Proverbs 25 in Hebrew – The Ancient Bible

Ancient Bible › Old Testament › Proverbs › 25

Proverbs 25 in the Hebrew of the Westminster Leningrad Codex. Proverbs is part of the poetic and wisdom literature.

Hebrew · Poetry & Wisdom

Proverbs 25

Westminster Leningrad Codex · every word parsed

1
גַּם־אֵ֭לֶּה מִשְׁלֵ֣י שְׁלֹמֹ֑ה אֲשֶׁ֥ר הֶ֝עְתִּ֗יקוּ אַנְשֵׁ֤י ׀ חִזְקִיָּ֬ה מֶֽלֶךְ־יְהוּדָֽה׃ 
2
כְּבֹ֣ד אֱ֭לֹהִים הַסְתֵּ֣ר דָּבָ֑ר וּכְבֹ֥ד מְ֝לָכִ֗ים חֲקֹ֣ר דָּבָֽר׃ 
3
שָׁמַ֣יִם לָ֭רוּם וָאָ֣רֶץ לָעֹ֑מֶק וְלֵ֥ב מְ֝לָכִ֗ים אֵ֣ין חֵֽקֶר׃ 
4
הָג֣וֹ סִיגִ֣ים מִכָּ֑סֶף וַיֵּצֵ֖א לַצֹּרֵ֣ף כֶּֽלִי׃ 
5
הָג֣וֹ רָ֭שָׁע לִפְנֵי־מֶ֑לֶךְ וְיִכּ֖וֹן בַּצֶּ֣דֶק כִּסְאֽוֹ׃ 
6
אַל־תִּתְהַדַּ֥ר לִפְנֵי־מֶ֑לֶךְ וּבִמְק֥וֹם גְּ֝דֹלִ֗ים אַֽל־תַּעֲמֹֽד׃ 
7
כִּ֤י ט֥וֹב אֲמָר־לְךָ֗ עֲֽלֵ֫ה הֵ֥נָּה מֵֽ֭הַשְׁפִּ֣ילְךָ לִפְנֵ֣י נָדִ֑יב אֲשֶׁ֖ר רָא֣וּ עֵינֶֽיךָ׃ 
8
אַל־תֵּצֵ֥א לָרִ֗ב מַ֫הֵ֥ר פֶּ֣ן מַה־תַּ֭עֲשֶׂה בְּאַחֲרִיתָ֑הּ בְּהַכְלִ֖ים אֹתְךָ֣ רֵעֶֽךָ׃ 
9
רִֽ֭יבְךָ רִ֣יב אֶת־רֵעֶ֑ךָ וְס֖וֹד אַחֵ֣ר אַל־תְּגָֽל׃ 
10
פֶּֽן־יְחַסֶּדְךָ֥ שֹׁמֵ֑עַ וְ֝דִבָּתְךָ֗ לֹ֣א תָשֽׁוּב׃ 
11
תַּפּוּחֵ֣י זָ֭הָב בְּמַשְׂכִּיּ֥וֹת כָּ֑סֶף דָּ֝בָ֗ר דָּבֻ֥ר עַל־אָפְנָֽיו׃ 
12
נֶ֣זֶם זָ֭הָב וַחֲלִי־כָ֑תֶם מוֹכִ֥יחַ חָ֝כָ֗ם עַל־אֹ֥זֶן שֹׁמָֽעַת׃ 
13
כְּצִנַּת־שֶׁ֨לֶג ׀ בְּי֬וֹם קָצִ֗יר צִ֣יר נֶ֭אֱמָן לְשֹׁלְחָ֑יו וְנֶ֖פֶשׁ אֲדֹנָ֣יו יָשִֽׁיב׃ 
14
נְשִׂיאִ֣ים וְ֭רוּחַ וְגֶ֣שֶׁם אָ֑יִן אִ֥ישׁ מִ֝תְהַלֵּ֗ל בְּמַתַּת־שָֽׁקֶר׃ 
15
בְּאֹ֣רֶךְ אַ֭פַּיִם יְפֻתֶּ֣ה קָצִ֑ין וְלָשׁ֥וֹן רַ֝כָּ֗ה תִּשְׁבָּר־גָּֽרֶם׃ 
16
דְּבַ֣שׁ מָ֭צָאתָ אֱכֹ֣ל דַּיֶּ֑ךָּ פֶּן־תִּ֝שְׂבָּעֶ֗נּוּ וַהֲקֵֽאתֽוֹ׃ 
17
הֹקַ֣ר רַ֭גְלְךָ מִבֵּ֣ית רֵעֶ֑ךָ פֶּן־יִ֝שְׂבָּעֲךָ֗ וּשְׂנֵאֶֽךָ׃ 
18
מֵפִ֣יץ וְ֭חֶרֶב וְחֵ֣ץ שָׁנ֑וּן אִ֥ישׁ עֹנֶ֥ה בְ֝רֵעֵ֗הוּ עֵ֣ד שָֽׁקֶר׃ 
19
שֵׁ֣ן רֹ֭עָה וְרֶ֣גֶל מוּעָ֑דֶת מִבְטָ֥ח בּ֝וֹגֵ֗ד בְּי֣וֹם צָרָֽה׃ 
20
מַ֥עֲדֶה בֶּ֨גֶד ׀ בְּי֣וֹם קָ֭רָה חֹ֣מֶץ עַל־נָ֑תֶר וְשָׁ֥ר בַּ֝שִּׁרִ֗ים עַ֣ל לֶב־רָֽע׃ 
21
אִם־רָעֵ֣ב שֹׂ֭נַאֲךָ הַאֲכִלֵ֣הוּ לָ֑חֶם וְאִם־צָ֝מֵ֗א הַשְׁקֵ֥הוּ מָֽיִם׃ 
22
כִּ֤י גֶֽחָלִ֗ים אַ֭תָּה חֹתֶ֣ה עַל־רֹאשׁ֑וֹ וַֽ֝יהוָ֗ה יְשַׁלֶּם־לָֽךְ׃ 
23
ר֣וּחַ צָ֭פוֹן תְּח֣וֹלֵֽל גָּ֑שֶׁם וּפָנִ֥ים נִ֝זְעָמִ֗ים לְשׁ֣וֹן סָֽתֶר׃ 
24
ט֗וֹב שֶׁ֥בֶת עַל־פִּנַּת־גָּ֑ג מֵאֵ֥שֶׁת מִ֝דְיָנִ֗ים וּבֵ֥ית חָֽבֶר׃ 
25
מַ֣יִם קָ֭רִים עַל־נֶ֣פֶשׁ עֲיֵפָ֑ה וּשְׁמוּעָ֥ה ט֝וֹבָ֗ה מֵאֶ֥רֶץ מֶרְחָֽק׃ 
26
מַעְיָ֣ן נִ֭רְפָּשׂ וּמָק֣וֹר מָשְׁחָ֑ת צַ֝דִּ֗יק מָ֣ט לִפְנֵֽי־רָשָֽׁע׃ 
27
אָ֘כֹ֤ל דְּבַ֣שׁ הַרְבּ֣וֹת לֹא־ט֑וֹב וְחֵ֖קֶר כְּבֹדָ֣ם כָּבֽוֹד׃ 
28
עִ֣יר פְּ֭רוּצָה אֵ֣ין חוֹמָ֑ה אִ֝֗ישׁ אֲשֶׁ֤ר אֵ֖ין מַעְצָ֣ר לְרוּחֽוֹ׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

168 distinct words — each links to every other place it occurs.

עַלabove7 מֶ֫לֶךְking5 פָּנֶהface5 אִישׁman4 כָּבוֹדabundance4 אַ֫יִןnothing4 אַלnot4 טוֹבpleasant4 פֶּן־lest4 רֵעַfriend4 אֲשֶׁרwho3 דָּבָרspeech3 יוֹםday3 רוּחַbreath3 אָכַלeat3 אֶ֫רֶץearth2 לֵבinner man2 חֵ֫קֶרsearching2 הָגָהremove2 כֶּ֫סֶףsilver2 יָצָאgo out2 רָשָׁעwicked2 כִּיthat2 רִיבstrive2 שָׁמַעhear2 לֹאnot2 שׁוּבturn back2 זָהָבgold2 נֶ֫פֶשׁsoul2 גֶּ֫שֶׁםrain2 שֶׁ֫קֶרdeception2 לָשׁוֹןtongue2 דְּבַשׁhoney2 שָׂבֵעַbe sated2 רֶ֫גֶלfoot2 בַּ֫יִתhouse2 שָׂנֵאhate2 אִםif2 מַיwaters2 גַּםalso אֵ֫לֶּהthese מָשָׁלproverb שְׁלֹמֹהSolomon עָתַקmove חִזְקִיָּהוּHezekiah יְהוּדָהJudah אֱלֹהִיםgods סָתַרhide חָקַרsearch שָׁמַיִםheavens רוּםheight עֹ֫מֶקdepth סִיגa moving back צָרַףsmelt כְּלִיarticle כּוּןbe firm צֶ֫דֶקrightness כִּסֵּאseat הָדַרswell מָקוֹםstanding-place גָּדוֹלgreat עָמַדtake one’s stand אָמַרutter עָלָהgo up הֵ֫נָּהhither שָׁפֵלbe low נָדִיבinclined רָאָהsee עַ֫יִןeye מַהֵרquickly מָהwhat?עָשָׂהdo אַחֲרִיתafter-part כָּלַםbe humiliated אֵתmark of the accusative רִיבstrife אֵתwith סוֹדcouncil אַחֵרanother גָּלָהuncover חָסַדbe reproached דִּבָּהwhispering תַּפּוּחַapple-tree מַשְׂכִּיתshow-piece דָבַרspeak אֹ֫פֶןcircumstance נֶ֫זֶםring חֲלִיornament כֶּ֫תֶםgold יָכַחdecide חָכָםwise אֹ֫זֶןear צִנָּהcoolness שֶׁ֫לֶגsnow קָצִירharvesting צִירenvoy אָמַןconfirm שָׁלַחsend אָדוֹןlord נָשִׂיאrising mist הָלַלbe boastful מַתַּתgift אֹ֫רֶךְlength אַףnostril פָּתָהbe simple קָצִיןchief רַךְtender שָׁבַרbreak גֶּ֫רֶםbone מָצָאattain to דַּיsufficiency קִיאvomit up יָקַרbe precious מֵפִיץscatterer חֶ֫רֶבsword חֵץarrow שָׁנַןwhet עָנָהanswer עֵדwitness שֵׁןtooth רֹעָהbreak מוּעֶדֶתslip מִבְטָחconfidence בָּגַדact treacherously צָרָהstraits עָדָהpass on בֶּ֫גֶדgarment קָרָהcoolness חֹ֫מֶץvinegar נֶ֫תֶרnatron שִׁירsing שִׁירsong רַעbad רָעֵבhungry לֶ֫חֶםbread צָמֵאthirsty שָׁקָהcause to drink water גַּחֶ֫לֶתcoal אַתָּ֫הthou חָתָהsnatch up רֹאשׁhead יהוהJehovah שָׁלֵםbe complete צָפוֹןnorth חוּלwhirl זָעַםbe indignant סֵ֫תֶרcovering יָשַׁבsit פִּנָּהcorner גָּגroof אִשָּׁהwoman מָדוֹןstrife חֶ֫בֶרcompany קַרcool עָיֵףfaint שְׁמוּעָהreport מֶרְחָקdistant place מַעְיָןspring רָפַשׂstamp מָקוֹרspring שָׁחַתgo to ruin צַדִּיקjust מוֹטtotter רָבָהbe much עִירcity פָּרַץbreak through חוֹמָהwall מַעְצָרrestraint