Proverbs 7 in Hebrew – The Ancient Bible

Ancient Bible › Old Testament › Proverbs › 7

Proverbs 7 in the Hebrew of the Westminster Leningrad Codex. Proverbs is part of the poetic and wisdom literature.

Hebrew · Poetry & Wisdom

Proverbs 7

Westminster Leningrad Codex · every word parsed

1
בְּ֭נִי שְׁמֹ֣ר אֲמָרָ֑י וּ֝מִצְוֺתַ֗י תִּצְפֹּ֥ן אִתָּֽךְ׃ 
2
שְׁמֹ֣ר מִצְוֺתַ֣י וֶחְיֵ֑ה וְ֝תוֹרָתִ֗י כְּאִישׁ֥וֹן עֵינֶֽיךָ׃ 
3
קָשְׁרֵ֥ם עַל־אֶצְבְּעֹתֶ֑יךָ כָּ֝תְבֵ֗ם עַל־ל֥וּחַ לִבֶּֽךָ׃ 
4
אֱמֹ֣ר לַֽ֭חָכְמָה אֲחֹ֣תִי אָ֑תְּ וּ֝מֹדָ֗ע לַבִּינָ֥ה תִקְרָֽא׃ 
5
לִ֭שְׁמָרְךָ מֵאִשָּׁ֣ה זָרָ֑ה מִ֝נָּכְרִיָּ֗ה אֲמָרֶ֥יהָ הֶחֱלִֽיקָה׃ 
6
כִּ֭י בְּחַלּ֣וֹן בֵּיתִ֑י בְּעַ֖ד אֶשְׁנַבִּ֣י נִשְׁקָֽפְתִּי׃ 
7
וָאֵ֤רֶא בַפְּתָאיִ֗ם אָ֘בִ֤ינָה בַבָּנִ֗ים נַ֣עַר חֲסַר־לֵֽב׃ 
8
עֹבֵ֣ר בַּ֭שּׁוּק אֵ֣צֶל פִּנָּ֑הּ וְדֶ֖רֶךְ בֵּיתָ֣הּ יִצְעָֽד׃ 
9
בְּנֶֽשֶׁף־בְּעֶ֥רֶב י֑וֹם בְּאִישׁ֥וֹן לַ֝֗יְלָה וַאֲפֵלָֽה׃ 
10
וְהִנֵּ֣ה אִ֭שָּׁה לִקְרָאת֑וֹ שִׁ֥ית ז֝וֹנָ֗ה וּנְצֻ֥רַת לֵֽב׃ 
11
הֹמִיָּ֣ה הִ֣יא וְסֹרָ֑רֶת בְּ֝בֵיתָ֗הּ לֹא־יִשְׁכְּנ֥וּ רַגְלֶֽיהָ׃ 
12
פַּ֤עַם ׀ בַּח֗וּץ פַּ֥עַם בָּרְחֹב֑וֹת וְאֵ֖צֶל כָּל־פִּנָּ֣ה תֶאֱרֹֽב׃ 
13
וְהֶחֱזִ֣יקָה בּ֭וֹ וְנָ֣שְׁקָה־לּ֑וֹ הֵעֵ֥זָה פָ֝נֶ֗יהָ וַתֹּ֣אמַר לֽוֹ׃ 
14
זִבְחֵ֣י שְׁלָמִ֣ים עָלָ֑י הַ֝יּ֗וֹם שִׁלַּ֥מְתִּי נְדָרָֽי׃ 
15
עַל־כֵּ֭ן יָצָ֣אתִי לִקְרָאתֶ֑ךָ לְשַׁחֵ֥ר פָּ֝נֶ֗יךָ וָאֶמְצָאֶֽךָּ׃ 
16
מַ֭רְבַדִּים רָבַ֣דְתִּי עַרְשִׂ֑י חֲ֝טֻב֗וֹת אֵט֥וּן מִצְרָֽיִם׃ 
17
נַ֥פְתִּי מִשְׁכָּבִ֑י מֹ֥ר אֲ֝הָלִ֗ים וְקִנָּמֽוֹן׃ 
18
לְכָ֤ה נִרְוֶ֣ה דֹ֭דִים עַד־הַבֹּ֑קֶר נִ֝תְעַלְּסָ֗ה בָּאֳהָבִֽים׃ 
19
כִּ֤י אֵ֣ין הָאִ֣ישׁ בְּבֵית֑וֹ הָ֝לַ֗ךְ בְּדֶ֣רֶךְ מֵרָחֽוֹק׃ 
20
צְֽרוֹר־הַ֭כֶּסֶף לָקַ֣ח בְּיָד֑וֹ לְי֥וֹם הַ֝כֵּ֗סֶא יָבֹ֥א בֵיתֽוֹ׃ 
21
הִ֭טַּתּוּ בְּרֹ֣ב לִקְחָ֑הּ בְּחֵ֥לֶק שְׂ֝פָתֶ֗יהָ תַּדִּיחֶֽנּוּ׃ 
22
ה֤וֹלֵ֥ךְ אַחֲרֶ֗יהָ פִּ֫תְאֹ֥ם כְּ֭שׁוֹר אֶל־טָ֣בַח יָב֑וֹא וּ֝כְעֶ֗כֶס אֶל־מוּסַ֥ר אֱוִֽיל׃ 
23
עַ֤ד יְפַלַּ֪ח חֵ֡ץ כְּֽבֵד֗וֹ כְּמַהֵ֣ר צִפּ֣וֹר אֶל־פָּ֑ח וְלֹֽא־יָ֝דַ֗ע כִּֽי־בְנַפְשׁ֥וֹ הֽוּא׃ 
24
וְעַתָּ֣ה בָ֭נִים שִׁמְעוּ־לִ֑י וְ֝הַקְשִׁ֗יבוּ לְאִמְרֵי־פִֽי׃ 
25
אַל־יֵ֣שְׂטְ אֶל־דְּרָכֶ֣יהָ לִבֶּ֑ךָ אַל־תֵּ֝תַע בִּנְתִיבוֹתֶֽיהָ׃ 
26
כִּֽי־רַבִּ֣ים חֲלָלִ֣ים הִפִּ֑ילָה וַ֝עֲצֻמִ֗ים כָּל־הֲרֻגֶֽיהָ׃ 
27
דַּרְכֵ֣י שְׁא֣וֹל בֵּיתָ֑הּ יֹ֝רְד֗וֹת אֶל־חַדְרֵי־מָֽוֶת׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

144 distinct words — each links to every other place it occurs.

בַּ֫יִתhouse6 אֶלmotion to5 עַלabove4 לֵבinner man4 כִּיthat4 דֶּ֫רֶךְway4 בֵּןson3 שָׁמַרkeep3 אֵמֶרutterance3 יוֹםday3 מִצְוָהcommandment2 אִישׁוֹןpupil2 אָמַרutter2 אִשָּׁהwoman2 אֵ֫צֶלconjunction2 פִּנָּהcorner2 קִרְאָהencounter2 הוּאhe2 לֹאnot2 פַּ֫עַםbeat2 כֹּלthe whole2 פָּנֶהface2 עַדas far as2 הָלַךְgo2 בּוֹאcome in2 אַלnot2 צָפַןhide אֵתwith חָיָהlive תּוֹרָהdirection עַ֫יִןeye קָשַׁרbind אֶצְבַּעfinger כָּתַבwrite לוּחַtablet חׇכְמָהwisdom אָחוֹתsister אַתְּthou מוֹדַעkinsman בִּינָהunderstanding קָרָאcall זוּרbe a stranger נׇכְרִיforeign חָלַקbe smooth חַלּוֹןwindow בַּ֫עַדseparation אֶשְׁנָבwindow-lattice שָׁקַףoverhang רָאָהsee פֶּ֫תִיsimple בִּיןdiscern נַ֫עַרboy חָסֵרneedy עָבַרpass over שׁוּקstreet צָעַדstep נֶ֫שֶׁףtwilight עֶ֫רֶבset לַ֫יְלָהnight אֲפֵלָהdarkness הִנֵּהlo!שִׁיתgarment זָנָהcommit fornication נָצַרwatch הָמָהmurmur סָרַרbe stubborn שָׁכַןsettle down רֶ֫גֶלfoot חוּץthe outside רְחוֹבbroad open place אָרַבlie in wait חָזַקbe firm נָשַׁקkiss עָזַזbe strong זֶ֫בַחsacrifice שֶׁ֫לֶםsacrifice for alliance שָׁלֵםbe complete נֶ֫דֶרvow כֵּןso יָצָאgo out שָׁחַרlook early מָצָאattain to מַרְבָדspread רָבַדbe-spread עֶ֫רֶשׂcouch חֲטֻבוֹתdark-hued אֵטוּןthread מִצְרַ֫יִםEgypt נוּףmove to and fro מִשְׁכָּבplace of lying מֹרmyrrh אָהָלaloe קִנָּמוֹןcinnamon יָלַךְgo רָוָהbe saturated דּוֹדbeloved בֹּ֫קֶרmorning עָלַסrejoice אֹ֫הַבamours אַ֫יִןnothing אִישׁman רָחֹקdistant צְרוֹרbundle כֶּ֫סֶףsilver לָקַחtake יָדhand כֶּ֫סֶאfull moon נָטָהstretch out רֹבmultitude לֶ֫קַחlearning חֵ֫לֶקsmoothness שָׂפָהlip נָדַחimpel אַחַרthe hinder פִּתְאֹםsuddenness שׁוֹרa head of cattle טֶ֫בַחslaughtering עֶ֫כֶסanklet מוּסָרdiscipline אֱוִילfoolish פָּלַחcleave חֵץarrow כָּבֵדliver מָהַרhasten צִפּוֹרbird פַּחbird-trap יָדַעknow נֶ֫פֶשׁsoul עַתָּ֫הnow שָׁמַעhear קָשַׁבincline פֶּהmouth שָׂטָהturn aside תָּעָהerr נְתִיבָהpath רַבmuch חָלָלpierced נָפַלfall עָצוּםmighty הָרַגkill שְׁאוֹלShᵉ’ōl יָרַדcome down חֶ֫דֶרchamber מָ֫וֶתdeath