Isaiah 49 in the Hebrew of the Westminster Leningrad Codex. Isaiah is one of the Major Prophets.
1
שִׁמְע֤וּ אִיִּים֙ אֵלַ֔י וְהַקְשִׁ֥יבוּ לְאֻמִּ֖ים מֵרָח֑וֹק יְהוָה֙ מִבֶּ֣טֶן קְרָאָ֔נִי מִמְּעֵ֥י אִמִּ֖י הִזְכִּ֥יר שְׁמִֽי׃
2
וַיָּ֤שֶׂם פִּי֙ כְּחֶ֣רֶב חַדָּ֔ה בְּצֵ֥ל יָד֖וֹ הֶחְבִּיאָ֑נִי וַיְשִׂימֵ֨נִי֙ לְחֵ֣ץ בָּר֔וּר בְּאַשְׁפָּת֖וֹ הִסְתִּירָֽנִי׃
3
וַיֹּ֥אמֶר לִ֖י עַבְדִּי־אָ֑תָּה יִשְׂרָאֵ֕ל אֲשֶׁר־בְּךָ֖ אֶתְפָּאָֽר׃
4
וַאֲנִ֤י אָמַ֨רְתִּי֙ לְרִ֣יק יָגַ֔עְתִּי לְתֹ֥הוּ וְהֶ֖בֶל כֹּחִ֣י כִלֵּ֑יתִי אָכֵן֙ מִשְׁפָּטִ֣י אֶת־יְהוָ֔ה וּפְעֻלָּתִ֖י אֶת־אֱלֹהָֽי׃
5
וְעַתָּ֣ה ׀ אָמַ֣ר יְהוָ֗ה יֹצְרִ֤י מִבֶּ֨טֶן֙ לְעֶ֣בֶד ל֔וֹ לְשׁוֹבֵ֤ב יַֽעֲקֹב֙ אֵלָ֔יו וְיִשְׂרָאֵ֖ל ל֣וֹ יֵאָסֵ֑ף וְאֶכָּבֵד֙ בְּעֵינֵ֣י יְהוָ֔ה וֵאלֹהַ֖י הָיָ֥ה עֻזִּֽי׃
6
וַיֹּ֗אמֶר נָקֵ֨ל מִֽהְיוֹתְךָ֥ לִי֙ עֶ֔בֶד לְהָקִים֙ אֶת־שִׁבְטֵ֣י יַעֲקֹ֔ב וּנְצוּרֵ֥י יִשְׂרָאֵ֖ל לְהָשִׁ֑יב וּנְתַתִּ֨יךָ֙ לְא֣וֹר גּוֹיִ֔ם לִֽהְי֥וֹת יְשׁוּעָתִ֖י עַד־קְצֵ֥ה הָאָֽרֶץ׃
7
כֹּ֣ה אָֽמַר־יְהוָה֩ גֹּאֵ֨ל יִשְׂרָאֵ֜ל קְדוֹשׁ֗וֹ לִבְזֹה־נֶ֜פֶשׁ לִמְתָ֤עֵֽב גּוֹי֙ לְעֶ֣בֶד מֹשְׁלִ֔ים מְלָכִים֙ יִרְא֣וּ וָקָ֔מוּ שָׂרִ֖ים וְיִֽשְׁתַּחֲוּ֑וּ לְמַ֤עַן יְהוָה֙ אֲשֶׁ֣ר נֶאֱמָ֔ן קְדֹ֥שׁ יִשְׂרָאֵ֖ל וַיִּבְחָרֶֽךָּ׃
8
כֹּ֣ה ׀ אָמַ֣ר יְהוָ֗ה בְּעֵ֤ת רָצוֹן֙ עֲנִיתִ֔יךָ וּבְי֥וֹם יְשׁוּעָ֖ה עֲזַרְתִּ֑יךָ וְאֶצָּרְךָ֗ וְאֶתֶּנְךָ֙ לִבְרִ֣ית עָ֔ם לְהָקִ֣ים אֶ֔רֶץ לְהַנְחִ֖יל נְחָל֥וֹת שֹׁמֵמֽוֹת׃
9
לֵאמֹ֤ר לַֽאֲסוּרִים֙ צֵ֔אוּ לַאֲשֶׁ֥ר בַּחֹ֖שֶׁךְ הִגָּל֑וּ עַל־דְּרָכִ֣ים יִרְע֔וּ וּבְכָל־שְׁפָיִ֖ים מַרְעִיתָֽם׃
10
לֹ֤א יִרְעָ֨בוּ֙ וְלֹ֣א יִצְמָ֔אוּ וְלֹא־יַכֵּ֥ם שָׁרָ֖ב וָשָׁ֑מֶשׁ כִּי־מְרַחֲמָ֣ם יְנַהֲגֵ֔ם וְעַל־מַבּ֥וּעֵי מַ֖יִם יְנַהֲלֵֽם׃
11
וְשַׂמְתִּ֥י כָל־הָרַ֖י לַדָּ֑רֶךְ וּמְסִלֹּתַ֖י יְרֻמֽוּן׃
12
הִנֵּה־אֵ֕לֶּה מֵרָח֖וֹק יָבֹ֑אוּ וְהִֽנֵּה־אֵ֨לֶּה֙ מִצָּפ֣וֹן וּמִיָּ֔ם וְאֵ֖לֶּה מֵאֶ֥רֶץ סִינִֽים׃
13
רָנּ֤וּ שָׁמַ֨יִם֙ וְגִ֣ילִי אָ֔רֶץ וּפִצְח֥וּ הָרִ֖ים רִנָּ֑ה כִּֽי־נִחַ֤ם יְהוָה֙ עַמּ֔וֹ וַעֲנִיָּ֖ו יְרַחֵֽם׃
14
וַתֹּ֥אמֶר צִיּ֖וֹן עֲזָבַ֣נִי יְהוָ֑ה וַאדֹנָ֖י שְׁכֵחָֽנִי׃
15
הֲתִשְׁכַּ֤ח אִשָּׁה֙ עוּלָ֔הּ מֵרַחֵ֖ם בֶּן־בִּטְנָ֑הּ גַּם־אֵ֣לֶּה תִשְׁכַּ֔חְנָה וְאָנֹכִ֖י לֹ֥א אֶשְׁכָּחֵֽךְ׃
16
הֵ֥ן עַל־כַּפַּ֖יִם חַקֹּתִ֑יךְ חוֹמֹתַ֥יִךְ נֶגְדִּ֖י תָּמִֽיד׃
17
מִֽהֲר֖וּ בָּנָ֑יִךְ מְהָֽרְסַ֥יִךְ וּמַחֲרִבַ֖יִךְ מִמֵּ֥ךְ יֵצֵֽאוּ׃
18
שְׂאִֽי־סָבִ֤יב עֵינַ֨יִךְ֙ וּרְאִ֔י כֻּלָּ֖ם נִקְבְּצ֣וּ בָֽאוּ־לָ֑ךְ חַי־אָ֣נִי נְאֻם־יְהוָ֗ה כִּ֤י כֻלָּם֙ כָּעֲדִ֣י תִלְבָּ֔שִׁי וּֽתְקַשְּׁרִ֖ים כַּכַּלָּֽה׃
19
כִּ֤י חָרְבֹתַ֨יִךְ֙ וְשֹׁ֣מְמֹתַ֔יִךְ וְאֶ֖רֶץ הֲרִֽסֻתֵ֑יךְ כִּ֤י עַתָּה֙ תֵּצְרִ֣י מִיּוֹשֵׁ֔ב וְרָחֲק֖וּ מְבַלְּעָֽיִךְ׃
20
ע֚וֹד יֹאמְר֣וּ בְאָזְנַ֔יִךְ בְּנֵ֖י שִׁכֻּלָ֑יִךְ צַר־לִ֥י הַמָּק֖וֹם גְּשָׁה־לִּ֥י וְאֵשֵֽׁבָה׃
21
וְאָמַ֣רְתְּ בִּלְבָבֵ֗ךְ מִ֤י יָֽלַד־לִי֙ אֶת־אֵ֔לֶּה וַאֲנִ֥י שְׁכוּלָ֖ה וְגַלְמוּדָ֑ה גֹּלָ֣ה ׀ וְסוּרָ֗ה וְאֵ֨לֶּה֙ מִ֣י גִדֵּ֔ל הֵ֤ן אֲנִי֙ נִשְׁאַ֣רְתִּי לְבַדִּ֔י אֵ֖לֶּה אֵיפֹ֥ה הֵֽם׃
22
כֹּֽה־אָמַ֞ר אֲדֹנָ֣י יְהוִ֗ה הִנֵּ֨ה אֶשָּׂ֤א אֶל־גּוֹיִם֙ יָדִ֔י וְאֶל־עַמִּ֖ים אָרִ֣ים נִסִּ֑י וְהֵבִ֤יאוּ בָנַ֨יִךְ֙ בְּחֹ֔צֶן וּבְנֹתַ֖יִךְ עַל־כָּתֵ֥ף תִּנָּשֶֽׂאנָה׃
23
וְהָי֨וּ מְלָכִ֜ים אֹֽמְנַ֗יִךְ וְשָׂרֽוֹתֵיהֶם֙ מֵינִ֣יקֹתַ֔יִךְ אַפַּ֗יִם אֶ֚רֶץ יִשְׁתַּ֣חֲווּ לָ֔ךְ וַעֲפַ֥ר רַגְלַ֖יִךְ יְלַחֵ֑כוּ וְיָדַ֨עַתְּ֙ כִּֽי־אֲנִ֣י יְהוָ֔ה אֲשֶׁ֥ר לֹֽא־יֵבֹ֖שׁוּ קוָֹֽי׃
24
הֲיֻקַּ֥ח מִגִּבּ֖וֹר מַלְק֑וֹחַ וְאִם־שְׁבִ֥י צַדִּ֖יק יִמָּלֵֽט׃
25
כִּי־כֹ֣ה ׀ אָמַ֣ר יְהוָ֗ה גַּם־שְׁבִ֤י גִבּוֹר֙ יֻקָּ֔ח וּמַלְק֥וֹחַ עָרִ֖יץ יִמָּלֵ֑ט וְאֶת־יְרִיבֵךְ֙ אָנֹכִ֣י אָרִ֔יב וְאֶת־בָּנַ֖יִךְ אָנֹכִ֥י אוֹשִֽׁיעַ׃
26
וְהַאֲכַלְתִּ֤י אֶת־מוֹנַ֨יִךְ֙ אֶת־בְּשָׂרָ֔ם וְכֶעָסִ֖יס דָּמָ֣ם יִשְׁכָּר֑וּן וְיָדְע֣וּ כָל־בָּשָׂ֗ר כִּ֣י אֲנִ֤י יְהוָה֙ מֽוֹשִׁיעֵ֔ךְ וְגֹאֲלֵ֖ךְ אֲבִ֥יר יַעֲקֹֽב׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
208 distinct words — each links to every other place it occurs.
יהוהJehovah13אָמַרutter12כִּיthat8אֵ֫לֶּהthese7אֲנִיI6אֶ֫רֶץearth6יִשְׂרָאֵלIsrael5אֵתmark of the accusative5כֹּלthe whole5לֹאnot5בֵּןson5אֶלmotion to4עֶ֫בֶדslave4אֲשֶׁרwho4הָיָהfall out4כֹּהthus4עַלabove4שָׁכַחforget4בֶּ֫טֶןbelly3שׂוּםput3אֵתwith3יַעֲקֹבJacob3קוּםarise3גּוֹיnation3עַםpeople3רָחַםlove3הִנֵּהlo!3בּוֹאcome in3אָֽנֹכִ֫יI3נָשָׂאlift3רָחֹקdistant2יָדhand2אֱלֹהִיםgods2עַתָּ֫הnow2שׁוּבturn back2עַ֫יִןeye2נָצַרwatch2נָתַןgive2יְשׁוּעָהsalvation2גָּאַלredeem2קָדוֹשׁsacred2מֶ֫לֶךְking2רָאָהsee2שָׁחָהbow down2אָמַןconfirm2שָׁמֵםbe desolated2יָצָאgo out2גָּלָהuncover2דֶּ֫רֶךְway2הַרmountain2רוּםbe high2אֲדֹנָיlord2גַּםalso2הֵןlo!2יָשַׁבsit2מִיwho?2יָדַעknow2לָקַחtake2גִּבּוֹרstrong2מַלְקוֹחַbooty2שְׁבִיcaptivity2מָלַטslip away2יָשַׁעdeliver2בָּשָׂרflesh2שָׁמַעhearאִיcoastקָשַׁבinclineלְאֹםpeopleקָרָאcallמֵעֶהinternal organsאֵםmotherזָכַרrememberשֵׁםnameפֶּהmouthחֶ֫רֶבswordחַדsharpצֵלshadowחָבָאwithdrawחֵץarrowבָּרַרpurifyאַשְׁפָּהquiverסָתַרhideאַתָּ֫הthouפָּאַרbeautifyרִיקemptinessיָגֵעַtoilתֹּ֫הוּformlessnessהֶ֫בֶלvapourכֹּחַstrengthכָּלָהbe completeאָכֵןfirmlyמִשְׁפָּטjudgmentפְּעֻלָּהworkיָצַרformאָסַףgatherכָּבֵדbe heavyעֹזstrengthקָלַלbe slightשֵׁ֫בֶטrodאוֹרlightעַדas far asקָצֶהendבָּזֹהdespiseנֶ֫פֶשׁsoulתַּעָבloatheמָשַׁלruleשַׂרchieftainמַ֫עַןpurposeבָּחַרchooseעֵתtimeרָצוֹןgoodwillעָנָהanswerיוֹםdayעָזַרhelpבְּרִיתcovenantנָחַלget as a possessionנַחֲלָהpossessionאָסַרtieחֹ֫שֶׁךְdarknessרָעָהpastureשְׁפִיbarenessמַרְעִיתpasturingרָעֵבbe hungryצָמֵאbe thirstyנָכָהsmiteשָׁרָבglowשֶׁ֫מֶשׁsunנָהַגdriveמַבּוּעַspringמַיwatersנָהַלleadמְסִלָּהhighwayצָפוֹןnorthיָםseaסִינִיםSinimרָנַןgive a ringing cryשָׁמַיִםheavensגִּילrejoiceפָּצַחcause to breakרִנָּהringing cryנָחַםbe sorryעָנִיpoorצִיּוֹןZionעָזַבleaveאִשָּׁהwomanעוּלsucking childכַּףhollowחָקַקcut inחוֹמָהwallנֶ֫גֶדwhat is conspicuousתָּמִידcontinuityמָהַרhastenהָרַסthrow downחָרֵבbe wasteמִן־out ofסָבִיבcircuitקָבַץgatherחַיaliveנְאֻםutteranceעֲדִיornamentsלָבֵשׁput onקָשַׁרbindכַּלָּהdaughter-in-lawחׇרְבָּהwasteהֲרִיסוּתoverthrowיָצַרbindרָחַקbe farבָּלַעswallow downעוֹדa going roundאֹ֫זֶןearשִׁכֻּלִיםbereavementצַרnarrowמָקוֹםstanding-placeנָגַשׁdraw nearלֵבָבinner manיָלַדbearשָׁכוּלchildlessגַּלְמוּדhardסוּרturn asideגָּדַלgrow upשָׁאַרremainבַּדseparationאֵיפֹהwhat place?הֵ֫מָּהtheyיְהֹוִהGodנֵסstandardחֹ֫צֶןbosomבַּתdaughterכָּתֵףshoulderשָׂרָהprincessיָנַקsuckאַףnostrilעָפָרdry earthרֶ֫גֶלfootלָחַךְlickבּוֹשׁbe ashamedקָוָהwait forאִםifצַדִּיקjustעָרִיץawe-inspiringיָרִיבopponentרִיבstriveאָכַלeatיָנָהsuppressעָסִיסsweet wineדָּםbloodשָׁכַרbe drunkאָבִירstrong