Mark 10 in the Greek of Nestle 1904. Mark is one of the four Gospels.
1
Καὶ ἐκεῖθεν ἀναστὰς ἔρχεται εἰς τὰ ὅρια τῆς Ἰουδαίας καὶ πέραν τοῦ Ἰορδάνου, καὶ συνπορεύονται πάλιν ὄχλοι πρὸς αὐτόν, καὶ ὡς εἰώθει πάλιν ἐδίδασκεν αὐτούς.
2
Καὶ προσελθόντες Φαρισαῖοι ἐπηρώτων αὐτὸν εἰ ἔξεστιν ἀνδρὶ γυναῖκα ἀπολῦσαι, πειράζοντες αὐτόν.
3
ὁ δὲ ἀποκριθεὶς εἶπεν αὐτοῖς Τί ὑμῖν ἐνετείλατο Μωϋσῆς;
4
οἱ δὲ εἶπαν· Ἐπέτρεψεν Μωϋσῆς βιβλίον ἀποστασίου γράψαι καὶ ἀπολῦσαι.
5
ὁ δὲ Ἰησοῦς εἶπεν αὐτοῖς Πρὸς τὴν σκληροκαρδίαν ὑμῶν ἔγραψεν ὑμῖν τὴν ἐντολὴν ταύτην.
6
ἀπὸ δὲ ἀρχῆς κτίσεως ἄρσεν καὶ θῆλυ ἐποίησεν αὐτούς·
7
ἕνεκεν τούτου καταλείψει ἄνθρωπος τὸν πατέρα αὐτοῦ καὶ τὴν μητέρα,
8
καὶ ἔσονται οἱ δύο εἰς σάρκα μίαν· ὥστε οὐκέτι εἰσὶν δύο ἀλλὰ μία σάρξ.
9
ὃ οὖν ὁ Θεὸς συνέζευξεν, ἄνθρωπος μὴ χωριζέτω.
10
καὶ εἰς τὴν οἰκίαν πάλιν οἱ μαθηταὶ περὶ τούτου ἐπηρώτων αὐτόν.
11
καὶ λέγει αὐτοῖς Ὃς ἂν ἀπολύσῃ τὴν γυναῖκα αὐτοῦ καὶ γαμήσῃ ἄλλην, μοιχᾶται ἐπ’ αὐτήν·
12
καὶ ἐὰν αὐτὴ ἀπολύσασα τὸν ἄνδρα αὐτῆς γαμήσῃ ἄλλον, μοιχᾶται.
13
Καὶ προσέφερον αὐτῷ παιδία ἵνα αὐτῶν ἅψηται· οἱ δὲ μαθηταὶ ἐπετίμησαν αὐτοῖς.
14
ἰδὼν δὲ ὁ Ἰησοῦς ἠγανάκτησεν καὶ εἶπεν αὐτοῖς Ἄφετε τὰ παιδία ἔρχεσθαι πρός με, μὴ κωλύετε αὐτά· τῶν γὰρ τοιούτων ἐστὶν ἡ βασιλεία τοῦ Θεοῦ.
15
ἀμὴν λέγω ὑμῖν, ὃς ἂν μὴ δέξηται τὴν βασιλείαν τοῦ Θεοῦ ὡς παιδίον, οὐ μὴ εἰσέλθῃ εἰς αὐτήν.
16
καὶ ἐναγκαλισάμενος αὐτὰ κατευλόγει τιθεὶς τὰς χεῖρας ἐπ’ αὐτά.
17
Καὶ ἐκπορευομένου αὐτοῦ εἰς ὁδὸν προσδραμὼν εἷς καὶ γονυπετήσας αὐτὸν ἐπηρώτα αὐτόν Διδάσκαλε ἀγαθέ, τί ποιήσω ἵνα ζωὴν αἰώνιον κληρονομήσω;
18
ὁ δὲ Ἰησοῦς εἶπεν αὐτῷ Τί με λέγεις ἀγαθόν; οὐδεὶς ἀγαθὸς εἰ μὴ εἷς ὁ Θεός.
19
τὰς ἐντολὰς οἶδας Μὴ φονεύσῃς, Μὴ μοιχεύσῃς, Μὴ κλέψῃς, Μὴ ψευδομαρτυρήσῃς, Μὴ ἀποστερήσῃς, Τίμα τὸν πατέρα σου καὶ τὴν μητέρα.
20
ὁ δὲ ἔφη αὐτῷ Διδάσκαλε, ταῦτα πάντα ἐφυλαξάμην ἐκ νεότητός μου.
21
ὁ δὲ Ἰησοῦς ἐμβλέψας αὐτῷ ἠγάπησεν αὐτὸν καὶ εἶπεν αὐτῷ Ἕν σε ὑστερεῖ· ὕπαγε, ὅσα ἔχεις πώλησον καὶ δὸς τοῖς πτωχοῖς, καὶ ἕξεις θησαυρὸν ἐν οὐρανῷ, καὶ δεῦρο ἀκολούθει μοι.
22
ὁ δὲ στυγνάσας ἐπὶ τῷ λόγῳ ἀπῆλθεν λυπούμενος, ἦν γὰρ ἔχων κτήματα πολλά.
23
Καὶ περιβλεψάμενος ὁ Ἰησοῦς λέγει τοῖς μαθηταῖς αὐτοῦ Πῶς δυσκόλως οἱ τὰ χρήματα ἔχοντες εἰς τὴν βασιλείαν τοῦ Θεοῦ εἰσελεύσονται.
24
οἱ δὲ μαθηταὶ ἐθαμβοῦντο ἐπὶ τοῖς λόγοις αὐτοῦ. ὁ δὲ Ἰησοῦς πάλιν ἀποκριθεὶς λέγει αὐτοῖς Τέκνα, πῶς δύσκολόν ἐστιν εἰς τὴν βασιλείαν τοῦ Θεοῦ εἰσελθεῖν·
25
εὐκοπώτερόν ἐστιν κάμηλον διὰ τῆς τρυμαλιᾶς τῆς ῥαφίδος διελθεῖν ἢ πλούσιον εἰς τὴν βασιλείαν τοῦ Θεοῦ εἰσελθεῖν.
26
οἱ δὲ περισσῶς ἐξεπλήσσοντο λέγοντες πρὸς ἑαυτούς Καὶ τίς δύναται σωθῆναι;
27
ἐμβλέψας αὐτοῖς ὁ Ἰησοῦς λέγει Παρὰ ἀνθρώποις ἀδύνατον, ἀλλ’ οὐ παρὰ θεῷ· πάντα γὰρ δυνατὰ παρὰ τῷ θεῷ.
28
Ἤρξατο λέγειν ὁ Πέτρος αὐτῷ Ἰδοὺ ἡμεῖς ἀφήκαμεν πάντα καὶ ἠκολουθήκαμέν σοι.
29
ἔφη ὁ Ἰησοῦς Ἀμὴν λέγω ὑμῖν, οὐδείς ἐστιν ὃς ἀφῆκεν οἰκίαν ἢ ἀδελφοὺς ἢ ἀδελφὰς ἢ μητέρα ἢ πατέρα ἢ τέκνα ἢ ἀγροὺς ἕνεκεν ἐμοῦ καὶ ἕνεκεν τοῦ εὐαγγελίου,
30
ἐὰν μὴ λάβῃ ἑκατονταπλασίονα νῦν ἐν τῷ καιρῷ τούτῳ οἰκίας καὶ ἀδελφοὺς καὶ ἀδελφὰς καὶ μητέρας καὶ τέκνα καὶ ἀγροὺς μετὰ διωγμῶν, καὶ ἐν τῷ αἰῶνι τῷ ἐρχομένῳ ζωὴν αἰώνιον.
31
πολλοὶ δὲ ἔσονται πρῶτοι ἔσχατοι καὶ οἱ ἔσχατοι πρῶτοι.
32
Ἦσαν δὲ ἐν τῇ ὁδῷ ἀναβαίνοντες εἰς Ἱεροσόλυμα, καὶ ἦν προάγων αὐτοὺς ὁ Ἰησοῦς, καὶ ἐθαμβοῦντο, οἱ δὲ ἀκολουθοῦντες ἐφοβοῦντο. καὶ παραλαβὼν πάλιν τοὺς δώδεκα ἤρξατο αὐτοῖς λέγειν τὰ μέλλοντα αὐτῷ συμβαίνειν,
33
ὅτι Ἰδοὺ ἀναβαίνομεν εἰς Ἱεροσόλυμα, καὶ ὁ Υἱὸς τοῦ ἀνθρώπου παραδοθήσεται τοῖς ἀρχιερεῦσιν καὶ τοῖς γραμματεῦσιν, καὶ κατακρινοῦσιν αὐτὸν θανάτῳ καὶ παραδώσουσιν αὐτὸν τοῖς ἔθνεσιν
34
καὶ ἐμπαίξουσιν αὐτῷ καὶ ἐμπτύσουσιν αὐτῷ καὶ μαστιγώσουσιν αὐτὸν καὶ ἀποκτενοῦσιν, καὶ μετὰ τρεῖς ἡμέρας ἀναστήσεται.
35
Καὶ προσπορεύονται αὐτῷ Ἰάκωβος καὶ Ἰωάνης οἱ υἱοὶ Ζεβεδαίου λέγοντες αὐτῷ Διδάσκαλε, θέλομεν ἵνα ὃ ἐὰν αἰτήσωμέν σε ποιήσῃς ἡμῖν.
36
ὁ δὲ εἶπεν αὐτοῖς Τί θέλετε με ποιήσω ὑμῖν;
37
οἱ δὲ εἶπαν αὐτῷ Δὸς ἡμῖν ἵνα εἷς σου ἐκ δεξιῶν καὶ εἷς ἐξ ἀριστερῶν καθίσωμεν ἐν τῇ δόξῃ σου.
38
ὁ δὲ Ἰησοῦς εἶπεν αὐτοῖς Οὐκ οἴδατε τί αἰτεῖσθε. δύνασθε πιεῖν τὸ ποτήριον ὃ ἐγὼ πίνω, ἢ τὸ βάπτισμα ὃ ἐγὼ βαπτίζομαι βαπτισθῆναι;
39
οἱ δὲ εἶπαν αὐτῷ Δυνάμεθα. ὁ δὲ Ἰησοῦς εἶπεν αὐτοῖς Τὸ ποτήριον ὃ ἐγὼ πίνω πίεσθε, καὶ τὸ βάπτισμα ὃ ἐγὼ βαπτίζομαι βαπτισθήσεσθε·
40
τὸ δὲ καθίσαι ἐκ δεξιῶν μου ἢ ἐξ εὐωνύμων οὐκ ἔστιν ἐμὸν δοῦναι, ἀλλ’ οἷς ἡτοίμασται.
41
Καὶ ἀκούσαντες οἱ δέκα ἤρξαντο ἀγανακτεῖν περὶ Ἰακώβου καὶ Ἰωάνου.
42
καὶ προσκαλεσάμενος αὐτοὺς ὁ Ἰησοῦς λέγει αὐτοῖς Οἴδατε ὅτι οἱ δοκοῦντες ἄρχειν τῶν ἐθνῶν κατακυριεύουσιν αὐτῶν καὶ οἱ μεγάλοι αὐτῶν κατεξουσιάζουσιν αὐτῶν.
43
οὐχ οὕτως δέ ἐστιν ἐν ὑμῖν· ἀλλ’ ὃς ἂν θέλῃ μέγας γενέσθαι ἐν ὑμῖν, ἔσται ὑμῶν διάκονος,
44
καὶ ὃς ἂν θέλῃ ἐν ὑμῖν εἶναι πρῶτος, ἔσται πάντων δοῦλος·
45
καὶ γὰρ ὁ Υἱὸς τοῦ ἀνθρώπου οὐκ ἦλθεν διακονηθῆναι ἀλλὰ διακονῆσαι καὶ δοῦναι τὴν ψυχὴν αὐτοῦ λύτρον ἀντὶ πολλῶν.
46
Καὶ ἔρχονται εἰς Ἰερειχώ. Καὶ ἐκπορευομένου αὐτοῦ ἀπὸ Ἰερειχὼ καὶ τῶν μαθητῶν αὐτοῦ καὶ ὄχλου ἱκανοῦ ὁ υἱὸς Τιμαίου Βαρτιμαῖος, τυφλὸς προσαίτης, ἐκάθητο παρὰ τὴν ὁδόν.
47
καὶ ἀκούσας ὅτι Ἰησοῦς ὁ Ναζαρηνός ἐστιν ἤρξατο κράζειν καὶ λέγειν Υἱὲ Δαυεὶδ Ἰησοῦ, ἐλέησόν με.
48
καὶ ἐπετίμων αὐτῷ πολλοὶ ἵνα σιωπήσῃ· ὁ δὲ πολλῷ μᾶλλον ἔκραζεν Υἱὲ Δαυείδ, ἐλέησόν με.
49
καὶ στὰς ὁ Ἰησοῦς εἶπεν Φωνήσατε αὐτόν. καὶ φωνοῦσιν τὸν τυφλὸν λέγοντες αὐτῷ Θάρσει, ἔγειρε, φωνεῖ σε.
50
ὁ δὲ ἀποβαλὼν τὸ ἱμάτιον αὐτοῦ ἀναπηδήσας ἦλθεν πρὸς τὸν Ἰησοῦν.
51
καὶ ἀποκριθεὶς αὐτῷ ὁ Ἰησοῦς εἶπεν Τί σοι θέλεις ποιήσω; ὁ δὲ τυφλὸς εἶπεν αὐτῷ Ῥαββουνεί, ἵνα ἀναβλέψω.
52
καὶ ὁ Ἰησοῦς εἶπεν αὐτῷ Ὕπαγε, ἡ πίστις σου σέσωκέν σε. καὶ εὐθὺς ἀνέβλεψεν, καὶ ἠκολούθει αὐτῷ ἐν τῇ ὁδῷ.
Click or tap any word for its parse and dictionary entry. ← and → move between chapters.
Text: Nestle, Novum Testamentum Graece, 1904 (public domain). Morphology: Ulrik Sandborg-Petersen via biblicalhumanities.org (CC0). Dictionary: Abbott-Smith, A Manual Greek Lexicon of the New Testament. Grammatical descriptions: STEP Bible, Tyndale House Cambridge (CC BY 4.0).
The words of this chapter
255 distinct words — each links to every other place it occurs.
ὁthe/this/who105καίand70αὐτόςit/s/he66λέγωto say29δέthen26σύyou20ἸησοῦςJesus18εἰμίto be16ἐγώI/we16ὅςwhich12εἰςtoward11μήnot11θεόςGod9ἐνin/on/among9ἤor9τίςwhich?7εἷςone7ἔρχομαιto come/go6ἵναin order that/to6οὐno6υἱόςson6πάλινagain5πρόςto/with5οὗτοςthis/he/she/it5ποιέωto do/make: do5ἄνθρωποςa human5ἀλλάbut5μαθητήςdisciple5βασιλείαkingdom5ἐκout from5πολύςmuch5θέλωto will/desire5ἀπολύωto release: release4μήτηρmother4ἄνif4ἐπίupon/to/against4γάρfor4εἰσέρχομαιto enter4ὁδόςroad4πᾶςall4ἔχωto have/be4δίδωμιto give4ἀκολουθέωto follow4παράfrom/with/beside4ἄρχομαιto rule/begin4πίνωto drink4βαπτίζωto baptize4ἐπερωτάωto question3ἀποκρίνωto answer3ἕνεκαbecause of3πατήρfather3οἰκίαhome3ἐάνif3παιδίονchild3ὁράωto see: see3ἀφίημιto release: leave3διδάσκαλοςteacher3ἀγαθόςgood3εἴδωto perceive: understand3τέκνονchild3δύναμαιbe able3πρῶτοςfirst3ὅτιthat/since: that3τυφλόςblind3φωνέωto call3ἀνίστημιto arise2ὄχλοςcrowd2ὡςas/when2εἰif2ἀνήρman2γυνήwoman2Μωϋσῆς, ΜωσῆςMoses2γράφωto write2ἐντολήcommandment2ἀπόaway from2δύοtwo2σάρξflesh2περίabout2γαμέωto marry2ἄλλοςanother2μοιχάωto commit adultery2ἐπιτιμάωto rebuke2ἀγανακτέωbe indignant2ἀμήνamen2ἐκπορεύωto depart2ζωήlife2αἰώνιοςeternal2οὐδείςnone2φημίto assert2ἐμβλέπωto look into/upon2ὑπάγωto go2λόγοςword2πῶςhow?!2θαμβέωto astonish2σῴζωto save2ἀδελφόςbrother2ἀδελφήsister2ἀγρόςField of2μετάwith/after2ἔσχατοςlast/least2ἀναβαίνωto ascend2ἹεροσόλυμαJerusalem2παραδίδωμιto deliver2ἔθνοςGentiles2ἸάκωβοςJames2ἸωάννηςJohn2αἰτέωto ask2δεξιόςright2καθίζωto seat2ποτήριονcup2βάπτισμαbaptism2ἀκούωto hear2μέγαςgreat2διακονέωto serve2ἹεριχώJericho2κράζωto cry2Δαυείδ, Δαυίδ, ΔαβίδDavid2ἐλεέωto have mercy2ἀναβλέπωto look up/again2ἐκεῖθενfrom thereὅριονregionἸουδαίαJudeaπέρανother sideἸορδάνηςJordanσυμπορεύομαιto go withἔθωto have a customδιδάσκωto teachπροσέρχομαιto come near/agreeΦαρισαῖοςPhariseeἔξεστι, ἐξόνbe permittedπειράζωto test/tempt: temptἐντέλλωto orderἐπιτρέπωto permitβιβλίονscrollἀποστάσιονdivorceσκληροκαρδίαhardness of heartἀρχήbeginningκτίσιςcreationἄρρην, ἄρσηνmaleθῆλυςfemaleκαταλείπωto leave behindὥστεsoοὐκέτιnot any moreοὖνtherefore/thenσυζεύγνυμιto joinχωρίζωto separate/leaveπροσφέρωto bring toἅπτωto touchκωλύωto preventτοιοῦτοςsuch as thisδέχομαιto receiveἐναγκαλίζομαιto embraceεὐλογέωto praise/blessτίθημιto placeχείρhandπροστρέχωto hastenγονυπετέωto kneelκληρονομέωto inheritφονεύωto murderμοιχεύωto commit adulteryκλέπτωto stealψευδομαρτυρέωto perjureἀποστερέωto defraudτιμάωto honorφυλάσσωto keep/guard: observeνεότηςyouthἀγαπάωto loveὑστερέωto lackὅσοςjust as/how muchπωλέωto sellπτωχόςpoorθησαυρόςtreasureοὐρανόςheavenδεῦροcomeστυγνάζωbe gloomyἀπέρχομαιto go awayλυπέωto grieveκτῆμαpossessionπεριβλέπωto look aroundδυσκόλωςdifficultlyχρῆμαmoneyδύσκολοςdifficultεὐκοπώτεροςeasyκάμηλοςcamelδιάthrough/because ofτρυμαλιάholeῥαφίςneedleδιέρχομαιto pass throughπλούσιοςrichπερισσῶςexcessivelyἐκπλήσσωbe astonishedἑαυτοῦthemselfἀδύνατοςunableδυνατόςableΠέτροςPeterεὐαγγέλιονgospelλαμβάνωto takeἑκατονταπλασίωνa hundred timesνῦνnowκαιρόςtime/right timeδιωγμόςpersecutionαἰώνan age: ageπροάγωto go/bring beforeφοβέωto fearπαραλαμβάνωto takeδώδεκαtwelveμέλλωto ensueσυμβαίνωto happenἀρχιερεύςhigh-priestγραμματεύςscribeκατακρίνωto condemnθάνατοςdeathἐμπαίζωto mockἐμπτύωto spit on/atμαστιγόωto whipἀποκτείνωto killτρεῖςThreeἡμέραdayπροσπορεύομαιto approachΖεβεδαῖοςZebedeeἀριστερόςleftδόξαgloryεὐώνυμοςleft/southἐμόςmineἑτοιμάζωto make readyδέκαtenπροσκαλέωto call to/summonδοκέωto thinkἄρχωbe firstκατακυριεύωto masterκατεξουσιάζωto ruleοὕτωςthus(-ly)γίνομαιto beδιάκονοςservantδοῦλοςslaveψυχήsoulλύτρονransomἀντίforἱκανόςsufficientΤιμαῖοςTimaeusΒαρτιμαῖοςBartimaeusπροσαιτέωto begκάθημαιto sitΝαζαρηνόςNazarethσιωπάωbe quietμᾶλλονmoreἵστημιto standθαρσέωtake heartἐγείρωto ariseἀποβάλλωto throw awayἱμάτιονclothingεἰσπηδάωto rush intoῥαββονίRabboniπίστιςfaithεὐθέωςimmediately