Isaiah 13 in the Hebrew of the Westminster Leningrad Codex. Isaiah is one of the Major Prophets.
1
מַשָּׂ֖א בָּבֶ֑ל אֲשֶׁ֣ר חָזָ֔ה יְשַׁעְיָ֖הוּ בֶּן־אָמֽוֹץ׃
2
עַ֤ל הַר־נִשְׁפֶּה֙ שְֽׂאוּ־נֵ֔ס הָרִ֥ימוּ ק֖וֹל לָהֶ֑ם הָנִ֣יפוּ יָ֔ד וְיָבֹ֖אוּ פִּתְחֵ֥י נְדִיבִֽים׃
3
אֲנִ֥י צִוֵּ֖יתִי לִמְקֻדָּשָׁ֑י גַּ֣ם קָרָ֤אתִי גִבּוֹרַי֙ לְאַפִּ֔י עַלִּיזֵ֖י גַּאֲוָתִֽי׃
4
ק֥וֹל הָמ֛וֹן בֶּֽהָרִ֖ים דְּמ֣וּת עַם־רָ֑ב ק֠וֹל שְׁא֞וֹן מַמְלְכ֤וֹת גּוֹיִם֙ נֶֽאֱסָפִ֔ים יְהוָ֣ה צְבָא֔וֹת מְפַקֵּ֖ד צְבָ֥א מִלְחָמָֽה׃
5
בָּאִ֛ים מֵאֶ֥רֶץ מֶרְחָ֖ק מִקְצֵ֣ה הַשָּׁמָ֑יִם יְהוָה֙ וּכְלֵ֣י זַעְמ֔וֹ לְחַבֵּ֖ל כָּל־הָאָֽרֶץ׃
6
הֵילִ֕ילוּ כִּ֥י קָר֖וֹב י֣וֹם יְהוָ֑ה כְּשֹׁ֖ד מִשַּׁדַּ֥י יָבֽוֹא׃
7
עַל־כֵּ֖ן כָּל־יָדַ֣יִם תִּרְפֶּ֑ינָה וְכָל־לְבַ֥ב אֱנ֖וֹשׁ יִמָּס׃
8
וְֽנִבְהָ֓לוּ ׀ צִירִ֤ים וַֽחֲבָלִים֙ יֹֽאחֵז֔וּן כַּיּוֹלֵדָ֖ה יְחִיל֑וּן אִ֤ישׁ אֶל־רֵעֵ֨הוּ֙ יִתְמָ֔הוּ פְּנֵ֥י לְהָבִ֖ים פְּנֵיהֶֽם׃
9
הִנֵּ֤ה יוֹם־יְהוָה֙ בָּ֔א אַכְזָרִ֥י וְעֶבְרָ֖ה וַחֲר֣וֹן אָ֑ף לָשׂ֤וּם הָאָ֨רֶץ֙ לְשַׁמָּ֔ה וְחַטָּאֶ֖יהָ יַשְׁמִ֥יד מִמֶּֽנָּה׃
10
כִּֽי־כוֹכְבֵ֤י הַשָּׁמַ֨יִם֙ וּכְסִ֣ילֵיהֶ֔ם לֹ֥א יָהֵ֖לּוּ אוֹרָ֑ם חָשַׁ֤ךְ הַשֶּׁ֨מֶשׁ֙ בְּצֵאת֔וֹ וְיָרֵ֖חַ לֹֽא־יַגִּ֥יהַ אוֹרֽוֹ׃
11
וּפָקַדְתִּ֤י עַל־תֵּבֵל֙ רָעָ֔ה וְעַל־רְשָׁעִ֖ים עֲוֺנָ֑ם וְהִשְׁבַּתִּי֙ גְּא֣וֹן זֵדִ֔ים וְגַאֲוַ֥ת עָרִיצִ֖ים אַשְׁפִּֽיל׃
12
אוֹקִ֥יר אֱנ֖וֹשׁ מִפָּ֑ז וְאָדָ֖ם מִכֶּ֥תֶם אוֹפִֽיר׃
13
עַל־כֵּן֙ שָׁמַ֣יִם אַרְגִּ֔יז וְתִרְעַ֥שׁ הָאָ֖רֶץ מִמְּקוֹמָ֑הּ בְּעֶבְרַת֙ יְהוָ֣ה צְבָא֔וֹת וּבְי֖וֹם חֲר֥וֹן אַפּֽוֹ׃
14
וְהָיָה֙ כִּצְבִ֣י מֻדָּ֔ח וּכְצֹ֖אן וְאֵ֣ין מְקַבֵּ֑ץ אִ֤ישׁ אֶל־עַמּוֹ֙ יִפְנ֔וּ וְאִ֥ישׁ אֶל־אַרְצ֖וֹ יָנֽוּסוּ׃
15
כָּל־הַנִּמְצָ֖א יִדָּקֵ֑ר וְכָל־הַנִּסְפֶּ֖ה יִפּ֥וֹל בֶּחָֽרֶב׃
16
וְעֹלְלֵיהֶ֥ם יְרֻטְּשׁ֖וּ לְעֵֽינֵיהֶ֑ם יִשַּׁ֨סּוּ֙ בָּֽתֵּיהֶ֔ם וּנְשֵׁיהֶ֖ם תִּשָּׁכַֽבְנָה׃
17
הִנְנִ֛י מֵעִ֥יר עֲלֵיהֶ֖ם אֶת־מָדָ֑י אֲשֶׁר־כֶּ֨סֶף֙ לֹ֣א יַחְשֹׁ֔בוּ וְזָהָ֖ב לֹ֥א יַחְפְּצוּ־בֽוֹ׃
18
וּקְשָׁת֖וֹת נְעָרִ֣ים תְּרַטַּ֑שְׁנָה וּפְרִי־בֶ֨טֶן֙ לֹ֣א יְרַחֵ֔מוּ עַל־בָּנִ֖ים לֹֽא־תָח֥וּס עֵינָֽם׃
19
וְהָיְתָ֤ה בָבֶל֙ צְבִ֣י מַמְלָכ֔וֹת תִּפְאֶ֖רֶת גְּא֣וֹן כַּשְׂדִּ֑ים כְּמַהְפֵּכַ֣ת אֱלֹהִ֔ים אֶת־סְדֹ֖ם וְאֶת־עֲמֹרָֽה׃
20
לֹֽא־תֵשֵׁ֣ב לָנֶ֔צַח וְלֹ֥א תִשְׁכֹּ֖ן עַד־דּ֣וֹר וָד֑וֹר וְלֹֽא־יַהֵ֥ל שָׁם֙ עֲרָבִ֔י וְרֹעִ֖ים לֹא־יַרְבִּ֥צוּ שָֽׁם׃
21
וְרָבְצוּ־שָׁ֣ם צִיִּ֔ים וּמָלְא֥וּ בָתֵּיהֶ֖ם אֹחִ֑ים וְשָׁ֤כְנוּ שָׁם֙ בְּנ֣וֹת יַֽעֲנָ֔ה וּשְׂעִירִ֖ים יְרַקְּדוּ־שָֽׁם׃
22
וְעָנָ֤ה אִיִּים֙ בְּאַלְמנוֹתָ֔יו וְתַנִּ֖ים בְּהֵ֣יכְלֵי עֹ֑נֶג וְקָר֤וֹב לָבוֹא֙ עִתָּ֔הּ וְיָמֶ֖יהָ לֹ֥א יִמָּשֵֽׁכוּ׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
174 distinct words — each links to every other place it occurs.
לֹאnot11עַלabove7בּוֹאcome in5יהוהJehovah5אֶ֫רֶץearth5כֹּלthe whole5שָׁםthere5יוֹםday4קוֹלsound3אַףnostril3שָׁמַיִםheavens3אִישׁman3אֶלmotion to3אֵתmark of the accusative3בָּבֶ֫לBabel2אֲשֶׁרwho2בֵּןson2הַרmountain2יָדhand2גַּאֲוָהmajesty2עַםpeople2מַמְלָכָהkingdom2צָבָאarmy2פָּקַדattend to2כִּיthat2קָרֹבnear2כֵּןso2אֱנוֹשׁman2פָּנֶהface2עֶבְרָהoverflow2חָרוֹןanger2אוֹרlight2גָּאוֹןexaltation2הָיָהfall out2רָטַשׁdash in pieces2עַ֫יִןeye2בַּ֫יִתhouse2שָׁכַןsettle down2דּוֹרperiod2רָבַץstretch oneself out2מַשָּׂאutteranceחָזָהseeיְשַׁעְיָ֫הוּIsaiahאָמוֹץAmozשָׁפָהsweep bareנָשָׂאliftנֵסstandardרוּםbe highנוּףmove to and froפֶּ֫תַחopeningנָדִיבinclinedאֲנִיIצָוָהlay chargeקָדַשׁbe set apartגַּםalsoקָרָאcallגִּבּוֹרstrongעַלִּיזexultantהָמוֹןsoundדְּמוּתlikenessרַבmuchשָׁאוֹןroarגּוֹיnationאָסַףgatherצָבָאarmyמִלְחָמָהbattleמֶרְחָקdistant placeקָצֶהendכְּלִיarticleזַ֫עַםindignationחָבַלact (ruinously) corruptlyיָלַלhowlשֹׁדviolenceשַׁדַּיsufficientרָפָהsinkלֵבָבinner manמָסַסdissolveבָּהַלtrembleצִירpangחֵ֫בֶלpainאָחַזgraspיָלַדbearחוּלwhirlרֵעַfriendתָּמַהּbe astoundedלַ֫הַבflameהִנֵּהlo!אַכְזָרִיcruelשׂוּםputשַׁמָּהwasteחַטָּאsinfulשָׁמַדbe exterminatedמִן־out ofכּוֹכָבstarכְּסִילOrionהָלַלshineחָשַׁךְbe or grow darkשֶׁ֫מֶשׁsunיָצָאgo outיָרֵחַmoonנָגַהּshineתֵּבֵלworldרָעָהevilרָשָׁעwickedעָוֺןiniquityשָׁבַתceaseזֵדinsolentעָרִיץawe-inspiringשָׁפֵלbe lowיָקַרbe preciousפַּזrefinedאָדָםmanכֶּ֫תֶםgoldאוֹפִירOphirרָגַזbe agitatedרָעַשׁquakeמָקוֹםstanding-placeצְבִיgazelleנָדַחimpelצֹאןsmall cattleאַ֫יִןnothingקָבַץgatherפָּנָהturnנוּסfleeמָצָאattain toדָּקַרpierceסָפָהsweep awayנָפַלfallחֶ֫רֶבswordעוֹלֵלchildשָׁסַסplunderאִשָּׁהwomanשָׁכַבlie downהֵןlo!עוּרrouse oneselfמָדַיMadaiכֶּ֫סֶףsilverחָשַׁבthinkזָהָבgoldחָפֵץdelight inקֶ֫שֶׁתbowנַ֫עַרboyפְּרִיfruitבֶּ֫טֶןbellyרָחַםloveחוּסpityצְבִיbeautyתִּפְאָרָהbeautyכַּשְׂדִּיםChaldeansמַהְפֵּכָהoverthrowאֱלֹהִיםgodsסְדֹםSodomעֲמֹרָהGomorrahיָשַׁבsitנֵ֫צַחeminenceעַדas far asאָהַלtentעֲרָבִיsteppe-dwellerרָעָהpastureצִיa wild beastמָלֵאbe fullאֹחַjackalבַּתdaughterיַעֲנָהgreedשָׂעִירsatyrרָקַדskip aboutעוּןdwellאִיjackalאַלְמָנָהwidowתַּןjackalהֵיכָלpalaceעֹ֫נֶגdantinessעֵתtimeמָשַׁךְdraw