Proverbs 10 in the Hebrew of the Westminster Leningrad Codex. Proverbs is part of the poetic and wisdom literature.
1
מִשְׁלֵ֗י שְׁלֹ֫מֹ֥ה בֵּ֣ן חָ֭כָם יְשַׂמַּח־אָ֑ב וּבֵ֥ן כְּ֝סִ֗יל תּוּגַ֥ת אִמּֽוֹ׃
2
לֹא־י֭וֹעִילוּ אוֹצְר֣וֹת רֶ֑שַׁע וּ֝צְדָקָ֗ה תַּצִּ֥יל מִמָּֽוֶת׃
3
לֹֽא־יַרְעִ֣יב יְ֭הוָה נֶ֣פֶשׁ צַדִּ֑יק וְהַוַּ֖ת רְשָׁעִ֣ים יֶהְדֹּֽף׃
4
רָ֗אשׁ עֹשֶׂ֥ה כַף־רְמִיָּ֑ה וְיַ֖ד חָרוּצִ֣ים תַּעֲשִֽׁיר׃
5
אֹגֵ֣ר בַּ֭קַּיִץ בֵּ֣ן מַשְׂכִּ֑יל נִרְדָּ֥ם בַּ֝קָּצִ֗יר בֵּ֣ן מֵבִֽישׁ׃
6
בְּ֭רָכוֹת לְרֹ֣אשׁ צַדִּ֑יק וּפִ֥י רְ֝שָׁעִ֗ים יְכַסֶּ֥ה חָמָֽס׃
7
זֵ֣כֶר צַ֭דִּיק לִבְרָכָ֑ה וְשֵׁ֖ם רְשָׁעִ֣ים יִרְקָֽב׃
8
חֲכַם־לֵ֭ב יִקַּ֣ח מִצְוֺ֑ת וֶאֱוִ֥יל שְׂ֝פָתַ֗יִם יִלָּבֵֽט׃
9
הוֹלֵ֣ךְ בַּ֭תֹּם יֵ֣לֶךְ בֶּ֑טַח וּמְעַקֵּ֥שׁ דְּ֝רָכָ֗יו יִוָּדֵֽעַ׃
10
קֹ֣רֵֽץ עַ֭יִן יִתֵּ֣ן עַצָּ֑בֶת וֶאֱוִ֥יל שְׂ֝פָתַ֗יִם יִלָּבֵֽט׃
11
מְק֣וֹר חַ֭יִּים פִּ֣י צַדִּ֑יק וּפִ֥י רְ֝שָׁעִ֗ים יְכַסֶּ֥ה חָמָֽס׃
12
שִׂ֭נְאָה תְּעוֹרֵ֣ר מְדָנִ֑ים וְעַ֥ל כָּל־פְּ֝שָׁעִ֗ים תְּכַסֶּ֥ה אַהֲבָֽה׃
13
בְּשִׂפְתֵ֣י נָ֭בוֹן תִּמָּצֵ֣א חָכְמָ֑ה וְ֝שֵׁ֗בֶט לְגֵ֣ו חֲסַר־לֵֽב׃
14
חֲכָמִ֥ים יִצְפְּנוּ־דָ֑עַת וּפִֽי־אֱ֝וִיל מְחִתָּ֥ה קְרֹבָֽה׃
15
ה֣וֹן עָ֭שִׁיר קִרְיַ֣ת עֻזּ֑וֹ מְחִתַּ֖ת דַּלִּ֣ים רֵישָֽׁם׃
16
פְּעֻלַּ֣ת צַדִּ֣יק לְחַיִּ֑ים תְּבוּאַ֖ת רָשָׁ֣ע לְחַטָּֽאת׃
17
אֹ֣רַח לְ֭חַיִּים שׁוֹמֵ֣ר מוּסָ֑ר וְעוֹזֵ֖ב תּוֹכַ֣חַת מַתְעֶֽה׃
18
מְכַסֶּ֣ה שִׂ֭נְאָה שִׂפְתֵי־שָׁ֑קֶר וּמוֹצִ֥א דִ֝בָּ֗ה ה֣וּא כְסִֽיל׃
19
בְּרֹ֣ב דְּ֭בָרִים לֹ֣א יֶחְדַּל־פָּ֑שַׁע וְחֹשֵׂ֖ךְ שְׂפָתָ֣יו מַשְׂכִּֽיל׃
20
כֶּ֣סֶף נִ֭בְחָר לְשׁ֣וֹן צַדִּ֑יק לֵ֖ב רְשָׁעִ֣ים כִּמְעָֽט׃
21
שִׂפְתֵ֣י צַ֭דִּיק יִרְע֣וּ רַבִּ֑ים וֶֽ֝אֱוִילִ֗ים בַּחֲסַר־לֵ֥ב יָמֽוּתוּ׃
22
בִּרְכַּ֣ת יְ֭הוָה הִ֣יא תַעֲשִׁ֑יר וְלֹֽא־יוֹסִ֖ף עֶ֣צֶב עִמָּֽהּ׃
23
כִּשְׂח֣וֹק לִ֭כְסִיל עֲשׂ֣וֹת זִמָּ֑ה וְ֝חָכְמָ֗ה לְאִ֣ישׁ תְּבוּנָֽה׃
24
מְגוֹרַ֣ת רָ֭שָׁע הִ֣יא תְבוֹאֶ֑נּוּ וְתַאֲוַ֖ת צַדִּיקִ֣ים יִתֵּֽן׃
25
כַּעֲב֣וֹר ס֭וּפָה וְאֵ֣ין רָשָׁ֑ע וְ֝צַדִּ֗יק יְס֣וֹד עוֹלָֽם׃
26
כַּחֹ֤מֶץ ׀ לַשִּׁנַּ֗יִם וְכֶעָשָׁ֥ן לָעֵינָ֑יִם כֵּ֥ן הֶ֝עָצֵ֗ל לְשֹׁלְחָֽיו׃
27
יִרְאַ֣ת יְ֭הוָה תּוֹסִ֣יף יָמִ֑ים וּשְׁנ֖וֹת רְשָׁעִ֣ים תִּקְצֹֽרְנָה׃
28
תּוֹחֶ֣לֶת צַדִּיקִ֣ים שִׂמְחָ֑ה וְתִקְוַ֖ת רְשָׁעִ֣ים תֹּאבֵֽד׃
29
מָע֣וֹז לַ֭תֹּם דֶּ֣רֶךְ יְהוָ֑ה וּ֝מְחִתָּ֗ה לְפֹ֣עֲלֵי אָֽוֶן׃
30
צַדִּ֣יק לְעוֹלָ֣ם בַּל־יִמּ֑וֹט וּ֝רְשָׁעִ֗ים לֹ֣א יִשְׁכְּנוּ־אָֽרֶץ׃
31
פִּֽי־צַ֭דִּיק יָנ֣וּב חָכְמָ֑ה וּלְשׁ֥וֹן תַּ֝הְפֻּכ֗וֹת תִּכָּרֵֽת׃
32
שִׂפְתֵ֣י צַ֭דִּיק יֵדְע֣וּן רָצ֑וֹן וּפִ֥י רְ֝שָׁעִ֗ים תַּהְפֻּכֽוֹת׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
150 distinct words — each links to every other place it occurs.
צַדִּיקjust13רָשָׁעwicked12שָׂפָהlip7פֶּהmouth6לֹאnot5בֵּןson4יהוהJehovah4כָּסָהcover4לֵבinner man4אֱוִילfoolish4חָכָםwise3כְּסִילstupid fellow3בְּרָכָהblessing3חַיִּיםlife3חׇכְמָהwisdom3מְחִתָּהterror3הוּאhe3עָשָׂהdo2עָשַׁרbe rich2שָׂכַלbe prudent2חָמָסviolence2לָבַטthrust down2תֹּםcompleteness2דֶּ֫רֶךְway2יָדַעknow2עַ֫יִןeye2נָתַןgive2שִׂנְאָהhating2פֶּ֫שַׁעtransgression2חָסֵרneedy2לָשׁוֹןtongue2יָסַףadd2עוֹלָםlong duration2תַּהְפֻּכָהperversity2מָשָׁלproverbשְׁלֹמֹהSolomonשָׂמַחrejoiceאָבfatherתּוּגָהgriefאֵםmotherיָעַלprofitאוֹצָרtreasureרֶ֫שַׁעwickednessצְדָקָהrighteousnessנָצַלstripמָ֫וֶתdeathרָעֵבbe hungryנֶ֫פֶשׁsoulהַוָּהdesireהָדַףthrustרוּשׁbe in wantכַּףhollowרְמִיָּהlaxnessיָדhandחָרוּץsharpאָגַרgatherקַ֫יִץsummerרָדַםbe inקָצִירharvestingבּוֹשׁbe ashamedרֹאשׁheadזֵ֫כֶרremembranceשֵׁםnameרָקֵבrotלָקַחtakeמִצְוָהcommandmentהָלַךְgoיָלַךְgoבֶּ֫טַחsecurityעָקַשׁtwistקָרַץnipעַצֶּ֫בֶתhurtמָקוֹרspringעוּרrouse oneselfמְדָןstrifeעַלaboveכֹּלthe wholeאַהֲבָהloveבִּיןdiscernמָצָאattain toשֵׁ֫בֶטrodגֵּוbackצָפַןhideדַּ֫עַתknowledgeקָרֹבnearהוֹןwealthעָשִׁירrichקִרְיָהtownעֹזstrengthדַּלlowרֵישׁpovertyפְּעֻלָּהworkתְּבוּאָהproductחַטָּאתsinאֹ֫רַחwayשָׁמַרkeepמוּסָרdisciplineעָזַבleaveתּוֹכַ֫חַתargumentתָּעָהerrשֶׁ֫קֶרdeceptionיָצָאgo outדִּבָּהwhisperingרֹבmultitudeדָּבָרspeechחָדַלceaseחָשַׂךְwithholdכֶּ֫סֶףsilverבָּחַרchooseמְעַטa littleרָעָהpastureרַבmuchמוּתdieעֶ֫צֶבpainעִםwithשְׂחֹקlaughterזִמָּהplanאִישׁmanתְּבוּנָהunderstandingמְגוֹרָהfearבּוֹאcome inתַּאֲוָהdesireעָבַרpass overסוּפָהstorm-windאַ֫יִןnothingיְסוֹדfoundationחֹ֫מֶץvinegarשֵׁןtoothעָשָׁןsmokeכֵּןsoעָצֵלsluggishשָׁלַחsendיִרְאָהfearיוֹםdayשָׁנָהyearקָצֵרbe shortתּוֹחֶ֫לֶתhopeשִׂמְחָהjoyתִּקְוָהhopeאָבַדperishמָעוֹזplace of safetyפָּעַלdoאָ֫וֶןtroubleבַּלnotמוֹטtotterשָׁכַןsettle downאֶ֫רֶץearthנוּבbear fruitכָּרַתcut offרָצוֹןgoodwill