ δεξιᾷ αὐτοῦ τοῦ δοῦναι μετάνοιαν τῷ Ἰσραὴλ καὶ ἄφεσιν ἁμαρτιῶν.
32
καὶ ἡμεῖς ἐσμεν μάρτυρες τῶν ῥημάτων τούτων, καὶ τὸ Πνεῦμα τὸ Ἅγιον ὃ ἔδωκεν ὁ Θεὸς τοῖς πειθαρχοῦσιν αὐτῷ.
33
οἱ δὲ ἀκούσαντες διεπρίοντο καὶ ἐβούλοντο ἀνελεῖν αὐτούς.
34
Ἀναστὰς δέ τις ἐν τῷ συνεδρίῳ Φαρισαῖος ὀνόματι Γαμαλιήλ, νομοδιδάσκαλος τίμιος παντὶ τῷ λαῷ, ἐκέλευσεν ἔξω βραχὺ τοὺς ἀνθρώπους ποιῆσαι,
35
εἶπέν τε πρὸς αὐτούς Ἄνδρες Ἰσραηλεῖται, προσέχετε ἑαυτοῖς ἐπὶ τοῖς ἀνθρώποις τούτοις τί μέλλετε πράσσειν.
36
πρὸ γὰρ τούτων τῶν ἡμερῶν ἀνέστη Θευδᾶς, λέγων εἶναί τινα ἑαυτόν, ᾧ προσεκλίθη ἀνδρῶν ἀριθμὸς ὡς τετρακοσίων· ὃς ἀνῃρέθη, καὶ πάντες ὅσοι ἐπείθοντο αὐτῷ διελύθησαν καὶ ἐγένοντο εἰς οὐδέν.
37
μετὰ τοῦτον ἀνέστη Ἰούδας ὁ Γαλιλαῖος ἐν ταῖς ἡμέραις τῆς ἀπογραφῆς καὶ ἀπέστησεν λαὸν ὀπίσω αὐτοῦ· κἀκεῖνος ἀπώλετο, καὶ πάντες ὅσοι ἐπείθοντο αὐτῷ διεσκορπίσθησαν.
38
καὶ τὰ νῦν λέγω ὑμῖν, ἀπόστητε ἀπὸ τῶν ἀνθρώπων τούτων καὶ ἄφετε αὐτούς· ὅτι ἐὰν ᾖ ἐξ ἀνθρώπων ἡ βουλὴ αὕτη ἢ τὸ ἔργον τοῦτο, καταλυθήσεται·
39
εἰ δὲ ἐκ Θεοῦ ἐστιν, οὐ δυνήσεσθε καταλῦσαι αὐτούς, μή ποτε καὶ θεομάχοι εὑρεθῆτε. ἐπείσθησαν δὲ αὐτῷ,
40
καὶ προσκαλεσάμενοι τοὺς ἀποστόλους δείραντες παρήγγειλαν μὴ λαλεῖν ἐπὶ τῷ ὀνόματι τοῦ Ἰησοῦ καὶ ἀπέλυσαν.
41
Οἱ μὲν οὖν ἐπορεύοντο χαίροντες ἀπὸ προσώπου τοῦ συνεδρίου, ὅτι κατηξιώθησαν ὑπὲρ τοῦ Ὀνόματος ἀτιμασθῆναι·
42
πᾶσάν τε ἡμέραν ἐν τῷ ἱερῷ καὶ κατ’ οἶκον οὐκ ἐπαύοντο διδάσκοντες καὶ εὐαγγελιζόμενοι τὸν Χριστὸν Ἰησοῦν.
Click or tap any word for its parse and dictionary entry. ← and → move between chapters.
Text: Nestle, Novum Testamentum Graece, 1904 (public domain). Morphology: Ulrik Sandborg-Petersen via biblicalhumanities.org (CC0). Dictionary: Abbott-Smith, A Manual Greek Lexicon of the New Testament. Grammatical descriptions: STEP Bible, Tyndale House Cambridge (CC BY 4.0).
The words of this chapter
259 distinct words — each links to every other place it occurs.
ὁthe/this/who123καίand52αὐτόςit/s/he32δέthen29οὗτοςthis/he/she/it16ἐνin/on/among14ἐπίupon/to/against12σύyou11πᾶςall11λέγωto say10ἀνήρman7ἄνθρωποςa human7γίνομαιto be7λαόςa people7εἰμίto be7τιςone6ὅτιthat/since: that6θεόςGod6ἀκούωto hear6ὄνομαname5ἀπόστολοςapostle5τίθημιto place5ΠέτροςPeter5τίςwhich?5οὐno5ἀνίστημιto arise5μήnot5πρόςto/with5εὑρίσκωto find/meet5τεand/both5ἱερόνtemple5ὅςwhich5σύνwith4γυνήwoman4ἀπόaway from4πνεῦμαspirit/breath: spirit4ἐκφέρωto bring/carry out4ἐγώI/we4εἰςtoward4ἀρχιερεύςhigh-priest4ἵστημιto stand4διδάσκωto teach4συνέδριονcouncil4ἈνανίαςAnanias3πούςfoot3διάthrough/because of3θάπτωto bury3ὡςas/when3εἰσέρχομαιto enter3κύριοςlord: God3ὁράωto see: see3θύραdoor3οὐδείςnone3φυλακήprison/watch: prison3παραγίνομαιto come3ἄγωto bring3ἸησοῦςJesus3ἡμέραday3πείθωto persuade3νοσφίζωto embezzle2τιμήhonor2φέρωto bear/lead2πληρόωto fulfill2καρδίαheart2ψεύδομαιto lie2ἅγιοςholy2χωρίονplace2μένωto stay2ἀλλάbut2λόγοςword2πίπτωto collapse2ἐκψύχωto expire2φόβοςfear2μέγαςgreat2ἀποκρίνωto answer2εἰif2τοσοῦτοςso great2χείρhand2μᾶλλονmore2πλῆθοςmultitude2ἀσθενήςweak2ἹερουσαλήμJerusalem2ὑπόby/under: by2ἀνοίγωto open2πορεύωto travel2λαλέωto speak2ῥῆμαdeclaration2ἸσραήλIsrael2δεσμωτήριονprison2ὑπηρέτηςservant2ἀπαγγέλλωto announce2στρατηγόςofficer/magistrate2μετάwith/after2γάρfor2παραγγέλλωto order2βούλομαιto plan2πειθαρχέωto obey2ἤor2δίδωμιto give2ἀναιρέωto kill2ἑαυτοῦthemself2ὅσοςjust as/how much2ἀφίστημιto leave2ἐκout from2καταλύωto destroy/lodge2ΣαπφείρηSapphiraπωλέωto sellκτῆμαpossessionσυνείδωbe awareμέροςpartπαράfrom/with/besideΣατανᾶςSatanοὐχίnot!πιπράσκωto sellσόςyourἐξουσίαauthorityὑπάρχωbe alreadyπρᾶγμαthingνέοςnewσυστέλλωto wrap upὥραhourτρεῖςThreeδιάστημαintervalεἴδωto perceive: understandἀποδίδωμιto payναίyesσυμφωνέωto agree withπειράζωto test/tempt: temptπαραχρῆμαinstantlyνεανίσκοςyoung manνεκρόςdeadὅλοςallἐκκλησίαassemblyσημεῖονsignτέραςwondersπολύςmuchὁμοθυμαδόνunitedστοάPorticoΣολομών, ΣαλωμώνSolomonλοιπόςremainingτολμάωbe boldκολλάωto joinμεγαλύνωto magnifyπροστίθημιto add (to)πιστεύωto trust (in)ὥστεsoπλατεῖαwide street/roadκλινίδιονbedκράββατοςbedἵναin order that/toἔρχομαιto come/goκἄνand/even ifσκιάshadowἐπισκιάζωto overshadowσυνέρχομαιto assembleπέριξaroundπόλιςcityὀχλέωto disturbἀκάθαρτοςuncleanὅστιςwho/whichθεραπεύωto serve/healἅπαςallαἵρεσιςsectΣαδδουκαῖοςSadduceeπλήθω, πίμπλημιto fillζῆλοςzealἐπιβάλλωto put on/seizeτήρησιςjail/keepingδημόσιοςpublicἄγγελοςangelνύξnightἐξάγωto lead outζωήlifeὄρθροςdawnσυγκαλέωto call togetherγερουσίαcouncil of eldersυἱόςsonἀποστέλλωto sendἀναστρέφωto live/returnκλείωto shutἀσφάλειαsecurityφυλακτήριοςguardἔσωin/inner/inwardlyδιαπορέωbe perplexedπερίaboutἄνifτότεthenἀπέρχομαιto go awayβίαforceφοβέωto fearλιθάζωto stoneἐπερωτάωto questionπαραγγελίαorderδιδαχήteachingἐπάγωto bring uponαἷμαbloodδεῖbe necessaryπατήρfatherἐγείρωto ariseδιαχειρίζωto killκρεμάωto hangξύλονwoodἀρχηγόςfounderσωτήρsaviorὑψόωto lift upδεξιόςrightμετάνοιαrepentanceἄφεσιςforgivenessἁμαρτίαsinμάρτυςwitnessδιαπρίωbe furiousΦαρισαῖοςPhariseeΓαμαλιήλGamalielνομοδιδάσκαλοςteacher of the lawτίμιοςpreciousκελεύωto orderἔξωout/outside(r)βραχύςlittleποιέωto do/make: doἸσραηλίτηςIsraeliteπροσέχωto watch outμέλλωto ensueπράσσωto do/requireπρόbeforeΘευδᾶςTheudasπρόσκλισιςpartialityἀριθμόςnumberτετρακόσιοιfour hundredδιαλύωto disperseἸούδαςJudasΓαλιλαῖοςGalileanἀπογραφήcensusὀπίσωafterκἀκεῖνοςand that oneἀπολλύωto destroyδιασκορπίζωto scatterνῦνnowἀφίημιto release: leaveἐάνifβουλήplanἔργονworkδύναμαιbe ableπότεwhen?θεομάχοςopposing Godπροσκαλέωto call to/summonδέρωto beat upἀπολύωto release: releaseμένon the other handοὖνtherefore/thenχαίρωto rejoiceπρόσωπονfaceκαταξιόωto consider worthyὑπέρabove/forἀτιμάζωto dishonorκατάaccording toοἶκοςhouse: homeπαύωto ceaseεὐαγγελίζομαιto speak good newsΧριστόςChrist