Genesis 25 in Hebrew – The Ancient Bible

Ancient Bible › Old Testament › Genesis › 25

Genesis 25 in the Hebrew of the Westminster Leningrad Codex. Genesis is one of the five books of the Torah.

Hebrew · Torah

Genesis 25

Westminster Leningrad Codex · every word parsed

1
וַיֹּ֧סֶף אַבְרָהָ֛ם וַיִּקַּ֥ח אִשָּׁ֖ה וּשְׁמָ֥הּ קְטוּרָֽה׃ 
2
וַתֵּ֣לֶד ל֗וֹ אֶת־זִמְרָן֙ וְאֶת־יָקְשָׁ֔ן וְאֶת־מְדָ֖ן וְאֶת־מִדְיָ֑ן וְאֶת־יִשְׁבָּ֖ק וְאֶת־שֽׁוּחַ׃ 
3
וְיָקְשָׁ֣ן יָלַ֔ד אֶת־שְׁבָ֖א וְאֶת־דְּדָ֑ן וּבְנֵ֣י דְדָ֔ן הָי֛וּ אַשּׁוּרִ֥ם וּלְטוּשִׁ֖ים וּלְאֻמִּֽים׃ 
4
וּבְנֵ֣י מִדְיָ֗ן עֵיפָ֤ה וָעֵ֨פֶר֙ וַחֲנֹ֔ךְ וַאֲבִידָ֖ע וְאֶלְדָּעָ֑ה כָּל־אֵ֖לֶּה בְּנֵ֥י קְטוּרָֽה׃ 
5
וַיִּתֵּ֧ן אַבְרָהָ֛ם אֶת־כָּל־אֲשֶׁר־ל֖וֹ לְיִצְחָֽק׃ 
6
וְלִבְנֵ֤י הַפִּֽילַגְשִׁים֙ אֲשֶׁ֣ר לְאַבְרָהָ֔ם נָתַ֥ן אַבְרָהָ֖ם מַתָּנֹ֑ת וַֽיְשַׁלְּחֵ֞ם מֵעַ֨ל יִצְחָ֤ק בְּנוֹ֙ בְּעוֹדֶ֣נּוּ חַ֔י קֵ֖דְמָה אֶל־אֶ֥רֶץ קֶֽדֶם׃ 
7
וְאֵ֗לֶּה יְמֵ֛י שְׁנֵֽי־חַיֵּ֥י אַבְרָהָ֖ם אֲשֶׁר־חָ֑י מְאַ֥ת שָׁנָ֛ה וְשִׁבְעִ֥ים שָׁנָ֖ה וְחָמֵ֥שׁ שָׁנִֽים׃ 
8
וַיִּגְוַ֨ע וַיָּ֧מָת אַבְרָהָ֛ם בְּשֵׂיבָ֥ה טוֹבָ֖ה זָקֵ֣ן וְשָׂבֵ֑עַ וַיֵּאָ֖סֶף אֶל־עַמָּֽיו׃ 
9
וַיִּקְבְּר֨וּ אֹת֜וֹ יִצְחָ֤ק וְיִשְׁמָעֵאל֙ בָּנָ֔יו אֶל־מְעָרַ֖ת הַמַּכְפֵּלָ֑ה אֶל־שְׂדֵ֞ה עֶפְרֹ֤ן בֶּן־צֹ֨חַר֙ הַֽחִתִּ֔י אֲשֶׁ֖ר עַל־פְּנֵ֥י מַמְרֵֽא׃ 
10
הַשָּׂדֶ֛ה אֲשֶׁר־קָנָ֥ה אַבְרָהָ֖ם מֵאֵ֣ת בְּנֵי־חֵ֑ת שָׁ֛מָּה קֻבַּ֥ר אַבְרָהָ֖ם וְשָׂרָ֥ה אִשְׁתּֽוֹ׃ 
11
וַיְהִ֗י אַחֲרֵי֙ מ֣וֹת אַבְרָהָ֔ם וַיְבָ֥רֶךְ אֱלֹהִ֖ים אֶת־יִצְחָ֣ק בְּנ֑וֹ וַיֵּ֣שֶׁב יִצְחָ֔ק עִם־בְּאֵ֥ר לַחַ֖י רֹאִֽי׃ 
12
וְאֵ֛לֶּה תֹּלְדֹ֥ת יִשְׁמָעֵ֖אל בֶּן־אַבְרָהָ֑ם אֲשֶׁ֨ר יָלְדָ֜ה הָגָ֧ר הַמִּצְרִ֛ית שִׁפְחַ֥ת שָׂרָ֖ה לְאַבְרָהָֽם׃ 
13
וְאֵ֗לֶּה שְׁמוֹת֙ בְּנֵ֣י יִשְׁמָעֵ֔אל בִּשְׁמֹתָ֖ם לְתוֹלְדֹתָ֑ם בְּכֹ֤ר יִשְׁמָעֵאל֙ נְבָיֹ֔ת וְקֵדָ֥ר וְאַדְבְּאֵ֖ל וּמִבְשָֽׂם׃ 
14
וּמִשְׁמָ֥ע וְדוּמָ֖ה וּמַשָּֽׂא׃ 
15
חֲדַ֣ד וְתֵימָ֔א יְט֥וּר נָפִ֖ישׁ וָקֵֽדְמָה׃ 
16
אֵ֣לֶּה הֵ֞ם בְּנֵ֤י יִשְׁמָעֵאל֙ וְאֵ֣לֶּה שְׁמֹתָ֔ם בְּחַצְרֵיהֶ֖ם וּבְטִֽירֹתָ֑ם שְׁנֵים־עָשָׂ֥ר נְשִׂיאִ֖ם לְאֻמֹּתָֽם׃ 
17
וְאֵ֗לֶּה שְׁנֵי֙ חַיֵּ֣י יִשְׁמָעֵ֔אל מְאַ֥ת שָׁנָ֛ה וּשְׁלֹשִׁ֥ים שָׁנָ֖ה וְשֶׁ֣בַע שָׁנִ֑ים וַיִּגְוַ֣ע וַיָּ֔מָת וַיֵּאָ֖סֶף אֶל־עַמָּֽיו׃ 
18
וַיִּשְׁכְּנ֨וּ מֵֽחֲוִילָ֜ה עַד־שׁ֗וּר אֲשֶׁר֙ עַל־פְּנֵ֣י מִצְרַ֔יִם בֹּאֲכָ֖ה אַשּׁ֑וּרָה עַל־פְּנֵ֥י כָל־אֶחָ֖יו נָפָֽל׃ 
19
וְאֵ֛לֶּה תּוֹלְדֹ֥ת יִצְחָ֖ק בֶּן־אַבְרָהָ֑ם אַבְרָהָ֖ם הוֹלִ֥יד אֶת־יִצְחָֽק׃ 
20
וַיְהִ֤י יִצְחָק֙ בֶּן־אַרְבָּעִ֣ים שָׁנָ֔ה בְּקַחְתּ֣וֹ אֶת־רִבְקָ֗ה בַּת־בְּתוּאֵל֙ הָֽאֲרַמִּ֔י מִפַּדַּ֖ן אֲרָ֑ם אֲח֛וֹת לָבָ֥ן הָאֲרַמִּ֖י ל֥וֹ לְאִשָּֽׁה׃ 
21
וַיֶּעְתַּ֨ר יִצְחָ֤ק לַֽיהוָה֙ לְנֹ֣כַח אִשְׁתּ֔וֹ כִּ֥י עֲקָרָ֖ה הִ֑וא וַיֵּעָ֤תֶר לוֹ֙ יְהוָ֔ה וַתַּ֖הַר רִבְקָ֥ה אִשְׁתּֽוֹ׃ 
22
וַיִּתְרֹֽצֲצ֤וּ הַבָּנִים֙ בְּקִרְבָּ֔הּ וַתֹּ֣אמֶר אִם־כֵּ֔ן לָ֥מָּה זֶּ֖ה אָנֹ֑כִי וַתֵּ֖לֶךְ לִדְרֹ֥שׁ אֶת־יְהוָֽה׃ 
23
וַיֹּ֨אמֶר יְהוָ֜ה לָ֗הּ שְׁנֵ֤י גוֹיִם֙ בְּבִטְנֵ֔ךְ וּשְׁנֵ֣י לְאֻמִּ֔ים מִמֵּעַ֖יִךְ יִפָּרֵ֑דוּ וּלְאֹם֙ מִלְאֹ֣ם יֶֽאֱמָ֔ץ וְרַ֖ב יַעֲבֹ֥ד צָעִֽיר׃ 
24
וַיִּמְלְא֥וּ יָמֶ֖יהָ לָלֶ֑דֶת וְהִנֵּ֥ה תוֹמִ֖ם בְּבִטְנָֽהּ׃ 
25
וַיֵּצֵ֤א הָרִאשׁוֹן֙ אַדְמוֹנִ֔י כֻּלּ֖וֹ כְּאַדֶּ֣רֶת שֵׂעָ֑ר וַיִּקְרְא֥וּ שְׁמ֖וֹ עֵשָֽׂו׃ 
26
וְאַֽחֲרֵי־כֵ֞ן יָצָ֣א אָחִ֗יו וְיָד֤וֹ אֹחֶ֨זֶת֙ בַּעֲקֵ֣ב עֵשָׂ֔ו וַיִּקְרָ֥א שְׁמ֖וֹ יַעֲקֹ֑ב וְיִצְחָ֛ק בֶּן־שִׁשִּׁ֥ים שָׁנָ֖ה בְּלֶ֥דֶת אֹתָֽם׃ 
27
וַֽיִּגְדְּלוּ֙ הַנְּעָרִ֔ים וַיְהִ֣י עֵשָׂ֗ו אִ֛ישׁ יֹדֵ֥עַ צַ֖יִד אִ֣ישׁ שָׂדֶ֑ה וְיַעֲקֹב֙ אִ֣ישׁ תָּ֔ם יֹשֵׁ֖ב אֹהָלִֽים׃ 
28
וַיֶּאֱהַ֥ב יִצְחָ֛ק אֶת־עֵשָׂ֖ו כִּי־צַ֣יִד בְּפִ֑יו וְרִבְקָ֖ה אֹהֶ֥בֶת אֶֽת־יַעֲקֹֽב׃ 
29
וַיָּ֥זֶד יַעֲקֹ֖ב נָזִ֑יד וַיָּבֹ֥א עֵשָׂ֛ו מִן־הַשָּׂדֶ֖ה וְה֥וּא עָיֵֽף׃ 
30
וַיֹּ֨אמֶר עֵשָׂ֜ו אֶֽל־יַעֲקֹ֗ב הַלְעִיטֵ֤נִי נָא֙ מִן־הָאָדֹ֤ם הָאָדֹם֙ הַזֶּ֔ה כִּ֥י עָיֵ֖ף אָנֹ֑כִי עַל־כֵּ֥ן קָרָֽא־שְׁמ֖וֹ אֱדֽוֹם׃ 
31
וַיֹּ֖אמֶר יַעֲקֹ֑ב מִכְרָ֥ה כַיּ֛וֹם אֶת־בְּכֹֽרָתְךָ֖ לִֽי׃ 
32
וַיֹּ֣אמֶר עֵשָׂ֔ו הִנֵּ֛ה אָנֹכִ֥י הוֹלֵ֖ךְ לָמ֑וּת וְלָמָּה־זֶּ֥ה לִ֖י בְּכֹרָֽה׃ 
33
וַיֹּ֣אמֶר יַעֲקֹ֗ב הִשָּׁ֤בְעָה לִּי֙ כַּיּ֔וֹם וַיִּשָּׁבַ֖ע ל֑וֹ וַיִּמְכֹּ֥ר אֶת־בְּכֹרָת֖וֹ לְיַעֲקֹֽב׃ 
34
וְיַעֲקֹ֞ב נָתַ֣ן לְעֵשָׂ֗ו לֶ֚חֶם וּנְזִ֣יד עֲדָשִׁ֔ים וַיֹּ֣אכַל וַיֵּ֔שְׁתְּ וַיָּ֖קָם וַיֵּלַ֑ךְ וַיִּ֥בֶז עֵשָׂ֖ו אֶת־הַבְּכֹרָֽה׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

189 distinct words — each links to every other place it occurs.

אֵתmark of the accusative20 בֵּןson16 אַבְרָהָםAbraham13 יִצְחָקIsaac11 שָׁנָהyear10 עֵשָׂוEsau9 יַעֲקֹבJacob9 אֵ֫לֶּהthese8 שֵׁםname7 אֲשֶׁרwho7 יָלַדbear6 אֶלmotion to6 יִשְׁמָעֵאלIshmael6 אָמַרutter6 אִשָּׁהwoman5 עַלabove5 הָיָהfall out4 כֹּלthe whole4 יוֹםday4 שָׂדֶהfield4 יהוהJehovah4 בְּכֹרָהright of first-born4 נָתַןgive3 מוּתdie3 פָּנֶהface3 בְּאֵר לַחַי רֹאִיBeer-lahai-roi3 תּוֹלֵדוֹתgenerations3 שְׁנַ֫יִםtwo3 רִבְקָהRebekah3 כִּיthat3 כֵּןso3 זֶהthis3 אָֽנֹכִ֫יI3 לְאֹםpeople3 קָרָאcall3 אִישׁman3 לָקַחtake2 קְטוּרָהKeturah2 יׇקְשָׁןJokshan2 מִדְיָןMidian2 דְּדָןDedan2 חַיִּיםlife2 מֵאָהhundred2 גָּוַעexpire2 אָסַףgather2 עַםkinsman2 קָבַרbury2 שָׂרָהSarah2 אַחַרthe hinder2 יָשַׁבsit2 בּוֹאcome in2 אָחbrother2 אֲרַמִּיAramæan2 פַּדָּןPadan2 עָתַרpray2 הוּאhe2 מָהwhat?2 יָלַךְgo2 בֶּ֫טֶןbelly2 הִנֵּהlo!2 יָצָאgo out2 צַ֫יִדhunting2 אָהֵבlove2 נָזִידthing sodden2 מִן־out of2 עָיֵףfaint2 אֱדֹםrosy2 מָכַרsell2 שָׁבַעswear2 יָסַףadd זִמְרָןZimran מְדָןMedan יִשְׁבָּקIshbak שׁוּחַShuah שְׁבָאSheba אַשּׁוּרִםAsshurim לְטוּשִׁםLetushim לְאֻמִּ֑יםLeummim עֵיפָהEphah עֵ֫פֶרEpher חֲנוֹךְEnoch אֲבִידָעAbida אֶלְדָּעָהEldaah פִּלֶ֫גֶשׁconcubine מַתָּנָהgift שָׁלַחsend עוֹדa going round חַיalive קֵ֫דֶםeastward אֶ֫רֶץearth קֶ֫דֶםfront חָיַיlive שִׁבְעִיםseventy חָמֵשׁfive שֵׂיבָהhoary head טוֹבpleasant זָקֵןold שָׂבֵעַsated מְעָרָהcave מַכְפֵּלָהMachpelah עֶפְרוֹןEphron צֹ֫חַרZohar חִתִּיHittite מַמְרֵאMamre קָנָהget אֵתwith חֵתHeth שָׁםthere מָ֫וֶתdeath בָּרַךְkneel אֱלֹהִיםgods עִםwith הָגָרHagar מִצְרִיEgyptian שִׁפְחָהmaid בְּכוֹרfirst-born נְבָיוֹתNebaioth קֵדָרKedar אַדְבְּאֵלAdbeel מִבְשָׂםMibsam מִשְׁמָעMishma דּוּמָהDumah מַשָּׂאMassa חֲדַדHadad תֵּימָאTema יְטוּרJetur נָפִישׁNaphish קֵ֑דְמָהKedemah הֵ֫מָּהthey חָצֵרsettled abode טִירָהencampment עָשָׂרten נָשִׂיאone lifted up אֻמָּהtribe שְׁלֹשִׁיםthirty שֶׁ֫בַעseven שָׁכַןsettle down חֲוִילָהHavilah עַדas far as שׁוּרShur מִצְרַ֫יִםEgypt אַשּׁוּרAsshur נָפַלfall אַרְבָּעִיםforty בַּתdaughter בְּתוּאֵלBethuel אָחוֹתsister לָבָןLaban נֹ֫כַחfront עָקָרbarren הָרָהconceive רָצַץcrush קֶ֫רֶבinward part אִםif דָּרַשׁresort to גּוֹיnation מֵעֶהinternal organs פָּרַדdivide אָמֵץbe stout רַבmuch עָבַדwork צָעִירlittle מָלֵאbe full תּוֹאָםtwin רִאשׁוֹןformer אַדְמוֹנִיred אַדֶּ֫רֶתglory שֵׂעָרhair יָדhand אָחַזgrasp עָקֵבheel שִׁשִּׁיםsixty גָּדַלgrow up נַ֫עַרboy יָדַעknow תָּםcomplete אֹ֫הֶלtent פֶּהmouth זִידboil up לָעַטswallow נָאI אֱדוֹםEdom הָלַךְgo לֶ֫חֶםbread עֲדָשָׁהlentile אָכַלeat שָׁתָהdrink קוּםarise בָּזָהdespise