Proverbs 20 in the Hebrew of the Westminster Leningrad Codex. Proverbs is part of the poetic and wisdom literature.
1
לֵ֣ץ הַ֭יַּין הֹמֶ֣ה שֵׁכָ֑ר וְכָל־שֹׁ֥גֶה בּ֝֗וֹ לֹ֣א יֶחְכָּֽם׃
2
נַ֣הַם כַּ֭כְּפִיר אֵ֣ימַת מֶ֑לֶךְ מִ֝תְעַבְּר֗וֹ חוֹטֵ֥א נַפְשֽׁוֹ׃
3
כָּב֣וֹד לָ֭אִישׁ שֶׁ֣בֶת מֵרִ֑יב וְכָל־אֱ֝וִ֗יל יִתְגַּלָּֽע׃
4
מֵ֭חֹרֶף עָצֵ֣ל לֹא־יַחֲרֹ֑שׁ וְשָׁאַ֖ל בַּקָּצִ֣יר וָאָֽיִן׃
5
מַ֣יִם עֲ֭מֻקִּים עֵצָ֣ה בְלֶב־אִ֑ישׁ וְאִ֖ישׁ תְּבוּנָ֣ה יִדְלֶֽנָּה׃
6
רָב־אָדָ֗ם יִ֭קְרָא אִ֣ישׁ חַסְדּ֑וֹ וְאִ֥ישׁ אֱ֝מוּנִ֗ים מִ֣י יִמְצָֽא׃
7
מִתְהַלֵּ֣ךְ בְּתֻמּ֣וֹ צַדִּ֑יק אַשְׁרֵ֖י בָנָ֣יו אַחֲרָֽיו׃
8
מֶ֗לֶךְ יוֹשֵׁ֥ב עַל־כִּסֵּא־דִ֑ין מְזָרֶ֖ה בְעֵינָ֣יו כָּל־רָֽע׃
9
מִֽי־יֹ֭אמַר זִכִּ֣יתִי לִבִּ֑י טָ֝הַ֗רְתִּי מֵחַטָּאתִֽי׃
10
אֶ֣בֶן וָ֭אֶבֶן אֵיפָ֣ה וְאֵיפָ֑ה תּוֹעֲבַ֥ת יְ֝הוָ֗ה גַּם־שְׁנֵיהֶֽם׃
11
גַּ֣ם בְּ֭מַעֲלָלָיו יִתְנַכֶּר־נָ֑עַר אִם־זַ֖ךְ וְאִם־יָשָׁ֣ר פָּעֳלֽוֹ׃
12
אֹ֣זֶן שֹׁ֭מַעַת וְעַ֣יִן רֹאָ֑ה יְ֝הוָ֗ה עָשָׂ֥ה גַם־שְׁנֵיהֶֽם׃
13
אַל־תֶּֽאֱהַ֣ב שֵׁ֭נָה פֶּן־תִּוָּרֵ֑שׁ פְּקַ֖ח עֵינֶ֣יךָ שְֽׂבַֽע־לָֽחֶם׃
14
רַ֣ע רַ֭ע יֹאמַ֣ר הַקּוֹנֶ֑ה וְאֹזֵ֥ל ל֝֗וֹ אָ֣ז יִתְהַלָּֽל׃
15
יֵ֣שׁ זָ֭הָב וְרָב־פְּנִינִ֑ים וּכְלִ֥י יְ֝קָ֗ר שִׂפְתֵי־דָֽעַת׃
16
לְֽקַח־בִּ֭גְדוֹ כִּי־עָ֣רַב זָ֑ר וּבְעַ֖ד נָכְרִיָּ֣ה חַבְלֵֽהוּ׃
17
עָרֵ֣ב לָ֭אִישׁ לֶ֣חֶם שָׁ֑קֶר וְ֝אַחַ֗ר יִמָּֽלֵא־פִ֥יהוּ חָצָֽץ׃
18
מַ֭חֲשָׁבוֹת בְּעֵצָ֣ה תִכּ֑וֹן וּ֝בְתַחְבֻּל֗וֹת עֲשֵׂ֣ה מִלְחָמָֽה׃
19
גּֽוֹלֶה־סּ֭וֹד הוֹלֵ֣ךְ רָכִ֑יל וּלְפֹתֶ֥ה שְׂ֝פָתָ֗יו לֹ֣א תִתְעָרָֽב׃
20
מְ֭קַלֵּל אָבִ֣יו וְאִמּ֑וֹ יִֽדְעַ֥ךְ נֵ֝ר֗וֹ בֶּאֱשׁ֥וּן חֹֽשֶׁךְ׃
21
נַ֭חֲלָה מְבֹהֶ֣לֶת בָּרִאשֹׁנָ֑ה וְ֝אַחֲרִיתָ֗הּ לֹ֣א תְבֹרָֽךְ׃
22
אַל־תֹּאמַ֥ר אֲשַׁלְּמָה־רָ֑ע קַוֵּ֥ה לַֽ֝יהוָ֗ה וְיֹ֣שַֽׁע לָֽךְ׃
23
תּוֹעֲבַ֣ת יְ֭הוָה אֶ֣בֶן וָאָ֑בֶן וּמֹאזְנֵ֖י מִרְמָ֣ה לֹא־טֽוֹב׃
24
מֵיהוָ֥ה מִצְעֲדֵי־גָ֑בֶר וְ֝אָדָ֗ם מַה־יָּבִ֥ין דַּרְכּֽוֹ׃
25
מוֹקֵ֣שׁ אָ֭דָם יָ֣לַע קֹ֑דֶשׁ וְאַחַ֖ר נְדָרִ֣ים לְבַקֵּֽר׃
26
מְזָרֶ֣ה רְ֭שָׁעִים מֶ֣לֶךְ חָכָ֑ם וַיָּ֖שֶׁב עֲלֵיהֶ֣ם אוֹפָֽן׃
27
נֵ֣ר יְ֭הוָה נִשְׁמַ֣ת אָדָ֑ם חֹ֝פֵ֗שׂ כָּל־חַדְרֵי־בָֽטֶן׃
28
חֶ֣סֶד וֶ֭אֱמֶת יִצְּרוּ־מֶ֑לֶךְ וְסָעַ֖ד בַּחֶ֣סֶד כִּסְאֽוֹ׃
29
תִּפְאֶ֣רֶת בַּחוּרִ֣ים כֹּחָ֑ם וַהֲדַ֖ר זְקֵנִ֣ים שֵׂיבָֽה׃
30
חַבֻּר֣וֹת פֶּ֭צַע תַּמְר֣וּק בְּרָ֑ע וּ֝מַכּ֗וֹת חַדְרֵי־בָֽטֶן׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
164 distinct words — each links to every other place it occurs.
אִישׁman6יהוהJehovah6לֹאnot5כֹּלthe whole4מֶ֫לֶךְking4אָדָםman4רַעbad4אֶ֫בֶןstone4חֶ֫סֶדgoodness3אַחַרthe hinder3עַ֫יִןeye3אָמַרutter3גַּםalso3עֵצָהcounsel2לֵבinner man2רֹבmultitude2מִיwho?2הָלַךְgo2עַלabove2כִּסֵּאseat2זָרָהscatter2אֵיפָהephah2תּוֹעֵבַהabomination2שְׁנַ֫יִםtwo2אִםif2עָשָׂהdo2אַלnot2לֶ֫חֶםbread2שָׂפָהlip2עָרַבtake on pledge2נֵרlamp2חֶ֫דֶרchamber2בֶּ֫טֶןbelly2לִיץscornיַ֫יִןwineהָמָהmurmurשֵׁכָרintoxicating drinkשָׁגָהgo astrayחָכַםbe wiseנַ֫הַםgrowlingכְּפִירyoung lionאֵימָהterrorעָבַרbe arrogantחָטָאmissנֶ֫פֶשׁsoulכָּבוֹדabundanceשֶׁ֫בֶתcessationרִיבstrifeאֱוִילfoolishגָּלַעexposeחֹ֫רֶףharvest-timeעָצֵלsluggishחָרַשׁcut inשָׁאַלaskקָצִירharvestingאַ֫יִןnothingמַיwatersעָמֹקdeepתְּבוּנָהunderstandingדָּלָהdrawקָרָאcallאֵמֻןtrustingמָצָאattain toתֹּםcompletenessצַדִּיקjustאֶ֫שֶׁרhappinessבֵּןsonיָשַׁבsitדִּיןjudgmentזָכָהbe clearטָהֵרbe cleanחַטָּאתsinמַעֲלָלdeedנָכַרregardנַ֫עַרboyזַךְpureיָשָׁרstraightפֹּ֫עַלdoingאֹ֫זֶןearשָׁמַעhearרָאָהseeאָהֵבloveשֵׁנָהsleepפֶּן־lestיָרַשׁtake possession ofפָּקַחopenשָׂבֵעַbe satedקָנָהgetאָזַלgoאָזat that timeהָלַלbe boastfulיֵשׁbeingזָהָבgoldפְּנִינִיםcoralsכְּלִיarticleיְקָרpreciousnessדַּ֫עַתknowledgeלָקַחtakeבֶּ֫גֶדgarmentכִּיthatזוּרbe a strangerבַּ֫עַדseparationנׇכְרִיforeignחָבַלbindעָרֵבsweetשֶׁ֫קֶרdeceptionמָלֵאbe fullפֶּהmouthחָצָץgravelמַחֲשָׁבָהthoughtכּוּןbe firmתַּחְבֻּלָהdirectionמִלְחָמָהbattleגָּלָהuncoverסוֹדcouncilרָכִילslanderפָּתָהbe spaciousקָלַלbe slightאָבfatherאֵםmotherדָּעַךְgo outאִישׁוֹןpupilחֹ֫שֶׁךְdarknessנַחֲלָהpossessionבָּהַלtrembleרִאשׁוֹןformerאַחֲרִיתafter-partבָּרַךְkneelשָׁלֵםbe completeרַעevilקָוָהwait forיָשַׁעdeliverמֹאזֵןbalancesמִרְמָהdeceitטוֹבpleasantמִצְעָדstepגֶּ֫בֶרmanמָהwhat?בִּיןdiscernדֶּ֫רֶךְwayמוֹקֵשׁa baitיָלַעtalk wildlyקֹ֫דֶשׁapartnessנֶ֫דֶרvowבָּקַרinquireרָשָׁעwickedחָכָםwiseשׁוּבturn backאוֹפָןwheelנְשָׁמָהbreathחָפַשׂsearchאֱמֶתfirmnessנָצַרwatchסָעַדsupportתִּפְאָרָהbeautyבָּחוּרyoung manכֹּחַstrengthהָדָרornamentזָקֵןoldשֵׂיבָהhoary headחַבּוּרָהstripeפֶּ֫צַעbruiseתַּמְרוּקscouringמַכָּהblow