Luke 21 in the Greek of Nestle 1904. Luke is one of the four Gospels.
1
Ἀναβλέψας δὲ εἶδεν τοὺς βάλλοντας εἰς τὸ γαζοφυλάκιον τὰ δῶρα αὐτῶν πλουσίους.
2
εἶδεν δέ τινα χήραν πενιχρὰν βάλλουσαν ἐκεῖ λεπτὰ δύο,
3
καὶ εἶπεν Ἀληθῶς λέγω ὑμῖν ὅτι ἡ χήρα αὕτη ἡ πτωχὴ πλεῖον πάντων ἔβαλεν·
4
πάντες γὰρ οὗτοι ἐκ τοῦ περισσεύοντος αὐτοῖς ἔβαλον εἰς τὰ δῶρα, αὕτη δὲ ἐκ τοῦ ὑστερήματος αὐτῆς πάντα τὸν βίον ὃν εἶχεν ἔβαλεν.
5
Καί τινων λεγόντων περὶ τοῦ ἱεροῦ, ὅτι λίθοις καλοῖς καὶ ἀναθήμασιν κεκόσμηται, εἶπεν
6
Ταῦτα ἃ θεωρεῖτε, ἐλεύσονται ἡμέραι ἐν αἷς οὐκ ἀφεθήσεται λίθος ἐπὶ λίθῳ ὃς οὐ καταλυθήσεται.
7
ἐπηρώτησαν δὲ αὐτὸν λέγοντες Διδάσκαλε, πότε οὖν ταῦτα ἔσται, καὶ τί τὸ σημεῖον ὅταν μέλλῃ ταῦτα γίνεσθαι;
8
ὁ δὲ εἶπεν Βλέπετε μὴ πλανηθῆτε· πολλοὶ γὰρ ἐλεύσονται ἐπὶ τῷ ὀνόματί μου λέγοντες Ἐγώ εἰμι, καί Ὁ καιρὸς ἤγγικεν· μὴ πορευθῆτε ὀπίσω αὐτῶν.
9
ὅταν δὲ ἀκούσητε πολέμους καὶ ἀκαταστασίας, μὴ πτοηθῆτε· δεῖ γὰρ ταῦτα γενέσθαι πρῶτον, ἀλλ’ οὐκ εὐθέως τὸ τέλος.
10
Τότε ἔλεγεν αὐτοῖς Ἐγερθήσεται ἔθνος ἐπ’ ἔθνος καὶ βασιλεία ἐπὶ βασιλείαν,
11
σεισμοί τε μεγάλοι καὶ κατὰ τόπους λοιμοὶ καὶ λιμοὶ ἔσονται, φόβητρά τε καὶ ἀπ’ οὐρανοῦ σημεῖα μεγάλα ἔσται.
12
πρὸ δὲ τούτων πάντων ἐπιβαλοῦσιν ἐφ’ ὑμᾶς τὰς χεῖρας αὐτῶν καὶ διώξουσιν, παραδιδόντες εἰς τὰς συναγωγὰς καὶ φυλακάς, ἀπαγομένους ἐπὶ βασιλεῖς καὶ ἡγεμόνας ἕνεκεν τοῦ ὀνόματός μου·
13
ἀποβήσεται ὑμῖν εἰς μαρτύριον.
14
θέτε οὖν ἐν ταῖς καρδίαις ὑμῶν μὴ προμελετᾶν ἀπολογηθῆναι·
15
ἐγὼ γὰρ δώσω ὑμῖν στόμα καὶ σοφίαν, ᾗ οὐ δυνήσονται ἀντιστῆναι ἢ ἀντειπεῖν ἅπαντες οἱ ἀντικείμενοι ὑμῖν.
16
παραδοθήσεσθε δὲ καὶ ὑπὸ γονέων καὶ ἀδελφῶν καὶ συγγενῶν καὶ φίλων, καὶ θανατώσουσιν ἐξ ὑμῶν,
17
καὶ ἔσεσθε μισούμενοι ὑπὸ πάντων διὰ τὸ ὄνομά μου.
18
καὶ θρὶξ ἐκ τῆς κεφαλῆς ὑμῶν οὐ μὴ ἀπόληται·
19
ἐν τῇ ὑπομονῇ ὑμῶν κτήσεσθε τὰς ψυχὰς ὑμῶν.
20
Ὅταν δὲ ἴδητε κυκλουμένην ὑπὸ στρατοπέδων Ἱερουσαλήμ, τότε γνῶτε ὅτι ἤγγικεν ἡ ἐρήμωσις αὐτῆς.
21
τότε οἱ ἐν τῇ Ἰουδαίᾳ φευγέτωσαν εἰς τὰ ὄρη, καὶ οἱ ἐν μέσῳ αὐτῆς ἐκχωρείτωσαν, καὶ οἱ ἐν ταῖς χώραις μὴ εἰσερχέσθωσαν εἰς αὐτήν,
22
ὅτι ἡμέραι ἐκδικήσεως αὗταί εἰσιν τοῦ πλησθῆναι πάντα τὰ γεγραμμένα.
23
οὐαὶ ταῖς ἐν γαστρὶ ἐχούσαις καὶ ταῖς θηλαζούσαις ἐν ἐκείναις ταῖς ἡμέραις· ἔσται γὰρ ἀνάγκη μεγάλη ἐπὶ τῆς γῆς καὶ ὀργὴ τῷ λαῷ τούτῳ,
24
καὶ πεσοῦνται στόματι μαχαίρης καὶ αἰχμαλωτισθήσονται εἰς τὰ ἔθνη πάντα, καὶ Ἱερουσαλὴμ ἔσται πατουμένη ὑπὸ ἐθνῶν, ἄχρι οὗ πληρωθῶσιν καιροὶ ἐθνῶν.
25
Καὶ ἔσονται σημεῖα ἐν ἡλίῳ καὶ σελήνῃ καὶ ἄστροις, καὶ ἐπὶ τῆς γῆς συνοχὴ ἐθνῶν ἐν ἀπορίᾳ ἤχους θαλάσσης καὶ σάλου,
26
ἀποψυχόντων ἀνθρώπων ἀπὸ φόβου καὶ προσδοκίας τῶν ἐπερχομένων τῇ οἰκουμένῃ· αἱ γὰρ δυνάμεις τῶν οὐρανῶν σαλευθήσονται.
27
καὶ τότε ὄψονται τὸν Υἱὸν τοῦ ἀνθρώπου ἐρχόμενον ἐν νεφέλῃ μετὰ δυνάμεως καὶ δόξης πολλῆς.
28
ἀρχομένων δὲ τούτων γίνεσθαι ἀνακύψατε καὶ ἐπάρατε τὰς κεφαλὰς ὑμῶν, διότι ἐγγίζει ἡ ἀπολύτρωσις ὑμῶν.
29
Καὶ εἶπεν παραβολὴν αὐτοῖς Ἴδετε τὴν συκῆν καὶ πάντα τὰ δένδρα·
30
ὅταν προβάλωσιν ἤδη, βλέποντες ἀφ’ ἑαυτῶν γινώσκετε ὅτι ἤδη ἐγγὺς τὸ θέρος ἐστίν·
31
οὕτως καὶ ὑμεῖς, ὅταν ἴδητε ταῦτα γινόμενα, γινώσκετε ὅτι ἐγγύς ἐστιν ἡ βασιλεία τοῦ Θεοῦ.
32
ἀμὴν λέγω ὑμῖν ὅτι οὐ μὴ παρέλθῃ ἡ γενεὰ αὕτη ἕως ἂν πάντα γένηται.
33
ὁ οὐρανὸς καὶ ἡ γῆ παρελεύσονται, οἱ δὲ λόγοι μου οὐ μὴ παρελεύσονται.
34
Προσέχετε δὲ ἑαυτοῖς μή ποτε βαρηθῶσιν ὑμῶν αἱ καρδίαι ἐν κραιπάλῃ καὶ μέθῃ καὶ μερίμναις βιωτικαῖς, καὶ ἐπιστῇ ἐφ’ ὑμᾶς αἰφνίδιος ἡ ἡμέρα ἐκείνη
35
ὡς παγίς· ἐπεισελεύσεται γὰρ ἐπὶ πάντας τοὺς καθημένους ἐπὶ πρόσωπον πάσης τῆς γῆς.
36
ἀγρυπνεῖτε δὲ ἐν παντὶ καιρῷ δεόμενοι ἵνα κατισχύσητε ἐκφυγεῖν ταῦτα πάντα τὰ μέλλοντα γίνεσθαι, καὶ σταθῆναι ἔμπροσθεν τοῦ Υἱοῦ τοῦ ἀνθρώπου.
37
Ἦν δὲ τὰς ἡμέρας ἐν τῷ ἱερῷ διδάσκων, τὰς δὲ νύκτας ἐξερχόμενος ηὐλίζετο εἰς τὸ ὄρος τὸ καλούμενον Ἐλαιῶν.
38
καὶ πᾶς ὁ λαὸς ὤρθριζεν πρὸς αὐτὸν ἐν τῷ ἱερῷ ἀκούειν αὐτοῦ.
Click or tap any word for its parse and dictionary entry. ← and → move between chapters.
Text: Nestle, Novum Testamentum Graece, 1904 (public domain). Morphology: Ulrik Sandborg-Petersen via biblicalhumanities.org (CC0). Dictionary: Abbott-Smith, A Manual Greek Lexicon of the New Testament. Grammatical descriptions: STEP Bible, Tyndale House Cambridge (CC BY 4.0).
The words of this chapter
225 distinct words — each links to every other place it occurs.
ὁthe/this/who71καίand46σύyou16δέthen15ἐνin/on/among15οὗτοςthis/he/she/it14πᾶςall14αὐτόςit/s/he13εἰμίto be12ἐπίupon/to/against11λέγωto say10μήnot9εἰςtoward8ὅτιthat/since: that7γάρfor7οὐno7ὁράωto see: see6ὅςwhich6γίνομαιto be6ἐγώI/we6ἔθνοςGentiles6βάλλωto throw: throw5ἡμέραday5ὅτανwhen(-ever)5ἐκout from4τότεthen4ὑπόby/under: by4γῆearth: planet4πολύςmuch3ἱερόνtemple3λίθοςstone3ἔρχομαιto come/go3σημεῖονsign3ὄνομαname3καιρόςtime/right time3ἐγγίζωto come near3βασιλείαkingdom3μέγαςgreat3ἀπόaway from3οὐρανόςheaven3γινώσκωto know3ἄνθρωποςa human3παρέρχομαιto pass by3δῶρονgift2τιςone2χήραwidow2ἔχωto have/be2πότεwhen?2οὖνtherefore/then2μέλλωto ensue2βλέπωto see2ἀκούωto hear2τεand/both2παραδίδωμιto deliver2καρδίαheart2στόμαmouth2κεφαλήhead2ἹερουσαλήμJerusalem2ὄροςmountain2ἐκεῖνοςthat2λαόςa people2ἐπέρχομαιto arrive/invade2δύναμιςpower2υἱόςson2ἤδηalready2ἑαυτοῦthemself2ἐγγύςnear2ἀναβλέπωto look up/againγαζοφυλάκιονtreasuryπλούσιοςrichπενιχρόςpoorἐκεῖthereλεπτόςcoinδύοtwoἀληθῶςtrulyπτωχόςpoorπερισσεύωto exceedὑστέρημαdeficiencyβίοςlifeπερίaboutκαλόςgoodἀνάθημαa vow offeringκοσμέωto arrangeθεωρέωto see/experienceἀφίημιto release: leaveκαταλύωto destroy/lodgeἐπερωτάωto questionδιδάσκαλοςteacherτίςwhich?πλανάωto lead astrayπορεύωto travelὀπίσωafterπόλεμοςwarἀκαταστασίαdisorderπτοέωto frightenδεῖbe necessaryπρῶτονfirstἀλλάbutεὐθέωςimmediatelyτέλοςgoal/taxἐγείρωto ariseσεισμόςearthquakeκατάaccording toτόποςplaceλοιμόςpestilenceλιμόςhungerφόβητρονfearful thingπρόbeforeἐπιβάλλωto put on/seizeχείρhandδιώκωto pursueσυναγωγήsynagogueφυλακήprison/watch: prisonἀπάγωto lead awayβασιλεύςkingἡγεμώνrulerἕνεκαbecause ofἀποβαίνωto get outμαρτύριονtestimonyτίθημιto placeπρομελετάωto premeditateἀπολογέομαιto defend oneselfδίδωμιto giveσοφίαwisdomδύναμαιbe ableἀνθίστημιto opposeἤorἀντιλέγωto disputeἅπαςallἀντίκειμαιbe an opponentγονεύςparentἀδελφόςbrotherσυγγενήςkindredφίλοςfriendly/friendθανατόωto killμισέωto hateδιάthrough/because ofθρίξhairἀπολλύωto destroyὑπομονήperseveranceκτάομαιto possesψυχήsoulκυκλόωto surroundστρατόπεδονarmy campἐρήμωσιςdevastationἸουδαίαJudeaφεύγωto fleeμέσοςmidstἐκχωρέωto go outχώραcountryεἰσέρχομαιto enterἐκδίκησιςvengeanceπλήθω, πίμπλημιto fillγράφωto writeοὐαίwoe!γαστήρbellyθηλάζωto suckleἀνάγκηnecessityὀργήwrathπίπτωto collapseμάχαιραswordαἰχμαλωτίζωto captureπατέωto trampleἄχριuntilπληρόωto fulfillἥλιοςsunσελήνηmoonἄστρονstarσυνοχήanguishἀπορίαperplexityἦχοςsoundθάλασσαseaσάλοςtossingἀποψύχωto faintφόβοςfearπροσδοκίαexpectationοἰκουμένηworldσαλεύωto shakeνεφέληcloudμετάwith/afterδόξαgloryἄρχομαιto rule/beginἀνακύπτωto straighten upἐπαίρωto lift upδιότιbecauseἀπολύτρωσιςredemptionπαραβολήparableσυκῆfig treeδένδρονtreeπροβάλλωto put forthθέροςsummerοὕτωςthus(-ly)θεόςGodἀμήνamenγενεάgenerationἕωςuntilἄνifλόγοςwordπροσέχωto watch outβαρέωto burdenκραιπάληdissipationμέθηdrunkennessμέριμναconcernβιωτικόςof this lifeἐφίστημιto approachαἰφνίδιοςsuddenὡςas/whenπαγίςtrapκάθημαιto sitπρόσωπονfaceἀγρυπνέωbe watchfulδέομαιto prayἵναin order that/toκατισχύωto prevailἐκφεύγωto escapeἵστημιto standἔμπροσθενbeforeδιδάσκωto teachνύξnightἐξέρχομαιto go outαὐλίζομαιto spend the nightκαλέωto call: callἐλαίαolive treeὀρθρίζωto rise at dawnπρόςto/with