Job 21 in Hebrew – The Ancient Bible

Ancient Bible › Old Testament › Job › 21

Job 21 in the Hebrew of the Westminster Leningrad Codex. Job is part of the poetic and wisdom literature.

Hebrew · Poetry & Wisdom

Job 21

Westminster Leningrad Codex · every word parsed

1
וַיַּ֥עַן אִיּ֗וֹב וַיֹּאמַֽר׃ 
2
שִׁמְע֣וּ שָׁ֭מוֹעַ מִלָּתִ֑י וּתְהִי־זֹ֝֗את תַּנְח֥וּמֹֽתֵיכֶֽם׃ 
3
שָׂ֭אוּנִי וְאָנֹכִ֣י אֲדַבֵּ֑ר וְאַחַ֖ר דַּבְּרִ֣י תַלְעִֽיג׃ 
4
הֶ֭אָנֹכִי לְאָדָ֣ם שִׂיחִ֑י וְאִם־מַ֝דּ֗וּעַ לֹא־תִקְצַ֥ר רוּחִֽי׃ 
5
פְּנוּ־אֵלַ֥י וְהָשַׁ֑מּוּ וְשִׂ֖ימוּ יָ֣ד עַל־פֶּֽה׃ 
6
וְאִם־זָכַ֥רְתִּי וְנִבְהָ֑לְתִּי וְאָחַ֥ז בְּ֝שָׂרִ֗י פַּלָּצֽוּת׃ 
7
מַדּ֣וּעַ רְשָׁעִ֣ים יִחְי֑וּ עָ֝תְק֗וּ גַּם־גָּ֥בְרוּ חָֽיִל׃ 
8
זַרְעָ֤ם נָכ֣וֹן לִפְנֵיהֶ֣ם עִמָּ֑ם וְ֝צֶאֱצָאֵיהֶ֗ם לְעֵינֵיהֶֽם׃ 
9
בָּתֵּיהֶ֣ם שָׁל֣וֹם מִפָּ֑חַד וְלֹ֤א שֵׁ֖בֶט אֱל֣וֹהַּ עֲלֵיהֶֽם׃ 
10
שׁוֹר֣וֹ עִ֭בַּר וְלֹ֣א יַגְעִ֑ל תְּפַלֵּ֥ט פָּ֝רָת֗וֹ וְלֹ֣א תְשַׁכֵּֽל׃ 
11
יְשַׁלְּח֣וּ כַ֭צֹּאן עֲוִילֵיהֶ֑ם וְ֝יַלְדֵיהֶ֗ם יְרַקֵּדֽוּן׃ 
12
יִ֭שְׂאוּ כְּתֹ֣ף וְכִנּ֑וֹר וְ֝יִשְׂמְח֗וּ לְק֣וֹל עוּגָֽב׃ 
13
יְכַלּ֣וּ בַטּ֣וֹב יְמֵיהֶ֑ם וּ֝בְרֶ֗גַע שְׁא֣וֹל יֵחָֽתּוּ׃ 
14
וַיֹּאמְר֣וּ לָ֭אֵל ס֣וּר מִמֶּ֑נּוּ וְדַ֥עַת דְּ֝רָכֶ֗יךָ לֹ֣א חָפָֽצְנוּ׃ 
15
מַה־שַׁדַּ֥י כִּֽי־נַֽעַבְדֶ֑נּוּ וּמַה־נּ֝וֹעִ֗יל כִּ֣י נִפְגַּע־בּֽוֹ׃ 
16
הֵ֤ן לֹ֣א בְיָדָ֣ם טוּבָ֑ם עֲצַ֥ת רְ֝שָׁעִ֗ים רָ֣חֲקָה מֶֽנִּי׃ 
17
כַּמָּ֤ה ׀ נֵר־רְשָׁ֘עִ֤ים יִדְעָ֗ךְ וְיָבֹ֣א עָלֵ֣ימוֹ אֵידָ֑ם חֲ֝בָלִ֗ים יְחַלֵּ֥ק בְּאַפּֽוֹ׃ 
18
יִהְי֗וּ כְּתֶ֥בֶן לִפְנֵי־ר֑וּחַ וּ֝כְמֹ֗ץ גְּנָבַ֥תּוּ סוּפָֽה׃ 
19
אֱל֗וֹהַּ יִצְפֹּן־לְבָנָ֥יו אוֹנ֑וֹ יְשַׁלֵּ֖ם אֵלָ֣יו וְיֵדָֽע׃ 
20
יִרְא֣וּ עֵינָ֣יו כִּיד֑וֹ וּמֵחֲמַ֖ת שַׁדַּ֣י יִשְׁתֶּֽה׃ 
21
כִּ֤י מַה־חֶפְצ֣וֹ בְּבֵית֣וֹ אַחֲרָ֑יו וּמִסְפַּ֖ר חֳדָשָׁ֣יו חֻצָּֽצוּ׃ 
22
הַלְאֵ֥ל יְלַמֶּד־דָּ֑עַת וְ֝ה֗וּא רָמִ֥ים יִשְׁפּֽוֹט׃ 
23
זֶ֗ה יָ֭מוּת בְּעֶ֣צֶם תֻּמּ֑וֹ כֻּ֝לּ֗וֹ שַׁלְאֲנַ֥ן וְשָׁלֵֽיו׃ 
24
עֲ֭טִינָיו מָלְא֣וּ חָלָ֑ב וּמֹ֖חַ עַצְמוֹתָ֣יו יְשֻׁקֶּֽה׃ 
25
וְזֶ֗ה יָ֭מוּת בְּנֶ֣פֶשׁ מָרָ֑ה וְלֹֽא־אָ֝כַ֗ל בַּטּוֹבָֽה׃ 
26
יַ֭חַד עַל־עָפָ֣ר יִשְׁכָּ֑בוּ וְ֝רִמָּ֗ה תְּכַסֶּ֥ה עֲלֵיהֶֽם׃ 
27
הֵ֣ן יָ֭דַעְתִּי מַחְשְׁבֽוֹתֵיכֶ֑ם וּ֝מְזִמּ֗וֹת עָלַ֥י תַּחְמֹֽסוּ׃ 
28
כִּ֤י תֹֽאמְר֗וּ אַיֵּ֥ה בֵית־נָדִ֑יב וְ֝אַיֵּ֗ה אֹ֤הֶל ׀ מִשְׁכְּנ֬וֹת רְשָׁעִֽים׃ 
29
הֲלֹ֣א שְׁ֭אֶלְתֶּם ע֣וֹבְרֵי דָ֑רֶךְ וְ֝אֹתֹתָ֗ם לֹ֣א תְנַכֵּֽרוּ׃ 
30
כִּ֤י לְי֣וֹם אֵ֭יד יֵחָ֣שֶׂךְ רָ֑ע לְי֖וֹם עֲבָר֣וֹת יוּבָֽלוּ׃ 
31
מִֽי־יַגִּ֣יד עַל־פָּנָ֣יו דַּרְכּ֑וֹ וְהֽוּא־עָ֝שָׂ֗ה מִ֣י יְשַׁלֶּם־לֽוֹ׃ 
32
וְ֭הוּא לִקְבָר֣וֹת יוּבָ֑ל וְֽעַל־גָּדִ֥ישׁ יִשְׁקֽוֹד׃ 
33
מָֽתְקוּ־ל֗וֹ רִגְבֵ֫י נָ֥חַל וְ֭אַחֲרָיו כָּל־אָדָ֣ם יִמְשׁ֑וֹךְ וּ֝לְפָנָ֗יו אֵ֣ין מִסְפָּֽר׃ 
34
וְ֭אֵיךְ תְּנַחֲמ֣וּנִי הָ֑בֶל וּ֝תְשֽׁוּבֹתֵיכֶ֗ם נִשְׁאַר־מָֽעַל׃ 

Click or tap any word for its parse and dictionary entry. ← and → move between chapters.

Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).

The words of this chapter

167 distinct words — each links to every other place it occurs.

לֹאnot9 עַלabove8 כִּיthat5 רָשָׁעwicked4 פָּנֶהface4 מָהwhat?4 אָמַרutter3 אַחַרthe hinder3 בַּ֫יִתhouse3 יוֹםday3 דֶּ֫רֶךְway3 הוּאhe3 שָׁמַעhear2 הָיָהfall out2 נָשָׂאlift2 אָֽנֹכִ֫יI2 דָבַרspeak2 אָדָםman2 אִםif2 מַדּוּעַwherefore?2 רוּחַbreath2 אֶלmotion to2 יָדhand2 עַ֫יִןeye2 אֱלֹהַּgod2 עָבַרpass over2 אֵלgod2 מִן־out of2 דַּ֫עַתknowledge2 שַׁדַּיsufficient2 הֵןlo!2 אֵידdistress2 שָׁלֵםbe complete2 יָדַעknow2 מִסְפָּרnumber2 זֶהthis2 מוּתdie2 עֶ֫צֶםbone2 כֹּלthe whole2 אַיֵּהwhere?2 יָבַלconduct2 מִיwho?2 עָנָהanswer אִיּוֹבJob מִלָּהword זֹאתthis תַּנְחוּםconsolation לָעַגmock שִׂיחַcomplaint קָצֵרbe short פָּנָהturn שָׁמֵםbe desolated שׂוּםput פֶּהmouth זָכַרremember בָּהַלtremble אָחַזgrasp בָּשָׂרflesh פַּלָּצוּתshuddering חָיָהlive עָתַקmove גַּםalso גָּבַרbe strong חַ֫יִלstrength זֶ֫רַעsowing כּוּןbe firm עִםwith צֶאֱצָאissue שָׁלוֹםcompleteness פַּ֫חַדdread שֵׁ֫בֶטrod שׁוֹרa head of cattle גָּעַלabhor פָּלַטescape פָּרָהheifer שָׁכֹלbe bereaved שָׁלַחsend צֹאןsmall cattle עֲוִילyoung boy יֶ֫לֶדchild רָקַדskip about תֹּףtimbrel כִּנּוֹרlyre שָׂמַחrejoice קוֹלsound עוּגָבreed-instrument כָּלָהbe complete טוֹבa good thing רֶ֫גַעa moment שְׁאוֹלShᵉ’ōl נָחֵתgo down סוּרturn aside חָפֵץdelight in עָבַדwork יָעַלprofit פָּגַעmeet טוּבgood things עֵצָהcounsel רָחַקbe far נֵרlamp דָּעַךְgo out בּוֹאcome in חֵ֫בֶלpain חָלַקdivide אַףnostril תֶּ֫בֶןstraw מוֹץchaff גָּנַבsteal סוּפָהstorm-wind צָפַןhide בֵּןson אָ֫וֶןtrouble רָאָהsee כִּידhis misfortune חֵמָהheat שָׁתָהdrink חֵ֫פֶץdelight חֹ֫דֶשׁnewness חָצַץdivide לָמַדexercise in רוּםbe high שָׁפַטjudge תֹּםcompleteness שַׁלְאֲנָןtranquil שָׁלֵוquiet עֲטִיןpail מָלֵאbe full חָלָבmilk מֹחַmarrow שָׁקָהcause to drink water נֶ֫פֶשׁsoul מַרbitter אָכַלeat טוֹבָהwelfare יַ֫חַדunitedness עָפָרdry earth שָׁכַבlie down רִמָּהworm כָּסָהcover מַחֲשָׁבָהthought מְזִמָּהpurpose חָמַסtreat violently נָדִיבinclined אֹ֫הֶלtent מִשְׁכָּןdwelling-place שָׁאַלask אוֹתsign נָכַרregard חָשַׂךְwithhold רַעbad עֶבְרָהoverflow נָגַדbe conspicuous עָשָׂהdo קֶ֫בֶרgrave גָּדִישׁtomb שָׁקַדwatch מָתֹקbecome sweet רֶ֫גֶבclod נַ֫חַלtorrent מָשַׁךְdraw אַ֫יִןnothing אֵיךְhow?נָחַםbe sorry הֶ֫בֶלvapour תְּשׁוּבָהreturn שָׁאַרremain מַ֫עַלunfaithful