Mark 7 in the Greek of Nestle 1904. Mark is one of the four Gospels.
1
Καὶ συνάγονται πρὸς αὐτὸν οἱ Φαρισαῖοι καί τινες τῶν γραμματέων ἐλθόντες ἀπὸ Ἱεροσολύμων.
2
καὶ ἰδόντες τινὰς τῶν μαθητῶν αὐτοῦ ὅτι κοιναῖς χερσίν, τοῦτ’ ἔστιν ἀνίπτοις, ἐσθίουσιν τοὺς ἄρτους,—
3
οἱ γὰρ Φαρισαῖοι καὶ πάντες οἱ Ἰουδαῖοι ἐὰν μὴ πυγμῇ νίψωνται τὰς χεῖρας οὐκ ἐσθίουσιν, κρατοῦντες τὴν παράδοσιν τῶν πρεσβυτέρων,
4
καὶ ἀπ’ ἀγορᾶς ἐὰν μὴ ῥαντίσωνται οὐκ ἐσθίουσιν, καὶ ἄλλα πολλά ἐστιν ἃ παρέλαβον κρατεῖν, βαπτισμοὺς ποτηρίων καὶ ξεστῶν καὶ χαλκίων,—
5
καὶ ἐπερωτῶσιν αὐτὸν οἱ Φαρισαῖοι καὶ οἱ γραμματεῖς Διὰ τί οὐ περιπατοῦσιν οἱ μαθηταί σου κατὰ τὴν παράδοσιν τῶν πρεσβυτέρων, ἀλλὰ κοιναῖς χερσὶν ἐσθίουσιν τὸν ἄρτον;
6
ὁ δὲ εἶπεν αὐτοῖς Καλῶς ἐπροφήτευσεν Ἡσαΐας περὶ ὑμῶν τῶν ὑποκριτῶν, ὡς γέγραπται ὅτι Οὗτος ὁ λαὸς τοῖς χείλεσίν με τιμᾷ, ἡ δὲ καρδία αὐτῶν πόρρω ἀπέχει ἀπ’ ἐμοῦ·
7
μάτην δὲ σέβονταί με, διδάσκοντες διδασκαλίας ἐντάλματα ἀνθρώπων·
8
ἀφέντες τὴν ἐντολὴν τοῦ Θεοῦ κρατεῖτε τὴν παράδοσιν τῶν ἀνθρώπων.
9
καὶ ἔλεγεν αὐτοῖς Καλῶς ἀθετεῖτε τὴν ἐντολὴν τοῦ Θεοῦ, ἵνα τὴν παράδοσιν ὑμῶν τηρήσητε.
10
Μωϋσῆς γὰρ εἶπεν Τίμα τὸν πατέρα σου καὶ τὴν μητέρα σου, καί Ὁ κακολογῶν πατέρα ἢ μητέρα θανάτῳ τελευτάτω.
11
ὑμεῖς δὲ λέγετε Ἐὰν εἴπῃ ἄνθρωπος τῷ πατρὶ ἢ τῇ μητρί Κορβᾶν, ὅ ἐστιν Δῶρον, ὃ ἐὰν ἐξ ἐμοῦ ὠφεληθῇς,
12
οὐκέτι ἀφίετε αὐτὸν οὐδὲν ποιῆσαι τῷ πατρὶ ἢ τῇ μητρί,
13
ἀκυροῦντες τὸν λόγον τοῦ Θεοῦ τῇ παραδόσει ὑμῶν ᾗ παρεδώκατε· καὶ παρόμοια τοιαῦτα πολλὰ ποιεῖτε.
14
Καὶ προσκαλεσάμενος πάλιν τὸν ὄχλον ἔλεγεν αὐτοῖς Ἀκούσατέ μου πάντες καὶ σύνετε.
15
οὐδέν ἐστιν ἔξωθεν τοῦ ἀνθρώπου εἰσπορευόμενον εἰς αὐτὸν ὃ δύναται κοινῶσαι αὐτόν· ἀλλὰ τὰ ἐκ τοῦ ἀνθρώπου ἐκπορευόμενά ἐστιν τὰ κοινοῦντα τὸν ἄνθρωπον.
17
Καὶ ὅτε εἰσῆλθεν εἰς οἶκον ἀπὸ τοῦ ὄχλου, ἐπηρώτων αὐτὸν οἱ μαθηταὶ αὐτοῦ τὴν παραβολήν.
18
καὶ λέγει αὐτοῖς Οὕτως καὶ ὑμεῖς ἀσύνετοί ἐστε; οὐ νοεῖτε ὅτι πᾶν τὸ ἔξωθεν εἰσπορευόμενον εἰς τὸν ἄνθρωπον οὐ δύναται αὐτὸν κοινῶσαι,
19
ὅτι οὐκ εἰσπορεύεται αὐτοῦ εἰς τὴν καρδίαν ἀλλ’ εἰς τὴν κοιλίαν, καὶ εἰς τὸν ἀφεδρῶνα ἐκπορεύεται, καθαρίζων πάντα τὰ βρώματα;
20
ἔλεγεν δὲ ὅτι Τὸ ἐκ τοῦ ἀνθρώπου ἐκπορευόμενον, ἐκεῖνο κοινοῖ τὸν ἄνθρωπον.
21
ἔσωθεν γὰρ ἐκ τῆς καρδίας τῶν ἀνθρώπων οἱ διαλογισμοὶ οἱ κακοὶ ἐκπορεύονται, πορνεῖαι, κλοπαί, φόνοι,
22
μοιχεῖαι, πλεονεξίαι, πονηρίαι, δόλος, ἀσέλγεια, ὀφθαλμὸς πονηρός, βλασφημία, ὑπερηφανία, ἀφροσύνη·
23
πάντα ταῦτα τὰ πονηρὰ ἔσωθεν ἐκπορεύεται καὶ κοινοῖ τὸν ἄνθρωπον.
24
Ἐκεῖθεν δὲ ἀναστὰς ἀπῆλθεν εἰς τὰ ὅρια Τύρου. Καὶ εἰσελθὼν εἰς οἰκίαν οὐδένα ἤθελεν γνῶναι, καὶ οὐκ ἠδυνάσθη λαθεῖν·
25
ἀλλ’ εὐθὺς ἀκούσασα γυνὴ περὶ αὐτοῦ, ἧς εἶχεν τὸ θυγάτριον αὐτῆς πνεῦμα ἀκάθαρτον, ἐλθοῦσα προσέπεσεν πρὸς τοὺς πόδας αὐτοῦ·
26
ἡ δὲ γυνὴ ἦν Ἑλληνίς, Συροφοινίκισσα τῷ γένει· καὶ ἠρώτα αὐτὸν ἵνα τὸ δαιμόνιον ἐκβάλῃ ἐκ τῆς θυγατρὸς αὐτῆς.
27
καὶ ἔλεγεν αὐτῇ Ἄφες πρῶτον χορτασθῆναι τὰ τέκνα· οὐ γάρ ἐστιν καλόν λαβεῖν τὸν ἄρτον τῶν τέκνων καὶ τοῖς κυναρίοις βαλεῖν.
28
ἡ δὲ ἀπεκρίθη καὶ λέγει αὐτῷ Ναί, Κύριε· καὶ τὰ κυνάρια ὑποκάτω τῆς τραπέζης ἐσθίουσιν ἀπὸ τῶν ψιχίων τῶν παιδίων.
29
καὶ εἶπεν αὐτῇ Διὰ τοῦτον τὸν λόγον ὕπαγε, ἐξελήλυθεν ἐκ τῆς θυγατρός σου τὸ δαιμόνιον.
30
καὶ ἀπελθοῦσα εἰς τὸν οἶκον αὐτῆς εὗρεν τὸ παιδίον βεβλημένον ἐπὶ τὴν κλίνην καὶ τὸ δαιμόνιον ἐξεληλυθός.
31
Καὶ πάλιν ἐξελθὼν ἐκ τῶν ὁρίων Τύρου ἦλθεν διὰ Σιδῶνος εἰς τὴν θάλασσαν τῆς Γαλιλαίας ἀνὰ μέσον τῶν ὁρίων Δεκαπόλεως.
32
Καὶ φέρουσιν αὐτῷ κωφὸν καὶ μογιλάλον, καὶ παρακαλοῦσιν αὐτὸν ἵνα ἐπιθῇ αὐτῷ τὴν χεῖρα.
33
καὶ ἀπολαβόμενος αὐτὸν ἀπὸ τοῦ ὄχλου κατ’ ἰδίαν ἔβαλεν τοὺς δακτύλους αὐτοῦ εἰς τὰ ὦτα αὐτοῦ καὶ πτύσας ἥψατο τῆς γλώσσης αὐτοῦ,
34
καὶ ἀναβλέψας εἰς τὸν οὐρανὸν ἐστέναξεν, καὶ λέγει αὐτῷ Ἐφφαθά, ὅ ἐστιν Διανοίχθητι.
35
καὶ ἠνοίγησαν αὐτοῦ αἱ ἀκοαί, καὶ εὐθὺς ἐλύθη ὁ δεσμὸς τῆς γλώσσης αὐτοῦ, καὶ ἐλάλει ὀρθῶς.
36
καὶ διεστείλατο αὐτοῖς ἵνα μηδενὶ λέγωσιν· ὅσον δὲ αὐτοῖς διεστέλλετο, αὐτοὶ μᾶλλον περισσότερον ἐκήρυσσον.
37
καὶ ὑπερπερισσῶς ἐξεπλήσσοντο λέγοντες Καλῶς πάντα πεποίηκεν, καὶ τοὺς κωφοὺς ποιεῖ ἀκούειν καὶ ἀλάλους λαλεῖν.
Click or tap any word for its parse and dictionary entry. ← and → move between chapters.
Text: Nestle, Novum Testamentum Graece, 1904 (public domain). Morphology: Ulrik Sandborg-Petersen via biblicalhumanities.org (CC0). Dictionary: Abbott-Smith, A Manual Greek Lexicon of the New Testament. Grammatical descriptions: STEP Bible, Tyndale House Cambridge (CC BY 4.0).
The words of this chapter
216 distinct words — each links to every other place it occurs.
ὁthe/this/who98καίand46αὐτόςit/s/he37λέγωto say14εἰςtoward12ἄνθρωποςa human11εἰμίto be9σύyou9δέthen9οὐno8ὅςwhich7ἐκout from7ἀπόaway from6πᾶςall6ὅτιthat/since: that5ἐσθίωto eat5παράδοσιςtradition5ἐγώI/we5κοινόωto profane5ἐκπορεύωto depart5χείρhand4οὗτοςthis/he/she/it4γάρfor4ἐάνif4ἀλλάbut4ἵναin order that/to4πατήρfather4μήτηρmother4ποιέωto do/make: do4ΦαρισαῖοςPharisee3ἔρχομαιto come/go3μαθητήςdisciple3ἄρτοςbread3κρατέωto grasp/seize3διάthrough/because of3καλῶςwell3καρδίαheart3ἀφίημιto release: leave3θεόςGod3ἤor3οὐδείςnone3ὄχλοςcrowd3ἀκούωto hear3εἰσπορεύωto enter3δύναμαιbe able3ὅριονregion3δαιμόνιονdemon3βάλλωto throw: throw3ἐξέρχομαιto go out3πρόςto/with2τιςone2γραμματεύςscribe2κοινόςcommon: unsanctified2μήnot2πρεσβύτεροςelder: Elder2πολύςmuch2ἐπερωτάωto question2κατάaccording to2περίabout2τιμάωto honor2ἐντολήcommandment2λόγοςword2πάλινagain2ἔξωθενoutside2εἰσέρχομαιto enter2οἶκοςhouse: home2ἔσωθενinwardly2πονηρόςevil/bad2ἀπέρχομαιto go away2ΤύροςTyre2εὐθέωςimmediately2γυνήwoman2θυγάτηρdaughter2τέκνονchild2κυνάριονlittle dog2παιδίονchild2κωφόςdeaf/mute2γλῶσσαtongue2λαλέωto speak2διαστέλλωto give orders2συνάγωto assembleἹεροσόλυμαJerusalemὁράωto see: seeἄνιπτοςunwashedἸουδαῖοςJewπυγμήfistνίπτωto washἀγοράmarketplaceῥαντίζωto sprinkleἄλλοςanotherπαραλαμβάνωto takeβαπτισμόςbaptismποτήριονcupξέστηςpitcherχαλκίονkettleτίςwhich?περιπατέωto walkπροφητεύωto prophesyἩσαΐαςIsaiahὑποκριτήςhypocriteὡςas/whenγράφωto writeλαόςa peopleχεῖλοςlipπόρρωfar (away)ἀπέχωto have in fullμάτηνin vainσέβομαιbe devoutδιδάσκωto teachδιδασκαλίαteachingἔνταλμαpreceptἀθετέωto rejectτηρέωto keep: observeΜωϋσῆς, ΜωσῆςMosesκακολογέωto curse/revileθάνατοςdeathτελευτάωto deceaseκορβᾶνCorbanδῶρονgiftὠφελέωto helpοὐκέτιnot any moreἀκυρόωto nullifyπαραδίδωμιto deliverπαρόμοιοςlikeτοιοῦτοςsuch as thisπροσκαλέωto call to/summonσυνίημιto understandὅτεwhenπαραβολήparableοὕτωςthus(-ly)ἀσύνετοςsenselessνοέωto understandκοιλίαbelly/womb/stomachἀφεδρώνlatrineκαθαρίζωto cleanβρῶμαfoodἐκεῖνοςthatδιαλογισμόςreasoningκακόςevil/harm: evilπορνείαsexual sinκλοπήtheftφόνοςmurderμοιχείαadulteryπλεονεξίαgreedinessπονηρίαevilδόλοςdeceitἀσέλγειαdebaucheryὀφθαλμόςeyeβλασφημίαblasphemyὑπερηφανίαprideἀφροσύνηfoolishnessἐκεῖθενfrom thereἀνίστημιto ariseοἰκίαhomeθέλωto will/desireγινώσκωto knowλανθάνωbe hiddenἔχωto have/beθυγάτριονlittle daughterπνεῦμαspirit/breath: spiritἀκάθαρτοςuncleanπροσπίπτωto fall/beatπούςfootἙλληνίς=ἙλληνίςGentileΣυροφοίνισσαSyrophoenicianγένοςfamily: descendantἐρωτάωto askἐκβάλλωto expelπρῶτονfirstχορτάζωto feedκαλόςgoodλαμβάνωto takeἀποκρίνωto answerναίyesκύριοςlord: Godὑποκάτωunderτράπεζαtableψιχίον, ψίξcrumbὑπάγωto goεὑρίσκωto find/meetἐπίupon/to/againstκλίνηbedΣιδώνSidonθάλασσαseaΓαλιλαίαGalileeἀνάeachμέσοςmidstΔεκάπολιςDecapolisφέρωto bear/leadμογιλάλοςhardly talkingπαρακαλέωto plead/comfortἐπιτίθημιto put/lay onἀπολαμβάνωto get backἴδιοςone's own/privateδάκτυλοςfingerοὖςearπτύωto spitἅπτωto touchἀναβλέπωto look up/againοὐρανόςheavenστενάζωto groanἐφφαθάopen!διανοίγωto open upἀνοίγωto openἀκοήhearingλύωto looseδεσμόςchainὀρθῶςcorrectlyμηδείςnothingὅσοςjust as/how muchμᾶλλονmoreπερισσόςexcessiveκηρύσσωto preachὑπερπερισσῶςexceedinglyἐκπλήσσωbe astonishedἄλαλοςmute