Proverbs 13 in the Hebrew of the Westminster Leningrad Codex. Proverbs is part of the poetic and wisdom literature.
1
בֵּ֣ן חָ֭כָם מ֣וּסַר אָ֑ב וְ֝לֵ֗ץ לֹא־שָׁמַ֥ע גְּעָרָֽה׃
2
מִפְּרִ֣י פִי־אִ֭ישׁ יֹ֣אכַל ט֑וֹב וְנֶ֖פֶשׁ בֹּגְדִ֣ים חָמָֽס׃
3
נֹצֵ֣ר פִּ֭יו שֹׁמֵ֣ר נַפְשׁ֑וֹ פֹּשֵׂ֥ק שְׂ֝פָתָ֗יו מְחִתָּה־לֽוֹ׃
4
מִתְאַוָּ֣ה וָ֭אַיִן נַפְשׁ֣וֹ עָצֵ֑ל וְנֶ֖פֶשׁ חָרֻצִ֣ים תְּדֻשָּֽׁן׃
5
דְּבַר־שֶׁ֭קֶר יִשְׂנָ֣א צַדִּ֑יק וְ֝רָשָׁ֗ע יַבְאִ֥ישׁ וְיַחְפִּֽיר׃
6
צְ֭דָקָה תִּצֹּ֣ר תָּם־דָּ֑רֶךְ וְ֝רִשְׁעָ֗ה תְּסַלֵּ֥ף חַטָּֽאת׃
7
יֵ֣שׁ מִ֭תְעַשֵּׁר וְאֵ֣ין כֹּ֑ל מִ֝תְרוֹשֵׁ֗שׁ וְה֣וֹן רָֽב׃
8
כֹּ֣פֶר נֶֽפֶשׁ־אִ֣ישׁ עָשְׁר֑וֹ וְ֝רָ֗שׁ לֹא־שָׁמַ֥ע גְּעָרָֽה׃
9
אוֹר־צַדִּיקִ֥ים יִשְׂמָ֑ח וְנֵ֖ר רְשָׁעִ֣ים יִדְעָֽךְ׃
10
רַק־בְּ֭זָדוֹן יִתֵּ֣ן מַצָּ֑ה וְאֶת־נ֖וֹעָצִ֣ים חָכְמָֽה׃
11
ה֭וֹן מֵהֶ֣בֶל יִמְעָ֑ט וְקֹבֵ֖ץ עַל־יָ֣ד יַרְבֶּֽה׃
12
תּוֹחֶ֣לֶת מְ֭מֻשָּׁכָה מַחֲלָה־לֵ֑ב וְעֵ֥ץ חַ֝יִּ֗ים תַּאֲוָ֥ה בָאָֽה׃
13
בָּ֣ז לְ֭דָבָר יֵחָ֣בֶל ל֑וֹ וִירֵ֥א מִ֝צְוָ֗ה ה֣וּא יְשֻׁלָּֽם׃
14
תּוֹרַ֣ת חָ֭כָם מְק֣וֹר חַיִּ֑ים לָ֝ס֗וּר מִמֹּ֥קְשֵׁי מָֽוֶת׃
15
שֵֽׂכֶל־ט֭וֹב יִתֶּן־חֵ֑ן וְדֶ֖רֶךְ בֹּגְדִ֣ים אֵיתָֽן׃
16
כָּל־עָ֭רוּם יַעֲשֶׂ֣ה בְדָ֑עַת וּ֝כְסִ֗יל יִפְרֹ֥שׂ אִוֶּֽלֶת׃
17
מַלְאָ֣ךְ רָ֭שָׁע יִפֹּ֣ל בְּרָ֑ע וְצִ֖יר אֱמוּנִ֣ים מַרְפֵּֽא׃
18
רֵ֣ישׁ וְ֭קָלוֹן פּוֹרֵ֣עַ מוּסָ֑ר וְשׁוֹמֵ֖ר תּוֹכַ֣חַת יְכֻבָּֽד׃
19
תַּאֲוָ֣ה נִ֭הְיָה תֶּעֱרַ֣ב לְנָ֑פֶשׁ וְתוֹעֲבַ֥ת כְּ֝סִילִ֗ים ס֣וּר מֵרָֽע׃
20
הוֹלֵ֣ךְ אֶת־חֲכָמִ֣ים יֶחְכָּ֑ם וְרֹעֶ֖ה כְסִילִ֣ים יֵרֽוֹעַ׃
21
חַ֭טָּאִים תְּרַדֵּ֣ף רָעָ֑ה וְאֶת־צַ֝דִּיקִ֗ים יְשַׁלֶּם־טֽוֹב׃
22
ט֗וֹב יַנְחִ֥יל בְּנֵֽי־בָנִ֑ים וְצָפ֥וּן לַ֝צַּדִּ֗יק חֵ֣יל חוֹטֵֽא׃
23
רָב־אֹ֭כֶל נִ֣יר רָאשִׁ֑ים וְיֵ֥שׁ נִ֝סְפֶּ֗ה בְּלֹ֣א מִשְׁפָּֽט׃
24
חוֹשֵׂ֣ךְ שִׁ֭בְטוֹ שׂוֹנֵ֣א בְנ֑וֹ וְ֝אֹהֲב֗וֹ שִֽׁחֲר֥וֹ מוּסָֽר׃
25
צַדִּ֗יק אֹ֭כֵל לְשֹׂ֣בַע נַפְשׁ֑וֹ וּבֶ֖טֶן רְשָׁעִ֣ים תֶּחְסָֽר׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
132 distinct words — each links to every other place it occurs.
נֶ֫פֶשׁsoul7צַדִּיקjust5בֵּןson4רָשָׁעwicked4חָכָםwise3מוּסָרdiscipline3לֹאnot3רוּשׁbe in want3כְּסִילstupid fellow3שָׁמַעhear2גְּעָרָהrebuke2פֶּהmouth2אִישׁman2אָכַלeat2טוֹבa good thing2בָּגַדact treacherously2נָצַרwatch2שָׁמַרkeep2אַ֫יִןnothing2דָּבָרspeech2שָׂנֵאhate2דֶּ֫רֶךְway2יֵשׁbeing2כֹּלthe whole2הוֹןwealth2נָתַןgive2אֵתwith2חַיִּיםlife2תַּאֲוָהdesire2שָׁלֵםbe complete2סוּרturn aside2טוֹבpleasant2אָבfatherלִיץscornפְּרִיfruitחָמָסviolenceפָּשַׂקpartשָׂפָהlipמְחִתָּהterrorאָוָהinclineעָצֵלsluggishחָרוּץsharpדָּשֵׁןbe fatשֶׁ֫קֶרdeceptionבָּאַשׁhave a bad smellחָפֵרbe abashedצְדָקָהrighteousnessתֹּםcompletenessרִשְׁעָהwickednessסָלַףtwistחַטָּאתsinעָשַׁרbe richרַבmuchכֹּפֶרthe price of a lifeעֹ֫שֶׁרrichesאוֹרlightשָׂמַחrejoiceנֵרlampדָּעַךְgo outרַקleannessזָדוֹןinsolenceמַצָּהstrifeיָעַץadviseחׇכְמָהwisdomהֶ֫בֶלvapourמָעַטbe smallקָבַץgatherעַלaboveיָדhandרָבָהbe muchתּוֹחֶ֫לֶתhopeמָשַׁךְdrawחָלָהbe weakלֵבinner manעֵץtreeבּוֹאcome inבּוּזdespiseחָבַלact (ruinously) corruptlyיָרֵאfearingמִצְוָהcommandmentהוּאheתּוֹרָהdirectionמָקוֹרspringמוֹקֵשׁa baitמָ֫וֶתdeathשֵׂ֫כֶלprudenceחֵןfavourאֵיתָןperennialעָרוּםcraftyעָשָׂהdoדַּ֫עַתknowledgeפָּרַשׂspread outאִוֶּ֫לֶתfollyמַלְאָךְmessengerנָפַלfallרַעevilצִירenvoyאֵמֻןtrustingמַרְפֵּאhealingרֵישׁpovertyקָלוֹןignominyפָּרַעlet goתּוֹכַ֫חַתargumentכָּבֵדbe heavyהָיָהfall outעָרַבbe sweetתּוֹעֵבַהabominationרַעbadהָלַךְgoחָכַםbe wiseרָעָהassociate withרָעַעbe evilחַטָּאsinfulרָדַףpursueרָעָהevilאֵתmark of the accusativeנָחַלget as a possessionצָפַןhideחַ֫יִלstrengthחָטָאmissרֹבmultitudeאֹ֫כֶלfoodנִירthe tillableסָפָהsweep awayמִשְׁפָּטjudgmentחָשַׂךְwithholdשֵׁ֫בֶטrodאָהֵבloveשָׁחַרlook earlyשֹׂ֫בַעsatietyבֶּ֫טֶןbellyחָסֵרlack