Proverbs 12 in the Hebrew of the Westminster Leningrad Codex. Proverbs is part of the poetic and wisdom literature.
1
אֹהֵ֣ב מ֭וּסָר אֹ֣הֵֽב דָּ֑עַת וְשֹׂנֵ֖א תוֹכַ֣חַת בָּֽעַר׃
2
ט֗וֹב יָפִ֣יק רָ֭צוֹן מֵיְהוָ֑ה וְאִ֖ישׁ מְזִמּ֣וֹת יַרְשִֽׁיעַ׃
3
לֹא־יִכּ֣וֹן אָדָ֣ם בְּרֶ֑שַׁע וְשֹׁ֥רֶשׁ צַ֝דִּיקִ֗ים בַּל־יִמּֽוֹט׃
4
אֵֽשֶׁת־חַ֭יִל עֲטֶ֣רֶת בַּעְלָ֑הּ וּכְרָקָ֖ב בְּעַצְמוֹתָ֣יו מְבִישָֽׁה׃
5
מַחְשְׁב֣וֹת צַדִּיקִ֣ים מִשְׁפָּ֑ט תַּחְבֻּל֖וֹת רְשָׁעִ֣ים מִרְמָֽה׃
6
דִּבְרֵ֣י רְשָׁעִ֣ים אֱרָב־דָּ֑ם וּפִ֥י יְ֝שָׁרִ֗ים יַצִּילֵֽם׃
7
הָפ֣וֹךְ רְשָׁעִ֣ים וְאֵינָ֑ם וּבֵ֖ית צַדִּיקִ֣ים יַעֲמֹֽד׃
8
לְֽפִי־שִׂ֭כְלוֹ יְהֻלַּל־אִ֑ישׁ וְנַעֲוֵה־לֵ֝֗ב יִהְיֶ֥ה לָבֽוּז׃
9
ט֣וֹב נִ֭קְלֶה וְעֶ֣בֶד ל֑וֹ מִ֝מְּתַכַּבֵּ֗ד וַחֲסַר־לָֽחֶם׃
10
יוֹדֵ֣עַ צַ֭דִּיק נֶ֣פֶשׁ בְּהֶמְתּ֑וֹ וְֽרַחֲמֵ֥י רְ֝שָׁעִ֗ים אַכְזָרִֽי׃
11
עֹבֵ֣ד אַ֭דְמָתוֹ יִֽשְׂבַּֽע־לָ֑חֶם וּמְרַדֵּ֖ף רֵיקִ֣ים חֲסַר־לֵֽב׃
12
חָמַ֣ד רָ֭שָׁע מְצ֣וֹד רָעִ֑ים וְשֹׁ֖רֶשׁ צַדִּיקִ֣ים יִתֵּֽן׃
13
בְּפֶ֣שַׁע שְׂ֭פָתַיִם מוֹקֵ֣שׁ רָ֑ע וַיֵּצֵ֖א מִצָּרָ֣ה צַדִּֽיק׃
14
מִפְּרִ֣י פִי־אִ֭ישׁ יִשְׂבַּע־ט֑וֹב וּגְמ֥וּל יְדֵי־אָ֝דָ֗ם יָשִׁ֥יב לֽוֹ׃
15
דֶּ֣רֶךְ אֱ֭וִיל יָשָׁ֣ר בְּעֵינָ֑יו וְשֹׁמֵ֖עַ לְעֵצָ֣ה חָכָֽם׃
16
אֱוִ֗יל בַּ֭יּוֹם יִוָּדַ֣ע כַּעְס֑וֹ וְכֹסֶ֖ה קָל֣וֹן עָרֽוּם׃
17
יָפִ֣יחַ אֱ֭מוּנָה יַגִּ֣יד צֶ֑דֶק וְעֵ֖ד שְׁקָרִ֣ים מִרְמָֽה׃
18
יֵ֣שׁ בּ֭וֹטֶה כְּמַדְקְר֣וֹת חָ֑רֶב וּלְשׁ֖וֹן חֲכָמִ֣ים מַרְפֵּֽא׃
19
שְֽׂפַת־אֱ֭מֶת תִּכּ֣וֹן לָעַ֑ד וְעַד־אַ֝רְגִּ֗יעָה לְשׁ֣וֹן שָֽׁקֶר׃
20
מִ֭רְמָה בְּלֶב־חֹ֣רְשֵׁי רָ֑ע וּֽלְיֹעֲצֵ֖י שָׁל֣וֹם שִׂמְחָֽה׃
21
לֹא־יְאֻנֶּ֣ה לַצַּדִּ֣יק כָּל־אָ֑וֶן וּ֝רְשָׁעִ֗ים מָ֣לְאוּ רָֽע׃
22
תּוֹעֲבַ֣ת יְ֭הוָה שִׂפְתֵי־שָׁ֑קֶר וְעֹשֵׂ֖י אֱמוּנָ֣ה רְצוֹנֽוֹ׃
23
אָדָ֣ם עָ֭רוּם כֹּ֣סֶה דָּ֑עַת וְלֵ֥ב כְּ֝סִילִ֗ים יִקְרָ֥א אִוֶּֽלֶת׃
24
יַד־חָרוּצִ֥ים תִּמְשׁ֑וֹל ו֝רְמִיָּ֗ה תִּהְיֶ֥ה לָמַֽס׃
25
דְּאָגָ֣ה בְלֶב־אִ֣ישׁ יַשְׁחֶ֑נָּה וְדָבָ֖ר ט֣וֹב יְשַׂמְּחֶֽנָּה׃
26
יָתֵ֣ר מֵרֵעֵ֣הוּ צַדִּ֑יק וְדֶ֖רֶךְ רְשָׁעִ֣ים תַּתְעֵֽם׃
27
לֹא־יַחֲרֹ֣ךְ רְמִיָּ֣ה צֵיד֑וֹ וְהוֹן־אָדָ֖ם יָקָ֣ר חָרֽוּץ׃
28
בְּאֹֽרַח־צְדָקָ֥ה חַיִּ֑ים וְדֶ֖רֶךְ נְתִיבָ֣ה אַל־מָֽוֶת׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
139 distinct words — each links to every other place it occurs.
צַדִּיקjust8רָשָׁעwicked7לֵבinner man5אִישׁman4אָדָםman4טוֹבpleasant3לֹאnot3מִרְמָהdeceit3פֶּהmouth3שָׂפָהlip3דֶּ֫רֶךְway3שֶׁ֫קֶרdeception3אָהֵבlove2דַּ֫עַתknowledge2רָצוֹןgoodwill2יהוהJehovah2כּוּןbe firm2שֹׁ֫רֶשׁroot2דָּבָרspeech2יָשָׁרstraight2הָיָהfall out2חָסֵרneedy2לֶ֫חֶםbread2יָדַעknow2שָׂבֵעַbe sated2רַעbad2יָדhand2אֱוִילfoolish2חָכָםwise2כָּסָהcover2עָרוּםcrafty2אֱמוּנָהfirmness2לָשׁוֹןtongue2רַעevil2חָרוּץsharp2רְמִיָּהlaxness2מוּסָרdisciplineשָׂנֵאhateתּוֹכַ֫חַתargumentבַּ֫עַרbrutishnessפּוּקbring outמְזִמָּהpurposeרָשַׁעbe wickedרֶ֫שַׁעwickednessבַּלnotמוֹטtotterאִשָּׁהwomanחַ֫יִלstrengthעֲטָרָהcrownבַּעַלownerרָקָבrottennessעֶ֫צֶםboneבּוֹשׁbe ashamedמַחֲשָׁבָהthoughtמִשְׁפָּטjudgmentתַּחְבֻּלָהdirectionאָרַבlie in waitדָּםbloodנָצַלstripהָפַךְturnאַ֫יִןnothingבַּ֫יִתhouseעָמַדtake one’s standשֵׂ֫כֶלprudenceהָלַלbe boastfulעָוָהbendבּוּזcontemptקָלָהbe lightly esteemedעֶ֫בֶדslaveכָּבֵדbe heavyנֶ֫פֶשׁsoulבְּהֵמָהbeastרַחֲמִיםcompassionאַכְזָרִיcruelעָבַדworkאֲדָמָהgroundרָדַףpursueרֵיקemptyחָמַדdesireמָצוֹדhunting implementנָתַןgiveפֶּ֫שַׁעtransgressionמוֹקֵשׁa baitיָצָאgo outצָרָהstraitsפְּרִיfruitטוֹבa good thingגְּמוּלdealingשׁוּבturn backעַ֫יִןeyeשָׁמַעhearעֵצָהcounselיוֹםdayכַּ֫עַסvexationקָלוֹןignominyפּוּחַbreatheנָגַדbe conspicuousצֶ֫דֶקrightnessעֵדwitnessיֵשׁbeingבָּטָהspeak rashlyמַדְקָרָהpiercingחֶ֫רֶבswordמַרְפֵּאhealingאֱמֶתfirmnessעַדperpetuityעַדas far asרָגַעdisturbחָרַשׁcut inיָעַץadviseשָׁלוֹםcompletenessשִׂמְחָהjoyאָנָהbe opportuneכֹּלthe wholeאָ֫וֶןtroubleמָלֵאbe fullתּוֹעֵבַהabominationעָשָׂהdoכְּסִילstupid fellowקָרָאcallאִוֶּ֫לֶתfollyמָשַׁלruleמַסbody of forced labourersדְּאָגָהanxietyשָׁחָהbow downשָׂמַחrejoiceתּוּרseek outרֵעַfriendתָּעָהerrחָרַךְset in motionצַ֫יִדhuntingהוֹןwealthיָקָרpreciousאֹ֫רַחwayצְדָקָהrighteousnessחַיִּיםlifeנָתִיבpathאַלnotמָ֫וֶתdeath