Obadiah in Hebrew – The Ancient Bible

Obadiah — 1 chapter, every word parsed.

Edition. Westminster Leningrad Codex.

Hebrew · Minor Prophets

Obadiah 1

Westminster Leningrad Codex · every word parsed

1
חֲז֖וֹן עֹֽבַדְיָ֑ה כֹּֽה־אָמַר֩ אֲדֹנָ֨י יְהוִ֜ה לֶאֱד֗וֹם שְׁמוּעָ֨ה שָׁמַ֜עְנוּ מֵאֵ֤ת יְהוָה֙ וְצִיר֙ בַּגּוֹיִ֣ם שֻׁלָּ֔ח ק֛וּמוּ וְנָק֥וּמָה עָלֶיהָ לַמִּלְחָמָֽה׃ 
2
הִנֵּ֥ה קָטֹ֛ן נְתַתִּ֖יךָ בַּגּוֹיִ֑ם בָּז֥וּי אַתָּ֖ה מְאֹֽד׃ 
3
זְד֤וֹן לִבְּךָ֙ הִשִּׁיאֶ֔ךָ שֹׁכְנִ֥י בְחַגְוֵי־סֶּ֖לַע מְר֣וֹם שִׁבְתּ֑וֹ אֹמֵ֣ר בְּלִבּ֔וֹ מִ֥י יוֹרִדֵ֖נִי אָֽרֶץ׃ 
4
אִם־תַּגְבִּ֣יהַּ כַּנֶּ֔שֶׁר וְאִם־בֵּ֥ין כּֽוֹכָבִ֖ים שִׂ֣ים קִנֶּ֑ךָ מִשָּׁ֥ם אוֹרִֽידְךָ֖ נְאֻם־יְהוָֽה׃ 
5
אִם־גַּנָּבִ֤ים בָּאֽוּ־לְךָ֙ אִם־שׁ֣וֹדְדֵי לַ֔יְלָה אֵ֣יךְ נִדְמֵ֔יתָה הֲל֥וֹא יִגְנְב֖וּ דַּיָּ֑ם אִם־בֹּֽצְרִים֙ בָּ֣אוּ לָ֔ךְ הֲל֖וֹא יַשְׁאִ֥ירוּ עֹלֵלֽוֹת׃ 
6
אֵ֚יךְ נֶחְפְּשׂ֣וּ עֵשָׂ֔ו נִבְע֖וּ מַצְפֻּנָֽיו׃ 
7
עַֽד־הַגְּב֣וּל שִׁלְּח֗וּךָ כֹּ֚ל אַנְשֵׁ֣י בְרִיתֶ֔ךָ הִשִּׁיא֛וּךָ יָכְל֥וּ לְךָ֖ אַנְשֵׁ֣י שְׁלֹמֶ֑ךָ לַחְמְךָ֗ יָשִׂ֤ימוּ מָזוֹר֙ תַּחְתֶּ֔יךָ אֵ֥ין תְּבוּנָ֖ה בּֽוֹ׃ 
8
הֲל֛וֹא בַּיּ֥וֹם הַה֖וּא נְאֻם־יְהוָ֑ה וְהַאֲבַדְתִּ֤י חֲכָמִים֙ מֵֽאֱד֔וֹם וּתְבוּנָ֖ה מֵהַ֥ר עֵשָֽׂו׃ 
9
וְחַתּ֥וּ גִבּוֹרֶ֖יךָ תֵּימָ֑ן לְמַ֧עַן יִכָּֽרֶת־אִ֛ישׁ מֵהַ֥ר עֵשָׂ֖ו מִקָּֽטֶל׃ 
10
מֵחֲמַ֛ס אָחִ֥יךָ יַעֲקֹ֖ב תְּכַסְּךָ֣ בוּשָׁ֑ה וְנִכְרַ֖תָּ לְעוֹלָֽם׃ 
11
בְּיוֹם֙ עֲמָֽדְךָ֣ מִנֶּ֔גֶד בְּי֛וֹם שְׁב֥וֹת זָרִ֖ים חֵיל֑וֹ וְנָכְרִ֞ים בָּ֣אוּ שְׁעָרָ֗יו וְעַל־יְרוּשָׁלִַ֨ם֙ יַדּ֣וּ גוֹרָ֔ל גַּם־אַתָּ֖ה כְּאַחַ֥ד מֵהֶֽם׃ 
12
וְאַל־תֵּ֤רֶא בְיוֹם־אָחִ֨יךָ֙ בְּי֣וֹם נָכְר֔וֹ וְאַל־תִּשְׂמַ֥ח לִבְנֵֽי־יְהוּדָ֖ה בְּי֣וֹם אָבְדָ֑ם וְאַל־תַּגְדֵּ֥ל פִּ֖יךָ בְּי֥וֹם צָרָֽה׃ 
13
אַל־תָּב֤וֹא בְשַֽׁעַר־עַמִּי֙ בְּי֣וֹם אֵידָ֔ם אַל־תֵּ֧רֶא גַם־אַתָּ֛ה בְּרָעָת֖וֹ בְּי֣וֹם אֵיד֑וֹ וְאַל־תִּשְׁלַ֥חְנָה בְחֵיל֖וֹ בְּי֥וֹם אֵידֽוֹ׃ 
14
וְאַֽל־תַּעֲמֹד֙ עַל־הַפֶּ֔רֶק לְהַכְרִ֖ית אֶת־פְּלִיטָ֑יו וְאַל־תַּסְגֵּ֥ר שְׂרִידָ֖יו בְּי֥וֹם צָרָֽה׃ 
15
כִּֽי־קָר֥וֹב יוֹם־יְהוָ֖ה עַל־כָּל־הַגּוֹיִ֑ם כַּאֲשֶׁ֤ר עָשִׂ֨יתָ֙ יֵעָ֣שֶׂה לָּ֔ךְ גְּמֻלְךָ֖ יָשׁ֥וּב בְּרֹאשֶֽׁךָ׃ 
16
כִּ֗י כַּֽאֲשֶׁ֤ר שְׁתִיתֶם֙ עַל־הַ֣ר קָדְשִׁ֔י יִשְׁתּ֥וּ כָֽל־הַגּוֹיִ֖ם תָּמִ֑יד וְשָׁת֣וּ וְלָע֔וּ וְהָי֖וּ כְּל֥וֹא הָיֽוּ׃ 
17
וּבְהַ֥ר צִיּ֛וֹן תִּהְיֶ֥ה פְלֵיטָ֖ה וְהָ֣יָה קֹ֑דֶשׁ וְיָֽרְשׁוּ֙ בֵּ֣ית יַֽעֲקֹ֔ב אֵ֖ת מוֹרָֽשֵׁיהֶם׃ 
18
וְהָיָה֩ בֵית־יַעֲקֹ֨ב אֵ֜שׁ וּבֵ֧ית יוֹסֵ֣ף לֶהָבָ֗ה וּבֵ֤ית עֵשָׂו֙ לְקַ֔שׁ וְדָלְק֥וּ בָהֶ֖ם וַאֲכָל֑וּם וְלֹֽא־יִֽהְיֶ֤ה שָׂרִיד֙ לְבֵ֣ית עֵשָׂ֔ו כִּ֥י יְהוָ֖ה דִּבֵּֽר׃ 
19
וְיָרְשׁ֨וּ הַנֶּ֜גֶב אֶת־הַ֣ר עֵשָׂ֗ו וְהַשְּׁפֵלָה֙ אֶת־פְּלִשְׁתִּ֔ים וְיָרְשׁוּ֙ אֶת־שְׂדֵ֣ה אֶפְרַ֔יִם וְאֵ֖ת שְׂדֵ֣ה שֹׁמְר֑וֹן וּבִנְיָמִ֖ן אֶת־הַגִּלְעָֽד׃ 
20
וְגָלֻ֣ת הַֽחֵל־הַ֠זֶּה לִבְנֵ֨י יִשְׂרָאֵ֤ל אֲשֶֽׁר־כְּנַעֲנִים֙ עַד־צָ֣רְפַ֔ת וְגָלֻ֥ת יְרוּשָׁלִַ֖ם אֲשֶׁ֣ר בִּסְפָרַ֑ד יִֽרְשׁ֕וּ אֵ֖ת עָרֵ֥י הַנֶּֽגֶב׃ 
21
וְעָל֤וּ מֽוֹשִׁעִים֙ בְּהַ֣ר צִיּ֔וֹן לִשְׁפֹּ֖ט אֶת־הַ֣ר עֵשָׂ֑ו וְהָיְתָ֥ה לַֽיהוָ֖ה הַמְּלוּכָֽה׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

162 distinct words — each links to every other place it occurs.

יוֹםday12 אֵתmark of the accusative9 אַלnot8 עֵשָׂוEsau7 הַרmountain7 הָיָהfall out7 יהוהJehovah6 עַלabove5 אִםif5 לֹאnot5 בַּ֫יִתhouse5 גּוֹיnation4 בּוֹאcome in4 יָרַשׁtake possession of4 שָׁלַחsend3 אַתָּ֫הthou3 כֹּלthe whole3 אִישׁman3 כָּרַתcut off3 יַעֲקֹבJacob3 אֵידdistress3 כִּיthat3 שָׁתָהdrink3 אָמַרutter2 אֱדוֹםEdom2 קוּםarise2 לֵבinner man2 נָשָׁאbeguile2 יָרַדcome down2 שׂוּםput2 נְאֻםutterance2 אֵיךְhow?2 עַדas far as2 תְּבוּנָהunderstanding2 אָבַדperish2 אָחbrother2 עָמַדtake one’s stand2 חַ֫יִלstrength2 שַׁ֫עַרgate2 יְרוּשָׁלִַ֫͏םJerusalem2 גַּםalso2 רָאָהsee2 בֵּןson2 צָרָהstraits2 שָׂרִידsurvivor2 כַּאֲשֶׁרaccording as2 עָשָׂהdo2 קֹ֫דֶשׁapartness2 צִיּוֹןZion2 נֶ֫גֶבsouth-country2 שָׂדֶהfield2 גָּלוּתexile2 אֲשֶׁרwho2 חָזוֹןvision עֹבַדְיָ֫הוּObadiah כֹּהthus אֲדֹנָיlord יְהֹוִהGod שְׁמוּעָהreport שָׁמַעhear אֵתwith צִירenvoy מִלְחָמָהbattle הִנֵּהlo!קָטֹןsmall נָתַןgive בָּזָהdespise מְאֹדmuchness זָדוֹןinsolence שָׁכַןsettle down חֲגָוִיםplaces of concealment סֶ֫לַעcrag מָרוֹםheight שֶׁ֫בֶתseat מִיwho?אֶ֫רֶץearth גָּבַהּbe high נֶשֶׁרgriffon-vulture בֵּיןinterval כּוֹכָבstar קֵןnest שָׁםthere גַּנָּבthief שָׁדַדdeal violently with לַ֫יְלָהnight דָּמָהcease גָּנַבsteal דַּיsufficiency בָּצַרcut off שָׁאַרremain עֹלֵלוֹתgleaning חָפַשׂsearch בָּעָהinquire מַצְפּוֹןhidden treasure גְּבוּלborder בְּרִיתcovenant יָכֹלbe able שָׁלוֹםcompleteness לֶ֫חֶםbread מָזוֹרnet תַּחַתthe under part אַ֫יִןnothing הוּאhe חָכָםwise חָתַתbe shattered גִּבּוֹרstrong תֵּימָןsouth מַ֫עַןpurpose קֶ֫טֶלslaughter חָמָסviolence כָּסָהcover בּוּשָׁהshame עוֹלָםlong duration נֶ֫גֶדwhat is conspicuous שָׁבָהtake captive זוּרbe a stranger נׇכְרִיforeign יָדַדcast גּוֹרָלlot אֶחָדone נֶ֫כֶרmisfortune שָׂמַחrejoice יְהוּדָהJudah גָּדַלgrow up פֶּהmouth עַםpeople רָעָהevil פֶּ֫רֶקrapine פָּלִיטescaped one סָגַרshut קָרֹבnear גְּמוּלdealing שׁוּבturn back רֹאשׁhead תָּמִידcontinuity לוּעַswallow פְּלֵיטָהescape מוֹרָשׁa possession אֵשׁfire יוֹסֵףJoseph לֶהָבָהflame קַשׁstubble דָּלַקburn אָכַלeat דָבַרspeak שְׁפֵלָהlowland פְּלִשְׁתִּיPhilistine אֶפְרַ֫יִםEphraim שֹׁמְרוֹןSamaria בִּנְיָמִיןBenjamin גִּלְעָדGilead חֵלrampart זֶהthis יִשְׂרָאֵלIsrael כְּנַעֲנִיKenaanite צָֽרְפַתZarephath סְפָרַ֑דSepharad עִירcity עָלָהgo up יָשַׁעdeliver שָׁפַטjudge מְלוּכָהkingship