Ancient Bible › Old Testament › Amos
Amos — 9 chapters, every word parsed. The first is below; the rest follow it.
Edition. Westminster Leningrad Codex.
1
דִּבְרֵ֣י עָמ֔וֹס אֲשֶׁר־הָיָ֥ה בַנֹּקְדִ֖ים מִתְּק֑וֹעַ אֲשֶׁר֩ חָזָ֨ה עַל־יִשְׂרָאֵ֜ל בִּימֵ֣י ׀ עֻזִיָּ֣ה מֶֽלֶךְ־יְהוּדָ֗ה וּבִימֵ֞י יָרָבְעָ֤ם בֶּן־יוֹאָשׁ֙ מֶ֣לֶךְ יִשְׂרָאֵ֔ל שְׁנָתַ֖יִם לִפְנֵ֥י הָרָֽעַשׁ׃
2
וַיֹּאמַ֓ר ׀ יְהוָה֙ מִצִיּ֣וֹן יִשְׁאָ֔ג וּמִירוּשָׁלִַ֖ם יִתֵּ֣ן קוֹל֑וֹ וְאָֽבְלוּ֙ נְא֣וֹת הָרֹעִ֔ים וְיָבֵ֖שׁ רֹ֥אשׁ הַכַּרְמֶֽל׃
3
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י דַמֶּ֔שֶׂק וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־דּוּשָׁ֛ם בַּחֲרֻצ֥וֹת הַבַּרְזֶ֖ל אֶת־הַגִּלְעָֽד׃
4
וְשִׁלַּ֥חְתִּי אֵ֖שׁ בְּבֵ֣ית חֲזָאֵ֑ל וְאָכְלָ֖ה אַרְמְנ֥וֹת בֶּן־הֲדָֽד׃
5
וְשָֽׁבַרְתִּי֙ בְּרִ֣יחַ דַּמֶּ֔שֶׂק וְהִכְרַתִּ֤י יוֹשֵׁב֙ מִבִּקְעַת־אָ֔וֶן וְתוֹמֵ֥ךְ שֵׁ֖בֶט מִבֵּ֣ית עֶ֑דֶן וְגָל֧וּ עַם־אֲרָ֛ם קִ֖ירָה אָמַ֥ר יְהוָֽה׃
6
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י עַזָּ֔ה וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־הַגְלוֹתָ֛ם גָּל֥וּת שְׁלֵמָ֖ה לְהַסְגִּ֥יר לֶאֱדֽוֹם׃
7
וְשִׁלַּ֥חְתִּי אֵ֖שׁ בְּחוֹמַ֣ת עַזָּ֑ה וְאָכְלָ֖ה אַרְמְנֹתֶֽיהָ׃
8
וְהִכְרַתִּ֤י יוֹשֵׁב֙ מֵֽאַשְׁדּ֔וֹד וְתוֹמֵ֥ךְ שֵׁ֖בֶט מֵֽאַשְׁקְל֑וֹן וַהֲשִׁיב֨וֹתִי יָדִ֜י עַל־עֶקְר֗וֹן וְאָֽבְדוּ֙ שְׁאֵרִ֣ית פְּלִשְׁתִּ֔ים אָמַ֖ר אֲדֹנָ֥י יְהוִֽה׃
9
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵי־צֹ֔ר וְעַל־אַרְבָּעָ֖ה לֹ֣א אֲשִׁיבֶ֑נּוּ עַֽל־הַסְגִּירָ֞ם גָּל֤וּת שְׁלֵמָה֙ לֶאֱד֔וֹם וְלֹ֥א זָכְר֖וּ בְּרִ֥ית אַחִֽים׃
10
וְשִׁלַּ֥חְתִּי אֵ֖שׁ בְּח֣וֹמַת צֹ֑ר וְאָכְלָ֖ה אַרְמְנֹתֶֽיהָ׃
11
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י אֱד֔וֹם וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־רָדְפ֨וֹ בַחֶ֤רֶב אָחִיו֙ וְשִׁחֵ֣ת רַחֲמָ֔יו וַיִּטְרֹ֤ף לָעַד֙ אַפּ֔וֹ וְעֶבְרָת֖וֹ שְׁמָ֥רָה נֶֽצַח׃
12
וְשִׁלַּ֥חְתִּי אֵ֖שׁ בְּתֵימָ֑ן וְאָכְלָ֖ה אַרְמְנ֥וֹת בָּצְרָֽה׃
13
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י בְנֵֽי־עַמּ֔וֹן וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־בִּקְעָם֙ הָר֣וֹת הַגִּלְעָ֔ד לְמַ֖עַן הַרְחִ֥יב אֶת־גְּבוּלָֽם׃
14
וְהִצַּ֤תִּי אֵשׁ֙ בְּחוֹמַ֣ת רַבָּ֔ה וְאָכְלָ֖ה אַרְמְנוֹתֶ֑יהָ בִּתְרוּעָה֙ בְּי֣וֹם מִלְחָמָ֔ה בְּסַ֖עַר בְּי֥וֹם סוּפָֽה
15
וְהָלַ֥ךְ מַלְכָּ֖ם בַּגּוֹלָ֑ה ה֧וּא וְשָׂרָ֛יו יַחְדָּ֖ו אָמַ֥ר יְהוָֽה׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
112 distinct words — each links to every other place it occurs.
עַלabove17אָמַרutter9יהוהJehovah8לֹאnot6שׁוּבturn back6כֹּהthus5שָׁלֹשׁa three5פֶּ֫שַׁעtransgression5אַרְבַּעfour5אֵשׁfire5אָכַלeat5אַרְמוֹןcitadel5יוֹםday4שָׁלַחsend4מֶ֫לֶךְking3אֱדוֹםEdom3חוֹמָהwall3אֲשֶׁרwho2יִשְׂרָאֵלIsrael2בֵּןson2דַּמֶּ֫שֶׂקDamascus2אֵתmark of the accusative2גִּלְעָדGilead2בַּ֫יִתhouse2בֶּן־הֲדַדBenhadad2כָּרַתcut off2יָשַׁבsit2תָּמַךְgrasp2שֵׁ֫בֶטrod2גָּלָהuncover2עַזָּהAzzah2גָּלוּתexile2שָׁלֵםcomplete2סָגַרshut2צֹרTyre2אָחbrother2דָּבָרspeechעָמוֹסAmosהָיָהfall outנֹקֵדsheep-raiserתְּקוֹעַTekoaחָזָהseeעֻזִּיָּהוּUzziahיְהוּדָהJudahיָֽרָבְעָםJeroboamיוֹאָשׁJoashשָׁנָהyearפָּנֶהfaceרַ֫עַשׁquakingצִיּוֹןZionשָׁאַגroarיְרוּשָׁלִַ֫͏םJerusalemנָתַןgiveקוֹלsoundאָבַלmournנָוָהpastureרָעָהpastureיָבֵשׁbe dryרֹאשׁheadכַּרְמֶלCarmelדּוּשׁtreadחָרוּץsharpבַּרְזֶלironחֲזָהאֵלHazaelשָׁבַרbreakבְּרִיחַbarבִּקְעָהvalleyאָ֫וֶןAvenעֶדְנָהdelightעַםpeopleאֲרָםAramקִירKirאַשְׁדּוֹדAhdodאַשְׁקְלוֹןAshkelonיָדhandעֶקְרוֹןEkronאָבַדperishשְׁאֵרִיתrestפְּלִשְׁתִּיPhilistineאֲדֹנָיlordיְהֹוִהGodזָכַרrememberבְּרִיתcovenantרָדַףpursueחֶ֫רֶבswordשָׁחַתgo to ruinרַחֲמִיםcompassionטָרַףtearעַדperpetuityאַףnostrilעֶבְרָהoverflowשָׁמַרkeepנֵ֫צַחeminenceתֵּימָןsouthבׇּצְרָהBozrahעַמּוֹןAmmonבָּקַעcleaveהָרָהpregnantמַ֫עַןpurposeרָחַבbe wideגְּבוּלborderיָצַתkindleרַבָּהRabbahתְּרוּעָהshout of warמִלְחָמָהbattleסַ֫עַרtempestסוּפָהstorm-windהָלַךְgoגּוֹלָהexilesהוּאheשַׂרchieftainיָחְדָּוtogether