Psalms 19 in the Hebrew of the Westminster Leningrad Codex. Psalms is part of the poetic and wisdom literature.
1
לַמְנַצֵּ֗חַ מִזְמ֥וֹר לְדָוִֽד׃
2
הַשָּׁמַ֗יִם מְֽסַפְּרִ֥ים כְּבֽוֹד־אֵ֑ל וּֽמַעֲשֵׂ֥ה יָ֝דָ֗יו מַגִּ֥יד הָרָקִֽיעַ׃
3
י֣וֹם לְ֭יוֹם יַבִּ֣יעַֽ אֹ֑מֶר וְלַ֥יְלָה לְּ֝לַ֗יְלָה יְחַוֶּה־דָּֽעַת׃
4
אֵֽין־אֹ֭מֶר וְאֵ֣ין דְּבָרִ֑ים בְּ֝לִ֗י נִשְׁמָ֥ע קוֹלָֽם׃
5
בְּכָל־הָאָ֨רֶץ ׀ יָ֘צָ֤א קַוָּ֗ם וּבִקְצֵ֣ה תֵ֭בֵל מִלֵּיהֶ֑ם לַ֝שֶּׁ֗מֶשׁ שָֽׂם־אֹ֥הֶל בָּהֶֽם׃
6
וְה֗וּא כְּ֭חָתָן יֹצֵ֣א מֵחֻפָּת֑וֹ יָשִׂ֥ישׂ כְּ֝גִבּ֗וֹר לָר֥וּץ אֹֽרַח׃
7
מִקְצֵ֤ה הַשָּׁמַ֨יִם ׀ מֽוֹצָא֗וֹ וּתְקוּפָת֥וֹ עַל־קְצוֹתָ֑ם וְאֵ֥ין נִ֝סְתָּ֗ר מֵֽחַמָּתוֹ׃
8
תּ֘וֹרַ֤ת יְהוָ֣ה תְּ֭מִימָה מְשִׁ֣יבַת נָ֑פֶשׁ עֵד֥וּת יְהוָ֥ה נֶ֝אֱמָנָ֗ה מַחְכִּ֥ימַת פֶּֽתִי׃
9
פִּקּ֘וּדֵ֤י יְהוָ֣ה יְ֭שָׁרִים מְשַׂמְּחֵי־לֵ֑ב מִצְוַ֥ת יְהוָ֥ה בָּ֝רָ֗ה מְאִירַ֥ת עֵינָֽיִם׃
10
יִרְאַ֤ת יְהוָ֨ה ׀ טְהוֹרָה֮ עוֹמֶ֪דֶת לָ֫עַ֥ד מִֽשְׁפְּטֵי־יְהוָ֥ה אֱמֶ֑ת צָֽדְק֥וּ יַחְדָּֽו׃
11
הַֽנֶּחֱמָדִ֗ים מִ֭זָּהָב וּמִפַּ֣ז רָ֑ב וּמְתוּקִ֥ים מִ֝דְּבַ֗שׁ וְנֹ֣פֶת צוּפִֽים׃
12
גַּֽם־עַ֭בְדְּךָ נִזְהָ֣ר בָּהֶ֑ם בְּ֝שָׁמְרָ֗ם עֵ֣קֶב רָֽב׃
13
שְׁגִיא֥וֹת מִֽי־יָבִ֑ין מִֽנִּסְתָּר֥וֹת נַקֵּֽנִי׃
14
גַּ֤ם מִזֵּדִ֨ים ׀ חֲשֹׂ֬ךְ עַבְדֶּ֗ךָ אַֽל־יִמְשְׁלוּ־בִ֣י אָ֣ז אֵיתָ֑ם וְ֝נִקֵּ֗יתִי מִפֶּ֥שַֽׁע רָֽב׃
15
יִֽהְי֥וּ לְרָצ֨וֹן ׀ אִמְרֵי־פִ֡י וְהֶגְי֣וֹן לִבִּ֣י לְפָנֶ֑יךָ יְ֝הוָ֗ה צוּרִ֥י וְגֹאֲלִֽי׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
102 distinct words — each links to every other place it occurs.
יהוהJehovah7אַ֫יִןnothing3רַבmuch3שָׁמַיִםheavens2יוֹםday2אֹמֶרutterance2לַ֫יְלָהnight2יָצָאgo out2קָצֶהend2סָתַרhide2לֵבinner man2גַּםalso2עֶ֫בֶדslave2נָקָהbe empty2נָצַחbe pre-eminentמִזְמוֹרmelodyדָּוִדDavidסָפַרcountכָּבוֹדabundanceאֵלgodמַעֲשֶׂהdeedיָדhandנָגַדbe conspicuousרָקִיעַextended surfaceנָבַעflowחָוָהtellדַּ֫עַתknowledgeדָּבָרspeechבְּלִיwearing outשָׁמַעhearקוֹלsoundכֹּלthe wholeאֶ֫רֶץearthקַוlineתֵּבֵלworldמִלָּהwordשֶׁ֫מֶשׁsunשׂוּםputאֹ֫הֶלtentהוּאheחָתָןdaughter’s husbandחֻפָּהcanopyשׂוּשׂexultגִּבּוֹרstrongרוּץrunאֹ֫רַחwayמוֹצָאplace of going forthתְּקוּפָהcoming roundעַלaboveקָצָהendחַמָּהheatתּוֹרָהdirectionתָּמִיםcompleteשׁוּבturn backנֶ֫פֶשׁsoulעֵדוּתtestimonyאָמַןconfirmחָכַםbe wiseפֶּ֫תִיsimpleפִּקּוּדpreceptיָשָׁרstraightשָׂמַחrejoiceמִצְוָהcommandmentבַּרpureאוֹרbe lightעַ֫יִןeyeיִרְאָהfearטָהוֹרcleanעָמַדtake one’s standעַדperpetuityמִשְׁפָּטjudgmentאֱמֶתfirmnessצָדֵקbe justיָחְדָּוtogetherחָמַדdesireזָהָבgoldפַּזrefinedמָתוֹקsweetדְּבַשׁhoneyנֹ֫פֶתflowing honeyצוּףcombזָהַרenlightenשָׁמַרkeepעֵ֫קֶבconsequenceשְׁגִיאָהerrorמִיwho?בִּיןdiscernזֵדinsolentחָשַׂךְwithholdאַלnotמָשַׁלruleאָזat that timeתָּמַםbe completeפֶּ֫שַׁעtransgressionהָיָהfall outרָצוֹןgoodwillאֵמֶרutteranceפֶּהmouthהִגָּיוֹןresounding musicפָּנֶהfaceצוּרrockגָּאַלredeem