Proverbs 14 in Hebrew – The Ancient Bible

Ancient Bible › Old Testament › Proverbs › 14

Proverbs 14 in the Hebrew of the Westminster Leningrad Codex. Proverbs is part of the poetic and wisdom literature.

Hebrew · Poetry & Wisdom

Proverbs 14

Westminster Leningrad Codex · every word parsed

1
חַכְמ֣וֹת נָ֭שִׁים בָּנְתָ֣ה בֵיתָ֑הּ וְ֝אִוֶּ֗לֶת בְּיָדֶ֥יהָ תֶהֶרְסֶֽנּוּ׃ 
2
הוֹלֵ֣ךְ בְּ֭יָשְׁרוֹ יְרֵ֣א יְהוָ֑ה וּנְל֖וֹז דְּרָכָ֣יו בּוֹזֵֽהוּ׃ 
3
בְּֽפִי־אֱ֭וִיל חֹ֣טֶר גַּאֲוָ֑ה וְשִׂפְתֵ֥י חֲ֝כָמִ֗ים תִּשְׁמוּרֵֽם׃ 
4
בְּאֵ֣ין אֲ֭לָפִים אֵב֣וּס בָּ֑ר וְרָב־תְּ֝בוּא֗וֹת בְּכֹ֣חַ שֽׁוֹר׃ 
5
עֵ֣ד אֱ֭מוּנִים לֹ֣א יְכַזֵּ֑ב וְיָפִ֥יחַ כְּ֝זָבִ֗ים עֵ֣ד שָֽׁקֶר׃ 
6
בִּקֶּשׁ־לֵ֣ץ חָכְמָ֣ה וָאָ֑יִן וְדַ֖עַת לְנָב֣וֹן נָקָֽל׃ 
7
לֵ֣ךְ מִ֭נֶּגֶד לְאִ֣ישׁ כְּסִ֑יל וּבַל־יָ֝דַ֗עְתָּ שִׂפְתֵי־דָֽעַת׃ 
8
חָכְמַ֣ת עָ֭רוּם הָבִ֣ין דַּרְכּ֑וֹ וְאִוֶּ֖לֶת כְּסִילִ֣ים מִרְמָֽה׃ 
9
אֱ֭וִלִים יָלִ֣יץ אָשָׁ֑ם וּבֵ֖ין יְשָׁרִ֣ים רָצֽוֹן׃ 
10
לֵ֗ב י֭וֹדֵעַ מָרַּ֣ת נַפְשׁ֑וֹ וּ֝בְשִׂמְחָת֗וֹ לֹא־יִתְעָ֥רַב זָֽר׃ 
11
בֵּ֣ית רְ֭שָׁעִים יִשָּׁמֵ֑ד וְאֹ֖הֶל יְשָׁרִ֣ים יַפְרִֽיחַ׃ 
12
יֵ֤שׁ דֶּ֣רֶךְ יָ֭שָׁר לִפְנֵי־אִ֑ישׁ וְ֝אַחֲרִיתָ֗הּ דַּרְכֵי־מָֽוֶת׃ 
13
גַּם־בִּשְׂח֥וֹק יִכְאַב־לֵ֑ב וְאַחֲרִיתָ֖הּ שִׂמְחָ֣ה תוּגָֽה׃ 
14
מִדְּרָכָ֣יו יִ֭שְׂבַּע ס֣וּג לֵ֑ב וּ֝מֵעָלָ֗יו אִ֣ישׁ טֽוֹב׃ 
15
פֶּ֭תִי יַאֲמִ֣ין לְכָל־דָּבָ֑ר וְ֝עָר֗וּם יָבִ֥ין לַאֲשֻׁרֽוֹ׃ 
16
חָכָ֣ם יָ֭רֵא וְסָ֣ר מֵרָ֑ע וּ֝כְסִ֗יל מִתְעַבֵּ֥ר וּבוֹטֵֽחַ׃ 
17
קְֽצַר־אַ֭פַּיִם יַעֲשֶׂ֣ה אִוֶּ֑לֶת וְאִ֥ישׁ מְ֝זִמּ֗וֹת יִשָּׂנֵֽא׃ 
18
נָחֲל֣וּ פְתָאיִ֣ם אִוֶּ֑לֶת וַֽ֝עֲרוּמִ֗ים יַכְתִּ֥רוּ דָֽעַת׃ 
19
שַׁח֣וּ רָ֭עִים לִפְנֵ֣י טוֹבִ֑ים וּ֝רְשָׁעִ֗ים עַֽל־שַׁעֲרֵ֥י צַדִּֽיק׃ 
20
גַּם־לְ֭רֵעֵהוּ יִשָּׂ֣נֵא רָ֑שׁ וְאֹהֲבֵ֖י עָשִׁ֣יר רַבִּֽים׃ 
21
בָּז־לְרֵעֵ֥הוּ חוֹטֵ֑א וּמְחוֹנֵ֖ן עֲנָוִ֣ים אַשְׁרָֽיו׃ 
22
הֲֽלוֹא־יִ֭תְעוּ חֹ֣רְשֵׁי רָ֑ע וְחֶ֥סֶד וֶ֝אֱמֶ֗ת חֹ֣רְשֵׁי טֽוֹב׃ 
23
בְּכָל־עֶ֭צֶב יִהְיֶ֣ה מוֹתָ֑ר וּדְבַר־שְׂ֝פָתַ֗יִם אַךְ־לְמַחְסֽוֹר׃ 
24
עֲטֶ֣רֶת חֲכָמִ֣ים עָשְׁרָ֑ם אִוֶּ֖לֶת כְּסִילִ֣ים אִוֶּֽלֶת׃ 
25
מַצִּ֣יל נְ֭פָשׁוֹת עֵ֣ד אֱמֶ֑ת וְיָפִ֖חַ כְּזָבִ֣ים מִרְמָֽה׃ 
26
בְּיִרְאַ֣ת יְ֭הוָה מִבְטַח־עֹ֑ז וּ֝לְבָנָ֗יו יִהְיֶ֥ה מַחְסֶֽה׃ 
27
יִרְאַ֣ת יְ֭הוָה מְק֣וֹר חַיִּ֑ים לָ֝ס֗וּר מִמֹּ֥קְשֵׁי מָֽוֶת׃ 
28
בְּרָב־עָ֥ם הַדְרַת־מֶ֑לֶךְ וּבְאֶ֥פֶס לְ֝אֹ֗ם מְחִתַּ֥ת רָזֽוֹן׃ 
29
אֶ֣רֶךְ אַ֭פַּיִם רַב־תְּבוּנָ֑ה וּקְצַר־ר֝֗וּחַ מֵרִ֥ים אִוֶּֽלֶת׃ 
30
חַיֵּ֣י בְ֭שָׂרִים לֵ֣ב מַרְפֵּ֑א וּרְקַ֖ב עֲצָמ֣וֹת קִנְאָֽה׃ 
31
עֹ֣שֵֽׁק דָּ֭ל חֵרֵ֣ף עֹשֵׂ֑הוּ וּ֝מְכַבְּד֗וֹ חֹנֵ֥ן אֶבְיֽוֹן׃ 
32
בְּֽ֭רָעָתוֹ יִדָּחֶ֣ה רָשָׁ֑ע וְחֹסֶ֖ה בְמוֹת֣וֹ צַדִּֽיק׃ 
33
בְּלֵ֣ב נָ֭בוֹן תָּנ֣וּחַ חָכְמָ֑ה וּבְקֶ֥רֶב כְּ֝סִילִ֗ים תִּוָּדֵֽעַ׃ 
34
צְדָקָ֥ה תְרֽוֹמֵֽם־גּ֑וֹי וְחֶ֖סֶד לְאֻמִּ֣ים חַטָּֽאת׃ 
35
רְֽצוֹן־מֶ֭לֶךְ לְעֶ֣בֶד מַשְׂכִּ֑יל וְ֝עֶבְרָת֗וֹ תִּהְיֶ֥ה מֵבִֽישׁ׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

161 distinct words — each links to every other place it occurs.

אִוֶּ֫לֶתfolly7 דֶּ֫רֶךְway5 כְּסִילstupid fellow5 לֵבinner man5 בִּיןdiscern4 אִישׁman4 יהוהJehovah3 שָׂפָהlip3 חָכָםwise3 עֵדwitness3 לֹאnot3 חׇכְמָהwisdom3 דַּ֫עַתknowledge3 יָדַעknow3 עָרוּםcrafty3 יָשָׁרstraight3 רָשָׁעwicked3 מָ֫וֶתdeath3 הָיָהfall out3 בַּ֫יִתhouse2 יָרֵאfearing2 אֱוִילfoolish2 אַ֫יִןnothing2 רֹבmultitude2 פּוּחַbreathe2 כָּזָבlie2 לִיץscorn2 מִרְמָהdeceit2 רָצוֹןgoodwill2 נֶ֫פֶשׁsoul2 שִׂמְחָהjoy2 פָּנֶהface2 אַחֲרִיתafter-part2 גַּםalso2 עַלabove2 טוֹבpleasant2 פֶּ֫תִיsimple2 כֹּלthe whole2 דָּבָרspeech2 סוּרturn aside2 רַעbad2 קָצֵרshort2 אַףnostril2 עָשָׂהdo2 שָׂנֵאhate2 צַדִּיקjust2 רֵעַfriend2 רַבmuch2 חָנַןshew favour2 חָרַשׁcut in2 אֱמֶתfirmness2 יִרְאָהfear2 חַיִּיםlife2 מֶ֫לֶךְking2 לְאֹםpeople2 רוּםbe high2 חׇכְמוֹתwisdom אִשָּׁהwoman בָּנָהbuild יָדhand הָרַסthrow down הָלַךְgo יֹ֫שֶׁרstraightness לוּזturn aside בָּזָהdespise פֶּהmouth חֹטֵרbranch גַּאֲוָהmajesty שָׁמַרkeep אֶ֫לֶףcattle אֵבוּסcrib בַּרpure תְּבוּאָהproduct כֹּחַstrength שׁוֹרa head of cattle אֵמֻןtrusting כָּזַבlie שֶׁ֫קֶרdeception בָּקַשׁseek קָלַלbe slight יָלַךְgo נֶ֫גֶדwhat is conspicuous בַּלnot אָשָׁםoffence בֵּיןinterval מׇרָּהbitterness עָרַבtake on pledge זוּרbe a stranger שָׁמַדbe exterminated אֹ֫הֶלtent פָּרַחbud יֵשׁbeing שְׂחֹקlaughter כָּאַבbe in pain תּוּגָהgrief שָׂבֵעַbe sated סוּגmove away אָמַןconfirm אֲשׁוּרstep עָבַרbe arrogant בָּטַחtrust מְזִמָּהpurpose נָחַלget as a possession כָּתַרsurround שָׁחַחbow שַׁ֫עַרgate רוּשׁbe in want אָהֵבlove עָשִׁירrich בּוּזdespise חָטָאmiss עָנָוpoor אֶ֫שֶׁרhappiness תָּעָהerr רַעevil חֶ֫סֶדgoodness טוֹבa good thing עֶ֫צֶבpain מוֹתָרabundance אַךְsurely מַחְסוֹרneed עֲטָרָהcrown עֹ֫שֶׁרriches נָצַלstrip מִבְטָחconfidence עֹזstrength בֵּןson מַחְסֶּהrefuge מָקוֹרspring מוֹקֵשׁa bait עַםpeople הֲדָרָהadornment אֶ֫פֶסceasing מְחִתָּהterror רָזוֹןpotentate אָרֵךְlong תְּבוּנָהunderstanding רוּחַbreath בָּשָׂרflesh מַרְפֵּאhealing רָקָבrottenness עֶ֫צֶםbone קִנְאָהardour עָשַׁקoppress דַּלlow חָרַףreproach כָּבֵדbe heavy אֶבְיוֹןin want רָעָהevil דָּחָהpush חָסָהseek refuge נוּחַrest קֶ֫רֶבinward part צְדָקָהrighteousness גּוֹיnation חֶ֫סֶדshame חַטָּאתsin עֶ֫בֶדslave שָׂכַלbe prudent עֶבְרָהoverflow בּוֹשׁbe ashamed