Ancient Bible › New Testament › Colossians
Colossians — 4 chapters, every word parsed. The first is below; the rest follow it.
Edition. Nestle 1904.
1
Παῦλος ἀπόστολος Χριστοῦ Ἰησοῦ διὰ θελήματος Θεοῦ καὶ Τιμόθεος ὁ ἀδελφὸς
2
τοῖς ἐν Κολοσσαῖς ἁγίοις καὶ πιστοῖς ἀδελφοῖς ἐν Χριστῷ· χάρις ὑμῖν καὶ εἰρήνη ἀπὸ Θεοῦ Πατρὸς ἡμῶν.
3
Εὐχαριστοῦμεν τῷ Θεῷ Πατρὶ τοῦ Κυρίου ἡμῶν Ἰησοῦ Χριστοῦ πάντοτε περὶ ὑμῶν προσευχόμενοι,
4
ἀκούσαντες τὴν πίστιν ὑμῶν ἐν Χριστῷ Ἰησοῦ καὶ τὴν ἀγάπην ἣν ἔχετε εἰς πάντας τοὺς ἁγίους
5
διὰ τὴν ἐλπίδα τὴν ἀποκειμένην ὑμῖν ἐν τοῖς οὐρανοῖς, ἣν προηκούσατε ἐν τῷ λόγῳ τῆς ἀληθείας τοῦ εὐαγγελίου
6
τοῦ παρόντος εἰς ὑμᾶς, καθὼς καὶ ἐν παντὶ τῷ κόσμῳ ἐστὶν καρποφορούμενον καὶ αὐξανόμενον καθὼς καὶ ἐν ὑμῖν, ἀφ’ ἧς ἡμέρας ἠκούσατε καὶ ἐπέγνωτε τὴν χάριν τοῦ Θεοῦ ἐν ἀληθείᾳ·
7
καθὼς ἐμάθετε ἀπὸ Ἐπαφρᾶ τοῦ ἀγαπητοῦ συνδούλου ἡμῶν, ὅς ἐστιν πιστὸς ὑπὲρ ὑμῶν διάκονος τοῦ Χριστοῦ,
8
ὁ καὶ δηλώσας ἡμῖν τὴν ὑμῶν ἀγάπην ἐν Πνεύματι.
9
Διὰ τοῦτο καὶ ἡμεῖς, ἀφ’ ἧς ἡμέρας ἠκούσαμεν, οὐ παυόμεθα ὑπὲρ ὑμῶν προσευχόμενοι καὶ αἰτούμενοι ἵνα πληρωθῆτε τὴν ἐπίγνωσιν τοῦ θελήματος αὐτοῦ ἐν πάσῃ σοφίᾳ καὶ συνέσει πνευματικῇ,
10
περιπατῆσαι ἀξίως τοῦ Κυρίου εἰς πᾶσαν ἀρεσκείαν, ἐν παντὶ ἔργῳ ἀγαθῷ καρποφοροῦντες καὶ αὐξανόμενοι τῇ ἐπιγνώσει τοῦ Θεοῦ,
11
ἐν πάσῃ δυνάμει δυναμούμενοι κατὰ τὸ κράτος τῆς δόξης αὐτοῦ εἰς πᾶσαν ὑπομονὴν καὶ μακροθυμίαν, μετὰ χαρᾶς
12
εὐχαριστοῦντες τῷ Πατρὶ τῷ ἱκανώσαντι ὑμᾶς εἰς τὴν μερίδα τοῦ κλήρου τῶν ἁγίων ἐν τῷ φωτί·
13
ὃς ἐρύσατο ἡμᾶς ἐκ τῆς ἐξουσίας τοῦ σκότους καὶ μετέστησεν εἰς τὴν βασιλείαν τοῦ Υἱοῦ τῆς ἀγάπης αὐτοῦ,
14
ἐν ᾧ ἔχομεν τὴν ἀπολύτρωσιν, τὴν ἄφεσιν τῶν ἁμαρτιῶν·
15
ὅς ἐστιν εἰκὼν τοῦ Θεοῦ τοῦ ἀοράτου, πρωτότοκος πάσης κτίσεως,
16
ὅτι ἐν αὐτῷ ἐκτίσθη τὰ πάντα ἐν τοῖς οὐρανοῖς καὶ ἐπὶ τῆς γῆς, τὰ ὁρατὰ καὶ τὰ ἀόρατα, εἴτε θρόνοι εἴτε κυριότητες εἴτε ἀρχαὶ εἴτε ἐξουσίαι· τὰ πάντα δι’ αὐτοῦ καὶ εἰς αὐτὸν ἔκτισται·
17
καὶ αὐτός ἐστιν πρὸ πάντων καὶ τὰ πάντα ἐν αὐτῷ συνέστηκεν,
18
καὶ αὐτός ἐστιν ἡ κεφαλὴ τοῦ σώματος, τῆς ἐκκλησίας· ὅς ἐστιν ἀρχή, πρωτότοκος ἐκ τῶν νεκρῶν, ἵνα γένηται ἐν πᾶσιν αὐτὸς πρωτεύων,
19
ὅτι ἐν αὐτῷ εὐδόκησεν πᾶν τὸ πλήρωμα κατοικῆσαι
20
καὶ δι’ αὐτοῦ ἀποκαταλλάξαι τὰ πάντα εἰς αὐτόν, εἰρηνοποιήσας διὰ τοῦ αἵματος τοῦ σταυροῦ αὐτοῦ, δι’ αὐτοῦ εἴτε τὰ ἐπὶ τῆς γῆς εἴτε τὰ ἐν τοῖς οὐρανοῖς.
21
καὶ ὑμᾶς ποτε ὄντας ἀπηλλοτριωμένους καὶ ἐχθροὺς τῇ διανοίᾳ ἐν τοῖς ἔργοις τοῖς πονηροῖς,
22
νυνὶ δὲ ἀποκατήλλαξεν ἐν τῷ σώματι τῆς σαρκὸς αὐτοῦ διὰ τοῦ θανάτου, παραστῆσαι ὑμᾶς ἁγίους καὶ ἀμώμους καὶ ἀνεγκλήτους κατενώπιον αὐτοῦ,
23
εἴ γε ἐπιμένετε τῇ πίστει τεθεμελιωμένοι καὶ ἑδραῖοι καὶ μὴ μετακινούμενοι ἀπὸ τῆς ἐλπίδος τοῦ εὐαγγελίου οὗ ἠκούσατε, τοῦ κηρυχθέντος ἐν πάσῃ κτίσει τῇ ὑπὸ τὸν οὐρανόν, οὗ ἐγενόμην ἐγὼ Παῦλος διάκονος.
24
Νῦν χαίρω ἐν τοῖς παθήμασιν ὑπὲρ ὑμῶν, καὶ ἀνταναπληρῶ τὰ ὑστερήματα τῶν θλίψεων τοῦ Χριστοῦ ἐν τῇ σαρκί μου ὑπὲρ τοῦ σώματος αὐτοῦ, ὅ ἐστιν ἡ ἐκκλησία,
25
ἧς ἐγενόμην ἐγὼ διάκονος κατὰ τὴν οἰκονομίαν τοῦ Θεοῦ τὴν δοθεῖσάν μοι εἰς ὑμᾶς πληρῶσαι τὸν λόγον τοῦ Θεοῦ,
26
τὸ μυστήριον τὸ ἀποκεκρυμμένον ἀπὸ τῶν αἰώνων καὶ ἀπὸ τῶν γενεῶν— νῦν δὲ ἐφανερώθη τοῖς ἁγίοις αὐτοῦ,
27
οἷς ἠθέλησεν ὁ Θεὸς γνωρίσαι τί τὸ πλοῦτος τῆς δόξης τοῦ μυστηρίου τούτου ἐν τοῖς ἔθνεσιν, ὅς ἐστιν Χριστὸς ἐν ὑμῖν, ἡ ἐλπὶς τῆς δόξης·
28
ὃν ἡμεῖς καταγγέλλομεν νουθετοῦντες πάντα ἄνθρωπον καὶ διδάσκοντες πάντα ἄνθρωπον ἐν πάσῃ σοφίᾳ, ἵνα παραστήσωμεν πάντα ἄνθρωπον τέλειον ἐν Χριστῷ·
29
εἰς ὃ καὶ κοπιῶ ἀγωνιζόμενος κατὰ τὴν ἐνέργειαν αὐτοῦ τὴν ἐνεργουμένην ἐν ἐμοὶ ἐν δυνάμει.
Click or tap any word for its parse and dictionary entry. ← and → move between chapters.
Text: Nestle, Novum Testamentum Graece, 1904 (public domain). Morphology: Ulrik Sandborg-Petersen via biblicalhumanities.org (CC0). Dictionary: Abbott-Smith, A Manual Greek Lexicon of the New Testament. Grammatical descriptions: STEP Bible, Tyndale House Cambridge (CC BY 4.0).
The words of this chapter
172 distinct words — each links to every other place it occurs.
ὁthe/this/who101καίand32ἐνin/on/among31πᾶςall20αὐτόςit/s/he20ὅςwhich17σύyou15ἐγώI/we12εἰςtoward10θεόςGod9εἰμίto be9ΧριστόςChrist8διάthrough/because of8ἀπόaway from7εἴτεwhether6ἅγιοςholy5ἀκούωto hear4οὐρανόςheaven4ὑπέρabove/for4ἸησοῦςJesus3πατήρfather3ἀγάπηlove3ἐλπίςhope3καθώςas/just as3διάκονοςservant3ἵναin order that/to3κατάaccording to3δόξαglory3σῶμαbody3γίνομαιto be3ἄνθρωποςa human3ΠαῦλοςPaul2θέλημαwill/desire2ἀδελφόςbrother2πιστόςfaithful2χάριςgrace2εὐχαριστέωto thank2κύριοςlord: God2προσεύχομαιto pray2πίστιςfaith2ἔχωto have/be2λόγοςword2ἀλήθειαtruth2εὐαγγέλιονgospel2καρποφορέωto bear fruit2αὐξάνωto grow2ἡμέραday2οὗτοςthis/he/she/it2πληρόωto fulfill2ἐπίγνωσιςknowledge2σοφίαwisdom2ἔργονwork2δύναμιςpower2ἐκout from2ἐξουσίαauthority2ἀόρατοςinvisible2πρωτότοκοςfirstborn2κτίσιςcreation2ὅτιthat/since: that2κτίζωto create2ἐπίupon/to/against2γῆearth: planet2ἀρχήbeginning2ἐκκλησίαassembly2ἀποκαταλλάσσωto reconcile2δέthen2σάρξflesh2παρίστημιto stand by2νῦνnow2μυστήριονmystery2ἀπόστολοςapostleΤιμόθεοςTimothyΚολοσσαίColossaeεἰρήνηpeaceπάντοτεalwaysπερίaboutἀπόκειμαιto lay upπροακούωto hear beforehandπάρειμιbe presentκόσμοςworldἐπιγινώσκωto come to knowμανθάνωto learnἘπαφρᾶςEpaphrasἀγαπητόςbelovedσύνδουλοςfellow slaveδηλόωto make clearπνεῦμαspirit/breath: spiritοὐnoπαύωto ceaseαἰτέωto askσύνεσιςunderstandingπνευματικόςspiritualπεριπατέωto walkἀξίωςappropriatelyἀρεσκείαpleasingἀγαθόςgoodδυναμόωto empowerκράτοςpowerὑπομονήperseveranceμακροθυμίαpatienceμετάwith/afterχαράjoyἱκανόωto qualifyμερίςpartκλῆροςlotφῶςlightῥύομαιto rescueσκότοςdarknessμεθίστημιto moveβασιλείαkingdomυἱόςsonἀπολύτρωσιςredemptionἄφεσιςforgivenessἁμαρτίαsinεἰκώνimageὁρατόςvisibleθρόνοςthroneκυριότηςlordshipπρόbeforeσυνίστημι, συνιστάωto commendκεφαλήheadνεκρόςdeadπρωτεύωbe firstεὐδοκέωto delightπλήρωμαfulfillmentκατοικέωto dwellεἰρηνοποιέωto make peaceαἷμαbloodσταυρόςcrossποτέonce/whenἀπαλλοτριόωto alienateἐχθρόςenemyδιάνοιαmindπονηρόςevil/badνυνίnowθάνατοςdeathἄμωμοςblamelessἀνέγκλητοςirreproachableκατενώπιονbeforeεἰifγέindeedἐπιμένωto remain/keep onθεμελιόωto foundἑδραῖοςsteadfastμήnotμετακινέωto shiftκηρύσσωto preachὑπόby/under: byχαίρωto rejoiceπάθημαsufferingἀνταναπληρόωto fill againὑστέρημαdeficiencyθλῖψιςpressureοἰκονομίαmanagementδίδωμιto giveἀποκρύπτωto concealαἰώνan age: ageγενεάgenerationφανερόωto revealθέλωto will/desireγνωρίζωto make knownτίςwhich?πλοῦτοςrichesἔθνοςGentilesκαταγγέλλωto proclaimνουθετέωto admonishδιδάσκωto teachτέλειοςperfectκοπιάωto laborἀγωνίζομαιto struggleἐνέργειαactive energyἐνεργέωbe active