Ezekiel 19 in the Hebrew of the Westminster Leningrad Codex. Ezekiel is one of the Major Prophets.
1
וְאַתָּה֙ שָׂ֣א קִינָ֔ה אֶל־נְשִׂיאֵ֖י יִשְׂרָאֵֽל׃
2
וְאָמַרְתָּ֗ מָ֤ה אִמְּךָ֙ לְבִיָּ֔א בֵּ֥ין אֲרָי֖וֹת רָבָ֑צָה בְּת֥וֹךְ כְּפִרִ֖ים רִבְּתָ֥ה גוּרֶֽיהָ׃
3
וַתַּ֛עַל אֶחָ֥ד מִגֻּרֶ֖יהָ כְּפִ֣יר הָיָ֑ה וַיִּלְמַ֥ד לִטְרָף־טֶ֖רֶף אָדָ֥ם אָכָֽל׃
4
וַיִּשְׁמְע֥וּ אֵלָ֛יו גּוֹיִ֖ם בְּשַׁחְתָּ֣ם נִתְפָּ֑שׂ וַיְבִאֻ֥הוּ בַֽחַחִ֖ים אֶל־אֶ֥רֶץ מִצְרָֽיִם׃
5
וַתֵּ֨רֶא֙ כִּ֣י נֽוֹחֲלָ֔ה אָבְדָ֖ה תִּקְוָתָ֑הּ וַתִּקַּ֛ח אֶחָ֥ד מִגֻּרֶ֖יהָ כְּפִ֥יר שָׂמָֽתְהוּ׃
6
וַיִּתְהַלֵּ֥ךְ בְּתוֹךְ־אֲרָי֖וֹת כְּפִ֣יר הָיָ֑ה וַיִּלְמַ֥ד לִטְרָף־טֶ֖רֶף אָדָ֥ם אָכָֽל׃
7
וַיֵּ֨דַע֙ אַלְמְנוֹתָ֔יו וְעָרֵיהֶ֖ם הֶחֱרִ֑יב וַתֵּ֤שַׁם אֶ֨רֶץ֙ וּמְלֹאָ֔הּ מִקּ֖וֹל שַׁאֲגָתֽוֹ׃
8
וַיִּתְּנ֨וּ עָלָ֥יו גּוֹיִ֛ם סָבִ֖יב מִמְּדִינ֑וֹת וַֽיִּפְרְשׂ֥וּ עָלָ֛יו רִשְׁתָּ֖ם בְּשַׁחְתָּ֥ם נִתְפָּֽשׂ׃
9
וַֽיִּתְּנֻ֤הוּ בַסּוּגַר֙ בַּֽחַחִ֔ים וַיְבִאֻ֖הוּ אֶל־מֶ֣לֶךְ בָּבֶ֑ל יְבִאֻ֨הוּ֙ בַּמְּצֹד֔וֹת לְמַ֗עַן לֹא־יִשָּׁמַ֥ע קוֹל֛וֹ ע֖וֹד אֶל־הָרֵ֥י יִשְׂרָאֵֽל׃
10
אִמְּךָ֥ כַגֶּ֛פֶן בְּדָמְךָ֖ עַל־מַ֣יִם שְׁתוּלָ֑ה פֹּֽרִיָּה֙ וַֽעֲנֵפָ֔ה הָיְתָ֖ה מִמַּ֥יִם רַבִּֽים׃
11
וַיִּֽהְיוּ־לָ֞הּ מַטּ֣וֹת עֹ֗ז אֶל־שִׁבְטֵי֙ מֹֽשְׁלִ֔ים וַתִּגְבַּ֥הּ קֽוֹמָת֖וֹ עַל־בֵּ֣ין עֲבֹתִ֑ים וַיֵּרָ֣א בְגָבְה֔וֹ בְּרֹ֖ב דָּלִיֹּתָֽיו׃
12
וַתֻּתַּ֤שׁ בְּחֵמָה֙ לָאָ֣רֶץ הֻשְׁלָ֔כָה וְר֥וּחַ הַקָּדִ֖ים הוֹבִ֣ישׁ פִּרְיָ֑הּ הִתְפָּרְק֧וּ וְיָבֵ֛שׁוּ מַטֵּ֥ה עֻזָּ֖הּ אֵ֥שׁ אֲכָלָֽתְהוּ׃
13
וְעַתָּ֖ה שְׁתוּלָ֣ה בַמִּדְבָּ֑ר בְּאֶ֖רֶץ צִיָּ֥ה וְצָמָֽא׃
14
וַתֵּצֵ֨א אֵ֜שׁ מִמַּטֵּ֤ה בַדֶּ֨יהָ֙ פִּרְיָ֣הּ אָכָ֔לָה וְלֹא־הָ֥יָה בָ֛הּ מַטֵּה־עֹ֖ז שֵׁ֣בֶט לִמְשׁ֑וֹל קִ֥ינָה הִ֖יא וַתְּהִ֥י לְקִינָֽה׃
Click or tap any word for its parse and dictionary entry. ← and → move between chapters.
Text: Westminster Leningrad Codex (public domain). Lemmas and morphology: Open Scriptures Hebrew Bible (CC BY 4.0). Dictionary: Brown-Driver-Briggs. Grammatical descriptions: STEP Bible, Tyndale House Cambridge (CC BY 4.0).
The words of this chapter
96 distinct words — each links to every other place it occurs.
אֶלmotion to6הָיָהfall out6כְּפִירyoung lion4אָכַלeat4אֶ֫רֶץearth4עַלabove4מַטֶּהbranch4קִינָהelegy3גּוּרwhelp3בּוֹאcome in3עֹזstrength3יִשְׂרָאֵלIsrael2אֵםmother2בֵּיןinterval2אֲרִיlion2תָּ֫וֶךְmidst2אֶחָדone2לָמַדexercise in2טָרַףtear2טֶ֫רֶףprey2אָדָםman2שָׁמַעhear2גּוֹיnation2שַׁ֫חַתpit2תָּפַשׂlay hold of2חַחhook2רָאָהsee2קוֹלsound2נָתַןgive2לֹאnot2מַיwaters2שָׁתַלtransplant2שֵׁ֫בֶטrod2מָשַׁלrule2יָבֵשׁbe dry2פְּרִיfruit2אֵשׁfire2אַתָּ֫הthouנָשָׂאliftנָשִׂיאone lifted upאָמַרutterמָהwhat?לְבִיָּאlionessרָבַץstretch oneself outרָבָהbe muchעָלָהgo upמִצְרַ֫יִםEgyptכִּיthatיָחַלwaitאָבַדperishתִּקְוָהhopeלָקַחtakeשׂוּםputהָלַךְgoיָדַעknowאַלְמָנָהwidowעִירcityחָרֵבbe wasteיָשַׁםbe desolateמְלֹאfulnessשְׁאָגָהroaringסָבִיבcircuitמְדִינָהprovinceפָּרַשׂspread outרֶ֫שֶׁתnetסוּגַרcageמֶ֫לֶךְkingבָּבֶ֫לBabelמְצוֹדָהfastnessמַ֫עַןpurposeעוֹדa going roundהַרmountainגֶּ֫פֶןvineדָּםbloodפָּרָהbear fruitעָנֵףfull of branchesרַבmuchגָּבַהּbe highקוֹמָהheightעֲבֹתtwistedגֹּ֫בַהּheightרֹבmultitudeדָּלִיּוֹתbranchנָתַשׁpull upחֵמָהheatשָׁלַךְthrowרוּחַbreathקָדִיםEastפָּרַקtear apartעַתָּ֫הnowמִדְבָּרwildernessצִיָּהdrynessצָמָאthirstיָצָאgo outבַּדseparationהוּאhe