Psalms 107 in Hebrew – The Ancient Bible

Ancient Bible › Old Testament › Psalms › 107

Psalms 107 in the Hebrew of the Westminster Leningrad Codex. Psalms is part of the poetic and wisdom literature.

Hebrew · Poetry & Wisdom

Psalms 107

Westminster Leningrad Codex · every word parsed

1
הֹד֣וּ לַיהוָ֣ה כִּי־ט֑וֹב כִּ֖י לְעוֹלָ֣ם חַסְדּֽוֹ׃ 
2
יֹ֭אמְרוּ גְּאוּלֵ֣י יְהוָ֑ה אֲשֶׁ֥ר גְּ֝אָלָ֗ם מִיַּד־צָֽר׃ 
3
וּֽמֵאֲרָצ֗וֹת קִ֫בְּצָ֥ם מִמִּזְרָ֥ח וּמִֽמַּעֲרָ֑ב מִצָּפ֥וֹן וּמִיָּֽם׃ 
4
תָּע֣וּ בַ֭מִּדְבָּר בִּישִׁימ֣וֹן דָּ֑רֶךְ עִ֥יר מ֝וֹשָׁ֗ב לֹ֣א מָצָֽאוּ׃ 
5
רְעֵבִ֥ים גַּם־צְמֵאִ֑ים נַ֝פְשָׁ֗ם בָּהֶ֥ם תִּתְעַטָּֽף׃ 
6
וַיִּצְעֲק֣וּ אֶל־יְ֭הוָה בַּצַּ֣ר לָהֶ֑ם מִ֝מְּצֽוּקוֹתֵיהֶ֗ם יַצִּילֵֽם׃ 
7
וַ֭יַּֽדְרִיכֵם בְּדֶ֣רֶךְ יְשָׁרָ֑ה לָ֝לֶ֗כֶת אֶל־עִ֥יר מוֹשָֽׁב׃ 
8
יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃ 
9
כִּי־הִ֭שְׂבִּיעַ נֶ֣פֶשׁ שֹׁקֵקָ֑ה וְנֶ֥פֶשׁ רְ֝עֵבָה מִלֵּא־טֽוֹב׃ 
10
יֹ֭שְׁבֵי חֹ֣שֶׁךְ וְצַלְמָ֑וֶת אֲסִירֵ֖י עֳנִ֣י וּבַרְזֶֽל׃ 
11
כִּֽי־הִמְר֥וּ אִמְרֵי־אֵ֑ל וַעֲצַ֖ת עֶלְי֣וֹן נָאָֽצוּ׃ 
12
וַיַּכְנַ֣ע בֶּעָמָ֣ל לִבָּ֑ם כָּ֝שְׁל֗וּ וְאֵ֣ין עֹזֵֽר׃ 
13
וַיִּזְעֲק֣וּ אֶל־יְ֭הוָה בַּצַּ֣ר לָהֶ֑ם מִ֝מְּצֻֽקוֹתֵיהֶ֗ם יוֹשִׁיעֵֽם׃ 
14
יֽ֭וֹצִיאֵם מֵחֹ֣שֶׁךְ וְצַלְמָ֑וֶת וּמוֹסְר֖וֹתֵיהֶ֣ם יְנַתֵּֽק׃ 
15
יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃ 
16
כִּֽי־שִׁ֭בַּר דַּלְת֣וֹת נְחֹ֑שֶׁת וּבְרִיחֵ֖י בַרְזֶ֣ל גִּדֵּֽעַ׃ 
17
אֱ֭וִלִים מִדֶּ֣רֶךְ פִּשְׁעָ֑ם וּֽ֝מֵעֲוֺֽנֹתֵיהֶ֗ם יִתְעַנּֽוּ׃ 
18
כָּל־אֹ֭כֶל תְּתַעֵ֣ב נַפְשָׁ֑ם וַ֝יַּגִּ֗יעוּ עַד־שַׁ֥עֲרֵי מָֽוֶת׃ 
19
וַיִּזְעֲק֣וּ אֶל־יְ֭הוָה בַּצַּ֣ר לָהֶ֑ם מִ֝מְּצֻֽקוֹתֵיהֶ֗ם יוֹשִׁיעֵֽם׃ 
20
יִשְׁלַ֣ח דְּ֭בָרוֹ וְיִרְפָּאֵ֑ם וִֽ֝ימַלֵּ֗ט מִשְּׁחִיתוֹתָֽם׃ 
21
יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃ 
22
וְ֭יִזְבְּחוּ זִבְחֵ֣י תוֹדָ֑ה וִֽיסַפְּר֖וּ מַעֲשָׂ֣יו בְּרִנָּֽה׃ 
23
יוֹרְדֵ֣י הַ֭יָּם בָּאֳנִיּ֑וֹת עֹשֵׂ֥י מְ֝לָאכָ֗ה בְּמַ֣יִם רַבִּֽים׃ 
24
הֵ֣מָּה רָ֭אוּ מַעֲשֵׂ֣י יְהוָ֑ה וְ֝נִפְלְאוֹתָ֗יו בִּמְצוּלָֽה׃ 
25
וַיֹּ֗אמֶר וַֽ֭יַּעֲמֵד ר֣וּחַ סְעָרָ֑ה וַתְּרוֹמֵ֥ם גַּלָּֽיו׃ 
26
יַעֲל֣וּ שָׁ֭מַיִם יֵרְד֣וּ תְהוֹמ֑וֹת נַ֝פְשָׁ֗ם בְּרָעָ֥ה תִתְמוֹגָֽג׃ 
27
יָח֣וֹגּוּ וְ֭יָנוּעוּ כַּשִּׁכּ֑וֹר וְכָל־חָ֝כְמָתָ֗ם תִּתְבַּלָּֽע׃ 
28
וַיִּצְעֲק֣וּ אֶל־יְ֭הוָה בַּצַּ֣ר לָהֶ֑ם וּֽ֝מִמְּצֽוּקֹתֵיהֶ֗ם יוֹצִיאֵֽם׃ 
29
יָקֵ֣ם סְ֭עָרָה לִדְמָמָ֑ה וַ֝יֶּחֱשׁ֗וּ גַּלֵּיהֶֽם׃ 
30
וַיִּשְׂמְח֥וּ כִֽי־יִשְׁתֹּ֑קוּ וַ֝יַּנְחֵ֗ם אֶל־מְח֥וֹז חֶפְצָֽם׃ 
31
יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃ 
32
וִֽ֭ירֹמְמוּהוּ בִּקְהַל־עָ֑ם וּבְמוֹשַׁ֖ב זְקֵנִ֣ים יְהַלְלֽוּהוּ׃ 
33
יָשֵׂ֣ם נְהָר֣וֹת לְמִדְבָּ֑ר וּמֹצָ֥אֵי מַ֝֗יִם לְצִמָּאֽוֹן׃ 
34
אֶ֣רֶץ פְּ֭רִי לִמְלֵחָ֑ה מֵ֝רָעַ֗ת יֹ֣שְׁבֵי בָֽהּ׃ 
35
יָשֵׂ֣ם מִ֭דְבָּר לַֽאֲגַם־מַ֑יִם וְאֶ֥רֶץ צִ֝יָּ֗ה לְמֹצָ֥אֵי מָֽיִם׃ 
36
וַיּ֣וֹשֶׁב שָׁ֣ם רְעֵבִ֑ים וַ֝יְכוֹנְנ֗וּ עִ֣יר מוֹשָֽׁב׃ 
37
וַיִּזְרְע֣וּ שָׂ֭דוֹת וַיִּטְּע֣וּ כְרָמִ֑ים וַ֝יַּעֲשׂ֗וּ פְּרִ֣י תְבֽוּאָה׃ 
38
וַיְבָרֲכֵ֣ם וַיִּרְבּ֣וּ מְאֹ֑ד וּ֝בְהֶמְתָּ֗ם לֹ֣א יַמְעִֽיט׃ 
39
וַיִּמְעֲט֥וּ וַיָּשֹׁ֑חוּ מֵעֹ֖צֶר רָעָ֣ה וְיָגֽוֹן׃ 
40
שֹׁפֵ֣ךְ בּ֭וּז עַל־נְדִיבִ֑ים וַ֝יַּתְעֵ֗ם בְּתֹ֣הוּ לֹא־דָֽרֶךְ׃ 
41
וַיְשַׂגֵּ֣ב אֶבְי֣וֹן מֵע֑וֹנִי וַיָּ֥שֶׂם כַּ֝צֹּ֗אן מִשְׁפָּחֽוֹת׃ 
42
יִרְא֣וּ יְשָׁרִ֣ים וְיִשְׂמָ֑חוּ וְכָל־עַ֝וְלָ֗ה קָ֣פְצָה פִּֽיהָ׃ 
43
מִי־חָכָ֥ם וְיִשְׁמָר־אֵ֑לֶּה וְ֝יִתְבּֽוֹנְנ֗וּ חַֽסְדֵ֥י יְהוָֽה׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

171 distinct words — each links to every other place it occurs.

יהוהJehovah12 כִּיthat6 חֶ֫סֶדgoodness6 אֶלmotion to6 יָדָהthrow5 נֶ֫פֶשׁsoul5 פָּלָאbe surpassing5 דֶּ֫רֶךְway4 מוֹשָׁבseat4 צַרstraits4 מְצוּקָהnarrowness4 בֵּןson4 אָדָםman4 מַיwaters4 אֶ֫רֶץearth3 מִדְבָּרwilderness3 עִירcity3 לֹאnot3 רָעֵבhungry3 יָשַׁבsit3 כֹּלthe whole3 רָעָהevil3 שׂוּםput3 אָמַרutter2 גָּאַלredeem2 יָםsea2 תָּעָהerr2 צָעַקcry2 יָשָׁרstraight2 חֹ֫שֶׁךְdarkness2 צַלְמָ֫וֶתdeath-shadow2 עֳנִיaffliction2 בַּרְזֶלiron2 זָעַקcry2 יָשַׁעdeliver2 יָצָאgo out2 מַעֲשֶׂהdeed2 יָרַדcome down2 עָשָׂהdo2 רָאָהsee2 סְעָרָהtempest2 רוּםbe high2 גַּלheap2 שָׂמַחrejoice2 מוֹצָאplace of going forth2 פְּרִיfruit2 מָעַטbe small2 טוֹבpleasant עוֹלָםlong duration אֲשֶׁרwho יָדhand צַרadversary קָבַץgather מִזְרָחplace of sunrise מַעֲרָבwest צָפוֹןnorth יְשִׁימוֹןwaste מָצָאattain to גַּםalso צָמֵאthirsty עָטַףbe feeble נָצַלstrip דָּרַךְtread יָלַךְgo שָׂבֵעַbe sated שָׁקַקrun מָלֵאbe full טוֹבa good thing אָסִירbondman מָרָהbe contentious אֵמֶרutterance אֵלgod עֵצָהcounsel עֶלְיוֹןHighest נָאַץcontemn כָּנַעbe humble עָמָלtrouble לֵבinner man כָּשַׁלstumble אַ֫יִןnothing עָזַרhelp מוֹסֵרband נָתַקpull שָׁבַרbreak דֶּ֫לֶתdoor נְחֹ֫שֶׁתcopper בְּרִיחַbar גָּדַעhew אֱוִילfoolish פֶּ֫שַׁעtransgression עָוֺןiniquity עָנָהbe bowed down אֹ֫כֶלfood תַּעָבloathe נָגַעtouch עַדas far as שַׁ֫עַרgate מָ֫וֶתdeath שָׁלַחsend דָּבָרspeech רָפָאheal מָלַטslip away שְׁחִיתpit-fall זָבַחslaughter for sacrifice זֶ֫בַחsacrifice תּוֹדָהthanksgiving סָפַרcount רִנָּהringing cry אֳנִיָּהa ship מְלָאכָהoccupation רַבmuch הֵ֫מָּהthey מְצוֹלָהdepth עָמַדtake one’s stand רוּחַbreath עָלָהgo up שָׁמַיִםheavens תְּהוֹםdeep מוּגmelt חָגַגmake a pilgrimage נוּעַquiver שִׁכֹּרdrunken חׇכְמָהwisdom בָּלַעswallow down קוּםarise דְּמָמָהwhisper חָשָׁהbe silent שָׁתַקbe quiet נָחָהlead מָחוֹזcity חֵ֫פֶץdelight קָהָלassembly עַםpeople זָקֵןold הָלַלbe boastful נָהָרstream צִמָּאוֹןthirsty ground מְלֵחָהsaltness אֲגַםtroubled pool צִיָּהdryness שָׁםthere כּוּןbe firm זָרַעsow שָׂדֶהfield נָטַעplant כֶּרֶםvineyard תְּבוּאָהproduct בָּרַךְkneel רָבָהbe much מְאֹדmuchness בְּהֵמָהbeast שָׁחַחbow עֹ֫צֶרrestraint יָגוֹןgrief שָׁפַךְpour out בּוּזcontempt עַלabove נָדִיבinclined תֹּ֫הוּformlessness שָׂגַבbe high אֶבְיוֹןin want צֹאןsmall cattle מִשְׁפָּחָהclan עַוְלָהinjustice קָפַץdraw together פֶּהmouth מִיwho?חָכָםwise שָׁמַרkeep אֵ֫לֶּהthese בִּיןdiscern