Ancient Bible › Intertestamental › Sirach (Ecclesiasticus)
Sirach (Ecclesiasticus) (Ἐκκλησιαστικός) — received as Scripture by Catholics and Orthodox but not in the Hebrew canon — in the Greek of Swete’s edition.
Machine-parsed. The lemma and grammar on this page were assigned by software, not by an editor: useful for reading, not to be cited as an authority.
1
Πᾶσα σοφία παρὰ κυρίου, καὶ μετ’ αὐτοῦ ἐστιν εἰς τὸν αἰῶνα.
2
ἄμμον θαλασσῶν καὶ σταγόνας ὑετοῦ καὶ ἡμέρας αἰῶνος τίς ἐξαριθμήσει;
3
ὕψος οὐρανοῦ καὶ πλάτος γῆς καὶ ἄβυσσον καὶ σοφίαν τίς ἐξιχνιάσει;
4
προτέρα πάντων ἔκτισται σοφία, καὶ σύνεσις φρονήσεως ἐξ αἰῶνος.
5
πηγὴ σοφίας λόγος θεοῦ ἐν ὑψίστοις· καὶ αἱ πορεῖαι αὐτῆς ἐντολαὶ αἰώνιοι.
6
ῥίζα σοφίας τίνι ἀπεκαλύφθη;
7
καὶ τὰ πανουργεύματα αὐτῆς τίς ἔγνω;
8
εἷς ἐστι σοφός, φοβερὸς σφόδρα, καθήμενος ἐπὶ τοῦ θρόνου αὐτοῦ.
9
κύριος αὐτὸς ἔκτισεν αὐτήν, καὶ εἶδε καὶ ἐξηρίθμησεν αὐτήν, καὶ ἐξέχεεν αὐτὴν ἐπὶ πάντα τὰ ἔργα αὐτοῦ,
10
μετὰ πάσης σαρκὸς κατὰ τὴν δόσιν αὐτοῦ, καὶ ἐχορήγησεν αὐτὴν τοῖς ἀγαπῶσιν αὐτόν.
11
φόβος κυρίου δόξα καὶ καὶ εὐφροσύνη καὶ στέφανος ἀγαλλιάματος.
12
φόβος κυρίου τέρψει καρδίαν, καὶ δώσει εὐφροσύνην καὶ χαρὰν καὶ μακροημέρευσιν.
13
τῷ φοβουμένῳ τὸν κύριον εὖ ἔσται ἐπ’ ἐσχάτων, καὶ ἐν ἡμέρᾳ τελευτῆς αὐτοῦ εὐλογηθήσεται.
14
ἀρχὴ σοφίας φοβεῖσθαι τὸν κύριον, καὶ μετὰ πιστῶν ἐν μήτρᾳ συνεκτίσθη αὐτοῖς·
15
μετὰ ἀνθρώπων θεμέλιον αἰῶνος ἐνόσσευσε, καὶ μετὰ τοῦ σπέρματος αὐτῶν ἐμπιστευθήσεται.
16
πλησμονὴ σοφίας φοβεῖσθαι τὸν κύριον, καὶ μεθύσκει αὐτοὺς ἀπὸ τῶν καρπῶν αὐτῆς·
17
πάντα τὸν οἶκον αὐτῶν ἐνέπλησεν ἐπιθυμημάτων αὐτῆς, καὶ τὰ ἀποδοχεῖα ἀπὸ τῶν γενημάτων αὐτῆς. ἀμφότερα δέ ἐστι δῶρα θεοῦ εἰς εἰρήνην.
18
στέφανος σοφίας φοβεῖσθαι τὸν κύριον, ἀναθάλλων εἰρήνην καὶ ὑγίειαν ἰάσεως. πλατύνει δὲ καύχησιν τοῖς ἀγαπῶσιν αὐτόν·
19
ἐπιστήμην καὶ γνῶσιν συνέσεως ἐξώμβρισεν ἡ σοφία, καὶ δόξαν κρατούντων αὐτὴν ἀνύψωσε.
20
ῥίζα σοφίας φοβεῖσθαι τὸν κύριον, καὶ οἱ κλάδοι αὐτῆς μακροημέρευσις. φόβος κυρίου ἀπωθεῖται ἁμαρτήματα, παραμένων δὲ ἀποστρέφει ὀργήν·
21
οὐ δυνήσεται θυμώδης ἀνὴρ δικαιωθῆναι·
22
ἡ γὰρ ῥοπὴ τοῦ θυμοῦ αὐτοῦ πτῶσις αὐτῷ.
23
ἕως καιροῦ ἀνέξεται μακρόθυμος, καὶ ὕστερον αὐτῷ ἀναδώσει εὐφροσύνη.
24
ἕως καιροῦ κρύψει τοὺς λόγους αὐτοῦ, καὶ χείλη πολλῶν ἐκδιηγήσεται σύνεσιν αὐτοῦ.
25
ἐν θησαυροῖς σοφίας παραβολαὶ ἐπιστήμης, βδέλυγμα δὲ ἁμαρτωλῷ θεοσέβεια.
26
ἐπιθυμήσας σοφίαν διατήρησον ἐντολάς, καὶ Κύριος χορηγήσει σοι αὐτήν.
27
σοφία γὰρ καὶ παιδεία φόβος κυρίου, καὶ εὐδοκία αὐτοῦ πίστις καὶ πρᾳότης.
28
μὴ ἀπειθήσῃς φόβῳ Κυρίου ἐνδεὴς ὤν, καὶ μὴ προσέλθῃς αὐτῷ ἐν καρδίᾳ δισσῇ.
29
μὴ ὑποκριθῇς ἐν στόμασιν ἀνθρώπων, καὶ ἐν τοῖς χείλεσί σου μὴ πρόσεχε.
30
μὴ ἐξύψου σεαυτόν, ἵνα μὴ πέσῃς καὶ ἐπαγάγῃς τῇ ψυχῇ σου ἀτιμίαν,
31
καὶ ἀποκαλύψει κύριος τὰ κρυπτά σου πάντα, καὶ ἐν μέσῳ συναγωγῆς καταβαλεῖ σε. ὅτι οὐ προσῆλθες ἐν ἀληθείᾳ τῷ φόβῳ τοῦ κυρίου, καὶ ἢ καρδία σου πλήρης δόλου.
Click or tap any word for its parse and dictionary entry. ← and → move between chapters.
Text: Swete, The Old Testament in Greek (Cambridge, 1896–1905), public domain, supplied by Open Greek and Latin (CC BY-SA 4.0). The morphological analysis on this page was generated by Ancient Bible using odyCy and has not been checked by a human editor. Dictionary: Abbott-Smith; Liddell-Scott-Jones via STEP Bible (CC BY 4.0).
The words of this chapter
148 distinct words — each links to every other place it occurs.
καίand40αὐτόςit/s/he31ὁthe/this/who29κύριοςlord: God15σοφίαwisdom13ἐνin/on/among9πᾶςall6φόβοςfear6σύyou6μήnot6μετάwith/after5εἰμίto be5αἰώνan age: age4φοβέωto fear4δέthen4τιςone3σύνεσιςunderstanding3ἐπίupon/to/against3εὐφροσύνηjoy3καρδίαheart3εἰςtoward2ἡμέραday2κτίζωto create2λόγοςword2θεόςGod2ἐντολήcommandment2ῥίζαroot2ἀποκαλύπτωto reveal2ἀγαπάωto love2δόξαglory2στέφανοςcrown2ἄνθρωποςa human2ἀπόaway from2εἰρήνηpeace2ἐπιστήμηhigher knowledge2οὐno2γάρfor2ἕωςuntil2καιρόςtime/right time2προσέρχομαιto come near/agree2παράfrom/with/besideἄμμοςsandθάλασσαseaὑετόςrainἐξαριθμέωto count outὕψοςheightοὐρανόςheavenπλάτοςwidthγῆearth: planetἄβυσσοςabyssἐξιχνιάζωto traceπρότεροςbeforeφρόνησιςunderstandingἐκout fromπηγήflowὕψιστοςHighestπορείαjourneyαἰώνιοςeternalτίςwhich?πανούργευμαwonderful featsγινώσκωto knowεἷςoneσοφόςwiseφοβερόςfearfulσφόδραveryκάθημαιto sitθρόνοςthroneὁράωto see: seeἐκχέωto pour outἔργονworkσάρξfleshκατάaccording toδόσιςgiftἀγαλλίαμαa leap for joyδίδωμιto giveχαράjoyεὖwell/well done!ἔσχατοςlast/leastτελευτήdeathἀρχήbeginningπιστόςfaithfulμήτραwombθεμέλιοςfoundationσπέρμαseed: offspringἐμπιστεύωto entrustπλησμονήgratificationμεθύσκωto get drunkκαρπόςfruitοἶκοςhouse: homeἐμπίμπλημιto fill upἐπιθύμημαdesireἀποδοχεῖονcisternἀμφότεροςbothδῶρονgiftἀναθάλλωto renewὑγίειαhealthἴασιςhealingπλατύνωto widenκαύχησιςprideγνῶσιςknowledgeκλάδοςbranchμακροημέρευσιςlength of daysἀπωθέωto rejectἁμάρτημαsinπαραμένωto continueἀποστρέφωto turn awayὀργήwrathδύναμαιbe ableθυμώδηςinclined to rageἀνήρmanδικαιόωto justifyῥοπήcruxθυμόςwrathπτῶσιςfallμακρόθυμοςlenientὕστεροςlaterκρύπτωto hideχεῖλοςlipπολύςmuchθησαυρόςtreasureπαραβολήparableβδέλυγμαabominationἁμαρτωλόςsinfulθεοσέβειαreverence for Godἐπιθυμέωto long forδιατηρέωto keepχορηγέωto provideπαιδείαdisciplineεὐδοκίαgoodwillπίστιςfaithπραότηςgentlenessἐνδεήςimpoverishedὑποκρίνωto pretendστόμαmouthπροσέχωto watch outσεαυτοῦyourselfἵναin order that/toἐπάγωto bring uponψυχήsoulἀτιμίαdishonourμέσοςmidstσυναγωγήsynagogueκαταβάλλωto lay/throw downὅτιthat/since: thatἀλήθειαtruthἤorπλήρηςfullδόλοςdeceit