Psalms 56 in the Hebrew of the Westminster Leningrad Codex. Psalms is part of the poetic and wisdom literature.
1
לַמְנַצֵּ֤חַ ׀ עַל־י֬וֹנַת אֵ֣לֶם רְ֭חֹקִים לְדָוִ֣ד מִכְתָּ֑ם בֶּֽאֱחֹ֨ז אֹת֖וֹ פְלִשְׁתִּ֣ים בְּגַֽת׃
2
חָנֵּ֣נִי אֱ֭לֹהִים כִּֽי־שְׁאָפַ֣נִי אֱנ֑וֹשׁ כָּל־הַ֝יּ֗וֹם לֹחֵ֥ם יִלְחָצֵֽנִי׃
3
שָׁאֲפ֣וּ שׁ֭וֹרְרַי כָּל־הַיּ֑וֹם כִּֽי־רַבִּ֨ים לֹחֲמִ֖ים לִ֣י מָרֽוֹם׃
4
י֥וֹם אִירָ֑א אֲ֝נִ֗י אֵלֶ֥יךָ אֶבְטָֽח׃
5
בֵּאלֹהִים֮ אֲהַלֵּ֪ל דְּבָ֫ר֥וֹ בֵּאלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה בָשָׂ֣ר לִֽי׃
6
כָּל־הַ֭יּוֹם דְּבָרַ֣י יְעַצֵּ֑בוּ עָלַ֖י כָּל־מַחְשְׁבֹתָ֣ם לָרָֽע׃
7
יָג֤וּרוּ ׀ יִצְפּ֗וֹנוּ הֵ֭מָּה עֲקֵבַ֣י יִשְׁמֹ֑רוּ כַּ֝אֲשֶׁ֗ר קִוּ֥וּ נַפְשִֽׁי׃
8
עַל־אָ֥וֶן פַּלֶּט־לָ֑מוֹ בְּ֝אַ֗ף עַמִּ֤ים ׀ הוֹרֵ֬ד אֱלֹהִֽים׃
9
נֹדִי֮ סָפַ֪רְתָּ֫ה אָ֥תָּה שִׂ֣ימָה דִמְעָתִ֣י בְנֹאדֶ֑ךָ הֲ֝לֹ֗א בְּסִפְרָתֶֽךָ׃
10
אָ֥֨ז יָ֘שׁ֤וּבוּ אוֹיְבַ֣י אָ֭חוֹר בְּי֣וֹם אֶקְרָ֑א זֶה־יָ֝דַ֗עְתִּי כִּֽי־אֱלֹהִ֥ים לִֽי׃
11
בֵּֽ֭אלֹהִים אֲהַלֵּ֣ל דָּבָ֑ר בַּ֝יהוָ֗ה אֲהַלֵּ֥ל דָּבָֽר׃
12
בֵּֽאלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה אָדָ֣ם לִֽי׃
13
עָלַ֣י אֱלֹהִ֣ים נְדָרֶ֑יךָ אֲשַׁלֵּ֖ם תּוֹדֹ֣ת לָֽךְ׃
14
כִּ֤י הִצַּ֪לְתָּ נַפְשִׁ֡י מִמָּוֶת֮ הֲלֹ֥א רַגְלַ֗י מִ֫דֶּ֥חִי לְ֭הִֽתְהַלֵּךְ לִפְנֵ֣י אֱלֹהִ֑ים בְּ֝א֗וֹר הַֽחַיִּֽים׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
76 distinct words — each links to every other place it occurs.
אֱלֹהִיםgods9יוֹםday5עַלabove4כִּיthat4כֹּלthe whole4דָּבָרspeech4לֹאnot4יָרֵאfear3בָּטַחtrust3הָלַלbe boastful3שָׁאַףcrush2לָחַםfight2מָהwhat?2עָשָׂהdo2נֶ֫פֶשׁsoul2נָצַחbe pre-eminentיוֹנָהdoveאֵ֫לֶםsilenceרָחֹקdistantדָּוִדDavidמִכְתָּםMikhtāmאָחַזgraspאֵתmark of the accusativeפְּלִשְׁתִּיPhilistineגַּתGathחָנַןshew favourאֱנוֹשׁmanלָחַץsqueezeשׁוֹרֵרwatcherרַבmuchמָרוֹםheightאֲנִיIאֶלmotion toבָּשָׂרfleshעָצַבhurtמַחֲשָׁבָהthoughtרַעevilגּוּרstir up strifeצָפַןhideהֵ֫מָּהtheyעָקֵבheelשָׁמַרkeepכַּאֲשֶׁרaccording asקָוָהwait forאָ֫וֶןtroubleפַּלֵּטdeliveranceאַףnostrilעַםpeopleיָרַדcome downנוֹדwanderingסָפַרcountאַתָּ֫הthouשׂוּםputדִּמְעָהtearsנֹאדskin-bottleסִפְרָהbookאָזat that timeשׁוּבturn backאָיַבbe hostile toאָחוֹרthe hinder sideקָרָאcallזֶהthisיָדַעknowיהוהJehovahאָדָםmanנֶ֫דֶרvowשָׁלֵםbe completeתּוֹדָהthanksgivingנָצַלstripמָ֫וֶתdeathרֶ֫גֶלfootדְּחִיstumblingהָלַךְgoפָּנֶהfaceאוֹרlightחַיalive