Proverbs 31 in Hebrew – The Ancient Bible

Ancient Bible › Old Testament › Proverbs › 31

Proverbs 31 in the Hebrew of the Westminster Leningrad Codex. Proverbs is part of the poetic and wisdom literature.

Hebrew · Poetry & Wisdom

Proverbs 31

Westminster Leningrad Codex · every word parsed

1
דִּ֭בְרֵי לְמוּאֵ֣ל מֶ֑לֶךְ מַ֝שָּׂ֗א אֲֽשֶׁר־יִסְּרַ֥תּוּ אִמּֽוֹ׃ 
2
מַה־בְּ֭רִי וּמַֽה־בַּר־בִּטְנִ֑י וּ֝מֶה בַּר־נְדָרָֽי׃ 
3
אַל־תִּתֵּ֣ן לַנָּשִׁ֣ים חֵילֶ֑ךָ וּ֝דְרָכֶ֗יךָ לַֽמְח֥וֹת מְלָכִֽין׃ 
4
אַ֤ל לַֽמְלָכִ֨ים ׀ לְֽמוֹאֵ֗ל אַ֣ל לַֽמְלָכִ֣ים שְׁתוֹ־יָ֑יִן וּ֝לְרוֹזְנִ֗ים אֵ֣י שֵׁכָֽר׃ 
5
פֶּן־יִ֭שְׁתֶּה וְיִשְׁכַּ֣ח מְחֻקָּ֑ק וִֽ֝ישַׁנֶּה דִּ֣ין כָּל־בְּנֵי־עֹֽנִי׃ 
6
תְּנוּ־שֵׁכָ֣ר לְאוֹבֵ֑ד וְ֝יַיִן לְמָ֣רֵי נָֽפֶשׁ׃ 
7
יִ֭שְׁתֶּה וְיִשְׁכַּ֣ח רִישׁ֑וֹ וַ֝עֲמָל֗וֹ לֹ֣א יִזְכָּר־עֽוֹד׃ 
8
פְּתַח־פִּ֥יךָ לְאִלֵּ֑ם אֶל־דִּ֝֗ין כָּל־בְּנֵ֥י חֲלֽוֹף׃ 
9
פְּתַח־פִּ֥יךָ שְׁפָט־צֶ֑דֶק וְ֝דִ֗ין עָנִ֥י וְאֶבְיֽוֹן׃ 
10
אֵֽשֶׁת־חַ֭יִל מִ֣י יִמְצָ֑א וְרָחֹ֖ק מִפְּנִינִ֣ים מִכְרָֽהּ׃ 
11
בָּ֣טַח בָּ֭הּ לֵ֣ב בַּעְלָ֑הּ וְ֝שָׁלָ֗ל לֹ֣א יֶחְסָֽר׃ 
12
גְּמָלַ֣תְהוּ ט֣וֹב וְלֹא־רָ֑ע כֹּ֝֗ל יְמֵ֣י חַיֶּֽיה׃ 
13
דָּ֭רְשָׁה צֶ֣מֶר וּפִשְׁתִּ֑ים וַ֝תַּ֗עַשׂ בְּחֵ֣פֶץ כַּפֶּֽיהָ׃ 
14
הָ֭יְתָה כָּאֳנִיּ֣וֹת סוֹחֵ֑ר מִ֝מֶּרְחָ֗ק תָּבִ֥יא לַחְמָֽהּ׃ 
15
וַתָּ֤קָם ׀ בְּע֬וֹד לַ֗יְלָה וַתִּתֵּ֣ן טֶ֣רֶף לְבֵיתָ֑הּ וְ֝חֹ֗ק לְנַעֲרֹתֶֽיהָ׃ 
16
זָמְמָ֣ה שָׂ֭דֶה וַתִּקָּחֵ֑הוּ מִפְּרִ֥י כַ֝פֶּ֗יהָ נָ֣טְעָה כָּֽרֶם׃ 
17
חָֽגְרָ֣ה בְע֣וֹז מָתְנֶ֑יהָ וַ֝תְּאַמֵּ֗ץ זְרֹעוֹתֶֽיהָ׃ 
18
טָ֭עֲמָה כִּי־ט֣וֹב סַחְרָ֑הּ לֹֽא־יִכְבֶּ֖ה בַלַּ֣יְלָה נֵרָֽהּ׃ 
19
יָ֭דֶיהָ שִׁלְּחָ֣ה בַכִּישׁ֑וֹר וְ֝כַפֶּ֗יהָ תָּ֣מְכוּ פָֽלֶךְ׃ 
20
כַּ֭פָּהּ פָּרְשָׂ֣ה לֶעָנִ֑י וְ֝יָדֶ֗יהָ שִׁלְּחָ֥ה לָֽאֶבְיֽוֹן׃ 
21
לֹא־תִירָ֣א לְבֵיתָ֣הּ מִשָּׁ֑לֶג כִּ֥י כָל־בֵּ֝יתָ֗הּ לָבֻ֥שׁ שָׁנִֽים׃ 
22
מַרְבַדִּ֥ים עָֽשְׂתָה־לָּ֑הּ שֵׁ֖שׁ וְאַרְגָּמָ֣ן לְבוּשָֽׁהּ׃ 
23
נוֹדָ֣ע בַּשְּׁעָרִ֣ים בַּעְלָ֑הּ בְּ֝שִׁבְתּ֗וֹ עִם־זִקְנֵי־אָֽרֶץ׃ 
24
סָדִ֣ין עָ֭שְׂתָה וַתִּמְכֹּ֑ר וַ֝חֲג֗וֹר נָתְנָ֥ה לַֽכְּנַעֲנִֽי׃ 
25
עֹז־וְהָדָ֥ר לְבוּשָׁ֑הּ וַ֝תִּשְׂחַ֗ק לְי֣וֹם אַחֲרֽוֹן׃ 
26
פִּ֭יהָ פָּתְחָ֣ה בְחָכְמָ֑ה וְתֽוֹרַת־חֶ֝֗סֶד עַל־לְשׁוֹנָֽהּ׃ 
27
צ֭וֹפִיָּה הֲלִיכ֣וֹת בֵּיתָ֑הּ וְלֶ֥חֶם עַ֝צְל֗וּת לֹ֣א תֹאכֵֽל׃ 
28
קָ֣מוּ בָ֭נֶיהָ וַֽיְאַשְּׁר֑וּהָ בַּ֝עְלָ֗הּ וַֽיְהַֽלְלָהּ׃ 
29
רַבּ֣וֹת בָּ֭נוֹת עָ֣שׂוּ חָ֑יִל וְ֝אַ֗תְּ עָלִ֥ית עַל־כֻּלָּֽנָה׃ 
30
שֶׁ֣קֶר הַ֭חֵן וְהֶ֣בֶל הַיֹּ֑פִי אִשָּׁ֥ה יִרְאַת־יְ֝הוָ֗ה הִ֣יא תִתְהַלָּֽל׃ 
31
תְּנוּ־לָ֭הּ מִפְּרִ֣י יָדֶ֑יהָ וִֽיהַלְל֖וּהָ בַשְּׁעָרִ֣ים מַעֲשֶֽׂיהָ׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

148 distinct words — each links to every other place it occurs.

לֹאnot6 נָתַןgive5 כֹּלthe whole5 מֶ֫לֶךְking4 עָשָׂהdo4 כַּףhollow4 בַּ֫יִתhouse4 מָהwhat?3 בַּרson3 אַלnot3 אִשָּׁהwoman3 חַ֫יִלstrength3 שָׁתָהdrink3 בֵּןson3 פָּתַחopen3 פֶּהmouth3 בַּעַלowner3 יָדhand3 הָלַלbe boastful3 לְמוּאֵלLemuel2 יַ֫יִןwine2 שֵׁכָרintoxicating drink2 שָׁכַחforget2 דִּיןjudgment2 עוֹדa going round2 עָנִיpoor2 אֶבְיוֹןin want2 יוֹםday2 לֶ֫חֶםbread2 קוּםarise2 לַ֫יְלָהnight2 פְּרִיfruit2 עֹזstrength2 כִּיthat2 שָׁלַחsend2 לְבוּשׁgarment2 שַׁ֫עַרgate2 עַלabove2 דָּבָרspeech מַשָּׂאload אֲשֶׁרwho יָסַרdiscipline אֵםmother בֶּ֫טֶןbelly נֶ֫דֶרvow דֶּ֫רֶךְway מָחָהwipe רָזַןbe weighty אַיwhere?פֶּן־lest חָקַקcut in שָׁנָהchange עֳנִיaffliction אָבַדperish מַרbitter נֶ֫פֶשׁsoul רִישׁpoverty עָמָלtrouble זָכַרremember אִלֵּםdumb אֶלmotion to חֲלוֹףa passing away שָׁפַטjudge צֶ֫דֶקrightness דִּיןjudge מִיwho?מָצָאattain to רָחֹקdistant פְּנִינִיםcorals מֶ֫כֶרmerchandise בָּטַחtrust לֵבinner man שָׁלָלprey חָסֵרlack גָּמַלdeal fully טוֹבa good thing רַעevil חַיִּיםlife דָּרַשׁresort to צֶ֫מֶרwool פֵּ֫שֶׁתflax חֵ֫פֶץdelight הָיָהfall out אֳנִיָּהa ship סָחַרgo around מֶרְחָקdistant place בּוֹאcome in טֶ֫רֶףprey חֹקsomething prescribed נַעֲרָהgirl זָמַםconsider שָׂדֶהfield לָקַחtake נָטַעplant כֶּרֶםvineyard חָגַרgird מׇתְנַ֫יִםloins אָמֵץbe stout זְרוֹעַarm טָעַםtaste טוֹבpleasant סַחַרtraffic כָּבָהbe quenched נֵרlamp כִּישׁוֹרdistaff תָּמַךְgrasp פֶּ֫לֶךְwhirl of spindle פָּרַשׂspread out יָרֵאfear שֶׁ֫לֶגsnow לָבֵשׁput on שָׁנִיscarlet מַרְבָדspread שֵׁשׁbyssus אַרְגָּמָןpurple יָדַעknow יָשַׁבsit עִםwith זָקֵןold אֶ֫רֶץearth סָדִיןlinen wrapper מָכַרsell חָגוֹרgirt כְּנַעֲנִיtrader הָדָרornament שָׂחַקlaugh אַחֲרוֹןcoming after חׇכְמָהwisdom תּוֹרָהdirection חֶ֫סֶדgoodness לָשׁוֹןtongue צָפָהlook out הֲלִיכָהa going עַצְלוּתindolence אָכַלeat אָשַׁרgo straight רַבmuch בַּתdaughter אַתְּthou עָלָהgo up שֶׁ֫קֶרdeception חֵןfavour הֶ֫בֶלvapour יֳפִיbeauty יָרֵאfearing יהוהJehovah הוּאhe מַעֲשֶׂהdeed