Isaiah (Ἠσαΐας) — the Septuagint translation of the Hebrew book — in the Greek of Swete’s edition.
Machine-parsed. The lemma and grammar on this page were assigned by software, not by an editor: useful for reading, not to be cited as an authority.
1
Καὶ ἐλεήσει Κύριος τὸν Ἰακώβ, καὶ ἐκλέξεται ἔτι τὸν ἰσραήλ, καὶ ἀναπαύσονται ἐπὶ τῆς γῆς αὐτῶν, καὶ ὁ γιώρας προστεθήσεται πρὸς αὐτούς, καὶ προστεθήσεται πρὸς τὸν οἶκον Ἰακώβ,
2
καὶ λήμψονται αὐτοὺς ἔθνη καὶ εἰσάξουσιν εἰς τὸν τόπον αὐτῶν, καὶ κατακληρονομήσουσιν, καὶ πληθυνθήσονται ἐπὶ τῆς γῆς εἰς δούλους καὶ δούλας· καὶ ἔσονται αἰχμάλωτοι οἱ αἰχμαλωτεύσαντες αὐτούς, καὶ κυριευθήσονται οἱ κυριεύσαντες αὐτῶν.
3
Καὶ ἔσται τῇ ἡμέρᾳ ἐκείνῃ ἀναπαύσει σε Κύριος ἀπὸ τῆς ὀδύνης καὶ τοῦ θυμοῦ σου τῆς δουλείας σου τῆς σκληρᾶς ἧς ἐδούλευσας οὐτοῖς.
4
καὶ λήμψῃ τὸν θρῆνον τοῦτον ἐπὶ τὸν βασιλέα Βαβυλῶνος, καὶ ἐρεῖς Πῶς ἀναπέπαυται ὁ ἀπαιτῶν, καὶ ἀναπέπαυται ὁ ἐπισπουδαστής;
5
συνέτριψεν Κύριος τὸν ζυγὸν τῶν ἁμαρτωλῶν, τὸν ζυγὸν τῶν ἀρχόντων·
6
πατάξας ἔθνος θυμῷ πληγῇ ἀνιάτῳ, παίων ἔθνος πληγὴν θυμοῦ ἣ οὐκ ἐφείσατο, ἀνεπαύσατο πεποιθώς.
7
πᾶσα ἡ γῆ βοᾷ μετʼ εὐφροσύνης,
8
καὶ τὰ ξύλα τοῦ Λιβάνου εὐφράνθησαν ἐπὶ σοὶ καὶ ἡ κέδρος τοῦ Λιβάνου Ἀφʼ οὗ σὺ κεκοίμησαι, οὐκ ἀνέβη ὁ κόπτων ἡμᾶς.
9
ὁ ᾅδης κάτωθεν ἐπικράνθη συναντήσας σοι· συνηγέρθησάν σοι πάντες οἱ γίγαντες οἱ ἄρξαντες τῆς γῆς, οἱ ἐγείραντες ἐκ τῶν θρόνων αὐτῶν πάντας βασιλεῖς ἐθνῶν.
10
πάντες ἀποκριθήσονται καὶ ἐροῦσίν σοι Καὶ σὺ ἑάλως ὥσπερ καὶ ἡμεῖς, ἐν ἡμῖν δὲ κατελογίσθης.
11
κατέβη εἰς ᾅδου ἡ δόξα σου, ἡ πολλὴ εὐφροσύνη σου· ὑποκάτω σου στρώσουσιν σῆψιν, καὶ τὸ κατακάλυμμά σου σκώληξ.
12
πῶς ἐξέπεσεν ἐκ τοῦ οὐρανοῦ ὁ ἑωσφόρος ὁ πρωὶ ἀνατέλλων; συνετρίβη εἰς τὴν γῆν ὁ ἀποστέλλων πρὸς πάντα τὰ ἔθνη,
13
σὺ δὲ εἶπας τῇ διανοίᾳ σου Εἰς τὸν οὐρανὸν ἀναβήσομαι, ἐπάνω τῶν ἀστέρων τοῦ οὐρανοῦ θήσω τὸν θρόνον μου, καθιῶ ἐν ὄρει ὑψηλῷ ἐπὶ τὰ ὄρη τὰ ὑψηλὰ τὰ πρὸς βορρᾶν,
14
ἀναβήσομαι ἐπάνω τῶν νεφῶν, ἔσομαι ὅμοιος τῷ ὑψίστῳ.
15
νῦν δὲ εἰς ᾅδην καταβήσῃ καὶ εἰς τὰ θεμέλια τῆς γῆς.
16
οἱ ἰδόντες σε θαυμάσονται ἐπὶ σοὶ καὶ ἐροῦσιν Οὗτος ὁ ἄνθρωπος ὁ παροξύνων τὴν γῆν, σείων βασιλεῖς,
17
ὁ θεὶς τὴν οἰκουμένην ὅλην ἔρημον, καὶ τὰς πόλεις αὐτοῦ καθεῖλεν, τοὺς ἐν ἐπαγωγῇ οὐκ ἔλυσεν.
18
πάντες οἱ βασιλεῖς τῶν ἐθνῶν ἐκοιμήθησαν ἐν τιμῇ, ἄνθρωπος ἐν τῷ οἴκῳ αὐτοῦ·
19
σὺ δὲ ῥιφήσῃ ἐν τοῖς ὄρεσιν, ὡς νεκρὸς ἐβδελυγμένος, μετὰ πολλῶν τεθνηκότων ἐκκεκεντημένων μαχαίραις καταβαινόντων εἰς ᾅδου. ὃν τρόπον ἱμάτιον ἐν αἵματι πεφυρμένον οὐκ ἔσται καθαρόν,
20
οὕτως οὐδὲ σὺ ἔσῃ καθαρός, διότι τὴν γῆν μου ἀπώλεσας καὶ τὸν λαόν μου ἀπέκτεινας· οὐ μὴ μείνῃς εἰς τὸν αἰῶνα χρόνον, σπέρμα πονηρόν.
21
ἑτοίμασον τὰ τέκνα σου σφαγῆναι ταῖς ἁμαρτίαις τοῦ πατρὸς αὐτῶν, ἵνα μὴ ἀναστῶσιν καὶ τὴν γῆν κληρονομήσωσιν καὶ ἐμπλήσωσι τὴν γῆν πολέμων.
22
καὶ ἐπαναστήσομαι αὐτοῖς, λέγει Κύριος σαβαώθ, καὶ ἀπολῶ αὐτῶν ὄνομα καὶ κατάλιμμα καὶ σπέρμα· τάδε λέγει Κύριος.
23
καὶ Θήσω τὴν Βαβυλωνίαν ἔρημον ὥστε κατοικεῖν ἐχίνους, καὶ ἔσται εἰς οὐδέν· καὶ θήσω αὐτήν πηλοῦ βάραθρον εἰς ἀπώλειαν.
24
Τάδε λέγει Κύριος σαβαώθ Ὃν τρόπον εἴρηκα οὕτως ἔσται, καὶ ὃν τρόπον βεβούλευμαι οὕτως μενεῖ,
25
τοῦ ἀπολέσαι τοὺς Ἀσσυρίοις ἐπὶ τῆς γῆς τῆς ἐμῆς καὶ ἐπὶ τῶν ὀρέων μου· καὶ ἔσονται εἰς κατατάτημα, καὶ ἀφαιρεθήσεται ἀπʼ αὐτῶν ὁ ζυγὸς αὐτῶν, καὶ τὸ κῦδος αὐτῶν ἀπὸ τῶν ὤμων ἀφαιρεθήσεται.
26
αὕτη ἡ βουλὴ ἣν βεβούλευται Κύριος ἐπὶ τὴν οἰκουμένην ὅλην, καὶ αὕτη ἡ χεὶρ ἡ ὑψηλὴ ἐπὶ πάντα τὰ ἔθνη.
27
ἃ γὰρ ὁ θεὸς ὁ ἅγιος βεβούλευται, τίς διασκεδάσει; καὶ τὴν χεῖρα αὐτοῦ τὴν ὑψηλὴν τίς ἀποστρέψει;
28
Τοῦ ἔτους οὗ ἀπέθανεν ὁ βασιλεὺς Ἀχὰζ ἐγενήθη τὸ ῥῆμα τοῦτο.
29
Μὴ εὐφρανθείητε, πάντες οἱ ἀλλόφυλοι, συνετρίβη γὰρ ὁ ζυγὸς τοῦ παίοντος ὑμᾶς· ἐκ γὰρ σπέρματος ὄφεως ἐξελεύσεται ἔκγονα ἀσπίδων, καὶ τὰ ἔκγονα αὐτῶν ἐξελεύσονται ὄφεις πετάμενοι.
30
καὶ βοσκηθήσονται πτωχοὶ δι᾿ αὐτοῦ· πτωχοὶ δὲ ἄνθρωποι ἐπὶ εἰρήνης ἀναπαύσονται· ἀνελεῖ δὲ λιμῷ τὸ σπέρμα σου, καὶ τὸ κατάλειμμά σου ἀυελεῖ.
31
ὀλολύξατε, πύλαι πόλεαων, κεκραγέτωσαν πόλεις τεταραγμέναι, οἱ ἀλλόφυλοι πάντες, ὅτι ἀπὸ βορρᾶ καπνὸς ἔρχεται, καὶ οὐκ ἔστιν τοῦ εἶναι.
32
καὶ τί ἀποκριθήσονται βασιλεῖς ἐθνῶν; ὅτι Κύριος ἐθεμελίωσεν Σειών, καὶ δι᾿ αὐτοῦ σωθήσονται οἱ ταπεινοὶ τοῦ λαοῦ.
Click or tap any word for its parse and dictionary entry. ← and → move between chapters.
Text: Swete, The Old Testament in Greek (Cambridge, 1896–1905), public domain, supplied by Open Greek and Latin (CC BY-SA 4.0). The morphological analysis on this page was generated by Ancient Bible using odyCy and has not been checked by a human editor. Dictionary: Abbott-Smith; Liddell-Scott-Jones via STEP Bible (CC BY 4.0).
The words of this chapter
178 distinct words — each links to every other place it occurs.
ὁthe/this/who107καίand49σύyou23αὐτόςit/s/he20εἰςtoward12ἐπίupon/to/against11γῆearth: planet11εἰμίto be10πᾶςall9κύριοςlord: God8ἔθνοςGentiles8ὅςwhich8λέγωto say7ἐνin/on/among7οὗτοςthis/he/she/it6βασιλεύςking6οὐno6δέthen6ἀναπαύωto give rest5ἀπόaway from5πρόςto/with4ζυγόςyoke/scales4ἐγώI/we4ὄροςmountain4ὑψηλόςhigh4σπέρμαseed: offspring4θυμόςwrath3ἀναβαίνωto ascend3ἡμεῖςwe3ἐκout from3οὐρανόςheaven3τίθημιto place3ἄνθρωποςa human3τρόποςway3οὕτωςthus(-ly)3μήnot3βουλεύωto plan3γάρfor3τιςone3ἸακώβJacob2προστίθημιto add (to)2οἶκοςhouse: home2κυριεύωto lord over2ΒαβυλώνBabylon2πῶςhow?!2πληγήplague/blow/wound2παίωto strike2μετάwith/after2εὐφροσύνηjoy2λίβανοςfrankincense2θρόνοςthrone2ἀποκρίνωto answer2καταβαίνωto come/go down2ᾍδηςhell: Hades2πολύςmuch2ἐπάνωabove2βορρᾶςthe north2σείωto shake2οἰκουμένηworld2ὅλοςall2ἔρημοςdeserted2πόλιςcity2καθαρόςclean2λαόςa people2σαβαώθhosts2ὅδεthis2ἀφαιρέωto remove2χείρhand2ἀλλόφυλοςforeign2ὄφιςsnake2ἐξέρχομαιto go out2ἔκγονοςdescendant2πτωχόςpoor2διάthrough/because of2ὅτιthat/since: that2ἔτιstillἸσραήλIsraelλαμβάνωto takeτόποςplaceκατακληρονομέωto allotπληθύνωto multiplyδοῦλοςslaveδούληfemale slaveαἰχμάλωτοςcaptiveαἰχμαλωτεύωto take captiveἡμέραdayἐκεῖνοςthatὀδύνηanguishδουλείαslaveryσκληρόςhardθρῆνοςlamentationἐρῶto sayἐπισπουδαστήςa taskmasterἁμαρτωλόςsinfulἄρχωνrulerπατάσσωto strikeφείδομαιto spareπείθωto persuadeβοάωto cry outξύλονwoodκέδροςKidronκόπτωto cut/mournκάτωθενfrom belowπικραίνωto embitterσυναντάωto meetἄρχωbe firstἐγείρωto ariseὥσπερjust asδόξαgloryὑποκάτωunderσῆψιςputrefactionκατακάλυμμαan overcoveringσκώληξwormἐκπίπτωto fall outἑωσφόροςmorning starπρωΐearlyἀνατέλλωto riseἀποστέλλωto sendδιάνοιαmindἀστήρstarνέφοςcloudὅμοιοςlikeνῦνnowὁράωto see: seeθαυμάζωto marvelπαροξύνωto provokeκαθαιρέωto take downἐπαγωγήan invasionλύωto looseτιμήhonorὡςas/whenνεκρόςdeadμάχαιραswordἱμάτιονclothingαἷμαbloodοὐδέnorδιότιbecauseαἰώνan age: ageχρόνοςtimeπονηρόςevil/badἑτοιμάζωto make readyτέκνονchildἁμαρτίαsinπατήρfatherἵναin order that/toἀνίστημιto ariseκληρονομέωto inheritπόλεμοςwarὄνομαnameὥστεsoκατοικέωto dwellοὐδείςnoneπηλόςclayβάραθρονa pitἀπώλειαdestructionμένωto stayἐμόςmineκῦδοςdignityὦμοςshoulderβουλήplanθεόςGodἅγιοςholyἀποστρέφωto turn awayἔτοςyearἀποθνήσκωto dieἈχάζAhazγίγνομαιbe bornῥῆμαdeclarationἀσπίςaspεἰρήνηpeaceἀναιρέωto killλιμόςhungerκατάλειμμαremnantπύληgateκαπνόςsmokeἔρχομαιto come/goθεμελιόωto foundταπεινόςlowly