Proverbs 29 in Hebrew – The Ancient Bible

Ancient Bible › Old Testament › Proverbs › 29

Proverbs 29 in the Hebrew of the Westminster Leningrad Codex. Proverbs is part of the poetic and wisdom literature.

Hebrew · Poetry & Wisdom

Proverbs 29

Westminster Leningrad Codex · every word parsed

1
אִ֣ישׁ תּ֭וֹכָחוֹת מַקְשֶׁה־עֹ֑רֶף פֶּ֥תַע יִ֝שָּׁבֵ֗ר וְאֵ֣ין מַרְפֵּֽא׃ 
2
בִּרְב֣וֹת צַ֭דִּיקִים יִשְׂמַ֣ח הָעָ֑ם וּבִמְשֹׁ֥ל רָ֝שָׁ֗ע יֵאָ֥נַֽח עָֽם׃ 
3
אִֽישׁ־אֹהֵ֣ב חָ֭כְמָה יְשַׂמַּ֣ח אָבִ֑יו וְרֹעֶ֥ה ז֝וֹנ֗וֹת יְאַבֶּד־הֽוֹן׃ 
4
מֶ֗לֶךְ בְּ֭מִשְׁפָּט יַעֲמִ֣יד אָ֑רֶץ וְאִ֖ישׁ תְּרוּמ֣וֹת יֶֽהֶרְסֶֽנָּה׃ 
5
גֶּ֭בֶר מַחֲלִ֣יק עַל־רֵעֵ֑הוּ רֶ֝֗שֶׁת פּוֹרֵ֥שׂ עַל־פְּעָמָֽיו׃ 
6
בְּפֶ֤שַֽׁע אִ֣ישׁ רָ֣ע מוֹקֵ֑שׁ וְ֝צַדִּ֗יק יָר֥וּן וְשָׂמֵֽחַ׃ 
7
יֹדֵ֣עַ צַ֭דִּיק דִּ֣ין דַּלִּ֑ים רָ֝שָׁ֗ע לֹא־יָבִ֥ין דָּֽעַת׃ 
8
אַנְשֵׁ֣י לָ֭צוֹן יָפִ֣יחוּ קִרְיָ֑ה וַ֝חֲכָמִ֗ים יָשִׁ֥יבוּ אָֽף׃ 
9
אִֽישׁ־חָכָ֗ם נִ֭שְׁפָּט אֶת־אִ֣ישׁ אֱוִ֑יל וְרָגַ֥ז וְ֝שָׂחַ֗ק וְאֵ֣ין נָֽחַת׃ 
10
אַנְשֵׁ֣י דָ֭מִים יִשְׂנְאוּ־תָ֑ם וִֽ֝ישָׁרִ֗ים יְבַקְשׁ֥וּ נַפְשֽׁוֹ׃ 
11
כָּל־ר֭וּחוֹ יוֹצִ֣יא כְסִ֑יל וְ֝חָכָ֗ם בְּאָח֥וֹר יְשַׁבְּחֶֽנָּה׃ 
12
מֹ֭שֵׁל מַקְשִׁ֣יב עַל־דְּבַר־שָׁ֑קֶר כָּֽל־מְשָׁרְתָ֥יו רְשָׁעִֽים׃ 
13
רָ֤שׁ וְאִ֣ישׁ תְּכָכִ֣ים נִפְגָּ֑שׁוּ מֵ֤אִיר־עֵינֵ֖י שְׁנֵיהֶ֣ם יְהוָֽה׃ 
14
מֶ֤לֶךְ שׁוֹפֵ֣ט בֶּֽאֱמֶ֣ת דַּלִּ֑ים כִּ֝סְא֗וֹ לָעַ֥ד יִכּֽוֹן׃ 
15
שֵׁ֣בֶט וְ֭תוֹכַחַת יִתֵּ֣ן חָכְמָ֑ה וְנַ֥עַר מְ֝שֻׁלָּ֗ח מֵבִ֥ישׁ אִמּֽוֹ׃ 
16
בִּרְב֣וֹת רְ֭שָׁעִים יִרְבֶּה־פָּ֑שַׁע וְ֝צַדִּיקִ֗ים בְּֽמַפַּלְתָּ֥ם יִרְאֽוּ׃ 
17
יַסֵּ֣ר בִּ֭נְךָ וִֽינִיחֶ֑ךָ וְיִתֵּ֖ן מַעֲדַנִּ֣ים לְנַפְשֶֽׁךָ׃ 
18
בְּאֵ֣ין חָ֭זוֹן יִפָּ֣רַֽע עָ֑ם וְשֹׁמֵ֖ר תּוֹרָ֣ה אַשְׁרֵֽהוּ׃ 
19
בִּ֭דְבָרִים לֹא־יִוָּ֣סֶר עָ֑בֶד כִּֽי־יָ֝בִ֗ין וְאֵ֣ין מַעֲנֶֽה׃ 
20
חָזִ֗יתָ אִ֭ישׁ אָ֣ץ בִּדְבָרָ֑יו תִּקְוָ֖ה לִכְסִ֣יל מִמֶּֽנּוּ׃ 
21
מְפַנֵּ֣ק מִנֹּ֣עַר עַבְדּ֑וֹ וְ֝אַחֲרִית֗וֹ יִהְיֶ֥ה מָנֽוֹן׃ 
22
אִֽישׁ־אַ֭ף יְגָרֶ֣ה מָד֑וֹן וּבַ֖עַל חֵמָ֣ה רַב־פָּֽשַׁע׃ 
23
גַּאֲוַ֣ת אָ֭דָם תַּשְׁפִּילֶ֑נּוּ וּשְׁפַל־ר֝֗וּחַ יִתְמֹ֥ךְ כָּבֽוֹד׃ 
24
חוֹלֵ֣ק עִם־גַּ֭נָּב שׂוֹנֵ֣א נַפְשׁ֑וֹ אָלָ֥ה יִ֝שְׁמַ֗ע וְלֹ֣א יַגִּֽיד׃ 
25
חֶרְדַּ֣ת אָ֭דָם יִתֵּ֣ן מוֹקֵ֑שׁ וּבוֹטֵ֖חַ בַּיהוָ֣ה יְשֻׂגָּֽב׃ 
26
רַ֭בִּים מְבַקְשִׁ֣ים פְּנֵי־מוֹשֵׁ֑ל וּ֝מֵיְהוָ֗ה מִשְׁפַּט־אִֽישׁ׃ 
27
תּוֹעֲבַ֣ת צַ֭דִּיקִים אִ֣ישׁ עָ֑וֶל וְתוֹעֲבַ֖ת רָשָׁ֣ע יְשַׁר־דָּֽרֶךְ׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

137 distinct words — each links to every other place it occurs.

אִישׁman13 צַדִּיקjust5 רָשָׁעwicked5 אַ֫יִןnothing4 רָבָהbe much3 שָׂמַחrejoice3 עַםpeople3 מָשַׁלrule3 עַלabove3 פֶּ֫שַׁעtransgression3 לֹאnot3 חָכָםwise3 נֶ֫פֶשׁsoul3 דָּבָרspeech3 יהוהJehovah3 נָתַןgive3 תּוֹכַ֫חַתargument2 חׇכְמָהwisdom2 מֶ֫לֶךְking2 מִשְׁפָּטjudgment2 מוֹקֵשׁa bait2 דַּלlow2 בִּיןdiscern2 אַףnostril2 שָׁפַטjudge2 שָׂנֵאhate2 יָשָׁרstraight2 בָּקַשׁseek2 כֹּלthe whole2 רוּחַbreath2 כְּסִילstupid fellow2 יָסַרdiscipline2 עֶ֫בֶדslave2 רַבmuch2 אָדָםman2 תּוֹעֵבַהabomination2 קָשָׁהbe hard עֹ֫רֶףback of neck פֶּתַעsuddenness שָׁבַרbreak מַרְפֵּאhealing אָנַחsigh אָהֵבlove אָבfather רָעָהassociate with זָנָהcommit fornication אָבַדperish הוֹןwealth עָמַדtake one’s stand אֶ֫רֶץearth תְּרוּמָהcontribution הָרַסthrow down גֶּ֫בֶרman חָלַקbe smooth רֵעַfriend רֶ֫שֶׁתnet פָּרַשׂspread out פַּ֫עַםbeat רַעevil רָנַןgive a ringing cry יָדַעknow דִּיןjudgment דַּ֫עַתknowledge לָצוֹןscorning פּוּחַbreathe קִרְיָהtown שׁוּבturn back אֵתwith אֱוִילfoolish רָגַזbe agitated שָׂחַקlaugh נַ֫חַתquietness דָּםblood תָּםcomplete יָצָאgo out אָחוֹרthe hinder side שָׁבַחsoothe קָשַׁבincline שֶׁ֫קֶרdeception שָׁרַתminister רוּשׁbe in want תָּכָךְinjury פָּגַשׁmeet אוֹרbe light עַ֫יִןeye שְׁנַ֫יִםtwo אֱמֶתfirmness כִּסֵּאseat עַדperpetuity כּוּןbe firm שֵׁ֫בֶטrod נַ֫עַרboy שָׁלַחsend בּוֹשׁbe ashamed אֵםmother מַפֶּ֫לֶתcarcass רָאָהsee בֵּןson נוּחַrest מַעֲדָןdainty חָזוֹןvision פָּרַעlet go שָׁמַרkeep תּוֹרָהdirection אֶ֫שֶׁרhappiness כִּיthat מַעֲנֶהanswer חָזָהsee אוּץpress תִּקְוָהhope מִן־out of פָּנַקindulge נֹ֫עַרyouth אַחֲרִיתafter-part הָיָהfall out מָנוֹןthankless one גָּרָהstir up מָדוֹןstrife בַּעַלowner חֵמָהheat גַּאֲוָהmajesty שָׁפֵלbe low שָׁפָלlow תָּמַךְgrasp כָּבוֹדabundance חָלַקdivide עִםwith גַּנָּבthief אָלָהoath שָׁמַעhear נָגַדbe conspicuous חֲרָדָהtrembling בָּטַחtrust שָׂגַבbe high פָּנֶהface עָ֫וֶלinjustice דֶּ֫רֶךְway