Ancient Bible › Old Testament › Hosea
Hosea — 14 chapters, every word parsed. The first is below; the rest follow it.
Edition. Westminster Leningrad Codex.
1
דְּבַר־יְהוָ֣ה ׀ אֲשֶׁ֣ר הָיָ֗ה אֶל־הוֹשֵׁ֨עַ֙ בֶּן־בְּאֵרִ֔י בִּימֵ֨י עֻזִּיָּ֥ה יוֹתָ֛ם אָחָ֥ז יְחִזְקִיָּ֖ה מַלְכֵ֣י יְהוּדָ֑ה וּבִימֵ֛י יָרָבְעָ֥ם בֶּן־יוֹאָ֖שׁ מֶ֥לֶךְ יִשְׂרָאֵֽל׃
2
תְּחִלַּ֥ת דִּבֶּר־יְהוָ֖ה בְּהוֹשֵׁ֑עַ וַיֹּ֨אמֶר יְהוָ֜ה אֶל־הוֹשֵׁ֗עַ לֵ֣ךְ קַח־לְךָ֞ אֵ֤שֶׁת זְנוּנִים֙ וְיַלְדֵ֣י זְנוּנִ֔ים כִּֽי־זָנֹ֤ה תִזְנֶה֙ הָאָ֔רֶץ מֵֽאַחֲרֵ֖י יְהוָֽה׃
3
וַיֵּ֨לֶךְ֙ וַיִּקַּ֔ח אֶת־גֹּ֖מֶר בַּת־דִּבְלָ֑יִם וַתַּ֥הַר וַתֵּֽלֶד־ל֖וֹ בֵּֽן׃
4
וַיֹּ֤אמֶר יְהוָה֙ אֵלָ֔יו קְרָ֥א שְׁמ֖וֹ יִזְרְעֶ֑אל כִּי־ע֣וֹד מְעַ֗ט וּפָ֨קַדְתִּ֜י אֶת־דְּמֵ֤י יִזְרְעֶאל֙ עַל־בֵּ֣ית יֵה֔וּא וְהִ֨שְׁבַּתִּ֔י מַמְלְכ֖וּת בֵּ֥ית יִשְׂרָאֵֽל׃
5
וְהָיָ֖ה בַּיּ֣וֹם הַה֑וּא וְשָֽׁבַרְתִּי֙ אֶת־קֶ֣שֶׁת יִשְׂרָאֵ֔ל בְּעֵ֖מֶק יִזְרְעֶֽאל׃
6
וַתַּ֤הַר עוֹד֙ וַתֵּ֣לֶד בַּ֔ת וַיֹּ֣אמֶר ל֔וֹ קְרָ֥א שְׁמָ֖הּ לֹ֣א רֻחָ֑מָה כִּי֩ לֹ֨א אוֹסִ֜יף ע֗וֹד אֲרַחֵם֙ אֶת־בֵּ֣ית יִשְׂרָאֵ֔ל כִּֽי־נָשֹׂ֥א אֶשָּׂ֖א לָהֶֽם׃
7
וְאֶת־בֵּ֤ית יְהוּדָה֙ אֲרַחֵ֔ם וְהֽוֹשַׁעְתִּ֖ים בַּיהוָ֣ה אֱלֹֽהֵיהֶ֑ם וְלֹ֣א אֽוֹשִׁיעֵ֗ם בְּקֶ֤שֶׁת וּבְחֶ֨רֶב֙ וּבְמִלְחָמָ֔ה בְּסוּסִ֖ים וּבְפָרָשִֽׁים׃
8
וַתִּגְמֹ֖ל אֶת־לֹ֣א רֻחָ֑מָה וַתַּ֖הַר וַתֵּ֥לֶד בֵּֽן׃
9
וַיֹּ֕אמֶר קְרָ֥א שְׁמ֖וֹ לֹ֣א עַמִּ֑י כִּ֤י אַתֶּם֙ לֹ֣א עַמִּ֔י וְאָנֹכִ֖י לֹֽא־אֶהְיֶ֥ה לָכֶֽם׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
68 distinct words — each links to every other place it occurs.
יהוהJehovah6אֵתmark of the accusative6כִּיthat5בֵּןson4יִשְׂרָאֵלIsrael4אָמַרutter4בַּ֫יִתhouse4לֹא רֻחָ֫מָהLo-ruhamah4לֹאnot4הָיָהfall out3אֶלmotion to3הוֹשֵׁעַHosea3יוֹםday3הָרָהconceive3יָלַדbear3קָרָאcall3שֵׁםname3יִזְרְעֶאלJezreel3עוֹדa going round3מֶ֫לֶךְking2יְהוּדָהJudah2יָלַךְgo2לָקַחtake2זְנוּנִיםfornication2זָנָהcommit fornication2בַּתdaughter2קֶ֫שֶׁתbow2רָחַםlove2נָשָׂאlift2יָשַׁעdeliver2לֹא עַמִּיLo-ammi2דָּבָרspeechאֲשֶׁרwhoבְּאֵרִיBeeriעֻזִּיָּהוּUzziahיוֹתָםJothamאָחָזAhazחִזְקִיָּהוּHezekiahיָֽרָבְעָםJeroboamיוֹאָשׁJoashתְּחִלָּהbeginningדָבַרspeakאִשָּׁהwomanיֶ֫לֶדchildאֶ֫רֶץearthאַחַרthe hinderגֹּ֫מֶרGomerדִּבְלַ֫יִםDiblaimמְעַטa littleפָּקַדattend toדָּםbloodעַלaboveיֵהוּאJehuשָׁבַתceaseמַמְלָכוּתkingdomהוּאheשָׁבַרbreakעֵ֫מֶקvaleיָסַףaddאֱלֹהִיםgodsחֶ֫רֶבswordמִלְחָמָהbattleסוּסhorseפָּרָשׁhorsemanגָּמַלdeal fullyאַתֶּםyouעַםpeopleאָֽנֹכִ֫יI