Psalms 44 in the Hebrew of the Westminster Leningrad Codex. Psalms is part of the poetic and wisdom literature.
1
לַמְנַצֵּ֬חַ לִבְנֵי־קֹ֬רַח מַשְׂכִּֽיל׃
2
אֱלֹהִ֤ים ׀ בְּאָזְנֵ֬ינוּ שָׁמַ֗עְנוּ אֲבוֹתֵ֥ינוּ סִפְּרוּ־לָ֑נוּ פֹּ֥עַל פָּעַ֥לְתָּ בִֽ֝ימֵיהֶ֗ם בִּ֣ימֵי קֶֽדֶם׃
3
אַתָּ֤ה ׀ יָדְךָ֡ גּוֹיִ֣ם ה֭וֹרַשְׁתָּ וַתִּטָּעֵ֑ם תָּרַ֥ע לְ֝אֻמִּ֗ים וַֽתְּשַׁלְּחֵֽם׃
4
כִּ֤י לֹ֪א בְחַרְבָּ֡ם יָ֥רְשׁוּ אָ֗רֶץ וּזְרוֹעָם֮ לֹא־הוֹשִׁ֪יעָ֫ה לָּ֥מוֹ כִּֽי־יְמִֽינְךָ֣ וּ֭זְרוֹעֲךָ וְא֥וֹר פָּנֶ֗יךָ כִּ֣י רְצִיתָֽם׃
5
אַתָּה־ה֣וּא מַלְכִּ֣י אֱלֹהִ֑ים צַ֝וֵּ֗ה יְשׁוּע֥וֹת יַעֲקֹֽב׃
6
בְּ֭ךָ צָרֵ֣ינוּ נְנַגֵּ֑חַ בְּ֝שִׁמְךָ֗ נָב֥וּס קָמֵֽינוּ׃
7
כִּ֤י לֹ֣א בְקַשְׁתִּ֣י אֶבְטָ֑ח וְ֝חַרְבִּ֗י לֹ֣א תוֹשִׁיעֵֽנִי׃
8
כִּ֣י ה֭וֹשַׁעְתָּנוּ מִצָּרֵ֑ינוּ וּמְשַׂנְאֵ֥ינוּ הֱבִישֽׁוֹתָ׃
9
בֵּֽ֭אלֹהִים הִלַּלְ֣נוּ כָל־הַיּ֑וֹם וְשִׁמְךָ֓ ׀ לְעוֹלָ֖ם נוֹדֶ֣ה סֶֽלָה׃
10
אַף־זָ֭נַחְתָּ וַתַּכְלִימֵ֑נוּ וְלֹא־תֵ֝צֵ֗א בְּצִבְאוֹתֵֽינוּ׃
11
תְּשִׁיבֵ֣נוּ אָ֭חוֹר מִנִּי־צָ֑ר וּ֝מְשַׂנְאֵ֗ינוּ שָׁ֣סוּ לָֽמוֹ׃
12
תִּ֭תְּנֵנוּ כְּצֹ֣אן מַאֲכָ֑ל וּ֝בַגּוֹיִ֗ם זֵרִיתָֽנוּ׃
13
תִּמְכֹּֽר־עַמְּךָ֥ בְלֹא־ה֑וֹן וְלֹ֥א־רִ֝בִּ֗יתָ בִּמְחִירֵיהֶֽם׃
14
תְּשִׂימֵ֣נוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבוֹתֵֽינוּ׃
15
תְּשִׂימֵ֣נוּ מָ֭שָׁל בַּגּוֹיִ֑ם מְנֽוֹד־רֹ֝֗אשׁ בַּל־אֻמִּֽים׃
16
כָּל־הַ֭יּוֹם כְּלִמָּתִ֣י נֶגְדִּ֑י וּבֹ֖שֶׁת פָּנַ֣י כִּסָּֽתְנִי׃
17
מִ֭קּוֹל מְחָרֵ֣ף וּמְגַדֵּ֑ף מִפְּנֵ֥י א֝וֹיֵ֗ב וּמִתְנַקֵּֽם׃
18
כָּל־זֹ֣את בָּ֭אַתְנוּ וְלֹ֣א שְׁכַחֲנ֑וּךָ וְלֹֽא־שִׁ֝קַּ֗רְנוּ בִּבְרִיתֶֽךָ׃
19
לֹא־נָס֣וֹג אָח֣וֹר לִבֵּ֑נוּ וַתֵּ֥ט אֲשֻׁרֵ֗ינוּ מִנִּ֥י אָרְחֶֽךָ׃
20
כִּ֣י דִ֭כִּיתָנוּ בִּמְק֣וֹם תַּנִּ֑ים וַתְּכַ֖ס עָלֵ֣ינוּ בְצַלְמָֽוֶת׃
21
אִם־שָׁ֭כַחְנוּ שֵׁ֣ם אֱלֹהֵ֑ינוּ וַנִּפְרֹ֥שׂ כַּ֝פֵּ֗ינוּ לְאֵ֣ל זָֽר׃
22
הֲלֹ֣א אֱ֭לֹהִים יַֽחֲקָר־זֹ֑את כִּֽי־ה֥וּא יֹ֝דֵ֗עַ תַּעֲלֻמ֥וֹת לֵֽב׃
23
כִּֽי־עָ֭לֶיךָ הֹרַ֣גְנוּ כָל־הַיּ֑וֹם נֶ֝חְשַׁ֗בְנוּ כְּצֹ֣אן טִבְחָֽה׃
24
ע֤וּרָה ׀ לָ֖מָּה תִישַׁ֥ן ׀ אֲדֹנָ֑י הָ֝קִ֗יצָה אַל־תִּזְנַ֥ח לָנֶֽצַח׃
25
לָֽמָּה־פָנֶ֥יךָ תַסְתִּ֑יר תִּשְׁכַּ֖ח עָנְיֵ֣נוּ וְֽלַחֲצֵֽנוּ׃
26
כִּ֤י שָׁ֣חָה לֶעָפָ֣ר נַפְשֵׁ֑נוּ דָּבְקָ֖ה לָאָ֣רֶץ בִּטְנֵֽנוּ׃
27
ק֭וּמָֽה עֶזְרָ֣תָה לָּ֑נוּ וּ֝פְדֵ֗נוּ לְמַ֣עַן חַסְדֶּֽךָ׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
131 distinct words — each links to every other place it occurs.
לֹאnot11כִּיthat9אֱלֹהִיםgods5יוֹםday5פָּנֶהface4כֹּלthe whole4גּוֹיnation3לְאֹםpeople3יָשַׁעdeliver3צַרadversary3שֵׁםname3שָׁכַחforget3אַתָּ֫הthou2יָרַשׁtake possession of2חֶ֫רֶבsword2אֶ֫רֶץearth2זְרוֹעַarm2הוּאhe2קוּםarise2שָׂנֵאhate2זָנַחreject2אָחוֹרthe hinder side2מִן־out of2צֹאןsmall cattle2שׂוּםput2כָּסָהcover2זֹאתthis2לֵבinner man2עַלabove2מָהwhat?2נָצַחbe pre-eminentבֵּןsonקֹ֫רַחKorahמַשְׂכִּילcontemplative poemאֹ֫זֶןearשָׁמַעhearאָבfatherסָפַרcountפֹּ֫עַלdoingפָּעַלdoקֶ֫דֶםfrontיָדhandנָטַעplantרָעַעbe evilשָׁלַחsendיָמִיןright handאוֹרlightרָצָהbe pleased withמֶ֫לֶךְkingצָוָהlay chargeיְשׁוּעָהsalvationיַעֲקֹבJacobנָגַחpushבּוּסtread downקֶ֫שֶׁתbowבָּטַחtrustבּוֹשׁbe ashamedהָלַלbe boastfulעוֹלָםlong durationיָדָהthrowסֶ֫לָהlift upאַףalsoכָּלַםbe humiliatedיָצָאgo outצָבָאarmyשׁוּבturn backשָׁסָהspoilנָתַןgiveמַאֲכָלfoodזָרָהscatterמָכַרsellעַםpeopleהוֹןwealthרָבָהbe muchמְחִירpriceחֶרְפָּהreproachשָׁכֵןinhabitantלַ֫עַגmockingקֶ֫לֶסderisionסָבִיבcircuitמָשָׁלproverbמָנוֹדa shakingרֹאשׁheadכְּלִמָּהinsultנֶ֫גֶדwhat is conspicuousבֹּ֫שֶׁתshameקוֹלsoundחָרַףreproachגָּדַףrevileאָיַבbe hostile toנָקַםavengeבּוֹאcome inשָׁקַרdo falselyבְּרִיתcovenantסוּגmove awayנָטָהstretch outאֲשׁוּרstepאֹ֫רַחwayדָּכָהcollapseמָקוֹםstanding-placeתַּןjackalצַלְמָ֫וֶתdeath-shadowאִםifפָּרַשׂspread outכַּףhollowאֵלgodזוּרbe a strangerחָקַרsearchיָדַעknowתַּעֲלֻמָּהֿhidden thingהָרַגkillחָשַׁבthinkטִבְחָהthing slaughteredעוּרrouse oneselfיָשֵׁןsleepאֲדֹנָיlordקִיץawakeאַלnotנֵ֫צַחeminenceסָתַרhideעֳנִיafflictionלַ֫חַץoppressionשׁוּחַsink downעָפָרdry earthנֶ֫פֶשׁsoulדָּבַקclingבֶּ֫טֶןbellyעֶזְרָהhelpפָּדָהransomמַ֫עַןpurposeחֶ֫סֶדgoodness