Ancient Bible › Old Testament › Lamentations
Lamentations — 5 chapters, every word parsed. The first is below; the rest follow it.
Edition. Westminster Leningrad Codex.
1
אֵיכָ֣ה ׀ יָשְׁבָ֣ה בָדָ֗ד הָעִיר֙ רַבָּ֣תִי עָ֔ם הָיְתָ֖ה כְּאַלְמָנָ֑ה רַּבָּ֣תִי בַגּוֹיִ֗ם שָׂרָ֨תִי֙ בַּמְּדִינ֔וֹת הָיְתָ֖ה לָמַֽס׃
2
בָּכ֨וֹ תִבְכֶּ֜ה בַּלַּ֗יְלָה וְדִמְעָתָהּ֙ עַ֣ל לֶֽחֱיָ֔הּ אֵֽין־לָ֥הּ מְנַחֵ֖ם מִכָּל־אֹהֲבֶ֑יהָ כָּל־רֵעֶ֨יהָ֙ בָּ֣גְדוּ בָ֔הּ הָ֥יוּ לָ֖הּ לְאֹיְבִֽים׃
3
גָּֽלְתָ֨ה יְהוּדָ֤ה מֵעֹ֨נִי֙ וּמֵרֹ֣ב עֲבֹדָ֔ה הִ֚יא יָשְׁבָ֣ה בַגּוֹיִ֔ם לֹ֥א מָצְאָ֖ה מָנ֑וֹחַ כָּל־רֹדְפֶ֥יהָ הִשִּׂיג֖וּהָ בֵּ֥ין הַמְּצָרִֽים׃
4
דַּרְכֵ֨י צִיּ֜וֹן אֲבֵל֗וֹת מִבְּלִי֙ בָּאֵ֣י מוֹעֵ֔ד כָּל־שְׁעָרֶ֨יהָ֙ שֽׁוֹמֵמִ֔ין כֹּהֲנֶ֖יהָ נֶאֱנָחִ֑ים בְּתוּלֹתֶ֥יהָ נּוּג֖וֹת וְהִ֥יא מַר־לָֽהּ׃
5
הָי֨וּ צָרֶ֤יהָ לְרֹאשׁ֙ אֹיְבֶ֣יהָ שָׁל֔וּ כִּֽי־יְהוָ֥ה הוֹגָ֖הּ עַ֣ל רֹב־פְּשָׁעֶ֑יהָ עוֹלָלֶ֛יהָ הָלְכ֥וּ שְׁבִ֖י לִפְנֵי־צָֽר׃
6
וַיֵּצֵ֥א־מִבַּת־צִיּ֖וֹן כָּל־הֲדָרָ֑הּ הָי֣וּ שָׂרֶ֗יהָ כְּאַיָּלִים֙ לֹא־מָצְא֣וּ מִרְעֶ֔ה וַיֵּלְכ֥וּ בְלֹא־כֹ֖חַ לִפְנֵ֥י רוֹדֵֽף׃
7
זָֽכְרָ֣ה יְרוּשָׁלִַ֗ם יְמֵ֤י עָנְיָהּ֙ וּמְרוּדֶ֔יהָ כֹּ֚ל מַחֲמֻדֶ֔יהָ אֲשֶׁ֥ר הָי֖וּ מִ֣ימֵי קֶ֑דֶם בִּנְפֹ֧ל עַמָּ֣הּ בְּיַד־צָ֗ר וְאֵ֤ין עוֹזֵר֙ לָ֔הּ רָא֣וּהָ צָרִ֔ים שָׂחֲק֖וּ עַ֥ל מִשְׁבַּתֶּֽהָ׃
8
חֵ֤טְא חָֽטְאָה֙ יְר֣וּשָׁלִַ֔ם עַל־כֵּ֖ן לְנִידָ֣ה הָיָ֑תָה כָּֽל־מְכַבְּדֶ֤יהָ הִזִּיל֨וּהָ֙ כִּי־רָא֣וּ עֶרְוָתָ֔הּ גַּם־הִ֥יא נֶאֶנְחָ֖ה וַתָּ֥שָׁב אָחֽוֹר׃
9
טֻמְאָתָ֣הּ בְּשׁוּלֶ֗יהָ לֹ֤א זָֽכְרָה֙ אַחֲרִיתָ֔הּ וַתֵּ֣רֶד פְּלָאִ֔ים אֵ֥ין מְנַחֵ֖ם לָ֑הּ רְאֵ֤ה יְהוָה֙ אֶת־עָנְיִ֔י כִּ֥י הִגְדִּ֖יל אוֹיֵֽב׃
10
יָדוֹ֙ פָּ֣רַשׂ צָ֔ר עַ֖ל כָּל־מַחֲמַדֶּ֑יהָ כִּֽי־רָאֲתָ֤ה גוֹיִם֙ בָּ֣אוּ מִקְדָּשָׁ֔הּ אֲשֶׁ֣ר צִוִּ֔יתָה לֹא־יָבֹ֥אוּ בַקָּהָ֖ל לָֽךְ׃
11
כָּל־עַמָּ֤הּ נֶאֱנָחִים֙ מְבַקְּשִׁ֣ים לֶ֔חֶם נָתְנ֧וּ מַחֲמַדֵּיהֶ֛ם בְּאֹ֖כֶל לְהָשִׁ֣יב נָ֑פֶשׁ רְאֵ֤ה יְהוָה֙ וְֽהַבִּ֔יטָה כִּ֥י הָיִ֖יתִי זוֹלֵלָֽה׃
12
ל֣וֹא אֲלֵיכֶם֮ כָּל־עֹ֣בְרֵי דֶרֶךְ֒ הַבִּ֣יטוּ וּרְא֗וּ אִם־יֵ֤שׁ מַכְאוֹב֙ כְּמַכְאֹבִ֔י אֲשֶׁ֥ר עוֹלַ֖ל לִ֑י אֲשֶׁר֙ הוֹגָ֣ה יְהוָ֔ה בְּי֖וֹם חֲר֥וֹן אַפּֽוֹ׃
13
מִמָּר֛וֹם שָֽׁלַח־אֵ֥שׁ בְּעַצְמֹתַ֖י וַיִּרְדֶּ֑נָּה פָּרַ֨שׂ רֶ֤שֶׁת לְרַגְלַי֙ הֱשִׁיבַ֣נִי אָח֔וֹר נְתָנַ֨נִי֙ שֹֽׁמֵמָ֔ה כָּל־הַיּ֖וֹם דָּוָֽה׃
14
נִשְׂקַד֩ עֹ֨ל פְּשָׁעַ֜י בְּיָד֗וֹ יִשְׂתָּֽרְג֛וּ עָל֥וּ עַל־צַוָּארִ֖י הִכְשִׁ֣יל כֹּחִ֑י נְתָנַ֣נִי אֲדֹנָ֔י בִּידֵ֖י לֹא־אוּכַ֥ל קֽוּם׃
15
סִלָּ֨ה כָל־אַבִּירַ֤י ׀ אֲדֹנָי֙ בְּקִרְבִּ֔י קָרָ֥א עָלַ֛י מוֹעֵ֖ד לִשְׁבֹּ֣ר בַּחוּרָ֑י גַּ֚ת דָּרַ֣ךְ אֲדֹנָ֔י לִבְתוּלַ֖ת בַּת־יְהוּדָֽה׃
16
עַל־אֵ֣לֶּה ׀ אֲנִ֣י בוֹכִיָּ֗ה עֵינִ֤י ׀ עֵינִי֙ יֹ֣רְדָה מַּ֔יִם כִּֽי־רָחַ֥ק מִמֶּ֛נִּי מְנַחֵ֖ם מֵשִׁ֣יב נַפְשִׁ֑י הָי֤וּ בָנַי֙ שֽׁוֹמֵמִ֔ים כִּ֥י גָבַ֖ר אוֹיֵֽב׃
17
פֵּֽרְשָׂ֨ה צִיּ֜וֹן בְּיָדֶ֗יהָ אֵ֤ין מְנַחֵם֙ לָ֔הּ צִוָּ֧ה יְהוָ֛ה לְיַעֲקֹ֖ב סְבִיבָ֣יו צָרָ֑יו הָיְתָ֧ה יְרוּשָׁלִַ֛ם לְנִדָּ֖ה בֵּינֵיהֶֽם׃
18
צַדִּ֥יק ה֛וּא יְהוָ֖ה כִּ֣י פִ֣יהוּ מָרִ֑יתִי שִׁמְעוּ־נָ֣א כָל־הָֽעַמִּ֗ים וּרְאוּ֙ מַכְאֹבִ֔י בְּתוּלֹתַ֥י וּבַחוּרַ֖י הָלְכ֥וּ בַשֶּֽׁבִי׃
19
קָרָ֤אתִי לַֽמְאַהֲבַי֙ הֵ֣מָּה רִמּ֔וּנִי כֹּהֲנַ֥י וּזְקֵנַ֖י בָּעִ֣יר גָּוָ֑עוּ כִּֽי־בִקְשׁ֥וּ אֹ֨כֶל֙ לָ֔מוֹ וְיָשִׁ֖יבוּ אֶת־נַפְשָֽׁם׃
20
רְאֵ֨ה יְהוָ֤ה כִּֽי־צַר־לִי֙ מֵעַ֣י חֳמַרְמָ֔רוּ נֶהְפַּ֤ךְ לִבִּי֙ בְּקִרְבִּ֔י כִּ֥י מָר֖וֹ מָרִ֑יתִי מִח֥וּץ שִׁכְּלָה־חֶ֖רֶב בַּבַּ֥יִת כַּמָּֽוֶת׃
21
שָׁמְע֞וּ כִּ֧י נֶאֱנָחָ֣ה אָ֗נִי אֵ֤ין מְנַחֵם֙ לִ֔י כָּל־אֹ֨יְבַ֜י שָׁמְע֤וּ רָֽעָתִי֙ שָׂ֔שׂוּ כִּ֥י אַתָּ֖ה עָשִׂ֑יתָ הֵבֵ֥אתָ יוֹם־קָרָ֖אתָ וְיִֽהְי֥וּ כָמֽוֹנִי׃
22
תָּבֹ֨א כָל־רָעָתָ֤ם לְפָנֶ֨יךָ֙ וְעוֹלֵ֣ל לָ֔מוֹ כַּאֲשֶׁ֥ר עוֹלַ֛לְתָּ לִ֖י עַ֣ל כָּל־פְּשָׁעָ֑י כִּֽי־רַבּ֥וֹת אַנְחֹתַ֖י וְלִבִּ֥י דַוָּֽי׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
181 distinct words (the 181 most frequent) — each links to every other place it occurs.
כֹּלthe whole16כִּיthat14הָיָהfall out11עַלabove9רָאָהsee8לֹאnot7יהוהJehovah7צַרadversary6אַ֫יִןnothing5נָחַםbe sorry5אָיַבbe hostile to5בּוֹאcome in5יוֹםday5יָדhand5שׁוּבturn back5עַםpeople4הוּאhe4אָנַחsigh4אֲשֶׁרwho4רַבmuch3גּוֹיnation3בָּכָהweep3עֳנִיaffliction3צִיּוֹןZion3בְּתוּלָהvirgin3יָגָהsuffer3פֶּ֫שַׁעtransgression3פָּנֶהface3יְרוּשָׁלִַ֫͏םJerusalem3פָּרַשׂspread out3נָתַןgive3נֶ֫פֶשׁsoul3מַכְאוֹבpain3עָלַלact severely3אֲדֹנָיlord3קָרָאcall3מָרָהbe contentious3שָׁמַעhear3יָשַׁבsit2עִירcity2אָהֵבlove2יְהוּדָהJudah2רֹבmultitude2מָצָאattain to2רָדַףpursue2בֵּיןinterval2דֶּ֫רֶךְway2מוֹעֵדappointed time2שָׁמֵםbe desolated2כֹּהֵןpriest2הָלַךְgo2שְׁבִיcaptivity2בַּתdaughter2כֹּחַstrength2זָכַרremember2אָחוֹרthe hinder side2יָרַדcome down2אֵתmark of the accusative2מַחְמָדdesire2צָוָהlay charge2בָּקַשׁseek2אֹ֫כֶלfood2נָבַטlook2קֶ֫רֶבinward part2בָּחוּרyoung man2אֲנִיI2עַ֫יִןeye2לֵבinner man2רָעָהevil2אֵיכָהhow?בָּדָדisolationאַלְמָנָהwidowשָׂרָהprincessמְדִינָהprovinceמַסbody of forced labourersלַ֫יְלָהnightדִּמְעָהtearsלְחִיjawרֵעַfriendבָּגַדact treacherouslyגָּלָהuncoverעֲבֹדָהlabourמָנוֹחַresting-placeנָשַׂגreachמֵצַרstraitsאָבֵלmourningבְּלִיwearing outשַׁ֫עַרgateמַרbitterרֹאשׁheadשָׁלָהbe quietעוֹלֵלchildיָצָאgo outהָדָרornamentשַׂרchieftainאַיָּלhartמִרְעֶהpasturageיָלַךְgoמָרוֹדrestlessnessמַחְמֹדdesirableקֶ֫דֶםfrontנָפַלfallעָזַרhelpשָׂחַקlaughמִשְׁבָּתcessationחֵטְאsinחָטָאmissכֵּןsoנִידָהremovalכָּבֵדbe heavyזוּלlavishעֶרְוָהnakednessגַּםalsoטֻמְאָהuncleannessשׁוּלskirtאַחֲרִיתafter-partפֶּ֫לֶאwonderגָּדַלgrow upמִקְדָּשׁsacred placeקָהָלassemblyלֶ֫חֶםbreadזָלַלbe lightאֶלmotion toעָבַרpass overאִםifיֵשׁbeingחָרוֹןangerאַףnostrilמָרוֹםheightשָׁלַחsendאֵשׁfireעֶ֫צֶםboneרָדָהhave dominionרֶ֫שֶׁתnetרֶ֫גֶלfootשָׁמֵםdevastatedדָּוֶהfaintשָׂקַדbind onעֹלyokeשָׂרַגbe intertwinedעָלָהgo upצַוָּארneckכָּשַׁלstumbleיָכֹלbe ableקוּםariseסָלָהmake light ofאַבִּירmightyשָׁבַרbreakגַּתwine-pressדָּרַךְtreadאֵ֫לֶּהtheseמַיwatersרָחַקbe farמִן־out ofבֵּןsonגָּבַרbe strongיַעֲקֹבJacobסָבִיבcircuitנִדָּהimpurityצַדִּיקjustפֶּהmouthנָאIהֵ֫מָּהtheyרָמָהbeguileזָקֵןoldגָּוַעexpireמֵעֶהinternal organsחָמַרfermentהָפַךְturnחוּץthe outsideשָׁכֹלbe bereavedחֶ֫רֶבswordבַּ֫יִתhouseמָ֫וֶתdeathשׂוּשׂexultאַתָּ֫הthouעָשָׂהdoכְּמוֹlikeכַּאֲשֶׁרaccording asאֲנָחָהsighingדַּוָּיfaint