Proverbs 21 in the Hebrew of the Westminster Leningrad Codex. Proverbs is part of the poetic and wisdom literature.
1
פַּלְגֵי־מַ֣יִם לֶב־מֶ֭לֶךְ בְּיַד־יְהוָ֑ה עַֽל־כָּל־אֲשֶׁ֖ר יַחְפֹּ֣ץ יַטֶּֽנּוּ׃
2
כָּֽל־דֶּרֶךְ־אִ֭ישׁ יָשָׁ֣ר בְּעֵינָ֑יו וְתֹכֵ֖ן לִבּ֣וֹת יְהוָֽה׃
3
עֲ֭שֹׂה צְדָקָ֣ה וּמִשְׁפָּ֑ט נִבְחָ֖ר לַיהוָ֣ה מִזָּֽבַח׃
4
רוּם־עֵ֭ינַיִם וּרְחַב־לֵ֑ב נִ֖ר רְשָׁעִ֣ים חַטָּֽאת׃
5
מַחְשְׁב֣וֹת חָ֭רוּץ אַךְ־לְמוֹתָ֑ר וְכָל־אָ֝֗ץ אַךְ־לְמַחְסֽוֹר׃
6
פֹּ֣עַל א֭וֹצָרוֹת בִּלְשׁ֣וֹן שָׁ֑קֶר הֶ֥בֶל נִ֝דָּ֗ף מְבַקְשֵׁי־מָֽוֶת׃
7
שֹׁד־רְשָׁעִ֥ים יְגוֹרֵ֑ם כִּ֥י מֵ֝אֲנ֗וּ לַעֲשׂ֥וֹת מִשְׁפָּֽט׃
8
הֲפַכְפַּ֬ךְ דֶּ֣רֶךְ אִ֣ישׁ וָזָ֑ר וְ֝זַ֗ךְ יָשָׁ֥ר פָּעֳלֽוֹ׃
9
ט֗וֹב לָשֶׁ֥בֶת עַל־פִּנַּת־גָּ֑ג מֵאֵ֥שֶׁת מִ֝דְיָנִ֗ים וּבֵ֥ית חָֽבֶר׃
10
נֶ֣פֶשׁ רָ֭שָׁע אִוְּתָה־רָ֑ע לֹא־יֻחַ֖ן בְּעֵינָ֣יו רֵעֵֽהוּ׃
11
בַּעְנָשׁ־לֵ֭ץ יֶחְכַּם־פֶּ֑תִי וּבְהַשְׂכִּ֥יל לְ֝חָכָ֗ם יִקַּח־דָּֽעַת׃
12
מַשְׂכִּ֣יל צַ֭דִּיק לְבֵ֣ית רָשָׁ֑ע מְסַלֵּ֖ף רְשָׁעִ֣ים לָרָֽע׃
13
אֹטֵ֣ם אָ֭זְנוֹ מִזַּעֲקַת־דָּ֑ל גַּֽם־ה֥וּא יִ֝קְרָ֗א וְלֹ֣א יֵעָנֶֽה׃
14
מַתָּ֣ן בַּ֭סֵּתֶר יִכְפֶּה־אָ֑ף וְשֹׁ֥חַד בַּ֝חֵ֗ק חֵמָ֥ה עַזָּֽה׃
15
שִׂמְחָ֣ה לַ֭צַּדִּיק עֲשׂ֣וֹת מִשְׁפָּ֑ט וּ֝מְחִתָּ֗ה לְפֹ֣עֲלֵי אָֽוֶן׃
16
אָדָ֗ם תּ֭וֹעֶה מִדֶּ֣רֶךְ הַשְׂכֵּ֑ל בִּקְהַ֖ל רְפָאִ֣ים יָנֽוּחַ׃
17
אִ֣ישׁ מַ֭חְסוֹר אֹהֵ֣ב שִׂמְחָ֑ה אֹהֵ֥ב יַֽיִן־וָ֝שֶׁ֗מֶן לֹ֣א יַעֲשִֽׁיר׃
18
כֹּ֣פֶר לַצַּדִּ֣יק רָשָׁ֑ע וְתַ֖חַת יְשָׁרִ֣ים בּוֹגֵֽד׃
19
ט֗וֹב שֶׁ֥בֶת בְּאֶֽרֶץ־מִדְבָּ֑ר מֵאֵ֖שֶׁת מִדְיָנִ֣ים וָכָֽעַס׃
20
אוֹצָ֤ר ׀ נֶחְמָ֣ד וָ֭שֶׁמֶן בִּנְוֵ֣ה חָכָ֑ם וּכְסִ֖יל אָדָ֣ם יְבַלְּעֶֽנּוּ׃
21
רֹ֭דֵף צְדָקָ֣ה וָחָ֑סֶד יִמְצָ֥א חַ֝יִּ֗ים צְדָקָ֥ה וְכָבֽוֹד׃
22
עִ֣יר גִּ֭בֹּרִים עָלָ֣ה חָכָ֑ם וַ֝יֹּ֗רֶד עֹ֣ז מִבְטֶחָֽה׃
23
שֹׁמֵ֣ר פִּ֭יו וּלְשׁוֹנ֑וֹ שֹׁמֵ֖ר מִצָּר֣וֹת נַפְשֽׁוֹ׃
24
זֵ֣ד יָ֭הִיר לֵ֣ץ שְׁמ֑וֹ ע֝וֹשֶׂ֗ה בְּעֶבְרַ֥ת זָדֽוֹן׃
25
תַּאֲוַ֣ת עָצֵ֣ל תְּמִיתֶ֑נּוּ כִּֽי־מֵאֲנ֖וּ יָדָ֣יו לַעֲשֽׂוֹת׃
26
כָּל־הַ֭יּוֹם הִתְאַוָּ֣ה תַאֲוָ֑ה וְצַדִּ֥יק יִ֝תֵּ֗ן וְלֹ֣א יַחְשֹֽׂךְ׃
27
זֶ֣בַח רְ֭שָׁעִים תּוֹעֵבָ֑ה אַ֝֗ף כִּֽי־בְזִמָּ֥ה יְבִיאֶֽנּוּ׃
28
עֵד־כְּזָבִ֥ים יֹאבֵ֑ד וְאִ֥ישׁ שׁ֝וֹמֵ֗עַ לָנֶ֥צַח יְדַבֵּֽר׃
29
הֵעֵ֬ז אִ֣ישׁ רָשָׁ֣ע בְּפָנָ֑יו וְ֝יָשָׁ֗ר ה֤וּא ׀ יָבִ֬ין דַּרְכּֽוֹ׃
30
אֵ֣ין חָ֭כְמָה וְאֵ֣ין תְּבוּנָ֑ה וְאֵ֥ין עֵ֝צָ֗ה לְנֶ֣גֶד יְהוָֽה׃
31
ס֗וּס מ֭וּכָן לְי֣וֹם מִלְחָמָ֑ה וְ֝לַֽיהוָ֗ה הַתְּשׁוּעָֽה׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
158 distinct words — each links to every other place it occurs.
רָשָׁעwicked8יהוהJehovah5אִישׁman5עָשָׂהdo5כֹּלthe whole4דֶּ֫רֶךְway4יָשָׁרstraight4לֹאnot4צַדִּיקjust4עַ֫יִןeye3צְדָקָהrighteousness3מִשְׁפָּטjudgment3כִּיthat3שָׂכַלbe prudent3חָכָםwise3אַ֫יִןnothing3לֵבinner man2יָדhand2עַלabove2זֶ֫בַחsacrifice2אַךְsurely2מַחְסוֹרneed2פֹּ֫עַלdoing2אוֹצָרtreasure2לָשׁוֹןtongue2מָאֵןrefuse2טוֹבpleasant2יָשַׁבsit2אִשָּׁהwoman2מָדוֹןstrife2בַּ֫יִתhouse2נֶ֫פֶשׁsoul2אָוָהincline2רַעevil2לִיץscorn2הוּאhe2שִׂמְחָהjoy2אָדָםman2אָהֵבlove2שֶׁ֫מֶןfat2שָׁמַרkeep2תַּאֲוָהdesire2יוֹםday2פֶּ֫לֶגchannelמַיwatersמֶ֫לֶךְkingאֲשֶׁרwhoחָפֵץdelight inנָטָהstretch outתָּכַןregulateלִבָּהheartבָּחַרchooseרוּםheightרָחָבwideנִירthe tillableחַטָּאתsinמַחֲשָׁבָהthoughtחָרוּץsharpמוֹתָרabundanceאוּץpressשֶׁ֫קֶרdeceptionהֶ֫בֶלvapourנָדַףdriveבָּקַשׁseekמָ֫וֶתdeathשֹׁדviolenceגָּרַרdragהֲפַכְפַּךְcrookedוָזָרcriminalזַךְpureפִּנָּהcornerגָּגroofחֶ֫בֶרcompanyחָנַןshew favourרֵעַfriendעָנַשׁfineחָכַםbe wiseפֶּ֫תִיsimpleלָקַחtakeדַּ֫עַתknowledgeסָלַףtwistאָטַםshutאֹ֫זֶןearזְעָקָהcryדַּלlowגַּםalsoקָרָאcallעָנָהanswerמַתָּןgiftסֵ֫תֶרcoveringכָּפָהsubdueאַףnostrilשֹׁ֫חַדpresentחֵיקbosomחֵמָהheatעַזstrongמְחִתָּהterrorפָּעַלdoאָ֫וֶןtroubleתָּעָהerrקָהָלassemblyרְפָאִיםshadesנוּחַrestיַ֫יִןwineעָשַׁרbe richכֹּפֶרthe price of a lifeתַּחַתthe under partבָּגַדact treacherouslyאֶ֫רֶץearthמִדְבָּרwildernessכַּ֫עַסvexationחָמַדdesireנָוֶהabode of shepherdכְּסִילstupid fellowבָּלַעswallow downרָדַףpursueחֶ֫סֶדgoodnessמָצָאattain toחַיִּיםlifeכָּבוֹדabundanceעִירcityגִּבּוֹרstrongעָלָהgo upיָרַדcome downעֹזstrengthמִבְטָחconfidenceפֶּהmouthצָרָהstraitsזֵדinsolentיָהִירproudשֵׁםnameעֶבְרָהoverflowזָדוֹןinsolenceעָצֵלsluggishמוּתdieנָתַןgiveחָשַׂךְwithholdתּוֹעֵבַהabominationאַףalsoזִמָּהplanבּוֹאcome inעֵדwitnessכָּזָבlieאָבַדperishשָׁמַעhearנֵ֫צַחeminenceדָבַרspeakעָזַזbe strongפָּנֶהfaceבִּיןdiscernחׇכְמָהwisdomתְּבוּנָהunderstandingעֵצָהcounselנֶ֫גֶדwhat is conspicuousסוּסhorseכּוּןbe firmמִלְחָמָהbattleתְּשׁוּעָהdeliverance