Psalms 77 in the Hebrew of the Westminster Leningrad Codex. Psalms is part of the poetic and wisdom literature.
1
לַמְנַצֵּ֥חַ עַֽל־יְדוּת֗וּן לְאָסָ֥ף מִזְמֽוֹר׃
2
קוֹלִ֣י אֶל־אֱלֹהִ֣ים וְאֶצְעָ֑קָה קוֹלִ֥י אֶל־אֱ֝לֹהִ֗ים וְהַאֲזִ֥ין אֵלָֽי׃
3
בְּי֥וֹם צָרָתִי֮ אֲדֹנָ֪י דָּ֫רָ֥שְׁתִּי יָדִ֤י ׀ לַ֣יְלָה נִ֭גְּרָה וְלֹ֣א תָפ֑וּג מֵאֲנָ֖ה הִנָּחֵ֣ם נַפְשִֽׁי׃
4
אֶזְכְּרָ֣ה אֱלֹהִ֣ים וְאֶֽהֱמָיָ֑ה אָשִׂ֓יחָה ׀ וְתִתְעַטֵּ֖ף רוּחִ֣י סֶֽלָה׃
5
אָ֭חַזְתָּ שְׁמֻר֣וֹת עֵינָ֑י נִ֝פְעַ֗מְתִּי וְלֹ֣א אֲדַבֵּֽר׃
6
חִשַּׁ֣בְתִּי יָמִ֣ים מִקֶּ֑דֶם שְׁ֝נ֗וֹת עוֹלָמִֽים׃
7
אֶֽזְכְּרָ֥ה נְגִינָתִ֗י בַּ֫לָּ֥יְלָה עִם־לְבָבִ֥י אָשִׂ֑יחָה וַיְחַפֵּ֥שׂ רוּחִֽי׃
8
הַֽ֭לְעוֹלָמִים יִזְנַ֥ח ׀ אֲדֹנָ֑י וְלֹֽא־יֹסִ֖יף לִרְצ֣וֹת עֽוֹד׃
9
הֶאָפֵ֣ס לָנֶ֣צַח חַסְדּ֑וֹ גָּ֥מַר אֹ֝֗מֶר לְדֹ֣ר וָדֹֽר׃
10
הֲשָׁכַ֣ח חַנּ֣וֹת אֵ֑ל אִם־קָפַ֥ץ בְּ֝אַ֗ף רַחֲמָ֥יו סֶֽלָה׃
11
וָ֭אֹמַר חַלּ֣וֹתִי הִ֑יא שְׁ֝נ֗וֹת יְמִ֣ין עֶלְיֽוֹן׃
12
אֶזְכּ֥וֹר מַֽעַלְלֵי־יָ֑הּ כִּֽי־אֶזְכְּרָ֖ה מִקֶּ֣דֶם פִּלְאֶֽךָ׃
13
וְהָגִ֥יתִי בְכָל־פָּעֳלֶ֑ךָ וּֽבַעֲלִ֖ילוֹתֶ֣יךָ אָשִֽׂיחָה׃
14
אֱ֭לֹהִים בַּקֹּ֣דֶשׁ דַּרְכֶּ֑ךָ מִי־אֵ֥ל גָּ֝ד֗וֹל כֵּֽאלֹהִֽים׃
15
אַתָּ֣ה הָ֭אֵל עֹ֣שֵׂה פֶ֑לֶא הוֹדַ֖עְתָּ בָעַמִּ֣ים עֻזֶּֽךָ׃
16
גָּאַ֣לְתָּ בִּזְר֣וֹעַ עַמֶּ֑ךָ בְּנֵי־יַעֲקֹ֖ב וְיוֹסֵ֣ף סֶֽלָה׃
17
רָ֘א֤וּךָ מַּ֨יִם ׀ אֱֽלֹהִ֗ים רָא֣וּךָ מַּ֣יִם יָחִ֑ילוּ אַ֝֗ף יִרְגְּז֥וּ תְהֹמֽוֹת׃
18
זֹ֤רְמוּ מַ֨יִם ׀ עָב֗וֹת ק֭וֹל נָתְנ֣וּ שְׁחָקִ֑ים אַף־חֲ֝צָצֶ֗יךָ יִתְהַלָּֽכוּ׃
19
ק֤וֹל רַעַמְךָ֨ ׀ בַּגַּלְגַּ֗ל הֵאִ֣ירוּ בְרָקִ֣ים תֵּבֵ֑ל רָגְזָ֖ה וַתִּרְעַ֣שׁ הָאָֽרֶץ׃
20
בַּיָּ֤ם דַּרְכֶּ֗ךָ וּֽ֭שְׁבִֽילְךָ בְּמַ֣יִם רַבִּ֑ים וְ֝עִקְּבוֹתֶ֗יךָ לֹ֣א נֹדָֽעוּ׃
21
נָחִ֣יתָ כַצֹּ֣אן עַמֶּ֑ךָ בְּֽיַד־מֹשֶׁ֥ה וְאַהֲרֹֽן׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
112 distinct words — each links to every other place it occurs.
אֱלֹהִיםgods6קוֹלsound4לֹאnot4זָכַרremember4מַיwaters4אֶלmotion to3שִׂיחַmuse3סֶ֫לָהlift up3אֵלgod3עַםpeople3יוֹםday2אֲדֹנָיlord2יָדhand2לַ֫יְלָהnight2רוּחַbreath2קֶ֫דֶםfront2שָׁנָהyear2עוֹלָםlong duration2דּוֹרperiod2פֶּ֫לֶאwonder2דֶּ֫רֶךְway2יָדַעknow2רָאָהsee2אַףalso2רָגַזbe agitated2נָצַחbe pre-eminentעַלaboveיְדוּתוּןJeduthunאָסָףAsaphמִזְמוֹרmelodyצָעַקcryאָזַןgive earצָרָהstraitsדָּרַשׁresort toנָגַרpourפּוּגgrow numbמָאֵןrefuseנָחַםbe sorryנֶ֫פֶשׁsoulהָמָהmurmurעָטַףbe feebleאָחַזgraspשְׁמֻרָהeye-lidעַ֫יִןeyeפָּעַםthrustדָבַרspeakחָשַׁבthinkנְגִינָהmusicעִםwithלֵבָבinner manחָפַשׂsearchזָנַחrejectיָסַףaddרָצָהbe pleased withעוֹדa going roundאָפֵסceaseנֵ֫צַחeminenceחֶ֫סֶדgoodnessגָּמַרendאֹמֶרutteranceשָׁכַחforgetחַנּוֹתshew favourאִםifקָפַץdraw togetherאַףnostrilרַחֲמִיםcompassionאָמַרutterחָלָהbe weakהוּאheיָמִיןright handעֶלְיוֹןHighestמַעֲלָלdeedיָהּJahכִּיthatהָגָהmoanכֹּלthe wholeפֹּ֫עַלdoingעֲלִילָהwantonnessקֹ֫דֶשׁapartnessמִיwho?גָּדוֹלgreatאַתָּ֫הthouעָשָׂהdoעֹזstrengthגָּאַלredeemזְרוֹעַarmבֵּןsonיַעֲקֹבJacobיוֹסֵףJosephחוּלwhirlתְּהוֹםdeepזָרַםpour forth in floodsעָבdark cloudנָתַןgiveשַׁ֫חַקdustחָצָץgravelהָלַךְgoרַ֫עַםthunderגַּלְגַּלwheelאוֹרbe lightבָּרָקlightningתֵּבֵלworldרָעַשׁquakeאֶ֫רֶץearthיָםseaשְׁבוּלwayרַבmuchעָקֵבheelנָחָהleadצֹאןsmall cattleמֹשֶׁהMosesאַהֲרֹןAaron