Isaiah 3 in Hebrew – The Ancient Bible

Ancient Bible › Old Testament › Isaiah › 3

Isaiah 3 in the Hebrew of the Westminster Leningrad Codex. Isaiah is one of the Major Prophets.

Hebrew · Major Prophets

Isaiah 3

Westminster Leningrad Codex · every word parsed

1
כִּי֩ הִנֵּ֨ה הָאָד֜וֹן יְהוָ֣ה צְבָא֗וֹת מֵסִ֤יר מִירוּשָׁלִַ֨ם֙ וּמִ֣יהוּדָ֔ה מַשְׁעֵ֖ן וּמַשְׁעֵנָ֑ה כֹּ֚ל מִשְׁעַן־לֶ֔חֶם וְכֹ֖ל מִשְׁעַן־מָֽיִם׃ 
2
גִּבּ֖וֹר וְאִ֣ישׁ מִלְחָמָ֑ה שׁוֹפֵ֥ט וְנָבִ֖יא וְקֹסֵ֥ם וְזָקֵֽן׃ 
3
שַׂר־חֲמִשִּׁ֖ים וּנְשׂ֣וּא פָנִ֑ים וְיוֹעֵ֛ץ וַחֲכַ֥ם חֲרָשִׁ֖ים וּנְב֥וֹן לָֽחַשׁ׃ 
4
וְנָתַתִּ֥י נְעָרִ֖ים שָׂרֵיהֶ֑ם וְתַעֲלוּלִ֖ים יִמְשְׁלוּ־בָֽם׃ 
5
וְנִגַּ֣שׂ הָעָ֔ם אִ֥ישׁ בְּאִ֖ישׁ וְאִ֣ישׁ בְּרֵעֵ֑הוּ יִרְהֲב֗וּ הַנַּ֨עַר֙ בַּזָּקֵ֔ן וְהַנִּקְלֶ֖ה בַּנִּכְבָּֽד׃ 
6
כִּֽי־יִתְפֹּ֨שׂ אִ֤ישׁ בְּאָחִיו֙ בֵּ֣ית אָבִ֔יו שִׂמְלָ֣ה לְכָ֔ה קָצִ֖ין תִּֽהְיֶה־לָּ֑נוּ וְהַמַּכְשֵׁלָ֥ה הַזֹּ֖את תַּ֥חַת יָדֶֽךָ׃ 
7
יִשָּׂא֩ בַיּ֨וֹם הַה֤וּא ׀ לֵאמֹר֙ לֹא־אֶהְיֶ֣ה חֹבֵ֔שׁ וּבְבֵיתִ֕י אֵ֥ין לֶ֖חֶם וְאֵ֣ין שִׂמְלָ֑ה לֹ֥א תְשִׂימֻ֖נִי קְצִ֥ין עָֽם׃ 
8
כִּ֤י כָשְׁלָה֙ יְר֣וּשָׁלִַ֔ם וִיהוּדָ֖ה נָפָ֑ל כִּֽי־לְשׁוֹנָ֤ם וּמַֽעַלְלֵיהֶם֙ אֶל־יְהוָ֔ה לַמְר֖וֹת עֵנֵ֥י כְבוֹדֽוֹ׃ 
9
הַכָּרַ֤ת פְּנֵיהֶם֙ עָ֣נְתָה בָּ֔ם וְחַטָּאתָ֛ם כִּסְדֹ֥ם הִגִּ֖ידוּ לֹ֣א כִחֵ֑דוּ א֣וֹי לְנַפְשָׁ֔ם כִּֽי־גָמְל֥וּ לָהֶ֖ם רָעָֽה׃ 
10
אִמְר֥וּ צַדִּ֖יק כִּי־ט֑וֹב כִּֽי־פְרִ֥י מַעַלְלֵיהֶ֖ם יֹאכֵֽלוּ׃ 
11
א֖וֹי לְרָשָׁ֣ע רָ֑ע כִּֽי־גְמ֥וּל יָדָ֖יו יֵעָ֥שֶׂה לּֽוֹ׃ 
12
עַמִּי֙ נֹגְשָׂ֣יו מְעוֹלֵ֔ל וְנָשִׁ֖ים מָ֣שְׁלוּ ב֑וֹ עַמִּי֙ מְאַשְּׁרֶ֣יךָ מַתְעִ֔ים וְדֶ֥רֶךְ אֹֽרְחֹתֶ֖יךָ בִּלֵּֽעוּ׃ 
13
נִצָּ֥ב לָרִ֖יב יְהוָ֑ה וְעֹמֵ֖ד לָדִ֥ין עַמִּֽים׃ 
14
יְהוָה֙ בְּמִשְׁפָּ֣ט יָב֔וֹא עִם־זִקְנֵ֥י עַמּ֖וֹ וְשָׂרָ֑יו וְאַתֶּם֙ בִּֽעַרְתֶּ֣ם הַכֶּ֔רֶם גְּזֵלַ֥ת הֶֽעָנִ֖י בְּבָתֵּיכֶֽם׃ 
15
מַה לָּכֶם֙ תְּדַכְּא֣וּ עַמִּ֔י וּפְנֵ֥י עֲנִיִּ֖ים תִּטְחָ֑נוּ נְאֻם־אֲדֹנָ֥י יְהוִ֖ה צְבָאֽוֹת׃ 
16
וַיֹּ֣אמֶר יְהוָ֗ה יַ֚עַן כִּ֤י גָֽבְהוּ֙ בְּנ֣וֹת צִיּ֔וֹן וַתֵּלַ֨כְנָה֙ נְטוּי֣וֹת גָּר֔וֹן וּֽמְשַׂקְּר֖וֹת עֵינָ֑יִם הָל֤וֹךְ וְטָפֹף֙ תֵּלַ֔כְנָה וּבְרַגְלֵיהֶ֖ם תְּעַכַּֽסְנָה׃ 
17
וְשִׂפַּ֣ח אֲדֹנָ֔י קָדְקֹ֖ד בְּנ֣וֹת צִיּ֑וֹן וַיהוָ֖ה פָּתְהֵ֥ן יְעָרֶֽה׃ 
18
בַּיּ֨וֹם הַה֜וּא יָסִ֣יר אֲדֹנָ֗י אֵ֣ת תִּפְאֶ֧רֶת הָעֲכָסִ֛ים וְהַשְּׁבִיסִ֖ים וְהַשַּׂהֲרֹנִֽים׃ 
19
הַנְּטִיפ֥וֹת וְהַשֵּׁיר֖וֹת וְהָֽרְעָלֽוֹת׃ 
20
הַפְּאֵרִ֤ים וְהַצְּעָדוֹת֙ וְהַקִּשֻּׁרִ֔ים וּבָתֵּ֥י הַנֶּ֖פֶשׁ וְהַלְּחָשִֽׁים׃ 
21
הַטַּבָּע֖וֹת וְנִזְמֵ֥י הָאָֽף׃ 
22
הַמַּֽחֲלָצוֹת֙ וְהַמַּ֣עֲטָפ֔וֹת וְהַמִּטְפָּח֖וֹת וְהָחֲרִיטִֽים׃ 
23
וְהַגִּלְיֹנִים֙ וְהַסְּדִינִ֔ים וְהַצְּנִיפ֖וֹת וְהָרְדִידִֽים׃ 
24
וְהָיָה֩ תַ֨חַת בֹּ֜שֶׂם מַ֣ק יִֽהְיֶ֗ה וְתַ֨חַת חֲגוֹרָ֤ה נִקְפָּה֙ וְתַ֨חַת מַעֲשֶׂ֤ה מִקְשֶׁה֙ קָרְחָ֔ה וְתַ֥חַת פְּתִיגִ֖יל מַחֲגֹ֣רֶת שָׂ֑ק כִּי־תַ֖חַת יֹֽפִי׃ 
25
מְתַ֖יִךְ בַּחֶ֣רֶב יִפֹּ֑לוּ וּגְבוּרָתֵ֖ךְ בַּמִּלְחָמָֽה׃ 
26
וְאָנ֥וּ וְאָבְל֖וּ פְּתָחֶ֑יהָ וְנִקָּ֖תָה לָאָ֥רֶץ תֵּשֵֽׁב׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

168 distinct words — each links to every other place it occurs.

כִּיthat9 עַםpeople7 יהוהJehovah6 תַּחַתthe under part6 אִישׁman5 בַּ֫יִתhouse4 הָיָהfall out4 זָקֵןold3 שַׂרchieftain3 פָּנֶהface3 אָמַרutter3 לֹאnot3 אֲדֹנָיlord3 צָבָאarmy2 סוּרturn aside2 יְרוּשָׁלִַ֫͏םJerusalem2 יְהוּדָהJudah2 כֹּלthe whole2 מִשְׁעָןsupport2 לֶ֫חֶםbread2 מִלְחָמָהbattle2 נָשָׂאlift2 לַ֫חַשׁa whispering2 נַ֫עַרboy2 מָשַׁלrule2 נָגַשׂpress2 שִׂמְלָהwrapper2 קָצִיןchief2 יָדhand2 יוֹםday2 הוּאhe2 אַ֫יִןnothing2 נָפַלfall2 מַעֲלָלdeed2 עַ֫יִןeye2 אוֹיwoe!2 נֶ֫פֶשׁsoul2 עָנִיpoor2 בַּתdaughter2 צִיּוֹןZion2 יָלַךְgo2 הִנֵּהlo!אָדוֹןlord מִשְׁעֵןsupport מִשְׁעֵנָהsupport מַיwaters גִּבּוֹרstrong שָׁפַטjudge נָבִיאspokesman קָסַםpractise divination חֲמִשִּׁיםfifty יָעַץadvise חָכָםwise חֶ֫רֶשׁmagic art בִּיןdiscern נָתַןgive תַּעֲלוּלִיםwantonness רֵעַfriend רָהַבact stormily קָלָהbe lightly esteemed כָּבֵדbe heavy תָּפַשׂlay hold of אָחbrother אָבfather מַכְשֵׁלָהoverthrown mass זֹאתthis חָבַשׁbind שׂוּםput כָּשַׁלstumble לָשׁוֹןtongue אֶלmotion to מָרָהbe contentious כָּבוֹדabundance הַכָּרָהlook עָנָהanswer חַטָּאתsin סְדֹםSodom נָגַדbe conspicuous כָּחַדhide גָּמַלdeal fully רָעָהevil צַדִּיקjust טוֹבpleasant פְּרִיfruit אָכַלeat רָשָׁעwicked רַעbad גְּמוּלdealing עָשָׂהdo עָלַלact the child אִשָּׁהwoman אָשַׁרgo straight תָּעָהerr דֶּ֫רֶךְway אֹ֫רַחway בָּלַעswallow down נָצַבtake one’s stand רִיבstrive עָמַדtake one’s stand דִּיןjudge מִשְׁפָּטjudgment בּוֹאcome in עִםwith אַתֶּםyou בָּעַרburn כֶּרֶםvineyard גְּזֵלָהplunder מָהwhat?דָּכָאcrush טָחַןgrind נְאֻםutterance יְהֹוִהGod יַעַןpurpose גָּבַהּbe high נָטָהstretch out גָּרוֹןneck שָׂקַרogle הָלַךְgo טָפַףtrip רֶ֫גֶלfoot עָכַסshake bangles שִׂפַּחcause a scab upon קׇדְקֹדhead פֹּתsockets עָרָהbe naked אֵתmark of the accusative תִּפְאָרָהbeauty עֶ֫כֶסanklet שָׁבִיסfront-band שַׂהֲרוֹןmoon נְטִיפָהdrop שֵׁרָהbracelet רְעָלָהveil פְּאֵרhead-dress צְעָדָהarmlet קִשֻּׁרִיםbands טַבַּ֫עַתsignet נֶ֫זֶםring אַףnostril מַחֲלָצָהrobe of state מַעֲטָפָהovertunic מִטְפַּ֫חַתcloak חָרִיטbag גִּלָּיוֹןtable סָדִיןlinen wrapper צָנִיףturban רְדִידwide wrapper בֶּ֫שֶׂםspice מַקdecay חֲגוֹרָהgirdle נִקְפָּהencircling rope מַעֲשֶׂהdeed מִקְשֶׁהturner’s work קׇרְחָהbaldness פְּתִיגִילrich robe מַחֲגֹ֫רֶתgirding שַׂקsack כִּיburning יֳפִיbeauty מַתmale חֶ֫רֶבsword גְּבוּרָהstrength אָנָהmourn אָבַלmourn פֶּ֫תַחopening נָקָהbe empty אֶ֫רֶץearth יָשַׁבsit