Psalms 73 in the Hebrew of the Westminster Leningrad Codex. Psalms is part of the poetic and wisdom literature.
1
מִזְמ֗וֹר לְאָ֫סָ֥ף אַ֤ךְ ט֭וֹב לְיִשְׂרָאֵ֥ל אֱלֹהִ֗ים לְבָרֵ֥י לֵבָֽב׃
2
וַאֲנִ֗י כִּ֭מְעַט נָטָ֣יוּ רַגְלָ֑י כְּ֝אַ֗יִן שֻׁפְּכ֥וּ אֲשֻׁרָֽי׃
3
כִּֽי־קִ֭נֵּאתִי בַּֽהוֹלְלִ֑ים שְׁל֖וֹם רְשָׁעִ֣ים אֶרְאֶֽה׃
4
כִּ֤י אֵ֖ין חַרְצֻבּ֥וֹת לְמוֹתָ֗ם וּבָרִ֥יא אוּלָֽם׃
5
בַּעֲמַ֣ל אֱנ֣וֹשׁ אֵינֵ֑מוֹ וְעִם־אָ֝דָ֗ם לֹ֣א יְנֻגָּֽעוּ׃
6
לָ֭כֵן עֲנָקַ֣תְמוֹ גַאֲוָ֑ה יַעֲטָף־שִׁ֝֗ית חָמָ֥ס לָֽמוֹ׃
7
יָ֭צָא מֵחֵ֣לֶב עֵינֵ֑מוֹ עָ֝בְר֗וּ מַשְׂכִּיּ֥וֹת לֵבָֽב׃
8
יָמִ֤יקוּ ׀ וִידַבְּר֣וּ בְרָ֣ע עֹ֑שֶׁק מִמָּר֥וֹם יְדַבֵּֽרוּ׃
9
שַׁתּ֣וּ בַשָּׁמַ֣יִם פִּיהֶ֑ם וּ֝לְשׁוֹנָ֗ם תִּֽהֲלַ֥ךְ בָּאָֽרֶץ׃
10
לָכֵ֤ן ׀ יָשׁ֣וּב עַמּ֣וֹ הֲלֹ֑ם וּמֵ֥י מָ֝לֵ֗א יִמָּ֥צוּ לָֽמוֹ׃
11
וְֽאָמְר֗וּ אֵיכָ֥ה יָדַֽע־אֵ֑ל וְיֵ֖שׁ דֵּעָ֣ה בְעֶלְיֽוֹן׃
12
הִנֵּה־אֵ֥לֶּה רְשָׁעִ֑ים וְשַׁלְוֵ֥י ע֝וֹלָ֗ם הִשְׂגּוּ־חָֽיִל׃
13
אַךְ־רִ֭יק זִכִּ֣יתִי לְבָבִ֑י וָאֶרְחַ֖ץ בְּנִקָּי֣וֹן כַּפָּֽי׃
14
וָאֱהִ֣י נָ֭גוּעַ כָּל־הַיּ֑וֹם וְ֝תוֹכַחְתִּ֗י לַבְּקָרִֽים׃
15
אִם־אָ֭מַרְתִּי אֲסַפְּרָ֥ה כְמ֑וֹ הִנֵּ֤ה ד֭וֹר בָּנֶ֣יךָ בָגָֽדְתִּי׃
16
וָֽ֭אֲחַשְּׁבָה לָדַ֣עַת זֹ֑את עָמָ֖ל ה֣וּא בְעֵינָֽי׃
17
עַד־אָ֭בוֹא אֶל־מִקְדְּשֵׁי־אֵ֑ל אָ֝בִ֗ינָה לְאַחֲרִיתָֽם׃
18
אַ֣ךְ בַּ֭חֲלָקוֹת תָּשִׁ֣ית לָ֑מוֹ הִ֝פַּלְתָּ֗ם לְמַשּׁוּאֽוֹת׃
19
אֵ֤יךְ הָי֣וּ לְשַׁמָּ֣ה כְרָ֑גַע סָ֥פוּ תַ֝֗מּוּ מִן־בַּלָּהֽוֹת׃
20
כַּחֲל֥וֹם מֵהָקִ֑יץ אֲ֝דֹנָי בָּעִ֤יר ׀ צַלְמָ֬ם תִּבְזֶֽה׃
21
כִּ֭י יִתְחַמֵּ֣ץ לְבָבִ֑י וְ֝כִלְיוֹתַ֗י אֶשְׁתּוֹנָֽן׃
22
וַאֲנִי־בַ֭עַר וְלֹ֣א אֵדָ֑ע בְּ֝הֵמ֗וֹת הָיִ֥יתִי עִמָּֽךְ׃
23
וַאֲנִ֣י תָמִ֣יד עִמָּ֑ךְ אָ֝חַ֗זְתָּ בְּיַד־יְמִינִֽי׃
24
בַּעֲצָתְךָ֥ תַנְחֵ֑נִי וְ֝אַחַ֗ר כָּב֥וֹד תִּקָּחֵֽנִי׃
25
מִי־לִ֥י בַשָּׁמָ֑יִם וְ֝עִמְּךָ֗ לֹא־חָפַ֥צְתִּי בָאָֽרֶץ׃
26
כָּלָ֥ה שְׁאֵרִ֗י וּלְבָ֫בִ֥י צוּר־לְבָבִ֥י וְחֶלְקִ֗י אֱלֹהִ֥ים לְעוֹלָֽם׃
27
כִּֽי־הִנֵּ֣ה רְחֵקֶ֣יךָ יֹאבֵ֑דוּ הִ֝צְמַ֗תָּה כָּל־זוֹנֶ֥ה מִמֶּֽךָּ׃
28
וַאֲנִ֤י ׀ קִֽרֲבַ֥ת אֱלֹהִ֗ים לִ֫י־ט֥וֹב שַׁתִּ֤י ׀ בַּאדֹנָ֣י יְהֹוִ֣ה מַחְסִ֑י לְ֝סַפֵּ֗ר כָּל־מַלְאֲכוֹתֶֽיךָ׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
142 distinct words — each links to every other place it occurs.
לֵבָבinner man6אֲנִיI4כִּיthat4עִםwith4אַךְsurely3אֱלֹהִיםgods3אַ֫יִןnothing3לֹאnot3יָדַעknow3הִנֵּהlo!3הָיָהfall out3כֹּלthe whole3טוֹבpleasant2רָשָׁעwicked2עָמָלtrouble2נָגַעtouch2כֵּןso2עַ֫יִןeye2דָבַרspeak2שָׁמַיִםheavens2אֶ֫רֶץearth2אָמַרutter2אֵלgod2עוֹלָםlong duration2סָפַרcount2שִׁיתput2מִן־out of2אֲדֹנָיlord2מִזְמוֹרmelodyאָסָףAsaphיִשְׂרָאֵלIsraelבַּרpureמְעַטa littleנָטָהstretch outרֶ֫גֶלfootשָׁפַךְpour outאֲשׁוּרstepקָנָאbe jealousהָלַלbe boastfulשָׁלוֹםcompletenessרָאָהseeחַרְצֻבָּהbondמָ֫וֶתdeathבָּרִיאfatאוּלbodyאֱנוֹשׁmanאָדָםmanעָנַקserve as necklaceגַּאֲוָהmajestyעָטַףenvelop oneself (Aramaism)שִׁיתgarmentחָמָסviolenceיָצָאgo outחֵ֫לֶבfatעָבַרpass overמַשְׂכִּיתshow-pieceמוּקmockרַעevilעֹ֫שֶׁקoppressionמָרוֹםheightשָׁתַתsetפֶּהmouthלָשׁוֹןtongueהָלַךְgoשׁוּבturn backעַםpeopleהֲלֹםhitherמַיwatersמָלֵאfullמָצָהdrainאֵיכָהhow?יֵשׁbeingדֵּעָהknowledgeעֶלְיוֹןHighestאֵ֫לֶּהtheseשָׁלֵוquietשָׂגָהgrowחַ֫יִלstrengthרִיקemptinessזָכָהbe clearרָחַץwashנִקָּיוֹןinnocencyכַּףhollowיוֹםdayתּוֹכַ֫חַתargumentבֹּ֫קֶרmorningאִםifכְּמוֹlikeדּוֹרperiodבֵּןsonבָּגַדact treacherouslyחָשַׁבthinkזֹאתthisהוּאheעַדas far asבּוֹאcome inאֶלmotion toמִקְדָּשׁsacred placeבִּיןdiscernאַחֲרִיתafter-partחֶלְקָהsmooth partנָפַלfallמַשּׁוּאָהdeceptionsאֵיךְhow?שַׁמָּהwasteרֶ֫גַעa momentסוּףcome to an endתָּמַםbe completeבַּלָּהָהterrorחֲלוֹםdreamקִיץawakeעוּרrouse oneselfצֶ֫לֶםimageבָּזָהdespiseחָמֵץbe sourכִּלְיָהkidneysשָׁנַןwhetבַּ֫עַרbrutishnessבְּהֵמָהbeastתָּמִידcontinuityאָחַזgraspיָדhandיָמִיןright handעֵצָהcounselנָחָהleadאַחַרthe hinderכָּבוֹדabundanceלָקַחtakeמִיwho?חָפֵץdelight inכָּלָהbe completeשְׁאֵרfleshצוּרrockחֵ֫לֶקportionרָחֵקremovingאָבַדperishצָמַתput an end toזָנָהcommit fornicationקִרְבָהapproachיְהֹוִהGodמַחְסֶּהrefugeמְלָאכָהoccupation