Ancient Bible › New Testament › James
James — 5 chapters, every word parsed. The first is below; the rest follow it.
Edition. Nestle 1904.
1
Ἰάκωβος Θεοῦ καὶ Κυρίου Ἰησοῦ Χριστοῦ δοῦλος ταῖς δώδεκα φυλαῖς ταῖς ἐν τῇ Διασπορᾷ χαίρειν.
2
Πᾶσαν χαρὰν ἡγήσασθε, ἀδελφοί μου, ὅταν πειρασμοῖς περιπέσητε ποικίλοις,
3
γινώσκοντες ὅτι τὸ δοκίμιον ὑμῶν τῆς πίστεως κατεργάζεται ὑπομονήν.
4
ἡ δὲ ὑπομονὴ ἔργον τέλειον ἐχέτω, ἵνα ἦτε τέλειοι καὶ ὁλόκληροι, ἐν μηδενὶ λειπόμενοι.
5
Εἰ δέ τις ὑμῶν λείπεται σοφίας, αἰτείτω παρὰ τοῦ διδόντος Θεοῦ πᾶσιν ἁπλῶς καὶ μὴ ὀνειδίζοντος, καὶ δοθήσεται αὐτῷ.
6
αἰτείτω δὲ ἐν πίστει, μηδὲν διακρινόμενος· ὁ γὰρ διακρινόμενος ἔοικεν κλύδωνι θαλάσσης ἀνεμιζομένῳ καὶ ῥιπιζομένῳ.
7
μὴ γὰρ οἰέσθω ὁ ἄνθρωπος ἐκεῖνος ὅτι λήμψεταί τι παρὰ τοῦ Κυρίου,
8
ἀνὴρ δίψυχος, ἀκατάστατος ἐν πάσαις ταῖς ὁδοῖς αὐτοῦ.
9
Καυχάσθω δὲ ὁ ἀδελφὸς ὁ ταπεινὸς ἐν τῷ ὕψει αὐτοῦ,
10
ὁ δὲ πλούσιος ἐν τῇ ταπεινώσει αὐτοῦ, ὅτι ὡς ἄνθος χόρτου παρελεύσεται.
11
ἀνέτειλεν γὰρ ὁ ἥλιος σὺν τῷ καύσωνι καὶ ἐξήρανεν τὸν χόρτον, καὶ τὸ ἄνθος αὐτοῦ ἐξέπεσεν καὶ ἡ εὐπρέπεια τοῦ προσώπου αὐτοῦ ἀπώλετο· οὕτως καὶ ὁ πλούσιος ἐν ταῖς πορείαις αὐτοῦ μαρανθήσεται.
12
Μακάριος ἀνὴρ ὃς ὑπομένει πειρασμόν, ὅτι δόκιμος γενόμενος λήμψεται τὸν στέφανον τῆς ζωῆς, ὃν ἐπηγγείλατο τοῖς ἀγαπῶσιν αὐτόν.
13
Μηδεὶς πειραζόμενος λεγέτω ὅτι Ἀπὸ Θεοῦ πειράζομαι· ὁ γὰρ Θεὸς ἀπείραστός ἐστιν κακῶν, πειράζει δὲ αὐτὸς οὐδένα.
14
ἕκαστος δὲ πειράζεται ὑπὸ τῆς ἰδίας ἐπιθυμίας ἐξελκόμενος καὶ δελεαζόμενος·
15
εἶτα ἡ ἐπιθυμία συλλαβοῦσα τίκτει ἁμαρτίαν, ἡ δὲ ἁμαρτία ἀποτελεσθεῖσα ἀποκύει θάνατον.
16
Μὴ πλανᾶσθε, ἀδελφοί μου ἀγαπητοί.
17
πᾶσα δόσις ἀγαθὴ καὶ πᾶν δώρημα τέλειον ἄνωθέν ἐστιν καταβαῖνον ἀπὸ τοῦ Πατρὸς τῶν φώτων, παρ’ ᾧ οὐκ ἔνι παραλλαγὴ ἢ τροπῆς ἀποσκίασμα.
18
βουληθεὶς ἀπεκύησεν ἡμᾶς λόγῳ ἀληθείας, εἰς τὸ εἶναι ἡμᾶς ἀπαρχήν τινα τῶν αὐτοῦ κτισμάτων.
19
Ἴστε, ἀδελφοί μου ἀγαπητοί. ἔστω δὲ πᾶς ἄνθρωπος ταχὺς εἰς τὸ ἀκοῦσαι, βραδὺς εἰς τὸ λαλῆσαι, βραδὺς εἰς ὀργήν·
20
ὀργὴ γὰρ ἀνδρὸς δικαιοσύνην Θεοῦ οὐκ ἐργάζεται.
21
διὸ ἀποθέμενοι πᾶσαν ῥυπαρίαν καὶ περισσείαν κακίας ἐν πραΰτητι δέξασθε τὸν ἔμφυτον λόγον τὸν δυνάμενον σῶσαι τὰς ψυχὰς ὑμῶν.
22
γίνεσθε δὲ ποιηταὶ λόγου, καὶ μὴ ἀκροαταὶ μόνον παραλογιζόμενοι ἑαυτούς.
23
ὅτι εἴ τις ἀκροατὴς λόγου ἐστὶν καὶ οὐ ποιητής, οὗτος ἔοικεν ἀνδρὶ κατανοοῦντι τὸ πρόσωπον τῆς γενέσεως αὐτοῦ ἐν ἐσόπτρῳ·
24
κατενόησεν γὰρ ἑαυτὸν καὶ ἀπελήλυθεν, καὶ εὐθέως ἐπελάθετο ὁποῖος ἦν.
25
ὁ δὲ παρακύψας εἰς νόμον τέλειον τὸν τῆς ἐλευθερίας καὶ παραμείνας, οὐκ ἀκροατὴς ἐπιλησμονῆς γενόμενος ἀλλὰ ποιητὴς ἔργου, οὗτος μακάριος ἐν τῇ ποιήσει αὐτοῦ ἔσται.
26
Εἴ τις δοκεῖ θρησκὸς εἶναι, μὴ χαλιναγωγῶν γλῶσσαν ἑαυτοῦ ἀλλὰ ἀπατῶν καρδίαν ἑαυτοῦ, τούτου μάταιος ἡ θρησκεία.
27
θρησκεία καθαρὰ καὶ ἀμίαντος παρὰ τῷ Θεῷ καὶ Πατρὶ αὕτη ἐστίν, ἐπισκέπτεσθαι ὀρφανοὺς καὶ χήρας ἐν τῇ θλίψει αὐτῶν, ἄσπιλον ἑαυτὸν τηρεῖν ἀπὸ τοῦ κόσμου.
Click or tap any word for its parse and dictionary entry. ← and → move between chapters.
Text: Nestle, Novum Testamentum Graece, 1904 (public domain). Morphology: Ulrik Sandborg-Petersen via biblicalhumanities.org (CC0). Dictionary: Abbott-Smith, A Manual Greek Lexicon of the New Testament. Grammatical descriptions: STEP Bible, Tyndale House Cambridge (CC BY 4.0).
The words of this chapter
189 distinct words — each links to every other place it occurs.
ὁthe/this/who50καίand20αὐτόςit/s/he13ἐνin/on/among11δέthen11εἰμίto be10πᾶςall7θεόςGod6ὅτιthat/since: that6γάρfor6ἐγώI/we5τιςone5μήnot5εἰςtoward5ἑαυτοῦthemself5ἀδελφόςbrother4τέλειοςperfect4παράfrom/with/beside4ἀνήρman4πειράζωto test/tempt: tempt4οὐno4λόγοςword4οὗτοςthis/he/she/it4σύyou3μηδείςnothing3εἰif3ὅςwhich3γίνομαιto be3ἀπόaway from3ποιητήςdoer3ἀκροατήςhearer3κύριοςlord: God2πειρασμόςtemptation/testing: temptation2πίστιςfaith2ὑπομονήperseverance2ἔργονwork2λείπωto lack2αἰτέωto ask2δίδωμιto give2διακρίνωto judge/doubt2εἴκωto resemble2ἄνθρωποςa human2λαμβάνωto take2πλούσιοςrich2ἄνθοςflower2χόρτοςgrass2πρόσωπονface2μακάριοςblessed2ἐπιθυμίαdesire2ἁμαρτίαsin2ἀποκυέωto generate2ἀγαπητόςbeloved2πατήρfather2βραδύςslow2ὀργήwrath2κατανοέωto observe2ἀλλάbut2θρησκείαreligion2ἸάκωβοςJamesἸησοῦςJesusΧριστόςChristδοῦλοςslaveδώδεκαtwelveφυλήtribeδιασποράdispersionχαίρωto rejoiceχαράjoyἡγέομαιto governὅτανwhen(-ever)περιπίπτωto fall uponποικίλοςvariousγινώσκωto knowδοκίμιονtestingκατεργάζομαιto workout/produceἔχωto have/beἵναin order that/toὁλόκληροςwholeσοφίαwisdomἁπλῶςwithout reserveὀνειδίζωto revileκλύδωνwavesθάλασσαseaἀνεμίζομαιbe wind-blownῥιπίζωto toss aboutοἴομαιto supposeἐκεῖνοςthatδίψυχοςdouble-mindedἀκατάστατοςrestlessὁδόςroadκαυχάομαιto boastταπεινόςlowlyὕψοςheightταπείνωσιςlowlinessὡςas/whenπαρέρχομαιto pass byἀνατέλλωto riseἥλιοςsunσύνwithκαύσωνheatξηραίνωto dryἐκπίπτωto fall outεὐπρέπειαbeautyἀπολλύωto destroyοὕτωςthus(-ly)πορείαjourneyμαραίνωto fadeὑπομένωto remain/endureδόκιμοςtestedστέφανοςcrownζωήlifeἐπαγγέλλωto professἀγαπάωto loveλέγωto sayἀπείραστοςuntemptedκακόςevil/harm: evilοὐδείςnoneἕκαστοςeachὑπόby/under: byἴδιοςone's own/privateἐξέλκωto drag out/awayδελεάζωto enticeεἶταthenσυλλαμβάνωto seize/conceive/helpτίκτωto give birth toἀποτελέωto completeθάνατοςdeathπλανάωto lead astrayδόσιςgiftἀγαθόςgoodδώρημαfree giftἄνωθενfrom above/againκαταβαίνωto come/go downφῶςlightἔνιthere isπαραλλαγήvariationἤorτροπήturningἀποσκίασμαshadowβούλομαιto planἀλήθειαtruthἀπαρχήfirstfruitsκτίσμαcreatureεἴδωto perceive: understandταχύςquickἀκούωto hearλαλέωto speakδικαιοσύνηrighteousnessἐργάζομαιto workδιόthereforeἀποτίθημιto put asideῥυπαρίαfilthπερισσείαexcessκακίαevilπραΰτηςgentlenessδέχομαιto receiveἔμφυτοςimplanted/ingraftedδύναμαιbe ableσῴζωto saveψυχήsoulμόνονonlyπαραλογίζομαιto deceiveγένεσιςoriginἔσοπτρονmirrorἀπέρχομαιto go awayεὐθέωςimmediatelyἐπιλανθάνωto forgetὁποῖοςwhat sort?παρακύπτωto stoopνόμοςlawἐλευθερίαfreedomπαραμένωto continueἐπιλησμονήforgetfulnessποίησιςhe didδοκέωto thinkθρησκόςreligiousχαλιναγωγέωto bridleγλῶσσαtongueἀπατάωto trickκαρδίαheartμάταιοςfutileκαθαρόςcleanἀμίαντοςpureἐπισκέπτομαιto visit/care forὀρφανόςorphanχήραwidowθλῖψιςpressureἄσπιλοςspotlessτηρέωto keep: observeκόσμοςworld