Proverbs 24 in the Hebrew of the Westminster Leningrad Codex. Proverbs is part of the poetic and wisdom literature.
1
אַל־תְּ֭קַנֵּא בְּאַנְשֵׁ֣י רָעָ֑ה וְאַל־תִּ֝תְאָ֗יו לִהְי֥וֹת אִתָּֽם׃
2
כִּי־שֹׁ֭ד יֶהְגֶּ֣ה לִבָּ֑ם וְ֝עָמָ֗ל שִׂפְתֵיהֶ֥ם תְּדַבֵּֽרְנָה׃
3
בְּ֭חָכְמָה יִבָּ֣נֶה בָּ֑יִת וּ֝בִתְבוּנָ֗ה יִתְכּוֹנָֽן׃
4
וּ֭בְדַעַת חֲדָרִ֣ים יִמָּלְא֑וּ כָּל־ה֖וֹן יָקָ֣ר וְנָעִֽים׃
5
גֶּֽבֶר־חָכָ֥ם בַּע֑וֹז וְאִֽישׁ־דַּ֝֗עַת מְאַמֶּץ־כֹּֽחַ׃
6
כִּ֣י בְ֭תַחְבֻּלוֹת תַּעֲשֶׂה־לְּךָ֣ מִלְחָמָ֑ה וּ֝תְשׁוּעָ֗ה בְּרֹ֣ב יוֹעֵֽץ׃
7
רָאמ֣וֹת לֶֽאֱוִ֣יל חָכְמ֑וֹת בַּ֝שַּׁ֗עַר לֹ֣א יִפְתַּח־פִּֽיהוּ׃
8
מְחַשֵּׁ֥ב לְהָרֵ֑עַ ל֝֗וֹ בַּֽעַל־מְזִמּ֥וֹת יִקְרָֽאוּ׃
9
זִמַּ֣ת אִוֶּ֣לֶת חַטָּ֑את וְתוֹעֲבַ֖ת לְאָדָ֣ם לֵֽץ׃
10
הִ֭תְרַפִּיתָ בְּי֥וֹם צָרָ֗ה צַ֣ר כֹּחֶֽכָה׃
11
הַ֭צֵּל לְקֻחִ֣ים לַמָּ֑וֶת וּמָטִ֥ים לַ֝הֶ֗רֶג אִם־תַּחְשֽׂוֹךְ׃
12
כִּֽי־תֹאמַ֗ר הֵן֮ לֹא־יָדַ֪עְנ֫וּ זֶ֥ה הֲֽלֹא־תֹ֘כֵ֤ן לִבּ֨וֹת ׀ הֽוּא־יָבִ֗ין וְנֹצֵ֣ר נַ֭פְשְׁךָ ה֣וּא יֵדָ֑ע וְהֵשִׁ֖יב לְאָדָ֣ם כְּפָעֳלֽוֹ׃
13
אֱכָל־בְּנִ֣י דְבַ֣שׁ כִּי־ט֑וֹב וְנֹ֥פֶת מָ֝ת֗וֹק עַל־חִכֶּֽךָ׃
14
כֵּ֤ן ׀ דְּעֶ֥ה חָכְמָ֗ה לְנַ֫פְשֶׁ֥ךָ אִם־מָ֭צָאתָ וְיֵ֣שׁ אַחֲרִ֑ית וְ֝תִקְוָתְךָ֗ לֹ֣א תִכָּרֵֽת׃
15
אַל־תֶּאֱרֹ֣ב רָ֭שָׁע לִנְוֵ֣ה צַדִּ֑יק אַֽל־תְּשַׁדֵּ֥ד רִבְצוֹ׃
16
כִּ֤י שֶׁ֨בַע ׀ יִפּ֣וֹל צַדִּ֣יק וָקָ֑ם וּ֝רְשָׁעִ֗ים יִכָּשְׁל֥וּ בְרָעָֽה׃
17
בִּנְפֹ֣ל אֽ֭וֹיִבְךָ אַל־תִּשְׂמָ֑ח וּ֝בִכָּשְׁל֗וֹ אַל־יָגֵ֥ל לִבֶּֽךָ׃
18
פֶּן־יִרְאֶ֣ה יְ֭הוָה וְרַ֣ע בְּעֵינָ֑יו וְהֵשִׁ֖יב מֵעָלָ֣יו אַפּֽוֹ׃
19
אַל־תִּתְחַ֥ר בַּמְּרֵעִ֑ים אַל־תְּ֝קַנֵּ֗א בָּרְשָׁעִֽים׃
20
כִּ֤י ׀ לֹֽא־תִהְיֶ֣ה אַחֲרִ֣ית לָרָ֑ע נֵ֖ר רְשָׁעִ֣ים יִדְעָֽךְ׃
21
יְרָֽא־אֶת־יְהוָ֣ה בְּנִ֣י וָמֶ֑לֶךְ עִם־שׁ֝וֹנִ֗ים אַל־תִּתְעָרָֽב׃
22
כִּֽי־פִ֭תְאֹם יָק֣וּם אֵידָ֑ם וּפִ֥יד שְׁ֝נֵיהֶ֗ם מִ֣י יוֹדֵֽעַ׃
23
גַּם־אֵ֥לֶּה לַֽחֲכָמִ֑ים הַֽכֵּר־פָּנִ֖ים בְּמִשְׁפָּ֣ט בַּל־טֽוֹב׃
24
אֹ֤מֵ֨ר ׀ לְרָשָׁע֮ צַדִּ֪יק אָ֥תָּה יִקְּבֻ֥הוּ עַמִּ֑ים יִזְעָמ֥וּהוּ לְאֻמִּֽים׃
25
וְלַמּוֹכִיחִ֥ים יִנְעָ֑ם וַֽ֝עֲלֵיהֶ֗ם תָּב֥וֹא בִרְכַּת־טֽוֹב׃
26
שְׂפָתַ֥יִם יִשָּׁ֑ק מֵ֝שִׁ֗יב דְּבָרִ֥ים נְכֹחִֽים׃
27
הָ֘כֵ֤ן בַּח֨וּץ ׀ מְלַאכְתֶּ֗ךָ וְעַתְּדָ֣הּ בַּשָּׂדֶ֣ה לָ֑ךְ אַ֝חַ֗ר וּבָנִ֥יתָ בֵיתֶֽךָ׃
28
אַל־תְּהִ֣י עֵד־חִנָּ֣ם בְּרֵעֶ֑ךָ וַ֝הֲפִתִּ֗יתָ בִּשְׂפָתֶֽיךָ׃
29
אַל־תֹּאמַ֗ר כַּאֲשֶׁ֣ר עָֽשָׂה־לִ֭י כֵּ֤ן אֶֽעֱשֶׂה־לּ֑וֹ אָשִׁ֖יב לָאִ֣ישׁ כְּפָעֳלֽוֹ׃
30
עַל־שְׂדֵ֣ה אִישׁ־עָצֵ֣ל עָבַ֑רְתִּי וְעַל־כֶּ֝֗רֶם אָדָ֥ם חֲסַר־לֵֽב׃
31
וְהִנֵּ֨ה עָ֘לָ֤ה כֻלּ֨וֹ ׀ קִמְּשֹׂנִ֗ים כָּסּ֣וּ פָנָ֣יו חֲרֻלִּ֑ים וְגֶ֖דֶר אֲבָנָ֣יו נֶהֱרָֽסָה׃
32
וָֽאֶחֱזֶ֣ה אָ֭נֹכִֽי אָשִׁ֣ית לִבִּ֑י רָ֝אִ֗יתִי לָקַ֥חְתִּי מוּסָֽר׃
33
מְעַ֣ט שֵׁ֭נוֹת מְעַ֣ט תְּנוּמ֑וֹת מְעַ֓ט ׀ חִבֻּ֖ק יָדַ֣יִם לִשְׁכָּֽב׃
34
וּבָֽא־מִתְהַלֵּ֥ךְ רֵישֶׁ֑ךָ וּ֝מַחְסֹרֶ֗יךָ כְּאִ֣ישׁ מָגֵֽן׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
180 distinct words — each links to every other place it occurs.
אַלnot11כִּיthat7אִישׁman5לֹאnot5עַלabove5רָשָׁעwicked5לֵבinner man4יָדַעknow4שׁוּבturn back4הָיָהfall out3שָׂפָהlip3עָשָׂהdo3רָעַעbe evil3אָדָםman3אָמַרutter3צַדִּיקjust3מְעַטa little3קָנָאbe jealous2רָעָהevil2חׇכְמָהwisdom2בָּנָהbuild2בַּ֫יִתhouse2כּוּןbe firm2דַּ֫עַתknowledge2כֹּלthe whole2חָכָםwise2כֹּחַstrength2לָקַחtake2אִםif2הוּאhe2נֶ֫פֶשׁsoul2פֹּ֫עַלdoing2בֵּןson2טוֹבpleasant2כֵּןso2אַחֲרִיתafter-part2נָפַלfall2קוּםarise2כָּשַׁלstumble2רָאָהsee2יהוהJehovah2פָּנֶהface2בּוֹאcome in2שָׂדֶהfield2אָוָהinclineאֵתwithשֹׁדviolenceהָגָהmoanעָמָלtroubleדָבַרspeakתְּבוּנָהunderstandingחֶ֫דֶרchamberמָלֵאbe fullהוֹןwealthיָקָרpreciousנָעִיםpleasantגֶּ֫בֶרmanעֹזstrengthאָמֵץbe stoutתַּחְבֻּלָהdirectionמִלְחָמָהbattleתְּשׁוּעָהdeliveranceרֹבmultitudeיָעַץadviseרוּםbe highאֱוִילfoolishחׇכְמוֹתwisdomשַׁ֫עַרgateפָּתַחopenפֶּהmouthחָשַׁבthinkבַּעַלownerמְזִמָּהpurposeקָרָאcallזִמָּהplanאִוֶּ֫לֶתfollyחַטָּאתsinתּוֹעֵבַהabominationלִיץscornרָפָהsinkיוֹםdayצָרָהstraitsצַרnarrowנָצַלstripמָ֫וֶתdeathמוֹטtotterהֶ֫רֶגslaughterחָשַׂךְwithholdהֵןlo!זֶהthisתָּכַןregulateלִבָּהheartבִּיןdiscernנָצַרwatchאָכַלeatדְּבַשׁhoneyנֹ֫פֶתflowing honeyמָתוֹקsweetחֵךְpalateמָצָאattain toיֵשׁbeingתִּקְוָהhopeכָּרַתcut offאָרַבlie in waitנָוֶהabode of shepherdשָׁדַדdeal violently withרֵ֫בֶץplace ofשֶׁ֫בַעsevenאָיַבbe hostile toשָׂמַחrejoiceגִּילrejoiceפֶּן־lestעַ֫יִןeyeאַףnostrilחָרָהburnרַעbadנֵרlampדָּעַךְgo outיָרֵאfearאֵתmark of the accusativeמֶ֫לֶךְkingעִםwithשָׁנָהchangeעָרַבtake on pledgeפִּתְאֹםsuddennessאֵידdistressפִּידruinשְׁנַ֫יִםtwoמִיwho?גַּםalsoאֵ֫לֶּהtheseנָכַרregardמִשְׁפָּטjudgmentבַּלnotאַתָּ֫הthouנָקַבpierceעַםpeopleזָעַםbe indignantלְאֹםpeopleיָכַחdecideנָעֵםbe pleasantבְּרָכָהblessingטוֹבa good thingנָשַׁקkissדָּבָרspeechנָכֹחַstraightחוּץthe outsideמְלָאכָהoccupationעָתֹדbe readyאַחַרthe hinderעֵדwitnessחִנָּםout of favourרֵעַfriendפָּתָהbe spaciousכַּאֲשֶׁרaccording asעָצֵלsluggishעָבַרpass overכֶּרֶםvineyardחָסֵרneedyהִנֵּהlo!עָלָהgo upקִמָּשׂוֹןthistlesכָּסָהcoverחָרוּלchickpeaגֶּדֶרwallאֶ֫בֶןstoneהָרַסthrow downחָזָהseeאָֽנֹכִ֫יIשִׁיתputמוּסָרdisciplineשֵׁנָהsleepתְּנוּמָהslumberחִבֻּקa claspingיָדhandשָׁכַבlie downהָלַךְgoרֵישׁpovertyמַחְסוֹרneedמָגֵןshield