Psalms 31 in the Hebrew of the Westminster Leningrad Codex. Psalms is part of the poetic and wisdom literature.
1
לַמְנַצֵּ֗חַ מִזְמ֥וֹר לְדָוִֽד׃
2
בְּךָ֖ יְהוָ֣ה חָ֭סִיתִי אַל־אֵב֣וֹשָׁה לְעוֹלָ֑ם בְּצִדְקָתְךָ֥ פַלְּטֵֽנִי׃
3
הַטֵּ֤ה אֵלַ֨י ׀ אָזְנְךָ֮ מְהֵרָ֪ה הַצִּ֫ילֵ֥נִי הֱיֵ֤ה לִ֨י ׀ לְֽצוּר־מָ֭עוֹז לְבֵ֥ית מְצוּד֗וֹת לְהוֹשִׁיעֵֽנִי׃
4
כִּֽי־סַלְעִ֣י וּמְצוּדָתִ֣י אָ֑תָּה וּלְמַ֥עַן שִׁ֝מְךָ֗ תַּֽנְחֵ֥נִי וּֽתְנַהֲלֵֽנִי׃
5
תּוֹצִיאֵ֗נִי מֵרֶ֣שֶׁת ז֭וּ טָ֣מְנוּ לִ֑י כִּֽי־אַ֝תָּה מָֽעוּזִּֽי׃
6
בְּיָדְךָ֮ אַפְקִ֪יד ר֫וּחִ֥י פָּדִ֖יתָה אוֹתִ֥י יְהוָ֗ה אֵ֣ל אֱמֶֽת׃
7
שָׂנֵ֗אתִי הַשֹּׁמְרִ֥ים הַבְלֵי־שָׁ֑וְא וַ֝אֲנִ֗י אֶל־יְהוָ֥ה בָּטָֽחְתִּי׃
8
אָגִ֥ילָה וְאֶשְׂמְחָ֗ה בְּחַ֫סְדֶּ֥ךָ אֲשֶׁ֣ר רָ֭אִיתָ אֶת־עָנְיִ֑י יָ֝דַ֗עְתָּ בְּצָר֥וֹת נַפְשִֽׁי׃
9
וְלֹ֣א הִ֭סְגַּרְתַּנִי בְּיַד־אוֹיֵ֑ב הֶֽעֱמַ֖דְתָּ בַמֶּרְחָ֣ב רַגְלָֽי׃
10
חָנֵּ֥נִי יְהוָה֮ כִּ֤י צַ֫ר־לִ֥י עָשְׁשָׁ֖ה בְכַ֥עַס עֵינִ֗י נַפְשִׁ֥י וּבִטְנִֽי׃
11
כִּ֤י כָל֪וּ בְיָג֡וֹן חַיַּי֮ וּשְׁנוֹתַ֪י בַּאֲנָ֫חָ֥ה כָּשַׁ֣ל בַּעֲוֺנִ֣י כֹחִ֑י וַעֲצָמַ֥י עָשֵֽׁשׁוּ׃
12
מִכָּל־צֹרְרַ֨י הָיִ֪יתִי חֶרְפָּ֡ה וְלִשֲׁכֵנַ֨י ׀ מְאֹד֮ וּפַ֪חַד לִֽמְיֻדָּ֫עָ֥י רֹאַ֥י בַּח֑וּץ נָדְד֥וּ מִמֶּֽנִּי׃
13
נִ֭שְׁכַּחְתִּי כְּמֵ֣ת מִלֵּ֑ב הָ֝יִ֗יתִי כִּכְלִ֥י אֹבֵֽד׃
14
כִּ֤י שָׁמַ֨עְתִּי ׀ דִּבַּ֥ת רַבִּים֮ מָג֪וֹר מִסָּ֫בִ֥יב בְּהִוָּסְדָ֣ם יַ֣חַד עָלַ֑י לָקַ֖חַת נַפְשִׁ֣י זָמָֽמוּ׃
15
וַאֲנִ֤י ׀ עָלֶ֣יךָ בָטַ֣חְתִּי יְהוָ֑ה אָ֝מַ֗רְתִּי אֱלֹהַ֥י אָֽתָּה׃
16
בְּיָדְךָ֥ עִתֹּתָ֑י הַצִּ֘ילֵ֤נִי מִיַּד־א֝וֹיְבַ֗י וּמֵרֹדְפָֽי׃
17
הָאִ֣ירָה פָ֭נֶיךָ עַל־עַבְדֶּ֑ךָ ה֖וֹשִׁיעֵ֣נִי בְחַסְדֶּֽךָ׃
18
יְֽהוָ֗ה אַל־אֵ֭בוֹשָׁה כִּ֣י קְרָאתִ֑יךָ יֵבֹ֥שׁוּ רְ֝שָׁעִ֗ים יִדְּמ֥וּ לִשְׁאֽוֹל׃
19
תֵּ֥אָלַ֗מְנָה שִׂפְתֵ֫י שָׁ֥קֶר הַדֹּבְר֖וֹת עַל־צַדִּ֥יק עָתָ֗ק בְּגַאֲוָ֥ה וָבֽוּז׃
20
מָ֤ה רַֽב־טוּבְךָ֮ אֲשֶׁר־צָפַ֪נְתָּ לִּֽירֵ֫אֶ֥יךָ פָּ֭עַלְתָּ לַחֹסִ֣ים בָּ֑ךְ נֶ֝֗גֶד בְּנֵ֣י אָדָם׃
21
תַּסְתִּירֵ֤ם ׀ בְּסֵ֥תֶר פָּנֶיךָ֮ מֵֽרֻכְסֵ֫י אִ֥ישׁ תִּצְפְּנֵ֥ם בְּסֻכָּ֗ה מֵרִ֥יב לְשֹׁנֽוֹת׃
22
בָּר֥וּךְ יְהוָ֑ה כִּ֥י הִפְלִ֘יא חַסְדּ֥וֹ לִ֝֗י בְּעִ֣יר מָצֽוֹר׃
23
וַאֲנִ֤י ׀ אָ֘מַ֤רְתִּי בְחָפְזִ֗י נִגְרַזְתִּי֮ מִנֶּ֪גֶד עֵ֫ינֶ֥יךָ אָכֵ֗ן שָׁ֭מַעְתָּ ק֥וֹל תַּחֲנוּנַ֗י בְּשַׁוְּעִ֥י אֵלֶֽיךָ׃
24
אֶֽהֱב֥וּ אֶת־יְהוָ֗ה כָּֽל־חֲסִ֫ידָ֥יו אֱ֭מוּנִים נֹצֵ֣ר יְהוָ֑ה וּמְשַׁלֵּ֥ם עַל־יֶ֝֗תֶר עֹשֵׂ֥ה גַאֲוָֽה׃
25
חִ֭זְקוּ וְיַאֲמֵ֣ץ לְבַבְכֶ֑ם כָּל־הַ֝מְיַחֲלִ֗ים לַיהוָֽה׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
154 distinct words — each links to every other place it occurs.
יהוהJehovah10כִּיthat7עַלabove5יָדhand4בּוֹשׁbe ashamed3אֶלmotion to3הָיָהfall out3אַתָּ֫הthou3אֵתmark of the accusative3אֲנִיI3חֶ֫סֶדgoodness3נֶ֫פֶשׁsoul3כֹּלthe whole3חָסָהseek refuge2אַלnot2נָצַלstrip2מָעוֹזplace of safety2מְצוּדָהfastness2יָשַׁעdeliver2בָּטַחtrust2אֲשֶׁרwho2רָאָהsee2יָדַעknow2אָיַבbe hostile to2עָשֵׁשׁwaste away2עַ֫יִןeye2שָׁמַעhear2רַבmuch2אָמַרutter2פָּנֶהface2גַּאֲוָהmajesty2צָפַןhide2נֶ֫גֶדwhat is conspicuous2נָצַחbe pre-eminentמִזְמוֹרmelodyדָּוִדDavidעוֹלָםlong durationצְדָקָהrighteousnessפָּלַטescapeנָטָהstretch outאֹ֫זֶןearמְהֵרָהhasteצוּרrockבַּ֫יִתhouseסֶ֫לַעcragמַ֫עַןpurposeשֵׁםnameנָחָהleadנָהַלleadיָצָאgo outרֶ֫שֶׁתnetזוּthisטָמַןhideפָּקַדattend toרוּחַbreathפָּדָהransomאֵלgodאֱמֶתfirmnessשָׂנֵאhateשָׁמַרkeepהֶ֫בֶלvapourשָׁוְאemptinessגִּילrejoiceשָׂמַחrejoiceעֳנִיafflictionצָרָהstraitsלֹאnotסָגַרshutעָמַדtake one’s standמֶרְחָבbroadרֶ֫גֶלfootחָנַןshew favourצָרַרbindכַּ֫עַסvexationבֶּ֫טֶןbellyכָּלָהbe completeיָגוֹןgriefחַיִּיםlifeשָׁנָהyearאֲנָחָהsighingכָּשַׁלstumbleעָוֺןiniquityכֹּחַstrengthעֶ֫צֶםboneצָרַרshew hostility towardחֶרְפָּהreproachשָׁכֵןinhabitantמְאֹדmuchnessפַּ֫חַדdreadחוּץthe outsideנָדַדretreatמִן־out ofשָׁכַחforgetמוּתdieלֵבinner manכְּלִיarticleאָבַדperishדִּבָּהwhisperingמָגוֹרfearסָבִיבcircuitיָסַדestablishיַ֫חַדunitednessלָקַחtakeזָמַםconsiderאֱלֹהִיםgodsעֵתtimeרָדַףpursueאוֹרbe lightעֶ֫בֶדslaveקָרָאcallרָשָׁעwickedדָּמַםbe dumbשְׁאוֹלShᵉ’ōlאָלַםbindשָׂפָהlipשֶׁ֫קֶרdeceptionדָבַרspeakצַדִּיקjustעָתָקforwardבּוּזcontemptמָהwhat?טוּבgood thingsיָרֵאfearingפָּעַלdoבֵּןsonאָדָםmanסָתַרhideסֵ֫תֶרcoveringרֹכֶסsnareאִישׁmanסֻכָּהthicketרִיבstrifeלָשׁוֹןtongueבָּרַךְkneelפָּלָאbe surpassingעִירcityמָצוֹרsiege-enclosureחָפַזbe in trepidationגָּרַזcutאָכֵןfirmlyקוֹלsoundתַּחֲנוּןsupplication for favourשָׁוַעcry outאָהֵבloveחָסִידkindאָמַןconfirmנָצַרwatchשָׁלֵםbe completeיֶ֫תֶרremainderעָשָׂהdoחָזַקbe firmאָמֵץbe stoutלֵבָבinner manיָחַלwait