Proverbs 27 in Hebrew – The Ancient Bible

Ancient Bible › Old Testament › Proverbs › 27

Proverbs 27 in the Hebrew of the Westminster Leningrad Codex. Proverbs is part of the poetic and wisdom literature.

Hebrew · Poetry & Wisdom

Proverbs 27

Westminster Leningrad Codex · every word parsed

1
אַֽל־תִּ֭תְהַלֵּל בְּי֣וֹם מָחָ֑ר כִּ֤י לֹא־תֵ֝דַ֗ע מַה־יֵּ֥לֶד יֽוֹם׃ 
2
יְהַלֶּלְךָ֣ זָ֣ר וְלֹא־פִ֑יךָ נָ֝כְרִ֗י וְאַל־שְׂפָתֶֽיךָ׃ 
3
כֹּֽבֶד־אֶ֭בֶן וְנֵ֣טֶל הַח֑וֹל וְכַ֥עַס אֱ֝וִ֗יל כָּבֵ֥ד מִשְּׁנֵיהֶֽם׃ 
4
אַכְזְרִיּ֣וּת חֵ֭מָה וְשֶׁ֣טֶף אָ֑ף וּמִ֥י יַ֝עֲמֹד לִפְנֵ֥י קִנְאָֽה׃ 
5
ט֭וֹבָה תּוֹכַ֣חַת מְגֻלָּ֑ה מֵֽאַהֲבָ֥ה מְסֻתָּֽרֶת׃ 
6
נֶ֭אֱמָנִים פִּצְעֵ֣י אוֹהֵ֑ב וְ֝נַעְתָּר֗וֹת נְשִׁיק֥וֹת שׂוֹנֵֽא׃ 
7
נֶ֣פֶשׁ שְׂ֭בֵעָה תָּב֣וּס נֹ֑פֶת וְנֶ֥פֶשׁ רְ֝עֵבָ֗ה כָּל־מַ֥ר מָתֽוֹק׃ 
8
כְּ֭צִפּוֹר נוֹדֶ֣דֶת מִן־קִנָּ֑הּ כֵּֽן־אִ֝֗ישׁ נוֹדֵ֥ד מִמְּקוֹמֽוֹ׃ 
9
שֶׁ֣מֶן וּ֭קְטֹרֶת יְשַׂמַּֽח־לֵ֑ב וּמֶ֥תֶק רֵ֝עֵ֗הוּ מֵֽעֲצַת־נָֽפֶשׁ׃ 
10
רֵֽעֲךָ֨ וְרֵ֪עַ אָבִ֡יךָ אַֽל־תַּעֲזֹ֗ב וּבֵ֥ית אָחִ֗יךָ אַל־תָּ֭בוֹא בְּי֣וֹם אֵידֶ֑ךָ ט֥וֹב שָׁכֵ֥ן קָ֝ר֗וֹב מֵאָ֥ח רָחֽוֹק׃ 
11
חֲכַ֣ם בְּ֭נִי וְשַׂמַּ֣ח לִבִּ֑י וְאָשִׁ֖יבָה חֹרְפִ֣י דָבָֽר׃ 
12
עָר֤וּם רָאָ֣ה רָעָ֣ה נִסְתָּ֑ר פְּ֝תָאיִ֗ם עָבְר֥וּ נֶעֱנָֽשׁוּ׃ 
13
קַח־בִּ֭גְדוֹ כִּי־עָ֣רַב זָ֑ר וּבְעַ֖ד נָכְרִיָּ֣ה חַבְלֵֽהוּ׃ 
14
מְבָ֘רֵ֤ךְ רֵעֵ֨הוּ ׀ בְּק֣וֹל גָּ֭דוֹל בַּבֹּ֣קֶר הַשְׁכֵּ֑ים קְ֝לָלָ֗ה תֵּחָ֥שֶׁב לֽוֹ׃ 
15
דֶּ֣לֶף ט֭וֹרֵד בְּי֣וֹם סַגְרִ֑יר וְאֵ֥שֶׁת מִ֝דְיָנִ֗ים נִשְׁתָּוָֽה׃ 
16
צֹפְנֶ֥יהָ צָֽפַן־ר֑וּחַ וְשֶׁ֖מֶן יְמִינ֣וֹ יִקְרָֽא׃ 
17
בַּרְזֶ֣ל בְּבַרְזֶ֣ל יָ֑חַד וְ֝אִ֗ישׁ יַ֣חַד פְּנֵֽי־רֵעֵֽהוּ׃ 
18
נֹצֵ֣ר תְּ֭אֵנָה יֹאכַ֣ל פִּרְיָ֑הּ וְשֹׁמֵ֖ר אֲדֹנָ֣יו יְכֻבָּֽד׃ 
19
כַּ֭מַּיִם הַפָּנִ֣ים לַפָּנִ֑ים כֵּ֤ן לֵֽב־הָ֝אָדָ֗ם לָאָדָֽם׃ 
20
שְׁא֣וֹל וַ֭אֲבַדּוֹ לֹ֣א תִשְׂבַּ֑עְנָה וְעֵינֵ֥י הָ֝אָדָ֗ם לֹ֣א תִשְׂבַּֽעְנָה׃ 
21
מַצְרֵ֣ף לַ֭כֶּסֶף וְכ֣וּר לַזָּהָ֑ב וְ֝אִ֗ישׁ לְפִ֣י מַהֲלָלֽוֹ׃ 
22
אִ֥ם תִּכְתּֽוֹשׁ־אֶת־הָאֱוִ֨יל ׀ בַּֽמַּכְתֵּ֡שׁ בְּת֣וֹךְ הָ֭רִיפוֹת בַּֽעֱלִ֑י לֹא־תָס֥וּר מֵ֝עָלָ֗יו אִוַּלְתּֽוֹ׃ 
23
יָדֹ֣עַ תֵּ֭דַע פְּנֵ֣י צֹאנֶ֑ךָ שִׁ֥ית לִ֝בְּךָ֗ לַעֲדָרִֽים׃ 
24
כִּ֤י לֹ֣א לְעוֹלָ֣ם חֹ֑סֶן וְאִם־נֵ֝֗זֶר לְד֣וֹר וָדֽוֹר׃ 
25
גָּלָ֣ה חָ֭צִיר וְנִרְאָה־דֶ֑שֶׁא וְ֝נֶאֶסְפ֗וּ עִשְּׂב֥וֹת הָרִֽים׃ 
26
כְּבָשִׂ֥ים לִלְבוּשֶׁ֑ךָ וּמְחִ֥יר שָׂ֝דֶ֗ה עַתּוּדִֽים׃ 
27
וְדֵ֤י ׀ חֲלֵ֬ב עִזִּ֗ים לְֽ֭לַחְמְךָ לְלֶ֣חֶם בֵּיתֶ֑ךָ וְ֝חַיִּ֗ים לְנַעֲרוֹתֶֽיךָ׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

157 distinct words — each links to every other place it occurs.

לֹאnot6 פָּנֶהface5 רֵעַfriend5 אַלnot4 יוֹםday4 לֵבinner man4 כִּיthat3 יָדַעknow3 נֶ֫פֶשׁsoul3 אִישׁman3 אָדָםman3 הָלַלbe boastful2 זוּרbe a stranger2 פֶּהmouth2 נׇכְרִיforeign2 אֱוִילfoolish2 טוֹבpleasant2 גָּלָהuncover2 סָתַרhide2 נָדַדretreat2 כֵּןso2 שֶׁ֫מֶןfat2 שָׂמַחrejoice2 בַּ֫יִתhouse2 אָחbrother2 רָאָהsee2 צָפַןhide2 בַּרְזֶלiron2 חָדַהbe sharp2 שָׂבֵעַbe sated2 אִםif2 דּוֹרperiod2 לֶ֫חֶםbread2 מָחָרto-morrow מָהwhat?יָלַדbear שָׂפָהlip כֹּ֫בֶדweight אֶ֫בֶןstone נֵ֫טֶלburden חוֹלsand כַּ֫עַסvexation כָּבֵדheavy שְׁנַ֫יִםtwo אַכְזְרִיּוּתcruelty חֵמָהheat שֶׁ֫טֶףflood אַףnostril מִיwho?עָמַדtake one’s stand קִנְאָהardour תּוֹכַ֫חַתargument אַהֲבָהlove אָמַןconfirm פֶּ֫צַעbruise אָהֵבlove עָתַרbe abundant נְשִׁיקָהkiss שָׂנֵאhate שָׂבֵעַsated בּוּסtread down נֹ֫פֶתflowing honey רָעֵבhungry כֹּלthe whole מַרbitter מָתוֹקsweet צִפּוֹרbird מִן־out of קֵןnest מָקוֹםstanding-place קְטֹ֫רֶתsmoke מֶ֫תֶקsweetness עֵצָהcounsel אָבfather עָזַבleave בּוֹאcome in אֵידdistress שָׁכֵןinhabitant קָרֹבnear רָחֹקdistant חָכַםbe wise בֵּןson שׁוּבturn back חָרַףreproach דָּבָרspeech עָרוּםcrafty רָעָהevil פֶּ֫תִיsimple עָבַרpass over עָנַשׁfine לָקַחtake בֶּ֫גֶדgarment עָרַבtake on pledge בַּ֫עַדseparation חָבַלbind בָּרַךְkneel קוֹלsound גָּדוֹלgreat בֹּ֫קֶרmorning שָׁכַםstart קְלָלָהcurse חָשַׁבthink דֶּ֫לֶףa dropping טָרַדpursue סַגְרִירsteady אִשָּׁהwoman מָדוֹןstrife שָׁוָהbe even רוּחַbreath יָמִיןright hand קָרָאcall נָצַרwatch תְּאֵנָהfig-tree אָכַלeat פְּרִיfruit שָׁמַרkeep אָדוֹןlord כָּבֵדbe heavy מַיwaters שְׁאוֹלShᵉ’ōl אבדהDestruction עַ֫יִןeye מַצְרֵףcrucible כֶּ֫סֶףsilver כּוּרsmelting-pot זָהָבgold מַהֲלָלpraise כָּתַשׁpound אֵתmark of the accusative מַכְתֵּשׁmortar תָּ֫וֶךְmidst רִיפָהgrits עֱלִיpestle סוּרturn aside עַלabove אִוֶּ֫לֶתfolly צֹאןsmall cattle שִׁיתput עֵ֫דֶרflock עוֹלָםlong duration חֹ֫סֶןwealth נֵ֫זֶרconsecration חָצִירgreen grass דֶּ֫שֶׁאgrass אָסַףgather עֵ֫שֶׂבherb הַרmountain כֶּ֫בֶשׂlamb לְבוּשׁgarment מְחִירprice שָׂדֶהfield עַתּוּדhe-goat דַּיsufficiency חָלָבmilk עֵזshe-goat חַיִּיםlife נַעֲרָהgirl