Mark 6 in the Greek of Nestle 1904. Mark is one of the four Gospels.
1
Καὶ ἐξῆλθεν ἐκεῖθεν, καὶ ἔρχεται εἰς τὴν πατρίδα αὐτοῦ, καὶ ἀκολουθοῦσιν αὐτῷ οἱ μαθηταὶ αὐτοῦ.
2
καὶ γενομένου σαββάτου ἤρξατο διδάσκειν ἐν τῇ συναγωγῇ· καὶ οἱ πολλοὶ ἀκούοντες ἐξεπλήσσοντο λέγοντες Πόθεν τούτῳ ταῦτα, καὶ τίς ἡ σοφία ἡ δοθεῖσα τούτῳ; καὶ αἱ δυνάμεις τοιαῦται διὰ τῶν χειρῶν αὐτοῦ γινόμεναι;
3
οὐχ οὗτός ἐστιν ὁ τέκτων, ὁ υἱὸς τῆς Μαρίας καὶ ἀδελφὸς Ἰακώβου καὶ Ἰωσῆτος καὶ Ἰούδα καὶ Σίμωνος; καὶ οὐκ εἰσὶν αἱ ἀδελφαὶ αὐτοῦ ὧδε πρὸς ἡμᾶς; καὶ ἐσκανδαλίζοντο ἐν αὐτῷ.
4
καὶ ἔλεγεν αὐτοῖς ὁ Ἰησοῦς ὅτι Οὐκ ἔστιν προφήτης ἄτιμος εἰ μὴ ἐν τῇ πατρίδι αὐτοῦ καὶ ἐν τοῖς συγγενεῦσιν αὐτοῦ καὶ ἐν τῇ οἰκίᾳ αὐτοῦ.
5
καὶ οὐκ ἐδύνατο ἐκεῖ ποιῆσαι οὐδεμίαν δύναμιν, εἰ μὴ ὀλίγοις ἀρρώστοις ἐπιθεὶς τὰς χεῖρας ἐθεράπευσεν.
6
καὶ ἐθαύμασεν διὰ τὴν ἀπιστίαν αὐτῶν. Καὶ περιῆγεν τὰς κώμας κύκλῳ διδάσκων.
7
Καὶ προσκαλεῖται τοὺς δώδεκα, καὶ ἤρξατο αὐτοὺς ἀποστέλλειν δύο δύο, καὶ ἐδίδου αὐτοῖς ἐξουσίαν τῶν πνευμάτων τῶν ἀκαθάρτων,
8
καὶ παρήγγειλεν αὐτοῖς ἵνα μηδὲν αἴρωσιν εἰς ὁδὸν εἰ μὴ ῥάβδον μόνον, μὴ ἄρτον, μὴ πήραν, μὴ εἰς τὴν ζώνην χαλκόν,
9
ἀλλὰ ὑποδεδεμένους σανδάλια, καὶ μὴ ἐνδύσησθε δύο χιτῶνας.
10
καὶ ἔλεγεν αὐτοῖς Ὅπου ἐὰν εἰσέλθητε εἰς οἰκίαν, ἐκεῖ μένετε ἕως ἂν ἐξέλθητε ἐκεῖθεν.
11
καὶ ὃς ἂν τόπος μὴ δέξηται ὑμᾶς μηδὲ ἀκούσωσιν ὑμῶν, ἐκπορευόμενοι ἐκεῖθεν ἐκτινάξατε τὸν χοῦν τὸν ὑποκάτω τῶν ποδῶν ὑμῶν εἰς μαρτύριον αὐτοῖς.
12
Καὶ ἐξελθόντες ἐκήρυξαν ἵνα μετανοῶσιν,
13
καὶ δαιμόνια πολλὰ ἐξέβαλλον, καὶ ἤλειφον ἐλαίῳ πολλοὺς ἀρρώστους καὶ ἐθεράπευον.
14
Καὶ ἤκουσεν ὁ βασιλεὺς Ἡρῴδης, φανερὸν γὰρ ἐγένετο τὸ ὄνομα αὐτοῦ, καὶ ἔλεγον ὅτι Ἰωάνης ὁ Βαπτίζων ἐγήγερται ἐκ νεκρῶν, καὶ διὰ τοῦτο ἐνεργοῦσιν αἱ δυνάμεις ἐν αὐτῷ.
15
ἄλλοι δὲ ἔλεγον ὅτι Ἡλείας ἐστίν· ἄλλοι δὲ ἔλεγον ὅτι προφήτης ὡς εἷς τῶν προφητῶν.
16
ἀκούσας δὲ ὁ Ἡρῴδης ἔλεγεν Ὃν ἐγὼ ἀπεκεφάλισα Ἰωάνην, οὗτος ἠγέρθη.
17
Αὐτὸς γὰρ ὁ Ἡρῴδης ἀποστείλας ἐκράτησεν τὸν Ἰωάνην καὶ ἔδησεν αὐτὸν ἐν φυλακῇ διὰ Ἡρῳδιάδα τὴν γυναῖκα Φιλίππου τοῦ ἀδελφοῦ αὐτοῦ, ὅτι αὐτὴν ἐγάμησεν·
18
ἔλεγεν γὰρ ὁ Ἰωάνης τῷ Ἡρῴδῃ ὅτι Οὐκ ἔξεστίν σοι ἔχειν τὴν γυναῖκα τοῦ ἀδελφοῦ σου.
19
ἡ δὲ Ἡρῳδιὰς ἐνεῖχεν αὐτῷ καὶ ἤθελεν αὐτὸν ἀποκτεῖναι, καὶ οὐκ ἠδύνατο·
20
ὁ γὰρ Ἡρῴδης ἐφοβεῖτο τὸν Ἰωάνην, εἰδὼς αὐτὸν ἄνδρα δίκαιον καὶ ἅγιον, καὶ συνετήρει αὐτόν, καὶ ἀκούσας αὐτοῦ πολλὰ ἠπόρει, καὶ ἡδέως αὐτοῦ ἤκουεν.
21
Καὶ γενομένης ἡμέρας εὐκαίρου ὅτε Ἡρῴδης τοῖς γενεσίοις αὐτοῦ δεῖπνον ἐποίησεν τοῖς μεγιστᾶσιν αὐτοῦ καὶ τοῖς χιλιάρχοις καὶ τοῖς πρώτοις τῆς Γαλιλαίας,
22
καὶ εἰσελθούσης τῆς θυγατρὸς αὐτῆς τῆς Ἡρῳδιάδος καὶ ὀρχησαμένης, ἤρεσεν τῷ Ἡρῴδῃ καὶ τοῖς συνανακειμένοις. ὁ δὲ βασιλεὺς εἶπεν τῷ κορασίῳ Αἴτησόν με ὃ ἐὰν θέλῃς, καὶ δώσω σοι·
23
καὶ ὤμοσεν αὐτῇ Ὅτι ἐάν με αἰτήσῃς δώσω σοι ἕως ἡμίσους τῆς βασιλείας μου.
24
καὶ ἐξελθοῦσα εἶπεν τῇ μητρὶ αὐτῆς Τί αἰτήσωμαι; ἡ δὲ εἶπεν Τὴν κεφαλὴν Ἰωάνου τοῦ Βαπτίζοντος.
25
καὶ εἰσελθοῦσα εὐθὺς μετὰ σπουδῆς πρὸς τὸν βασιλέα ᾐτήσατο λέγουσα Θέλω ἵνα ἐξαυτῆς δῷς μοι ἐπὶ πίνακι τὴν κεφαλὴν Ἰωάνου τοῦ Βαπτιστοῦ.
26
καὶ περίλυπος γενόμενος ὁ βασιλεὺς διὰ τοὺς ὅρκους καὶ τοὺς ἀνακειμένους οὐκ ἠθέλησεν ἀθετῆσαι αὐτήν.
27
καὶ εὐθὺς ἀποστείλας ὁ βασιλεὺς σπεκουλάτορα ἐπέταξεν ἐνέγκαι τὴν κεφαλὴν αὐτοῦ.
28
καὶ ἀπελθὼν ἀπεκεφάλισεν αὐτὸν ἐν τῇ φυλακῇ, καὶ ἤνεγκεν τὴν κεφαλὴν αὐτοῦ ἐπὶ πίνακι καὶ ἔδωκεν αὐτὴν τῷ κορασίῳ, καὶ τὸ κοράσιον ἔδωκεν αὐτὴν τῇ μητρὶ αὐτῆς.
29
καὶ ἀκούσαντες οἱ μαθηταὶ αὐτοῦ ἦλθαν καὶ ἦραν τὸ πτῶμα αὐτοῦ καὶ ἔθηκαν αὐτὸ ἐν μνημείῳ.
30
Καὶ συνάγονται οἱ ἀπόστολοι πρὸς τὸν Ἰησοῦν, καὶ ἀπήγγειλαν αὐτῷ πάντα ὅσα ἐποίησαν καὶ ὅσα ἐδίδαξαν.
31
καὶ λέγει αὐτοῖς Δεῦτε ὑμεῖς αὐτοὶ κατ’ ἰδίαν εἰς ἔρημον τόπον καὶ ἀναπαύσασθε ὀλίγον. ἦσαν γὰρ οἱ ἐρχόμενοι καὶ οἱ ὑπάγοντες πολλοί, καὶ οὐδὲ φαγεῖν εὐκαίρουν.
32
καὶ ἀπῆλθον ἐν τῷ πλοίῳ εἰς ἔρημον τόπον κατ’ ἰδίαν.
33
καὶ εἶδον αὐτοὺς ὑπάγοντας καὶ ἐπέγνωσαν πολλοί, καὶ πεζῇ ἀπὸ πασῶν τῶν πόλεων συνέδραμον ἐκεῖ καὶ προῆλθον αὐτούς.
34
Καὶ ἐξελθὼν εἶδεν πολὺν ὄχλον, καὶ ἐσπλαγχνίσθη ἐπ’ αὐτοὺς ὅτι ἦσαν ὡς πρόβατα μὴ ἔχοντα ποιμένα, καὶ ἤρξατο διδάσκειν αὐτοὺς πολλά.
35
Καὶ ἤδη ὥρας πολλῆς γενομένης προσελθόντες αὐτῷ οἱ μαθηταὶ αὐτοῦ ἔλεγον ὅτι Ἔρημός ἐστιν ὁ τόπος, καὶ ἤδη ὥρα πολλή·
36
ἀπόλυσον αὐτούς, ἵνα ἀπελθόντες εἰς τοὺς κύκλῳ ἀγροὺς καὶ κώμας ἀγοράσωσιν ἑαυτοῖς τί φάγωσιν.
37
ὁ δὲ ἀποκριθεὶς εἶπεν αὐτοῖς Δότε αὐτοῖς ὑμεῖς φαγεῖν. καὶ λέγουσιν αὐτῷ Ἀπελθόντες ἀγοράσωμεν δηναρίων διακοσίων ἄρτους, καὶ δώσομεν αὐτοῖς φαγεῖν;
38
ὁ δὲ λέγει αὐτοῖς Πόσους ἔχετε ἄρτους; ὑπάγετε ἴδετε. καὶ γνόντες λέγουσιν Πέντε, καὶ δύο ἰχθύας.
39
καὶ ἐπέταξεν αὐτοῖς ἀνακλιθῆναι πάντας συμπόσια συμπόσια ἐπὶ τῷ χλωρῷ χόρτῳ.
40
καὶ ἀνέπεσαν πρασιαὶ πρασιαὶ κατὰ ἑκατὸν καὶ κατὰ πεντήκοντα.
41
καὶ λαβὼν τοὺς πέντε ἄρτους καὶ τοὺς δύο ἰχθύας ἀναβλέψας εἰς τὸν οὐρανὸν εὐλόγησεν καὶ κατέκλασεν τοὺς ἄρτους καὶ ἐδίδου τοῖς μαθηταῖς ἵνα παρατιθῶσιν αὐτοῖς, καὶ τοὺς δύο ἰχθύας ἐμέρισεν πᾶσιν.
42
καὶ ἔφαγον πάντες καὶ ἐχορτάσθησαν·
43
καὶ ἦραν κλάσματα δώδεκα κοφίνων πληρώματα καὶ ἀπὸ τῶν ἰχθύων.
44
καὶ ἦσαν οἱ φαγόντες τοὺς ἄρτους πεντακισχίλιοι ἄνδρες.
45
Καὶ εὐθὺς ἠνάγκασεν τοὺς μαθητὰς αὐτοῦ ἐμβῆναι εἰς τὸ πλοῖον καὶ προάγειν εἰς τὸ πέραν πρὸς Βηθσαϊδάν, ἕως αὐτὸς ἀπολύει τὸν ὄχλον.
46
καὶ ἀποταξάμενος αὐτοῖς ἀπῆλθεν εἰς τὸ ὄρος προσεύξασθαι.
47
καὶ ὀψίας γενομένης ἦν τὸ πλοῖον ἐν μέσῳ τῆς θαλάσσης, καὶ αὐτὸς μόνος ἐπὶ τῆς γῆς.
48
καὶ ἰδὼν αὐτοὺς βασανιζομένους ἐν τῷ ἐλαύνειν, ἦν γὰρ ὁ ἄνεμος ἐναντίος αὐτοῖς, περὶ τετάρτην φυλακὴν τῆς νυκτὸς ἔρχεται πρὸς αὐτοὺς περιπατῶν ἐπὶ τῆς θαλάσσης· καὶ ἤθελεν παρελθεῖν αὐτούς.
49
οἱ δὲ ἰδόντες αὐτὸν ἐπὶ τῆς θαλάσσης περιπατοῦντα ἔδοξαν ὅτι φάντασμά ἐστιν, καὶ ἀνέκραξαν·
50
πάντες γὰρ αὐτὸν εἶδαν καὶ ἐταράχθησαν. ὁ δὲ εὐθὺς ἐλάλησεν μετ’ αὐτῶν, καὶ λέγει αὐτοῖς Θαρσεῖτε, ἐγώ εἰμι, μὴ φοβεῖσθε.
51
καὶ ἀνέβη πρὸς αὐτοὺς εἰς τὸ πλοῖον, καὶ ἐκόπασεν ὁ ἄνεμος· καὶ λίαν ἐκ περισσοῦ ἐν ἑαυτοῖς ἐξίσταντο·
52
οὐ γὰρ συνῆκαν ἐπὶ τοῖς ἄρτοις, ἀλλ’ ἦν αὐτῶν ἡ καρδία πεπωρωμένη.
53
Καὶ διαπεράσαντες ἐπὶ τὴν γῆν ἦλθον εἰς Γεννησαρὲτ καὶ προσωρμίσθησαν.
54
καὶ ἐξελθόντων αὐτῶν ἐκ τοῦ πλοίου εὐθὺς ἐπιγνόντες αὐτὸν
55
περιέδραμον ὅλην τὴν χώραν ἐκείνην καὶ ἤρξαντο ἐπὶ τοῖς κραβάττοις τοὺς κακῶς ἔχοντας περιφέρειν, ὅπου ἤκουον ὅτι ἐστίν.
56
καὶ ὅπου ἂν εἰσεπορεύετο εἰς κώμας ἢ εἰς πόλεις ἢ εἰς ἀγροὺς, ἐν ταῖς ἀγοραῖς ἐτίθεσαν τοὺς ἀσθενοῦντας, καὶ παρεκάλουν αὐτὸν ἵνα κἂν τοῦ κρασπέδου τοῦ ἱματίου αὐτοῦ ἅψωνται· καὶ ὅσοι ἂν ἥψαντο αὐτοῦ ἐσῴζοντο.
Click or tap any word for its parse and dictionary entry. ← and → move between chapters.
Text: Nestle, Novum Testamentum Graece, 1904 (public domain). Morphology: Ulrik Sandborg-Petersen via biblicalhumanities.org (CC0). Dictionary: Abbott-Smith, A Manual Greek Lexicon of the New Testament. Grammatical descriptions: STEP Bible, Tyndale House Cambridge (CC BY 4.0).
The words of this chapter
302 distinct words — each links to every other place it occurs.
ὁthe/this/who123καίand115αὐτόςit/s/he79λέγωto say19εἰςtoward17ἐνin/on/among14εἰμίto be14ὅτιthat/since: that11πολύςmuch10δίδωμιto give10μήnot10δέthen10ἐπίupon/to/against10σύyou9ἀκούωto hear8οὐno8γάρfor8γίνομαιto be7ἐγώI/we7ἄρτοςbread7ἩρώδηςHerod7ἸωάννηςJohn7ἐξέρχομαιto go out6οὗτοςthis/he/she/it6πρόςto/with6δύοtwo6ἵναin order that/to6πᾶςall6φαγεῖνto eat6ὁράωto see: see6ἔρχομαιto come/go5μαθητήςdisciple5διάthrough/because of5βασιλεύςking5θέλωto will/desire5εὐθέωςimmediately5ἀπέρχομαιto go away5πλοῖονboat5ἄρχομαιto rule/begin4διδάσκωto teach4ἄνif4τόποςplace4ἔχωto have/be4αἰτέωto ask4κεφαλήhead4κατάaccording to4ἰχθύςfish4ἐκεῖθενfrom there3τίςwhich?3δύναμιςpower3ἀδελφόςbrother3προφήτηςprophet3εἰif3ἐκεῖthere3ποιέωto do/make: do3κώμηvillage3ἀποστέλλωto send3αἴρωto take up3ὅπουwhere(-ever)3ἐάνif3εἰσέρχομαιto enter3ἕωςuntil3ὅςwhich3ἐκout from3φυλακήprison/watch: prison3ἩρωδιάςHerodias3κοράσιονgirl3ὅσοςjust as/how much3ἔρημοςdeserted3ὑπάγωto go3θάλασσαsea3πατρίςfatherland2χείρhand2ἸησοῦςJesus2οἰκίαhome2δύναμαιbe able2ὀλίγοςlittle/few2ἄρρωστοςill2θεραπεύωto serve/heal2κύκλῳsurrounding2δώδεκαtwelve2ἀλλάbut2βαπτίζωto baptize2ἐγείρωto arise2ἄλλοςanother2ὡςas/when2ἀποκεφαλίζωto behead2γυνήwoman2φοβέωto fear2ἀνήρman2μήτηρmother2μετάwith/after2πίναξplatter2ἐπιτάσσωto command2φέρωto bear/lead2τίθημιto place2ἴδιοςone's own/private2ἐπιγινώσκωto come to know2ἀπόaway from2πόλιςcity2ὄχλοςcrowd2ἤδηalready2ὥραhour2ἀπολύωto release: release2ἀγρόςField of2ἀγοράζωto buy2ἑαυτοῦthemself2πέντεfive2συμπόσιονcommon meal2πρασιάgroup2γῆearth: planet2ἄνεμοςwind2περιπατέωto walk2ἤor2ἅπτωto touch2ἀκολουθέωto followσάββατονSabbathσυναγωγήsynagogueἐκπλήσσωbe astonishedπόθενwhenceσοφίαwisdomτοιοῦτοςsuch as thisτέκτωνcraftsmanυἱόςsonΜαρίαMaryἸάκωβοςJamesἸωσῆςJosephἸούδαςJudasΣίμωνSimonἀδελφήsisterὧδεhereσκανδαλίζωto cause to stumbleἄτιμοςdishonoredσυγγενήςkindredοὐδείςnoneἐπιτίθημιto put/lay onθαυμάζωto marvelἀπιστίαunbeliefπεριάγωto take/go aroundπροσκαλέωto call to/summonἐξουσίαauthorityπνεῦμαspirit/breath: spiritἀκάθαρτοςuncleanπαραγγέλλωto orderμηδείςnothingὁδόςroadῥάβδοςrodμόνονonlyπήραbagζώνηbelt/sash/girdleχαλκόςcopper/bronze/coinὑποδέωto put onσανδάλιονsandalἐνδύωto put onχιτώνtunicμένωto stayδέχομαιto receiveμηδέnorἐκπορεύωto departἐκτινάσσωto shake out/offχόοςdustὑποκάτωunderπούςfootμαρτύριονtestimonyκηρύσσωto preachμετανοέωto repentδαιμόνιονdemonἐκβάλλωto expelἀλείφωto anointἔλαιονolive oilφανερόςclearὄνομαnameνεκρόςdeadἐνεργέωbe activeἩλίαςElijahεἷςoneκρατέωto grasp/seizeδέωto bindΦίλιπποςPhilipγαμέωto marryἔξεστι, ἐξόνbe permittedἐνέχωto opposeἀποκτείνωto killεἴδωto perceive: understandδίκαιοςjustἅγιοςholyσυντηρέωto preserveἀπορέωbe perplexedἡδέωςgladlyἡμέραdayεὔκαιροςopportuneὅτεwhenγενέσια, γενέθλιοςbirthdayδεῖπνονdinnerμεγιστάνgreat manχιλίαρχοςmilitary officerπρῶτοςfirstΓαλιλαίαGalileeθυγάτηρdaughterὀρχέομαιto danceἀρέσκωto pleaseσυνανάκειμαιto dine withὄμνυμιto swearἥμισυςhalfβασιλείαkingdomσπουδήdiligenceἐξαυτῆςimmediatelyΒαπτιστήςone who baptizesπερίλυποςsorrowfulὅρκοςoathἀνάκειμαιto reclineἀθετέωto rejectσπεκουλάτωρexecutionerπτῶμαcorpseμνημεῖονgraveσυνάγωto assembleἀπόστολοςapostleἀπαγγέλλωto announceδεῦτεcomeἀναπαύωto give restοὐδέnorεὐκαιρέωto have opportunityπεζῇon footσυντρέχωto flockπροέρχομαιto go beforeσπλαγχνίζωto pityπρόβατονsheepποιμήνshepherdπροσέρχομαιto come near/agreeἀποκρίνωto answerδηνάριονdenariusδιακόσιοιtwo hundredπόσοςhow much/many?γινώσκωto knowἀνακλίνωto reclineχλωρόςgreenχόρτοςgrassἀναπίπτωto reclineἑκατόνhundredπεντήκονταfiftyλαμβάνωto takeἀναβλέπωto look up/againοὐρανόςheavenεὐλογέωto praise/blessκατακλάωto breakπαρατίθημιto set beforeμερίζωto divideχορτάζωto feedκλάσμαfragmentκόφινοςbasketπλήρωμαfulfillmentπεντακισχίλιοιfive thousandἀναγκάζωto compelἐμβαίνωto climbπροάγωto go/bring beforeπέρανother sideΒηθσαϊδάBethsaidaἀποτάσσωto leaveὄροςmountainπροσεύχομαιto prayὀψίαeveningμέσοςmidstμόνοςaloneβασανίζωto torture: tortureἐλαύνωto driveἐναντίοςhostileπερίaboutτέταρτοςfourthνύξnightπαρέρχομαιto pass byδοκέωto thinkφάντασμαghostἀνακράζωto yellταράσσωto troubleλαλέωto speakθαρσέωtake heartἀναβαίνωto ascendκοπάζωto abateλίανgreatlyπερισσόςexcessiveἐξίστημιto amazeσυνίημιto understandκαρδίαheartπωρόωto hardenδιαπεράωto crossΓεννησαρέτGennesaretπροσορμίζωto moor/anchorπεριτρέχωto run aroundὅλοςallχώραcountryἐκεῖνοςthatκράββατοςbedκακῶςbadlyπεριφέρωto carry (around)εἰσπορεύωto enterἀγοράmarketplaceἀσθενέωbe weak: weakπαρακαλέωto plead/comfortκἄνand/even ifκράσπεδονedgeἱμάτιονclothingσῴζωto save