Proverbs 28 in the Hebrew of the Westminster Leningrad Codex. Proverbs is part of the poetic and wisdom literature.
1
נָ֣סוּ וְאֵין־רֹדֵ֣ף רָשָׁ֑ע וְ֝צַדִּיקִ֗ים כִּכְפִ֥יר יִבְטָֽח׃
2
בְּפֶ֣שַֽׁע אֶ֭רֶץ רַבִּ֣ים שָׂרֶ֑יהָ וּבְאָדָ֥ם מֵבִ֥ין יֹ֝דֵ֗עַ כֵּ֣ן יַאֲרִֽיךְ׃
3
גֶּ֣בֶר רָ֭שׁ וְעֹשֵׁ֣ק דַּלִּ֑ים מָטָ֥ר סֹ֝חֵ֗ף וְאֵ֣ין לָֽחֶם׃
4
עֹזְבֵ֣י ת֭וֹרָה יְהַֽלְל֣וּ רָשָׁ֑ע וְשֹׁמְרֵ֥י ת֝וֹרָ֗ה יִתְגָּ֥רוּ בָֽם׃
5
אַנְשֵׁי־רָ֭ע לֹא־יָבִ֣ינוּ מִשְׁפָּ֑ט וּמְבַקְשֵׁ֥י יְ֝הוָ֗ה יָבִ֥ינוּ כֹֽל׃
6
טֽוֹב־רָ֭שׁ הוֹלֵ֣ךְ בְּתֻמּ֑וֹ מֵעִקֵּ֥שׁ דְּ֝רָכַ֗יִם וְה֣וּא עָשִֽׁיר׃
7
נוֹצֵ֣ר תּ֭וֹרָה בֵּ֣ן מֵבִ֑ין וְרֹעֶה זֽ֝וֹלְלִ֗ים יַכְלִ֥ים אָבִֽיו׃
8
מַרְבֶּ֣ה ה֭וֹנוֹ בְּנֶ֣שֶׁךְ וְתַרְבִּ֑ית לְחוֹנֵ֖ן דַּלִּ֣ים יִקְבְּצֶֽנּוּ׃
9
מֵסִ֣יר אָ֭זְנוֹ מִשְּׁמֹ֣עַ תּוֹרָ֑ה גַּֽם־תְּ֝פִלָּת֗וֹ תּוֹעֵבָֽה׃
10
מַשְׁגֶּ֤ה יְשָׁרִ֨ים ׀ בְּדֶ֥רֶךְ רָ֗ע בִּשְׁחוּת֥וֹ הֽוּא־יִפּ֑וֹל וּ֝תְמִימִ֗ים יִנְחֲלוּ־טֽוֹב׃
11
חָכָ֣ם בְּ֭עֵינָיו אִ֣ישׁ עָשִׁ֑יר וְדַ֖ל מֵבִ֣ין יַחְקְרֶֽנּוּ׃
12
בַּעֲלֹ֣ץ צַ֭דִּיקִים רַבָּ֣ה תִפְאָ֑רֶת וּבְק֥וּם רְ֝שָׁעִ֗ים יְחֻפַּ֥שׂ אָדָֽם׃
13
מְכַסֶּ֣ה פְ֭שָׁעָיו לֹ֣א יַצְלִ֑יחַ וּמוֹדֶ֖ה וְעֹזֵ֣ב יְרֻחָֽם׃
14
אַשְׁרֵ֣י אָ֭דָם מְפַחֵ֣ד תָּמִ֑יד וּמַקְשֶׁ֥ה לִ֝בּ֗וֹ יִפּ֥וֹל בְּרָעָֽה׃
15
אֲרִי־נֹ֭הֵם וְדֹ֣ב שׁוֹקֵ֑ק מֹשֵׁ֥ל רָ֝שָׁ֗ע עַ֣ל עַם־דָּֽל׃
16
נָגִ֗יד חֲסַ֣ר תְּ֭בוּנוֹת וְרַ֥ב מַעֲשַׁקּ֑וֹת שֹׂ֥נֵא בֶ֝֗צַע יַאֲרִ֥יךְ יָמִֽים׃
17
אָ֭דָם עָשֻׁ֣ק בְּדַם־נָפֶשׁ עַד־בּ֥וֹר יָ֝נ֗וּס אַל־יִתְמְכוּ־בֽוֹ׃
18
הוֹלֵ֣ךְ תָּ֭מִים יִוָּשֵׁ֑עַ וְנֶעְקַ֥שׁ דְּ֝רָכַ֗יִם יִפּ֥וֹל בְּאֶחָֽת׃
19
עֹבֵ֣ד אַ֭דְמָתוֹ יִֽשְׂבַּֽע־לָ֑חֶם וּמְרַדֵּ֥ף רֵ֝קִ֗ים יִֽשְׂבַּֽע־רִֽישׁ׃
20
אִ֣ישׁ אֱ֭מוּנוֹת רַב־בְּרָכ֑וֹת וְאָ֥ץ לְ֝הַעֲשִׁ֗יר לֹ֣א יִנָּקֶֽה׃
21
הַֽכֵּר־פָּנִ֥ים לֹא־ט֑וֹב וְעַל־פַּת־לֶ֝֗חֶם יִפְשַׁע־גָּֽבֶר׃
22
נִֽבֳהָ֥ל לַה֗וֹן אִ֭ישׁ רַ֣ע עָ֑יִן וְלֹֽא־יֵ֝דַע כִּי־חֶ֥סֶר יְבֹאֶֽנּוּ׃
23
מ֘וֹכִ֤יחַ אָדָ֣ם אַ֭חֲרַי חֵ֣ן יִמְצָ֑א מִֽמַּחֲלִ֥יק לָשֽׁוֹן׃
24
גּוֹזֵ֤ל ׀ אָ֘בִ֤יו וְאִמּ֗וֹ וְאֹמֵ֥ר אֵֽין־פָּ֑שַׁע חָבֵ֥ר ה֝֗וּא לְאִ֣ישׁ מַשְׁחִֽית׃
25
רְחַב־נֶ֭פֶשׁ יְגָרֶ֣ה מָד֑וֹן וּבוֹטֵ֖חַ עַל־יְהוָ֣ה יְדֻשָּֽׁן׃
26
בּוֹטֵ֣חַ בְּ֭לִבּוֹ ה֣וּא כְסִ֑יל וְהוֹלֵ֥ךְ בְּ֝חָכְמָ֗ה ה֣וּא יִמָּלֵֽט׃
27
נוֹתֵ֣ן לָ֭רָשׁ אֵ֣ין מַחְס֑וֹר וּמַעְלִ֥ים עֵ֝ינָ֗יו רַב־מְאֵרֽוֹת׃
28
בְּק֣וּם רְ֭שָׁעִים יִסָּתֵ֣ר אָדָ֑ם וּ֝בְאָבְדָ֗ם יִרְבּ֥וּ צַדִּיקִֽים׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
149 distinct words — each links to every other place it occurs.
אָדָםman6רָשָׁעwicked5רַבmuch5בִּיןdiscern5אִישׁman5לֹאnot5הוּאhe5אַ֫יִןnothing4דַּלlow4תּוֹרָהdirection4צַדִּיקjust3בָּטַחtrust3פֶּ֫שַׁעtransgression3רוּשׁbe in want3לֶ֫חֶםbread3הָלַךְgo3דֶּ֫רֶךְway3נָפַלfall3עַ֫יִןeye3עַלabove3נוּסflee2רָדַףpursue2יָדַעknow2אָרַךְbe long2גֶּ֫בֶרman2עָשַׁקoppress2עָזַבleave2גָּרָהstir up2יהוהJehovah2טוֹבpleasant2עָשִׁירrich2אָבfather2רָבָהbe much2הוֹןwealth2רַעbad2תָּמִיםcomplete2קוּםarise2לֵבinner man2נֶ֫פֶשׁsoul2שָׂבֵעַbe sated2כְּפִירyoung lionאֶ֫רֶץearthשַׂרchieftainכֵּןrightמָטַרrainסָחַףprostrateהָלַלbe boastfulשָׁמַרkeepרַעevilמִשְׁפָּטjudgmentבָּקַשׁseekכֹּלthe wholeתֹּםcompletenessעִקֵּשׁtwistedנָצַרwatchבֵּןsonרָעָהassociate withזָלַלbe lightכָּלַםbe humiliatedנֶ֫שֶׁךְinterestתַּרְבִּיתincrementחָנַןshew favourקָבַץgatherסוּרturn asideאֹ֫זֶןearשָׁמַעhearגַּםalsoתְּפִלָּהprayerתּוֹעֵבַהabominationשָׁגָהgo astrayיָשָׁרstraightשְׁחוּתpitנָחַלget as a possessionטוֹבa good thingחָכָםwiseחָקַרsearchעָלַץrejoiceתִּפְאָרָהbeautyחָפַשׂsearchכָּסָהcoverצָלֵחַadvanceיָדָהthrowרָחַםloveאֶ֫שֶׁרhappinessפָּחַדdreadתָּמִידcontinuityקָשָׁהbe hardרָעָהevilאֲרִיlionנָהַםgrowlדֹּבbearשָׁקַקrunמָשַׁלruleעַםpeopleנָגִידleaderחָסֵרneedyתְּבוּנָהunderstandingמַעֲשַׁקָּהextortionate actשָׂנֵאhateבֶּ֫צַעgain made by violenceיוֹםdayדָּםbloodעַדas far asבּוֹרpitאַלnotתָּמַךְgraspיָשַׁעdeliverעָקַשׁtwistאֶחָדoneעָבַדworkאֲדָמָהgroundרֵיקemptyרִישׁpovertyאֱמוּנָהfirmnessבְּרָכָהblessingאוּץpressעָשַׁרbe richנָקָהbe emptyנָכַרregardפָּנֶהfaceפַּתfragmentפָּשַׁעrebelבָּהַלtrembleכִּיthatחֶ֫סֶרwantבּוֹאcome inיָכַחdecideאַחֲרַיbackwardsחֵןfavourמָצָאattain toחָלַקbe smoothלָשׁוֹןtongueגָּזַלtear awayאֵםmotherאָמַרutterחָבֵרunitedשָׁחַתgo to ruinרָחָבwideמָדוֹןstrifeדָּשֵׁןbe fatכְּסִילstupid fellowחׇכְמָהwisdomמָלַטslip awayנָתַןgiveמַחְסוֹרneedעָלַםconcealמְאֵרָהa curseסָתַרhideאָבַדperish