Genesis 49 in the Hebrew of the Westminster Leningrad Codex. Genesis is one of the five books of the Torah.
1
וַיִּקְרָ֥א יַעֲקֹ֖ב אֶל־בָּנָ֑יו וַיֹּ֗אמֶר הֵאָֽסְפוּ֙ וְאַגִּ֣ידָה לָכֶ֔ם אֵ֛ת אֲשֶׁר־יִקְרָ֥א אֶתְכֶ֖ם בְּאַחֲרִ֥ית הַיָּמִֽים׃
2
הִקָּבְצ֥וּ וְשִׁמְע֖וּ בְּנֵ֣י יַעֲקֹ֑ב וְשִׁמְע֖וּ אֶל־יִשְׂרָאֵ֥ל אֲבִיכֶֽם׃
3
רְאוּבֵן֙ בְּכֹ֣רִי אַ֔תָּה כֹּחִ֖י וְרֵאשִׁ֣ית אוֹנִ֑י יֶ֥תֶר שְׂאֵ֖ת וְיֶ֥תֶר עָֽז׃
4
פַּ֤חַז כַּמַּ֨יִם֙ אַל־תּוֹתַ֔ר כִּ֥י עָלִ֖יתָ מִשְׁכְּבֵ֣י אָבִ֑יךָ אָ֥ז חִלַּ֖לְתָּ יְצוּעִ֥י עָלָֽה׃
5
שִׁמְע֥וֹן וְלֵוִ֖י אַחִ֑ים כְּלֵ֥י חָמָ֖ס מְכֵרֹתֵיהֶֽם׃
6
בְּסֹדָם֙ אַל־תָּבֹ֣א נַפְשִׁ֔י בִּקְהָלָ֖ם אַל־תֵּחַ֣ד כְּבֹדִ֑י כִּ֤י בְאַפָּם֙ הָ֣רְגוּ אִ֔ישׁ וּבִרְצֹנָ֖ם עִקְּרוּ־שֽׁוֹר׃
7
אָר֤וּר אַפָּם֙ כִּ֣י עָ֔ז וְעֶבְרָתָ֖ם כִּ֣י קָשָׁ֑תָה אֲחַלְּקֵ֣ם בְּיַעֲקֹ֔ב וַאֲפִיצֵ֖ם בְּיִשְׂרָאֵֽל׃
8
יְהוּדָ֗ה אַתָּה֙ יוֹד֣וּךָ אַחֶ֔יךָ יָדְךָ֖ בְּעֹ֣רֶף אֹיְבֶ֑יךָ יִשְׁתַּחֲוּ֥וּ לְךָ֖ בְּנֵ֥י אָבִֽיךָ׃
9
גּ֤וּר אַרְיֵה֙ יְהוּדָ֔ה מִטֶּ֖רֶף בְּנִ֣י עָלִ֑יתָ כָּרַ֨ע רָבַ֧ץ כְּאַרְיֵ֛ה וּכְלָבִ֖יא מִ֥י יְקִימֶֽנּוּ׃
10
לֹֽא־יָס֥וּר שֵׁ֨בֶט֙ מִֽיהוּדָ֔ה וּמְחֹקֵ֖ק מִבֵּ֣ין רַגְלָ֑יו עַ֚ד כִּֽי־יָבֹ֣א שִׁיל֔וֹ וְל֖וֹ יִקְּהַ֥ת עַמִּֽים׃
11
אֹסְרִ֤י לַגֶּ֨פֶן֙ עִיר֔וֹ וְלַשֹּׂרֵקָ֖ה בְּנִ֣י אֲתֹנ֑וֹ כִּבֵּ֤ס בַּיַּ֨יִן֙ לְבֻשׁ֔וֹ וּבְדַם־עֲנָבִ֖ים סוּתֽוֹ׃
12
חַכְלִילִ֥י עֵינַ֖יִם מִיָּ֑יִן וּלְבֶן־שִׁנַּ֖יִם מֵחָלָֽב׃
13
זְבוּלֻ֕ן לְח֥וֹף יַמִּ֖ים יִשְׁכֹּ֑ן וְהוּא֙ לְח֣וֹף אֳנִיּ֔וֹת וְיַרְכָת֖וֹ עַל־צִידֹֽן׃
14
יִשָּׂשכָ֖ר חֲמֹ֣ר גָּ֑רֶם רֹבֵ֖ץ בֵּ֥ין הַֽמִּשְׁפְּתָֽיִם׃
15
וַיַּ֤רְא מְנֻחָה֙ כִּ֣י ט֔וֹב וְאֶת־הָאָ֖רֶץ כִּ֣י נָעֵ֑מָה וַיֵּ֤ט שִׁכְמוֹ֙ לִסְבֹּ֔ל וַיְהִ֖י לְמַס־עֹבֵֽד׃
16
דָּ֖ן יָדִ֣ין עַמּ֑וֹ כְּאַחַ֖ד שִׁבְטֵ֥י יִשְׂרָאֵֽל׃
17
יְהִי־דָן֙ נָחָ֣שׁ עֲלֵי־דֶ֔רֶךְ שְׁפִיפֹ֖ן עֲלֵי־אֹ֑רַח הַנֹּשֵׁךְ֙ עִקְּבֵי־ס֔וּס וַיִּפֹּ֥ל רֹכְב֖וֹ אָחֽוֹר׃
18
לִֽישׁוּעָתְךָ֖ קִוִּ֥יתִי יְהוָֽה׃
19
גָּ֖ד גְּד֣וּד יְגוּדֶ֑נּוּ וְה֖וּא יָגֻ֥ד עָקֵֽב׃
20
מֵאָשֵׁ֖ר שְׁמֵנָ֣ה לַחְמ֑וֹ וְה֥וּא יִתֵּ֖ן מַֽעֲדַנֵּי־מֶֽלֶךְ׃
21
נַפְתָּלִ֖י אַיָּלָ֣ה שְׁלֻחָ֑ה הַנֹּתֵ֖ן אִמְרֵי־שָֽׁפֶר׃
22
בֵּ֤ן פֹּרָת֙ יוֹסֵ֔ף בֵּ֥ן פֹּרָ֖ת עֲלֵי־עָ֑יִן בָּנ֕וֹת צָעֲדָ֖ה עֲלֵי־שֽׁוּר׃
23
וַֽיְמָרֲרֻ֖הוּ וָרֹ֑בּוּ וַֽיִּשְׂטְמֻ֖הוּ בַּעֲלֵ֥י חִצִּֽים׃
24
וַתֵּ֤שֶׁב בְּאֵיתָן֙ קַשְׁתּ֔וֹ וַיָּפֹ֖זּוּ זְרֹעֵ֣י יָדָ֑יו מִידֵי֙ אֲבִ֣יר יַעֲקֹ֔ב מִשָּׁ֥ם רֹעֶ֖ה אֶ֥בֶן יִשְׂרָאֵֽל׃
25
מֵאֵ֨ל אָבִ֜יךָ וְיַעְזְרֶ֗ךָּ וְאֵ֤ת שַׁדַּי֙ וִיבָ֣רְכֶ֔ךָּ בִּרְכֹ֤ת שָׁמַ֨יִם֙ מֵעָ֔ל בִּרְכֹ֥ת תְּה֖וֹם רֹבֶ֣צֶת תָּ֑חַת בִּרְכֹ֥ת שָׁדַ֖יִם וָרָֽחַם׃
26
בִּרְכֹ֣ת אָבִ֗יךָ גָּֽבְרוּ֙ עַל־בִּרְכֹ֣ת הוֹרַ֔י עַֽד־תַּאֲוַ֖ת גִּבְעֹ֣ת עוֹלָ֑ם תִּֽהְיֶ֨ין֙ לְרֹ֣אשׁ יוֹסֵ֔ף וּלְקָדְקֹ֖ד נְזִ֥יר אֶחָֽיו׃
27
בִּנְיָמִין֙ זְאֵ֣ב יִטְרָ֔ף בַּבֹּ֖קֶר יֹ֣אכַל עַ֑ד וְלָעֶ֖רֶב יְחַלֵּ֥ק שָׁלָֽל׃
28
כָּל־אֵ֛לֶּה שִׁבְטֵ֥י יִשְׂרָאֵ֖ל שְׁנֵ֣ים עָשָׂ֑ר וְ֠זֹאת אֲשֶׁר־דִּבֶּ֨ר לָהֶ֤ם אֲבִיהֶם֙ וַיְבָ֣רֶךְ אוֹתָ֔ם אִ֛ישׁ אֲשֶׁ֥ר כְּבִרְכָת֖וֹ בֵּרַ֥ךְ אֹתָֽם׃
29
וַיְצַ֣ו אוֹתָ֗ם וַיֹּ֤אמֶר אֲלֵהֶם֙ אֲנִי֙ נֶאֱסָ֣ף אֶל־עַמִּ֔י קִבְר֥וּ אֹתִ֖י אֶל־אֲבֹתָ֑י אֶל־הַ֨מְּעָרָ֔ה אֲשֶׁ֥ר בִּשְׂדֵ֖ה עֶפְר֥וֹן הַֽחִתִּֽי׃
30
בַּמְּעָרָ֞ה אֲשֶׁ֨ר בִּשְׂדֵ֧ה הַמַּכְפֵּלָ֛ה אֲשֶׁ֥ר עַל־פְּנֵי־מַמְרֵ֖א בְּאֶ֣רֶץ כְּנָ֑עַן אֲשֶׁר֩ קָנָ֨ה אַבְרָהָ֜ם אֶת־הַשָּׂדֶ֗ה מֵאֵ֛ת עֶפְרֹ֥ן הַחִתִּ֖י לַאֲחֻזַּת־קָֽבֶר׃
31
שָׁ֣מָּה קָֽבְר֞וּ אֶת־אַבְרָהָ֗ם וְאֵת֙ שָׂרָ֣ה אִשְׁתּ֔וֹ שָׁ֚מָּה קָבְר֣וּ אֶת־יִצְחָ֔ק וְאֵ֖ת רִבְקָ֣ה אִשְׁתּ֑וֹ וְשָׁ֥מָּה קָבַ֖רְתִּי אֶת־לֵאָֽה׃
32
מִקְנֵ֧ה הַשָּׂדֶ֛ה וְהַמְּעָרָ֥ה אֲשֶׁר־בּ֖וֹ מֵאֵ֥ת בְּנֵי־חֵֽת׃
33
וַיְכַ֤ל יַעֲקֹב֙ לְצַוֺּ֣ת אֶת־בָּנָ֔יו וַיֶּאֱסֹ֥ף רַגְלָ֖יו אֶל־הַמִּטָּ֑ה וַיִּגְוַ֖ע וַיֵּאָ֥סֶף אֶל־עַמָּֽיו׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
231 distinct words — each links to every other place it occurs.
אֵתmark of the accusative14בֵּןson9אֶלmotion to8אֲשֶׁרwho8עַלabove8אָבfather7כִּיthat7בְּרָכָהblessing6יַעֲקֹבJacob5יִשְׂרָאֵלIsrael5אָסַףgather4שָׁםthere4קָבַרbury4שָׂדֶהfield4אַלnot3עָלָהgo up3אָחbrother3יְהוּדָהJudah3יָדhand3רָבַץstretch oneself out3שֵׁ֫בֶטrod3הוּאhe3הָיָהfall out3אֵתwith3בָּרַךְkneel3מְעָרָהcave3אָמַרutter2שָׁמַעhear2אַתָּ֫הthou2יֶ֫תֶרremainder2עַזstrong2בּוֹאcome in2אַףnostril2אִישׁman2חָלַקdivide2אַרְיֵהlion2בֵּיןinterval2רֶ֫גֶלfoot2עַדas far as2עַםpeople2יַ֫יִןwine2חוֹףshore2אֶ֫רֶץearth2דָּןDaniel2עָקֵבheel2גּוּדinvade2נָתַןgive2פָּרָהbear fruit2יוֹסֵףJoseph2צָוָהlay charge2עַםkinsman2עֶפְרוֹןEphron2חִתִּיHittite2אַבְרָהָםAbraham2אִשָּׁהwoman2קָרָאcallנָגַדbe conspicuousקָרָאencounterאַחֲרִיתafter-partיוֹםdayקָבַץgatherרְאוּבֵןReubenבְּכוֹרfirst-bornכֹּחַstrengthרֵאשִׁיתbeginningאוֹןvigourשְׂאֵתexaltationפַּ֫חַזwantonnessמַיwatersיָתַרremain overמִשְׁכָּבplace of lyingאָזat that timeחָלַלpolluteיָצוּעַcouchשִׁמְעוֹןSimeonלֵוִיLeviכְּלִיarticleחָמָסviolenceמְכֵרָהswordסוֹדcouncilנֶ֫פֶשׁsoulקָהָלassemblyיָחַדbe unitedכָּבוֹדabundanceהָרַגkillרָצוֹןgoodwillעִקֵּרhamstringשׁוֹרa head of cattleאָרַרcurseעֶבְרָהoverflowקָשָׁהbe hardפּוּץbe dispersedיָדָהthrowעֹ֫רֶףback of neckאָיַבbe hostile toשָׁחָהbow downגּוּרwhelpטֶ֫רֶףpreyכָּרַעbow downלָבִיאlionמִיwho?קוּםariseלֹאnotסוּרturn asideחָקַקcut inשִׁילֹהShilohיִקְּהָהobedienceאָסַרtieגֶּ֫פֶןvineעַ֫יִרmale assשֹׂרֵקָהvineאָתוֹןshe-assכָּבַסtreadלְבוּשׁgarmentדָּםbloodעֵנָבgrapeסוּתvestureחַכְלִילִיdarkעַ֫יִןeyeלָבָןwhiteשֵׁןtoothחָלָבmilkזְבוּלֻןZebulunיָםseaשָׁכַןsettle downאֳנִיָּהa shipיַרְכָהflankצִידוֹןSidonיִשָּׂשכָרIssacharחֲמוֹר(he)-assגֶּ֫רֶםboneמִשְׁפְּתַ֫יִםfire-placesרָאָהseeמְנוּחָהresting-placeטוֹבpleasantנָעֵםbe pleasantנָטָהstretch outשְׁכֶםshoulderסָבַלbear a heavy loadמַסbody of forced labourersעָבַדworkדִּיןjudgeאֶחָדoneנָחָשׁserpentדֶּ֫רֶךְwayשְׁפִיפֹןhorned snakeאֹ֫רַחwayנָשַׁךְbiteסוּסhorseנָפַלfallרָכַבmount and rideאָחוֹרthe hinder sideיְשׁוּעָהsalvationקָוָהwait forיהוהJehovahגָּדGadגְּדוּדbandאָשֵׁרAsherשָׁמֵןfatלֶ֫חֶםbreadמַעֲדָןdaintyמֶ֫לֶךְkingנַפְתָּלִיNaphtaliאַיָּלָהhindשָׁלַחsendאֵמֶרutteranceשֶׁ֫פֶרbeautyעַ֫יִןspringבַּתdaughterצָעַדstepשׁוּרwallמָרַרbe bitterרָבַבshootשָׂטַםbear a grudgeבַּעַלownerחֵץarrowיָשַׁבsitאֵיתָןperennialקֶ֫שֶׁתbowפָּזַזbe suppleזְרוֹעַarmאָבִירstrongרָעָהpastureאֶ֫בֶןstoneאֵלgodעָזַרhelpשַׁדַּיsufficientשָׁמַיִםheavensתְּהוֹםdeepתַּחַתthe under partשַׁדbreastרַחַםwombגָּבַרbe strongהָרָהconceiveתַּאֲוָהboundaryגִּבְעָהhillעוֹלָםlong durationרֹאשׁheadקׇדְקֹדheadנָזִירone consecratedבִּנְיָמִיןBenjaminזְאֵבwolfטָרַףtearבֹּ֫קֶרmorningאָכַלeatעַדbootyעֶ֫רֶבsetשָׁלָלpreyכֹּלthe wholeאֵ֫לֶּהtheseשְׁנַ֫יִםtwoעָשָׂרtenזֹאתthisדָבַרspeakאֲנִיIמַכְפֵּלָהMachpelahפָּנֶהfaceמַמְרֵאMamreכְּנַ֫עַןCanaanקָנָהgetאֲחֻזָּהpossessionקֶ֫בֶרgraveשָׂרָהSarahיִצְחָקIsaacרִבְקָהRebekahלֵאָהLeahמִקְנֶהcattleחֵתHethכָּלָהbe completeמִטָּהcouchגָּוַעexpire