Malachi in Hebrew – The Ancient Bible

Malachi — 3 chapters, every word parsed. The first is below; the rest follow it.

Edition. Westminster Leningrad Codex.

Hebrew · Minor Prophets

Malachi 1

Westminster Leningrad Codex · every word parsed

1
מַשָּׂ֥א דְבַר־יְהוָ֖ה אֶל־יִשְׂרָאֵ֑ל בְּיַ֖ד מַלְאָכִֽי׃ 
2
אָהַ֤בְתִּי אֶתְכֶם֙ אָמַ֣ר יְהוָ֔ה וַאֲמַרְתֶּ֖ם בַּמָּ֣ה אֲהַבְתָּ֑נוּ הֲלוֹא־אָ֨ח עֵשָׂ֤ו לְיַֽעֲקֹב֙ נְאֻם־יְהוָ֔ה וָאֹהַ֖ב אֶֽת־יַעֲקֹֽב׃ 
3
וְאֶת־עֵשָׂ֖ו שָׂנֵ֑אתִי וָאָשִׂ֤ים אֶת־הָרָיו֙ שְׁמָמָ֔ה וְאֶת־נַחֲלָת֖וֹ לְתַנּ֥וֹת מִדְבָּֽר׃ 
4
כִּֽי־תֹאמַ֨ר אֱד֜וֹם רֻשַּׁ֗שְׁנוּ וְנָשׁוּב֙ וְנִבְנֶ֣ה חֳרָב֔וֹת כֹּ֤ה אָמַר֙ יְהוָ֣ה צְבָא֔וֹת הֵ֥מָּה יִבְנ֖וּ וַאֲנִ֣י אֶהֱר֑וֹס וְקָרְא֤וּ לָהֶם֙ גְּב֣וּל רִשְׁעָ֔ה וְהָעָ֛ם אֲשֶׁר־זָעַ֥ם יְהוָ֖ה עַד־עוֹלָֽם׃ 
5
וְעֵינֵיכֶ֖ם תִּרְאֶ֑ינָה וְאַתֶּ֤ם תֹּֽאמְרוּ֙ יִגְדַּ֣ל יְהוָ֔ה מֵעַ֖ל לִגְב֥וּל יִשְׂרָאֵֽל׃ 
6
בֵּ֛ן יְכַבֵּ֥ד אָ֖ב וְעֶ֣בֶד אֲדֹנָ֑יו וְאִם־אָ֣ב אָ֣נִי אַיֵּ֣ה כְבוֹדִ֡י וְאִם־אֲדוֹנִ֣ים אָנִי֩ אַיֵּ֨ה מוֹרָאִ֜י אָמַ֣ר ׀ יְהוָ֣ה צְבָא֗וֹת לָכֶם֙ הַכֹּֽהֲנִים֙ בּוֹזֵ֣י שְׁמִ֔י וַאֲמַרְתֶּ֕ם בַּמֶּ֥ה בָזִ֖ינוּ אֶת־שְׁמֶֽךָ׃ 
7
מַגִּישִׁ֤ים עַֽל־מִזְבְּחִי֙ לֶ֣חֶם מְגֹאָ֔ל וַאֲמַרְתֶּ֖ם בַּמֶּ֣ה גֵֽאַלְנ֑וּךָ בֶּאֱמָרְכֶ֕ם שֻׁלְחַ֥ן יְהוָ֖ה נִבְזֶ֥ה הֽוּא׃ 
8
וְכִֽי־תַגִּשׁ֨וּן עִוֵּ֤ר לִזְבֹּ֨חַ֙ אֵ֣ין רָ֔ע וְכִ֥י תַגִּ֛ישׁוּ פִּסֵּ֥חַ וְחֹלֶ֖ה אֵ֣ין רָ֑ע הַקְרִיבֵ֨הוּ נָ֜א לְפֶחָתֶ֗ךָ הֲיִּרְצְךָ֙ א֚וֹ הֲיִשָּׂ֣א פָנֶ֔יךָ אָמַ֖ר יְהוָ֥ה צְבָאֽוֹת׃ 
9
וְעַתָּ֛ה חַלּוּ־נָ֥א פְנֵי־אֵ֖ל וִֽיחָנֵ֑נוּ מִיֶּדְכֶם֙ הָ֣יְתָה זֹּ֔את הֲיִשָּׂ֤א מִכֶּם֙ פָּנִ֔ים אָמַ֖ר יְהוָ֥ה צְבָאֽוֹת׃ 
10
מִ֤י גַם־בָּכֶם֙ וְיִסְגֹּ֣ר דְּלָתַ֔יִם וְלֹֽא־תָאִ֥ירוּ מִזְבְּחִ֖י חִנָּ֑ם אֵֽין־לִ֨י חֵ֜פֶץ בָּכֶ֗ם אָמַר֙ יְהוָ֣ה צְבָא֔וֹת וּמִנְחָ֖ה לֹֽא־אֶרְצֶ֥ה מִיֶּדְכֶֽם׃ 
11
כִּ֣י מִמִּזְרַח־שֶׁ֜מֶשׁ וְעַד־מְבוֹא֗וֹ גָּד֤וֹל שְׁמִי֙ בַּגּוֹיִ֔ם וּבְכָל־מָק֗וֹם מֻקְטָ֥ר מֻגָּ֛שׁ לִשְׁמִ֖י וּמִנְחָ֣ה טְהוֹרָ֑ה כִּֽי־גָד֤וֹל שְׁמִי֙ בַּגּוֹיִ֔ם אָמַ֖ר יְהוָ֥ה צְבָאֽוֹת׃ 
12
וְאַתֶּ֖ם מְחַלְּלִ֣ים אוֹת֑וֹ בֶּאֱמָרְכֶ֗ם שֻׁלְחַ֤ן אֲדֹנָי֙ מְגֹאָ֣ל ה֔וּא וְנִיב֖וֹ נִבְזֶ֥ה אָכְלֽוֹ׃ 
13
וַאֲמַרְתֶּם֩ הִנֵּ֨ה מַתְּלָאָ֜ה וְהִפַּחְתֶּ֣ם אוֹת֗וֹ אָמַר֙ יְהוָ֣ה צְבָא֔וֹת וַהֲבֵאתֶ֣ם גָּז֗וּל וְאֶת־הַפִּסֵּ֨חַ֙ וְאֶת־הַ֣חוֹלֶ֔ה וַהֲבֵאתֶ֖ם אֶת־הַמִּנְחָ֑ה הַאֶרְצֶ֥ה אוֹתָ֛הּ מִיֶּדְכֶ֖ם אָמַ֥ר יְהוָֽה׃ 
14
וְאָר֣וּר נוֹכֵ֗ל וְיֵ֤שׁ בְּעֶדְרוֹ֙ זָכָ֔ר וְנֹדֵ֛ר וְזֹבֵ֥חַ מָשְׁחָ֖ת לַֽאדֹנָ֑י כִּי֩ מֶ֨לֶךְ גָּד֜וֹל אָ֗נִי אָמַר֙ יְהוָ֣ה צְבָא֔וֹת וּשְׁמִ֖י נוֹרָ֥א בַגּוֹיִֽם׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

120 distinct words — each links to every other place it occurs.

אָמַרutter18 יהוהJehovah15 אֵתmark of the accusative12 צָבָאarmy8 כִּיthat6 שֵׁםname6 יָדhand4 אֲנִיI4 בָּזָהdespise4 נָגַשׁdraw near4 אָהֵבlove3 מָהwhat?3 לֹאnot3 גָּאַלdefile3 אַ֫יִןnothing3 רָצָהbe pleased with3 פָּנֶהface3 מִנְחָהgift3 גָּדוֹלgreat3 גּוֹיnation3 יִשְׂרָאֵלIsrael2 עֵשָׂוEsau2 יַעֲקֹבJacob2 בָּנָהbuild2 גְּבוּלborder2 עַדas far as2 אַתֶּםyou2 עַלabove2 אָבfather2 אָדוֹןlord2 אִםif2 אַיֵּהwhere?2 מִזְבֵּחַaltar2 שֻׁלְחָןtable2 הוּאhe2 זָבַחslaughter for sacrifice2 רַעbad2 פִּסֵּחַlame2 חָלָהbe weak2 נָאI2 נָשָׂאlift2 אֲדֹנָיlord2 בּוֹאcome in2 מַשָּׂאutterance דָּבָרspeech אֶלmotion to מַלְאָכִיMalachi אָחbrother נְאֻםutterance שָׂנֵאhate שׂוּםput הַרmountain שְׁמָמָהa devastation נַחֲלָהpossession תַּנָּהjackal מִדְבָּרwilderness אֱדוֹםEdom רָשַׁשׁbeat down שׁוּבturn back חׇרְבָּהwaste כֹּהthus הֵ֫מָּהthey הָרַסthrow down קָרָאcall רִשְׁעָהwickedness עַםpeople אֲשֶׁרwho זָעַםbe indignant עוֹלָםlong duration עַ֫יִןeye רָאָהsee גָּדַלgrow up בֵּןson כָּבֵדbe heavy עֶ֫בֶדslave כָּבוֹדabundance מוֹרָאfear כֹּהֵןpriest לֶ֫חֶםbread עִוֵּרblind קָרַבcome near פֶּחָהgovernor אוֹor עַתָּ֫הnow חָלָהmollify אֵלgod חָנַןshew favour הָיָהfall out זֹאתthis מִן־out of מִיwho?גַּםalso סָגַרshut דֶּ֫לֶתdoor אוֹרbe light חִנָּםout of favour חֵ֫פֶץdelight מִזְרָחplace of sunrise שֶׁ֫מֶשׁsun מָבוֹאentrance כֹּלthe whole מָקוֹםstanding-place מֻקְטָרincense טָהוֹרclean חָלַלpollute נִיבfruit אֹ֫כֶלfood הִנֵּהlo!מַתְּלָאָהweariness נָפַחbreathe גָּזַלtear away אָרַרcurse נָכַלbe crafty יֵשׁbeing עֵ֫דֶרflock זָכָרmale נָדַרvow שָׁחַתgo to ruin מֶ֫לֶךְking יָרֵאfear

All 3 chapters

1 2 3