Psalms 72 in Hebrew – The Ancient Bible

Ancient Bible › Old Testament › Psalms › 72

Psalms 72 in the Hebrew of the Westminster Leningrad Codex. Psalms is part of the poetic and wisdom literature.

Hebrew · Poetry & Wisdom

Psalms 72

Westminster Leningrad Codex · every word parsed

1
לִשְׁלֹמֹ֨ה ׀ אֱֽלֹהִ֗ים מִ֭שְׁפָּטֶיךָ לְמֶ֣לֶךְ תֵּ֑ן וְצִדְקָתְךָ֥ לְבֶן־מֶֽלֶךְ׃ 
2
יָדִ֣ין עַמְּךָ֣ בְצֶ֑דֶק וַעֲנִיֶּ֥יךָ בְמִשְׁפָּֽט׃ 
3
יִשְׂא֤וּ הָרִ֓ים שָׁ֘ל֥וֹם לָעָ֑ם וּ֝גְבָע֗וֹת בִּצְדָקָֽה׃ 
4
יִשְׁפֹּ֤ט ׀ עֲֽנִיֵּי־עָ֗ם י֭וֹשִׁיעַ לִבְנֵ֣י אֶבְי֑וֹן וִֽידַכֵּ֣א עוֹשֵֽׁק׃ 
5
יִֽירָא֥וּךָ עִם־שָׁ֑מֶשׁ וְלִפְנֵ֥י יָ֝רֵ֗חַ דּ֣וֹר דּוֹרִֽים׃ 
6
יֵ֭רֵד כְּמָטָ֣ר עַל־גֵּ֑ז כִּ֝רְבִיבִ֗ים זַרְזִ֥יף אָֽרֶץ׃ 
7
יִֽפְרַח־בְּיָמָ֥יו צַדִּ֑יק וְרֹ֥ב שָׁ֝ל֗וֹם עַד־בְּלִ֥י יָרֵֽחַ׃ 
8
וְ֭יֵרְדְּ מִיָּ֣ם עַד־יָ֑ם וּ֝מִנָּהָ֗ר עַד־אַפְסֵי־אָֽרֶץ׃ 
9
לְ֭פָנָיו יִכְרְע֣וּ צִיִּ֑ים וְ֝אֹיְבָ֗יו עָפָ֥ר יְלַחֵֽכוּ׃ 
10
מַלְכֵ֬י תַרְשִׁ֣ישׁ וְ֭אִיִּים מִנְחָ֣ה יָשִׁ֑יבוּ מַלְכֵ֥י שְׁבָ֥א וּ֝סְבָ֗א אֶשְׁכָּ֥ר יַקְרִֽיבוּ׃ 
11
וְיִשְׁתַּחֲווּ־ל֥וֹ כָל־מְלָכִ֑ים כָּל־גּוֹיִ֥ם יַֽעַבְדֽוּהוּ׃ 
12
כִּֽי־יַ֭צִּיל אֶבְי֣וֹן מְשַׁוֵּ֑עַ וְ֝עָנִ֗י וְֽאֵין־עֹזֵ֥ר לֽוֹ׃ 
13
יָ֭חֹס עַל־דַּ֣ל וְאֶבְי֑וֹן וְנַפְשׁ֖וֹת אֶבְיוֹנִ֣ים יוֹשִֽׁיעַ׃ 
14
מִתּ֣וֹךְ וּ֭מֵחָמָס יִגְאַ֣ל נַפְשָׁ֑ם וְיֵיקַ֖ר דָּמָ֣ם בְּעֵינָֽיו׃ 
15
וִיחִ֗י וְיִתֶּן־לוֹ֮ מִזְּהַ֪ב שְׁ֫בָ֥א וְיִתְפַּלֵּ֣ל בַּעֲד֣וֹ תָמִ֑יד כָּל־הַ֝יּ֗וֹם יְבָרֲכֶֽנְהֽוּ׃ 
16
יְהִ֤י פִסַּת־בַּ֨ר ׀ בָּאָרֶץ֮ בְּרֹ֪אשׁ הָ֫רִ֥ים יִרְעַ֣שׁ כַּלְּבָנ֣וֹן פִּרְי֑וֹ וְיָצִ֥יצוּ מֵ֝עִ֗יר כְּעֵ֣שֶׂב הָאָֽרֶץ׃ 
17
יְהִ֤י שְׁמ֨וֹ לְֽעוֹלָ֗ם לִפְנֵי־שֶׁמֶשׁ֮ יִנּ֪וֹן שְׁ֫מ֥וֹ וְיִתְבָּ֥רְכוּ ב֑וֹ כָּל־גּוֹיִ֥ם יְאַשְּׁרֽוּהוּ׃ 
18
בָּר֤וּךְ ׀ יְהוָ֣ה אֱ֭לֹהִים אֱלֹהֵ֣י יִשְׂרָאֵ֑ל עֹשֵׂ֖ה נִפְלָא֣וֹת לְבַדּֽוֹ׃ 
19
וּבָר֤וּךְ ׀ שֵׁ֥ם כְּבוֹד֗וֹ לְע֫וֹלָ֥ם וְיִמָּלֵ֣א כְ֭בוֹדוֹ אֶת־כֹּ֥ל הָאָ֗רֶץ אָ֘מֵ֥ן ׀ וְאָמֵֽן׃ 
20
כָּלּ֥וּ תְפִלּ֑וֹת דָּ֝וִ֗ד בֶּן־יִשָֽׁי׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

107 distinct words — each links to every other place it occurs.

מֶ֫לֶךְking5 אֶ֫רֶץearth5 כֹּלthe whole5 אֶבְיוֹןin want4 בָּרַךְkneel4 אֱלֹהִיםgods3 בֵּןson3 עַםpeople3 עָנִיpoor3 פָּנֶהface3 עַדas far as3 שֵׁםname3 מִשְׁפָּטjudgment2 נָתַןgive2 צְדָקָהrighteousness2 הַרmountain2 שָׁלוֹםcompleteness2 יָשַׁעdeliver2 שֶׁ֫מֶשׁsun2 יָרֵחַmoon2 דּוֹרperiod2 עַלabove2 יוֹםday2 יָםsea2 שְׁבָאSheba2 גּוֹיnation2 נֶ֫פֶשׁsoul2 הָיָהfall out2 עוֹלָםlong duration2 כָּבוֹדabundance2 אָמֵןverily2 שְׁלֹמֹהSolomon דִּיןjudge צֶ֫דֶקrightness נָשָׂאlift גִּבְעָהhill שָׁפַטjudge דָּכָאcrush עָשַׁקoppress יָרֵאfear עִםwith יָרַדcome down מָטַרrain גֵּזshearing רְבִיבִיםcopious showers זַרְזִיףdrop פָּרַחbud צַדִּיקjust רֹבmultitude בְּלִיwearing out רָדָהhave dominion נָהָרstream אֶ֫פֶסceasing כָּרַעbow down צִיa wild beast אָיַבbe hostile to עָפָרdry earth לָחַךְlick תַּרְשִׁישׁTarshish אִיcoast מִנְחָהgift שׁוּבturn back סְבָאSeba אֶשְׁכָּרgift קָרַבcome near שָׁחָהbow down עָבַדwork כִּיthat נָצַלstrip שָׁוַעcry out אַ֫יִןnothing עָזַרhelp חוּסpity דַּלlow תֹּךְinjury חָמָסviolence גָּאַלredeem יָקַרbe precious דָּםblood עַ֫יִןeye חָיָהlive זָהָבgold פָּלַלintervene בַּ֫עַדseparation תָּמִידcontinuity פִּסָּהabundance בַּרgrain רֹאשׁhead רָעַשׁquake לְבָנוֹןLebanon פְּרִיfruit צוּץblossom עִירcity עֵ֫שֶׂבherb נוּןpropagate אָשַׁרgo straight יהוהJehovah יִשְׂרָאֵלIsrael עָשָׂהdo פָּלָאbe surpassing בַּדseparation מָלֵאbe full אֵתmark of the accusative כָּלָהbe complete תְּפִלָּהprayer דָּוִדDavid יִשַׁיJesse