Ancient Bible › New Testament › Philippians
Philippians — 4 chapters, every word parsed. The first is below; the rest follow it.
Edition. Nestle 1904.
1
Παῦλος καὶ Τιμόθεος δοῦλοι Χριστοῦ Ἰησοῦ πᾶσιν τοῖς ἁγίοις ἐν Χριστῷ Ἰησοῦ τοῖς οὖσιν ἐν Φιλίπποις σὺν ἐπισκόποις καὶ διακόνοις·
2
χάρις ὑμῖν καὶ εἰρήνη ἀπὸ Θεοῦ Πατρὸς ἡμῶν καὶ Κυρίου Ἰησοῦ Χριστοῦ.
3
Εὐχαριστῶ τῷ Θεῷ μου ἐπὶ πάσῃ τῇ μνείᾳ ὑμῶν,
4
πάντοτε ἐν πάσῃ δεήσει μου ὑπὲρ πάντων ὑμῶν μετὰ χαρᾶς τὴν δέησιν ποιούμενος,
5
ἐπὶ τῇ κοινωνίᾳ ὑμῶν εἰς τὸ εὐαγγέλιον ἀπὸ τῆς πρώτης ἡμέρας ἄχρι τοῦ νῦν,
6
πεποιθὼς αὐτὸ τοῦτο, ὅτι ὁ ἐναρξάμενος ἐν ὑμῖν ἔργον ἀγαθὸν ἐπιτελέσει ἄχρι ἡμέρας Χριστοῦ Ἰησοῦ·
7
καθώς ἐστιν δίκαιον ἐμοὶ τοῦτο φρονεῖν ὑπὲρ πάντων ὑμῶν, διὰ τὸ ἔχειν με ἐν τῇ καρδίᾳ ὑμᾶς, ἔν τε τοῖς δεσμοῖς μου καὶ ἐν τῇ ἀπολογίᾳ καὶ βεβαιώσει τοῦ εὐαγγελίου συνκοινωνούς μου τῆς χάριτος πάντας ὑμᾶς ὄντας.
8
μάρτυς γάρ μου ὁ Θεός, ὡς ἐπιποθῶ πάντας ὑμᾶς ἐν σπλάγχνοις Χριστοῦ Ἰησοῦ.
9
καὶ τοῦτο προσεύχομαι, ἵνα ἡ ἀγάπη ὑμῶν ἔτι μᾶλλον καὶ μᾶλλον περισσεύῃ ἐν ἐπιγνώσει καὶ πάσῃ αἰσθήσει,
10
εἰς τὸ δοκιμάζειν ὑμᾶς τὰ διαφέροντα, ἵνα ἦτε εἰλικρινεῖς καὶ ἀπρόσκοποι εἰς ἡμέραν Χριστοῦ,
11
πεπληρωμένοι καρπὸν δικαιοσύνης τὸν διὰ Ἰησοῦ Χριστοῦ, εἰς δόξαν καὶ ἔπαινον Θεοῦ.
12
Γινώσκειν δὲ ὑμᾶς βούλομαι, ἀδελφοί, ὅτι τὰ κατ’ ἐμὲ μᾶλλον εἰς προκοπὴν τοῦ εὐαγγελίου ἐλήλυθεν,
13
ὥστε τοὺς δεσμούς μου φανεροὺς ἐν Χριστῷ γενέσθαι ἐν ὅλῳ τῷ πραιτωρίῳ καὶ τοῖς λοιποῖς πᾶσιν,
14
καὶ τοὺς πλείονας τῶν ἀδελφῶν ἐν Κυρίῳ πεποιθότας τοῖς δεσμοῖς μου περισσοτέρως τολμᾶν ἀφόβως τὸν λόγον τοῦ Θεοῦ λαλεῖν.
15
Τινὲς μὲν καὶ διὰ φθόνον καὶ ἔριν, τινὲς δὲ καὶ δι’ εὐδοκίαν τὸν Χριστὸν κηρύσσουσιν·
16
οἱ μὲν ἐξ ἀγάπης, εἰδότες ὅτι εἰς ἀπολογίαν τοῦ εὐαγγελίου κεῖμαι,
17
οἱ δὲ ἐξ ἐριθείας τὸν Χριστὸν καταγγέλλουσιν, οὐχ ἁγνῶς, οἰόμενοι θλῖψιν ἐγείρειν τοῖς δεσμοῖς μου.
18
τί γάρ; πλὴν ὅτι παντὶ τρόπῳ, εἴτε προφάσει εἴτε ἀληθείᾳ, Χριστὸς καταγγέλλεται, καὶ ἐν τούτῳ χαίρω· ἀλλὰ καὶ χαρήσομαι·
19
οἶδα γὰρ ὅτι τοῦτό μοι ἀποβήσεται εἰς σωτηρίαν διὰ τῆς ὑμῶν δεήσεως καὶ ἐπιχορηγίας τοῦ Πνεύματος Ἰησοῦ Χριστοῦ,
20
κατὰ τὴν ἀποκαραδοκίαν καὶ ἐλπίδα μου ὅτι ἐν οὐδενὶ αἰσχυνθήσομαι, ἀλλ’ ἐν πάσῃ παρρησίᾳ ὡς πάντοτε καὶ νῦν μεγαλυνθήσεται Χριστὸς ἐν τῷ σώματί μου, εἴτε διὰ ζωῆς εἴτε διὰ θανάτου.
21
Ἐμοὶ γὰρ τὸ ζῆν Χριστὸς καὶ τὸ ἀποθανεῖν κέρδος.
22
εἰ δὲ τὸ ζῆν ἐν σαρκί, τοῦτό μοι καρπὸς ἔργου, καὶ τί αἱρήσομαι οὐ γνωρίζω.
23
συνέχομαι δὲ ἐκ τῶν δύο, τὴν ἐπιθυμίαν ἔχων εἰς τὸ ἀναλῦσαι καὶ σὺν Χριστῷ εἶναι, πολλῷ γὰρ μᾶλλον κρεῖσσον·
24
τὸ δὲ ἐπιμένειν τῇ σαρκὶ ἀναγκαιότερον δι’ ὑμᾶς.
25
καὶ τοῦτο πεποιθὼς οἶδα, ὅτι μενῶ καὶ παραμενῶ πᾶσιν ὑμῖν εἰς τὴν ὑμῶν προκοπὴν καὶ χαρὰν τῆς πίστεως,
26
ἵνα τὸ καύχημα ὑμῶν περισσεύῃ ἐν Χριστῷ Ἰησοῦ ἐν ἐμοὶ διὰ τῆς ἐμῆς παρουσίας πάλιν πρὸς ὑμᾶς.
27
Μόνον ἀξίως τοῦ εὐαγγελίου τοῦ Χριστοῦ πολιτεύεσθε, ἵνα εἴτε ἐλθὼν καὶ ἰδὼν ὑμᾶς εἴτε ἀπὼν ἀκούω τὰ περὶ ὑμῶν, ὅτι στήκετε ἐν ἑνὶ πνεύματι, μιᾷ ψυχῇ συναθλοῦντες τῇ πίστει τοῦ εὐαγγελίου,
28
καὶ μὴ πτυρόμενοι ἐν μηδενὶ ὑπὸ τῶν ἀντικειμένων, ἥτις ἐστὶν αὐτοῖς ἔνδειξις ἀπωλείας, ὑμῶν δὲ σωτηρίας, καὶ τοῦτο ἀπὸ Θεοῦ·
29
ὅτι ὑμῖν ἐχαρίσθη τὸ ὑπὲρ Χριστοῦ, οὐ μόνον τὸ εἰς αὐτὸν πιστεύειν ἀλλὰ καὶ τὸ ὑπὲρ αὐτοῦ πάσχειν,
30
τὸν αὐτὸν ἀγῶνα ἔχοντες οἷον εἴδετε ἐν ἐμοὶ καὶ νῦν ἀκούετε ἐν ἐμοί.
Click or tap any word for its parse and dictionary entry. ← and → move between chapters.
Text: Nestle, Novum Testamentum Graece, 1904 (public domain). Morphology: Ulrik Sandborg-Petersen via biblicalhumanities.org (CC0). Dictionary: Abbott-Smith, A Manual Greek Lexicon of the New Testament. Grammatical descriptions: STEP Bible, Tyndale House Cambridge (CC BY 4.0).
The words of this chapter
182 distinct words — each links to every other place it occurs.
ὁthe/this/who63καίand32ἐνin/on/among23σύyou22ἐγώI/we20ΧριστόςChrist18πᾶςall12εἰςtoward10ὅτιthat/since: that9διάthrough/because of9ἸησοῦςJesus8οὗτοςthis/he/she/it8δέthen7εἰμίto be6θεόςGod6εὐαγγέλιονgospel6εἴτεwhether6αὐτόςit/s/he5γάρfor5ὑπέρabove/for4δεσμόςchain4ἵναin order that/to4μᾶλλονmore4ἀπόaway from3δέησιςpetition3ἡμέραday3νῦνnow3πείθωto persuade3ἔχωto have/be3ἐκout from3εἴδωto perceive: understand3οὐno3ἀλλάbut3σύνwith2χάριςgrace2κύριοςlord: God2ἐπίupon/to/against2πάντοτεalways2χαράjoy2ἄχριuntil2ἔργονwork2ἀπολογίαdefence2ὡςas/when2ἀγάπηlove2περισσεύωto exceed2καρπόςfruit2ἀδελφόςbrother2κατάaccording to2προκοπήprogress2ἔρχομαιto come/go2πολύςmuch2τιςone2μένon the other hand2καταγγέλλωto proclaim2τίςwhich?2χαίρωto rejoice2σωτηρίαsalvation2πνεῦμαspirit/breath: spirit2ζάωto live2σάρξflesh2πίστιςfaith2μόνονonly2ὁράωto see: see2ἀκούωto hear2εἷςone2ΠαῦλοςPaulΤιμόθεοςTimothyδοῦλοςslaveἅγιοςholyΦίλιπποιPhilippiἐπίσκοποςoverseerδιάκονοςservantεἰρήνηpeaceπατήρfatherεὐχαριστέωto thankμνείαremembranceμετάwith/afterποιέωto do/make: doκοινωνίαparticipationπρῶτοςfirstἐνάρχομαιto beginἀγαθόςgoodἐπιτελέωto completeκαθώςas/just asδίκαιοςjustφρονέωto reasonκαρδίαheartτεand/bothβεβαίωσιςconfirmationσυγκοινωνόςsharerμάρτυςwitnessἐπιποθέωto long forσπλάγχνονaffection/entrailsπροσεύχομαιto prayἔτιstillἐπίγνωσιςknowledgeαἴσθησιςinsightδοκιμάζωto testδιαφέρωto spread/surpassεἰλικρινήςpureἀπρόσκοποςnot giving offenceπληρόωto fulfillδικαιοσύνηrighteousnessδόξαgloryἔπαινοςpraiseγινώσκωto knowβούλομαιto planὥστεsoφανερόςclearγίνομαιto beὅλοςallπραιτώριονpraetoriumλοιπόςremainingπερισσῶςexcessivelyτολμάωbe boldἀφόβωςfearlesslyλόγοςwordλαλέωto speakφθόνοςenvyἔριςquarrelεὐδοκίαgoodwillκηρύσσωto preachκεῖμαιto lay/be appointedἐριθείαrivalryἁγνῶςpurelyοἴομαιto supposeθλῖψιςpressureἐγείρωto ariseπλήνbut/howeverτρόποςwayπρόφασιςpretenseἀλήθειαtruthἀποβαίνωto get outἐπιχορηγίαsupplyἀποκαραδοκίαeager expectationἐλπίςhopeοὐδείςnoneαἰσχύνωbe ashamedπαρρησίαboldnessμεγαλύνωto magnifyσῶμαbodyζωήlifeθάνατοςdeathἀποθνήσκωto dieκέρδοςgainεἰifαἱρέωto chooseγνωρίζωto make knownσυνέχωto hold/oppressδύοtwoἐπιθυμίαdesireἀναλύωto departκρείσσωνgreaterἐπιμένωto remain/keep onἀναγκαῖοςnecessaryμένωto stayπαραμένωto continueκαύχημαprideἐμόςmineπαρουσίαcomingπάλινagainπρόςto/withἀξίωςappropriatelyπολιτεύωbe a citizenἄπειμιbe awayπερίaboutστήκωto standψυχήsoulσυναθλέωto contendμήnotπτύρομαιto frightenμηδείςnothingὑπόby/under: byἀντίκειμαιbe an opponentὅστιςwho/whichἔνδειξιςdemonstrationἀπώλειαdestructionχαρίζωto give graceπιστεύωto trust (in)πάσχωto sufferἀγώνfightοἷοςsuch as